«Ұстазым,ұлағатым,үлгі-өнегем!» ( 8 сынып)

Тақырыбы.Ұлылықтың басында ұстаз тұрады.

Сабақтың   мақсаты:

а)Оқушыларға ұстаз—екінші ана екендігін түсіндіру.Мере-келерімен құттықтау.

ә)Танымдық қабілетін арттыру.Мұғаліммен оқушы арасындағы байланысты  нығайту.

б)Айналасына білім,тәрбие ұрығын шашып,адамгершілік нұрын төгетін ұлы тұлға ұстазға құрмет көрсету,лебіз білдіру,адамгершілік қасиеттерге тәр-биелеу.

Сабақтың түрі:Әдеби-музыкалық бағдарлама.

Әдіс-тәсілі:Өлеңдер оқу,ән шырқау.

Көрнекілігі:Ұстаздар туралы жазылған нақыл сөздер,өлеңдер,гүл шоғырлары,  

    шарлар.

Сабақ барысы:1.Ұйымдастыру кезеңі. 2.ҚРмемлекеттік Әнұраны.

   Балалардың бағы болып басты әні,

   Ұстаз елді болашаққа бастады.

   Нұрын шашып ұстаздықтың дастаны,

   Ашық болсын туған елдің аспаны.

  Аспандағы жұлдыздардай жанды үміт,

  Арайлап ата берсін таң күліп.

  Жақсы ойлары жүректерді жаңғыртып,

                           Ұстаз ісі жасай берсін мәңгілік.

   Мұғалімнің құттықтау сөзі:Сәлеметсіздер ме,құрметті  ұлағатты  ұстаздар!

Сіздерді  дәстүрлі ұстаздар  мерекесімен шын  жүректен құттықтаймыз.Баршаңыз-дың  отбасыңызға амандық ,бақ-береке ,еңбектеріңізге шығармашылық  табыстар

тілейміз.

    Ұстаз!Осы  бір  сөздің  өзінде  қаншама  мән-мағына ,қасиетті  ұғым жатыр.Ұстаз  алдынан өтпейтін  ешкім  жоқ. «Жақсы  мұғалім—мектептің  жүрегі»-- деген  Ы.Алтынсарин  атамыз.Жүрексіз  өмір  болмаса ,мұғалімсіз білімнің,тәрбиенің іске аспайтыны белгілі.Небір данышпан адамдар,қарапайым еңбеккерлер,тіпті

арман қуған жеткіншектер де бәрі бір адамға қарыздар.Ол-ұстаз!Ұстазсыз өмірдіңнақты тұтқасын ұстау мүмкін емес.Адамды тәрбиелеп,оны азамат етудің өзі бір үлкен күш,сондықтанда ұстаздың еңбегі -- ұлы еңбек.Сонымен «Ұстаз--ұлы тұлға»! атты тәрбие сағатымызды ашық деп кезекті оқушыларға беремін.   

                           Мұғалім деген-ерекше тұлға дара шың,

                           Ұмытылмастай өмірде мәңгі қалатын.

      Мұғалім деген –аяулы адам асыл жан,

      Шәкірт көңіліне күй болып жайнап жанатын.

   Хормен барлығы:

Құрметіне ұстаздың тік тұрайық.

 Алаңдап басқаға біз бас бұрмайық.

                    Аяулы  ұстаздардың  бұл  мерекесін 

Барлығымыз  қуанып  қарсы  алайық!

                 Асель

   Жадыраған жаздай жылы жаны бар,

   Жақсылықтың шырағы болып шағылар.

   Қадірлі ұстаз гүлмен бірге жолдаған,

   Шәкірттеріңнің жүрек сөзін қабыл ал.

                                     Абылайхан

  Армысыздар,мұғалімдер –әз жандар,

  Білім іздеп инемен құдық қазғандар.

  Құшақ жая қарсы аламыз сіздерді

  Би-билеп,әнде бүгін шырқалар.

Алтын

Ізгілікті өн бойына жинаған ,

   Шәкірттерге жан жылуын сыйлаған.

   Қалап берген ірге тасын білімнің,

   Хош келіпсіздер-дүниеге сыйлы ұстаздар!

              Нұржан

   Әр жүйенің еңбекте   тірегісің,

   Тәрбиенің мектепте жүрегісің.

   Жасыл баққа сән берген бағбандай-ақ

   Жас ұрпаққа үлгі боп жүрер ісің.

              Аида

  Ғылым иесі ғалым да,ел қорғаған батыр да,тілінен бал тамған ақын да, мал бағып терін төккен шопан да,ғарышкерде бәрі-бәрі ұстаздан тәлім- тәрбие алған,сондықтан барлық құрмет ұстаздарға арналады.

Ән:Хор. «Мұғалім ол біздің»

            Аина 

 Әдетте оқушының бойына білім-білік дағдыларын дарытып,зердесіне ғылым негіздерін тоқитын,алған білімдерін өмірде қолдана білуге үйрететін—ұстаз.

Асхат                                                                      

 Анадай бесік тербеткен 

    Түн қатып,сансыз дәптерге ғана түнейсің.

    Суарып білім шәрбетпен

    Дүниеден бізге жақсылық қана тілейсің.

                    Амирбай

    Үйретіп  өмір  ұстазым

    Үлгілі  іске нұсқадың

    Ақкөңіл ,іскер қашан да,

    Ақылшым –менің ұстазым!

                    Нұрайым

    Білдіріп  шәкірттердің  ақ  ниетін

    Ұстаздық  алып  жүрген  атын  еркін

    Біз  сізге  алуан  гүл ғып  ұсынамыз

    Жүректің  алғысы  мен  рахметін.

              (Өздерінің  гүлдерін ұстаздарға  беріп, құттықтайды) 

                                        Асылбек

                          Шәкірттерін  азамат  қып  саналы,

                          Ұстаз  ана –дана  бола  алады,

                          Ең  бастысы  ұстаз  мына  өмірде

                          Ұлағат боп,ұлылық  боп  қалады.

Мұғалім:Ендеше  ұстаз  сөзінің  формуласы  қандай?(сол  сәтте  бес  оқушы  шығып ұстаз  сөзінің   формуласын  көрсетіп  айтады)

Ұ – ұлағатты

  С – салмақты

 Т – тапқыр

 А – ардақты

 З – замандастай  зиялы

      Ән: «Ұстазым» (хор)

                                    Улдана

                      Ұстаз  болу –жүректің  батырлығы

                      Ұстаз  болу –сезімнің  ақындығы

                      Ұстаз  болу  мінездің  күн  шуағы

                     Азбайтұғын  адамның  алтындығы

                                   Улболсын

                     Ұстаз  мейірі  мен  ана  мейірімі  егіз

                     Ұстазы  бейілді  болса, 

                      Шәкірті  зейінді  келеді

Өмірдің  діңгегі—ұлы ұстаз.

                             Жания

                    Мұғалім! Бұл адамның  ардақты  аты ,

                    Білімдік бар биікке  шығар  саты

                    Ең  алғаш  басталады осы  адамнан,

                    Сүйеді  сондықтан да  жақын  жатты

Жумаказы

                    Жайраңдап көктемім

                Күледі көкте күн

 Құшағын жайып

  Аяулы мектебім

Санама нұр құйған

 Ұстазым көп менің.

Асем

Сөз сөйлесе,жарқын-ақ

Күніміздей жарқылдап

Қызық өтіп сабағы

Өсіреді ой- сананы ,

Біздермен ойнап күледі,

Сырымызды біледі

Қасымызда қашанда

Қамқор болып жүреді.

          Макпал

Кемшілікті кезінде

Кесіп айтар өзіңе

Өнеге мол өзіңе

Өсиет көп өзінде

Көзімнің хошын-ай

Көп шәкірттің досындай

Ақ ниетті, кеңпейіл

Ұстаздарым осындай.

          Асель

Қоңырау дауысы сыңғырлап құлаққа,

Естіледі,тынбады созылды ұзаққа.

Жүректі тербеді,сезімді серпілтіп

Мектепке ұмтылдым,жүрсем де жырақта.

         Нұржан

Мынау менің сезгенім

Ол—сыныптың анасы

Өзінің де,өзгенің

Баласы—оның баласы

      Алтын                                                                                                                                                                                                                                                                                                          

Күнде бестік алсаң сен

Онда басқа жоқ арман

Ал, оқымай барсаң сен

Бір тал шашы ағарған.

     Амирбай

Әліппені қолға алып

Әріпті алғаш таныдық

Талай тоқсан толғанып

Сырын ұқтық қанығып

         Жания

Ардақты менің ұстазым

Әліппені оқытқан

Білімнің кілтін ашатын

Кеудеме сырды тоқытқан.

Мақтан!Мақтан!Мұғалім армиясы!--

деп,Мұзафар Әлімбаев атамыз өлең шумақтары арқылы өзінің ұстазына деген сезімін осылай білдірген екен.

       Мұғалім:Келесі кезекті ұстаз ұлылығы жайлы айтылған ұлағатты сөздерге береміз.

        Асель

Ұстаздық—ұлы  құрмет, себебі ұрпақтарды ұстаз тәрбиелейді.Болашақтың басшысын да,данасын да,ғалымын да,еңбекқор егіншісін де ұстаз өсіреді.

                           Абылайхан

Мұғалім—оқушы  үшін ең жоғарғы адамгершіліктің үлгісі.Сондықтан да,ол оқушы жүрегінде ұмытылмас із қалдырады.

                           Улдана

Мұғалім—өзінің  білімділігімен,жүріс-тұрысымен,жайдары мінезімен,тіпті сырт- пішіні, киген киімімен оқушысына жақсы әсер етеді.

                            Дулат

Мұғалім—өзінің  бойындағы,барлық жігерін,білімін,бойындағы барлық бағалы қасиетін өзінің оқушыларына,халқына беріп отырады.

Осымен ұстаздарға арналған мерекелік кешімізді аяқтаймыз.Көңіл қойып тыңдағандарыңыз  үшін көп  рахмет.

Жамбыл орта мектебі

Тақырыбы:

«Ұстазым,ұлағатым,үлгі-өнегем!»

Өткізген: Құлке А.Г

                                                                   2014-2015оқу жылы