Ұстазым-ұлағатым (ұстаздар күніне сценарий)

« ҰСТАЗДАР - ҰЛАҒАТЫМ »

Ұстаздар күніне арналған концерттік бағдарламаның сценарийі

Күні: 05.10.2016                                                              Жүргізушілер: Едіге С.Е.

                                                                                                                       Жарасқан Ғ.-8сынып оқушысы

 (Фанфар. Жүргізушілер ортада)
1-жүргізуші:                        Ұлылықтың ұйытқысынан жаралған,
                                               Өнегеңнен барлық шәкірт нәр алған.
                                               Шапағатты шуақ сепкен ұстаздар,
                                               Өздеріңнен бастау алар бар арман.

2-жүргізуші:                        Ұстаздар жақсылықтың жол ашары,
                                               Қолыңда шәкіртіңнің бала шағы.
                                               Өмірді алға қарай өрлететін,
                                               Сендерде Ұлы Отанның болашағы –

1-жүргізуші:      Ұстаз ... Қандай қасиетті сөз! Әр адамның жүрегіне ерекше жылулық
нұрын себетін аяулы тұлға бейнесімен өзектес ұғым. Адам баласының жүрегіндегі қадір тұтып, құрметтейтін екі ұғым болса, оның бірі – Ұстаз.

2- жүргізуші:     Иә, Ғалымбек. Ұрпақ тәрбиесі – ұстазға байланысты. «Ұяда не көрсең, ұшқанда соны ілерсің» дегендей өнегелі ұстаздан жақсы шәкірт шығатыны сөзсіз.

1-жүргізуші:    Ұстаз – ұлағатты есім. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде еңбегі зор.

2-жүргізуші:    Шәкірттерге білім беруде ұстаздардың еңбегі ұшан теңіз. Сондықтан да ұстаз әрдайым қасиетті тұлға ретінде ерекшеленеді.

1-жүргізуші: Олай болса, қадірлі ұстаздар! Сіздерді төл мерекелеріңізбен шын жүректен құттықтаймыз.

2-жүргізуші: Сіздердің шәкірттерді тәрбиелеп, білім беру жолындағы еңбектеріңіз жана берсін. Еңбектеріңізге табыс, отбасыларыңызға бақыт, мерейлеріңіз үстем бола берсін демекпіз.

1-жүргізуші: Сіздердің құрметтеріңізге арналған «Ұстазым ұлағатым» атты мерекелік кешімізді ашық деп жариялаймыз!

2-жүргізуші: Олай болса бүгінгі мерекелік жиынымызды ашу үшін сөз кезегін мектеп директорының міндетін уақытша атқарушы Кәмшат Аманжолқызына береміз.

Ән:    «АРДАҚТЫ ҰСТАЗ».    Орындайтын: Қуантаева Назгүл,  Оразаева Ақнұр

1-жүргізуші: Ұстаз деген – жарық күні ғаламның,

Ұстаз деген – анасы ол адамның.

Бүкіл әлем мойындайды еңбегін,

Сен де одан адам болып жаралдың.

Келесі мерекелік құттықтау сөзді зейнеткер ұстазымыз _______________________береміз!

2-жүргізуші: Келесі тыңдайтын әндеріңіз «ҰСТАЗЫМ».Орындайтын:6-сынып оқушылары

1-жүргізуші: Ұстаз! Осы бір сөздің өзінде қаншама мән-мағына, қасиетті ұғым жатыр. Ұстаз алдынан өтпейтін ешкім жоқ. Жүрексіз өмір болмаса, мұғалімсіз білімнің, тәрбиенің іске аспайтыны белгілі. Небір данышпан адамдар, қарапайым еңбеккерлер, тіпті арман қуған жеткіншектер де бәрі бір адамға қарыздар.

2-жүргізуші: Иә, ол – Ұстаз! Ұстазсыз өмірдің нақты тұтқасын ұстау мүмкін емес. Адамды тәрбиелеп, оны азамат атандырудың өзі бір үлкен күш, сондықтан да ұстаздың еңбегі – ұлы еңбек. (пауза)

2-жүргізуші: Ғылым иесі ғалым да, ел қорғаған батыр да, тілінен бал тамған ақын да, тегеуріні темір балқытқан жұмысшы да, егін салған диқан да, мал бағып тер төккен шопан да бәрі-бәрі ұстаздан тәлім алған, сондықтан барлық құрмет ұстаздарға арналады.

1-жүргізуші: Сағыныш сазы толқытқан,
Арнамақ сөздің мәйегін.
Шәкірттерің оқытқан,

Келіп тұр жолдап сәлемін.

5-6 сынып оқушыларын қошеметпен қарсы алыңыздар!

(5-6сынып оқушылары КӨРКЕМ СӨЗ)

2-жүргізуші: «Мектеп – білім тірегі, ұстаз – оның жүрегі» – деп ғұлама ағаларымыз айтқандай, Ғалымбек, менің ойымша, кез-келген адам ұстаз бола алмайды.

1-жүргізуші: Олай ойлауыңыздың себебі неде?

2-жүргізуші: Себебі ұстаздық – өнер, тағылымы терең өнер. Ал өнерлі болу кез-келген адамға қона бермейді.

1-жүргізуші: Олай болса, шын ұстаз болу үшін табиғи дарын, ізгілікті ізденіс пен ерен еңбекке ұштастырылуы шарт дейсіз ғой?!

2-жүргізуші: Білімнің айдынында жүзіп өткен,

Ұстаз сенсің білімнің нәрін сепкен.

Сен арқылы бастау алып, дана, ғылым,

Сен арқылы әлемді танып білген.

1-жүргізуші: Құлпырған еліміздің ұл – қызымыз,

Әзірге үлпілдеген құндызымыз.

Арасын жер мен көктің бағындырар,

Ертеңгі жарқыраған жұлдызымыз

Сіздердің құрметтеріңізге 8-9 сыныптың оқушыларының орындауындағы «АЛҒАШҚЫ ҰСТАЗЫМ» әнін қабыл алыңыздар!

2-жүргізуші: Мұғалім, ғазиз мұғалім,

Төгілген арай, шуағым

Арманым қонса, қолыма,

Арқаң деп сенің ұғамын.

1-жүргізуші: Мұғалім, ғазиз мұғалім,

Сарқылмас мәңгі бұлағым.

Ұланың бүгін тойыңда,

Арнайды саған бұл әнін.

9-сынып оқушылары Кеңесова Аяжан мен Қуантаева Қызғалдақтың орындауында  «ҰСТАЗЫМ» әні

2-жүргізуші:  Ғалымбек, «Ұстаздық ету – уақыт ұту емес, өзгенің бақытын аялау, өзінің уақытын аямау» – деген екен ғұлама ағаларымыз.

1-жүргізуші: Дұрыс айтасыз, апай. Алтын уақыттарын сарп қылып, ұстаздық еңбегін шыңдау барысында көмегін аямай, балаларды білім нәрімен сусындатқан аяулы ұстаздарымыздың еңбегі зор.

2-жүргізуші: Білімнің кәусар бұлағын,

Жүресің құйып санама.

Біз үшін сенсің мұғалім,

Ұстаз да, ғалым, дана да.

1-жүргізуші: Анадай құс ұйқымен көз ілдірер,

Арманын аласартпас, сезімділер.

Бағбандай мәуелі бақ мәпелеген,

Бала үшін бар азапқа төзімділер.

5-сынып оқушыларының орындауында «ҰСТАЗЫМ» әнін қабыл алыңыздар.

1-жүргізуші: Мектеп үйім, ұстаздарым ата-анам,

Сенен өсіп, сенен ғана нәр алам.

Саяң ыстық, сен мәуелі бәйтерек,

Тамырлары сан тарапқа тараған.

1-жүргізуші: Шәкірттің жүрегіне дем бересің,

Екінші анам болып сен келесің.

Мейірім-шуағыңды күндей шашып,

Барлығына шәкірттің дән себесің.

2-жүргізуші: Ұстаздар қартаймасын, қажымасын,

Әрқашан өмір жасы ұзақ болсын.

Немере, шөберенің бетін сүйіп,

Тәңірім бақтан бізді айырмасын.

1-жүргізуші: Жақсылық атаулыға жаршы жандар,

Жамандық атаулыға қарсы жандар.

Баланы сусындатып өсіруге,

Білімнің бұлақ көзін аршығандар.

2-жүргізуші: Осымен ұлағатты ұстаздарға арнаған кешімізді жабық деп жариялаймыз! Көңіл қойып тыңдағандарыңызға көп-көп рахмет!