«Ұстаз
болу жүректің батырлығы» атты музыкалық кеш.
Мақсаты: Оқушыларды ұстазды құрметтеуге, сыйлауға үйрету, ұстаз
мамандығыныңқыры мен сырларын түсіндіру. Ұстаз еңбегін әрқашан бағалай білуге
үйрету.
Би: «Қазақ»
биі Жорға би тобының орындауында.
Фанфар: 2 – жүргізуші ортаға шығады.
І
жүргізуші:
Ұлылықтың ұйытқысынан жаралған,
Өнегеңнен барлық шәкірт нәр алған.
Шапағатты шуақ сепкен ұстаздар,
Өздеріңнен бастау алар бар арман.
ІІ жүргізуші: Ұстаздар жақсылықтың жол ашары,
Қолыңда шәкіртіңнің бала шағы.
Өмірді алға қарай өрлететін,
Сендерде Ұлы Отанның болашағы.
І жүргізуші: Ұстаз ... Қандай қасиетті сөз!
Әр адамның
жүрегіне ерекше жылулық
нұрын себетін аяулы тұлға бейнесімен өзектес ұғым. Адам баласының жүрегіндегі
қадір тұтып, құрметтейтін екі ұғым болса, оның бірі – Ұстаз.
ІІ жүргізуші: Дұрыс айтасың
«Ұстаз» деген сөз қазақ баласы үшін қашанда қасиетті, қадірлі болған.
І жүргізуші: Ұрпақ тәрбиесі – ұстазға байланысты.
«Ұяда не көрсең,
ұшқанда соны ілерсің » дегендей өнегелі ұстаздан жақсы шәкірт шығатыны сөзсіз.
ІІ жүргізуші: Олай болса, қадірлі ұстаздар!
Сіздерді төл мерекелеріңізбен шын жүректен құттықтаймыз.
І жүргізуші: Сіздердің шәкірттерді тәрбиелеп, білім беру жолындағы
еңбектеріңіз жана берсін – деп бүгінгі мерекеге арналған
«Ұстаз болу
жүректің батырлығы» атты мерекелік кешімізді ашу үшін сөз
мектеп директоры Умарбекова Гүлсара Жарылқасынқызына беріледі. Рахмет, әпкей!
Ән: Төрткүлбаева
Айдананың орындауындағы «Ұстазға мың тағзым» әнін қабыл алыңыздар.
І
жүргізуші:
Ұстаз! Осы бір сөздің өзінде қаншама мән – мағына, қасиетті ұғым жатыр. Ұстаз
алдынан өтпейтін ешкім жоқ. Жүрексіз өмір болмаса, мұғалімсіз білімнің,
тәрбиенің іске аспайтыны белгілі. Небір данышпан адамдар, қарапайым
еңбеккерлер, тіпті арман қуған жеткіншектер де бәрі бір адамға қарыздар.
ІІ жүргізуші: Иә, ол – ұстаз! Ұстазсыз өмірдің нақты тұтқасын ұстау
мүмкін емес. Адамды тәрбиелеп, оны азамат атандырудың өзі бір үлкен күш,
сондықтан да ұстаздың еңбегі – ұлы еңбек.
Ғылым иесі ғалым да, ел қорғаған батыр да, тілінен бал тамған ақын да,
тегеуріні темір балқытқан жұмысшы да, егін салған диқан да, мал бағып тер
төккен шопан да бәрі – бәрі ұстаздан тәлім алған, сондықтан барлық құрмет
ұстаздарға арналады.
І жүргізуші: Келесі құттықтау сөз кезегін директордың тәрбие ісі
жөніндегі орынбасары Айдосова Клара Ідірісқызына беріледі.
Рахмет, әпкей!
ІІ жүргізуші: 9 «а» сынып қыздарының орындауындағы биді қабыл
алыңыздар.
І жүргізуші: Ұстаз сөзін айтып жүрдік ән қылып,
Одан басқа жүрген кім бар жанды ұғып,
Ұстаз деген – ұлылардың ұлысы,
Қасиетіне бас иейік мәңгілік! – деп келесі мерекелік құттықтау сөзді кәсіподақ
ұйымының төрағасы Төлепов Тағанбай ағайға береміз.
ІІ жүргізуші: Иният Шерханның орындауындағы «Ұстазым» әнін
қабыл алыңыздар.
І жүргізуші: «Мектеп – білім тірегі, ұстаз - оның жүрегі» - деп
ғұлама ағаларымыз айтқандай, менің ойымша кез – келген адам ұстаз бола
алмайды.
ІІ жүргізуші: Олай ойлауыңның себебі неде?
І жүргізуші: Себебі ұстаздық - өнер, тағылымы терең өнер. Ал өнерлі болу
кез – келген адамға қона бермейді.
ІІ жүргізуші: Шын ұстаз болу үшін табиғи дарын, ізгілікті ізденіс пен
ерен еңбекке ұштастырылуы шарт.
«Шәкіртсіз ұстаз тұл» деген сөз тегін айтылмаса керек.
І жүргізуші: Ұстаз деген – жарық күні ғаламның,
Ұстаз деген – анасы ол адамның.
Бүкіл әлем мойындайды еңбегін,
Сен де одан адам болып жаралдың – деп келесі мерекелік құттықтау сөзді тарих
пәнінің мұғалімі Утебалиева Жанат әпкиге береміз.
ІІ жүргізуші: «Кіші Жорға» би тобының орындауындағы «Аралар» биін
қабыл алыңыздар.
І
жүргізуші:
Мұғалім, ғазиз мұғалім,
Төгілген арай, шуағым
Арманым қонса, қолыма,
Арқаң деп сенің ұғамын.
Келесі құттықтау сөз кезегін директордың оқу ісі жөніндегі орынбасары Ержанова
Ажар Абатниязқызына береміз.
Ән : Жексенбай Данилдың орындауындағы «Ана» әнін қабыл
алыңыздар.
І жүргізуші: Ұстаз жолы қиынырақ басқадан,
Сырлары мол әлі сыртқа шашпаған
Шаршаса да осы жолдың бойында,
Қандай жақсы шын бақытын тапса адам
ІІ жүргізуші: Мектеп үйім, ұстаздарым ата – анам,
Сенен өсіп, сенен ғана нәр алам.
Саяң ыстық, сен мәуелі бәйтерек,
Тамырлары сан тарапқа тараған.
І жүргізуші: Бүгінгі күн құшақтары гүлге толсын,
Дендеріңнің саулығы мықты болсын.
Білімімен суарған шәкірттерін,
Төл мерекең ұстаздар құтты болсын !
ІІ жүргізуші: Құрметті ұстаздар!
Бүгінгі Ұстаздар мерекесіне арналған «Ұстаз болу
жүректің батырлығы» атты мерекелік кешімізді жабық деп
жариялаймыз.
І жүргізуші: Көңіл қойып тыңдағандарыңызға көп – көп рахмет!
Оставьте свой комментарий
Авторизуйтесь, чтобы задавать вопросы.