Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Иностранные языки / Другие методич. материалы / Стихотворения ' İlkyaz havaları','Kış zamanı hem yortuları' , посвящённые природе юга Молдовы и истории гагаузского народа.

Стихотворения ' İlkyaz havaları','Kış zamanı hem yortuları' , посвящённые природе юга Молдовы и истории гагаузского народа.

Идёт приём заявок на самые массовые международные олимпиады проекта "Инфоурок"

Для учителей мы подготовили самые привлекательные условия в русскоязычном интернете:

1. Бесплатные наградные документы с указанием данных образовательной Лицензии и Свидeтельства СМИ;
2. Призовой фонд 1.500.000 рублей для самых активных учителей;
3. До 100 рублей за одного ученика остаётся у учителя (при орг.взносе 150 рублей);
4. Бесплатные путёвки в Турцию (на двоих, всё включено) - розыгрыш среди активных учителей;
5. Бесплатная подписка на месяц на видеоуроки от "Инфоурок" - активным учителям;
6. Благодарность учителю будет выслана на адрес руководителя школы.

Подайте заявку на олимпиаду сейчас - https://infourok.ru/konkurs

  • Иностранные языки

Поделитесь материалом с коллегами:

İlkyaz havası .

İlkyaz lüzgercii eser ,

Güneş sıcak hem yalpak .

Yamaçlar tez eşerer ,

Aulda baarêr olak.


«Dran- dran!» klisedän geler ,

Küüdä büük sevinmelik .

Kırlangaçlar uçuşêr ,

Paskelleya etiştik .


Buulanmış toprak tüter ,

Göklär maavi hem açık.

Çiftçi tohumu eker.

Üüremizdä aydınnık.


Kuşlar dalda seviner ,

Açan erdä usluluk.

İnsan raat kırda işleer,

Evlerdä dä uygunnuk .

Avtor Cristova (Yularji) Alexandra Afanasyevna


İlkyazın.

Tolokalar kurudu , dalda tomruk patladı.

Güneş , geerip kollarını , dünneyi kucakladı.

Kırlar endän ekiler , buna er pek seviner.

Yalabık güneş auçlan bizä sicaanı verer.


Uyandı birdän küülär , uşaklar pek şennener.

Paskelliçin onnarda rubalar enilener.

Kızlara poplin fistan , atlas şirit saçlara.

Cocuklar da seviner yeni aba donnara .


Köşä horusu çaarêr iştän sora gençleri ,

Bırada bakışsınnar , bulsunnar sevgileri.

Başçada çiçek açêr , koku alêr aklını.

Yeni duygular geler , sevindirip canını .

Avtor Cristova (Yularji) Alexandra Afanasyevna





Uyanmak.

Bozardı kırlar , kurudu yollar ,

Eser lüzgercik , uyandı küülär .

İlkyaz sokaanda uşaklar kaçêr ,

Sıcak havaya onnar seviner.


Öter horozlar ,tauk kıt-kıdêr.

Eşil otçazda bızêêcık atlêêr.

Kuvan sevindi ilkyaz sıcaana ,

Hızlıca uçtu gül başçasına.


Bän dä sarıldım herbir fidana ,

Herbir çiycezin baktım dibinä.

Eşil yaprakta kaçêr böcecik ,

Hepsi seviner – sıcaa etiştik.


Eski yuvada baarêr yavrular,

Dannardan geler yeni yamurlar.

Üreklär kaynêêr , ortalık cınnêêr,

Hepsi yaşamaa hem sevmää isteer.

Avtor Cristova (Yularji) Alexandra Afanasyevna


Sevgi topraa.

Kaldı geerdä kış ,biyaz saurgun .

Hava isındı , ortalık uygun.

Çıktı çiftçilär kıra işlemää ,

Lüzgär başladı sıcak üflemää .


Yeri kuruttu , topaçlı yaptı ,

Yeni umudu pek uzaa attı.

Yamêêr yamurlar , çatladı yerlär.

Bucaa kurudêr sıcak lüzgerlär.


Ama hiç adam kesmeer umudu ,

O kuru erä kazmayı urdu.

Yukarı bakıp , hep duva eder .

Kendi topraanı hep okaa sever.

Avtor Cristova (Yularji) Alexandra Afanasyevna





Paskellä eskiycä .

Eski küülerä geldi büük yortular ,

Öterlär çannar sabaadan .

Sıcak yamaçlar eşererlär ottan,

Cınnêr kuş sesi yukardan.


Küçük uşaklar toplanıp bireri ,

Atlêêrlar kuru yolcaazda.

Paskellä sıcaklan girer içeri ,

Geler bizä Büük pazarda.


İnsan düzüner rubaya tutmalık ,

Evdä musafir beklener.

Uşak baalayıp bir satin boşçalık,

Sokakça gudina gezer.


Lelek durêr yuvada direktä,

Orda yavrular kımıldêêr.

Güneş nicä büük kırmızı yımırta,

Göktän insana sırıdêr.

Avtor Cristova (Yularji) Alexandra Afanasyevna


Mart.

İsındı pençerä seti ,

Damnêêr sabaalendän saçak.

Kışın soluu artık bitti ,

İlkyaz geldi bizä yalpak.


Kırda kaarlar birdän çöktü ,

Sular akêrlar, oynarak.

Dereciklär heptän taştı ,

Çayır oldu kara batak.


Hayada kırlangaç geldi ,

Seläm eder ,cıvırdaarak!

Taazä lüzgär umut verdi ,

Ani durgunmêêr yaşamak.

Avtor Cristova (Yularji) Alexandra Afanasyevna





İlkyaz duyguları.

Eşerdi toloka , dolay yamaçlar

Sokakta oynêêrlar küçük uşaklar.

Toplan kaçınêrlar kuru yolcaazda,

Çan gibi öterlär seslär dolayda.


Kiriştä cıvlêêrlar saçak kuşları ,

Uzakta şılêêrlar ilkyaz dannarı.

Üreklär düülerlär yeni duygudan ,

Sevgi gelip endän , çeler fikirdän .


Bu fasıl duygulan var nicä uçmaa ,

İlin kanatlarlan gökü kaplamaa .

Yukardan baktıynan bu gözäl erä ,

Mayıl olmaa herbir maavi dereyä.


Herbir erceezä hem eşil daalara ,

Orda bulunan cannı mallara.

Ko insana her yıl ilkyaz hep gelsin,

Yeni duygularlan hep sevgi versin.

Avtor Cristova (Yularji) Alexandra Afanasyevna


Küçüklüüm.

Dayın ardında mı , çayır içindä mi

Sän nända kaldın , küçüklüüm?

Eski dutlukta mı , o dar sokaamda mı?

Bän çok sıra hep düşündüm .


Açan yaraşardım lüzgärlän , kaçarkan ,

Kendi dostlarımnan kırda.

Uzak hem büülü dannara hep şaşarkan,

Seni unutmuşum orda .


İ , bekim , kendin saklandın istiiptä ?

Oynarkan kızgın kumnukta?

Yada kuşlarlan uçtun , düşünüptä ,

Bramaa beni yalnızlıkta .


Yıllar sarılıp , düz yola çıkarêrlar ,

Saçı diiştirip benezdän ,

Sat küçüktän duygular hep durêrlar,

Benim bu iprak üreemdä .

Avtor Cristova (Yularji) Alexandra Afanasyevna


Paskellä küçüklüümdä.

Dar sokakta toplanmış uşaklar,

Oynêêrlar günnärlän çelik.

Kızgın fırında pişirer analar ,

Paskelliçin çok imeelik.


Tatlı hamurun geler kokusu ,

Saabalendän paska pişti,

Şenniklän geler bu Alla yortusu,

Te klisedä çan dirildi.


Çıkmış ihtärlar, güneştä isınıp ,

Yalpak hem uygun konuşêrlar ,

Gençlär badaşêr , kol-kola tutunup ,

«Rop –rop» kırlarda kaçınêrlar.

Avtor Cristova (Yularji) Alexandra Afanasyevna


Evelki Kolada gecesi .

Eski küülerä çöktü karannık ,

Göklär açıklêêr yıldızlıı.

Avşamstü taman uslandı borancık ,

Ayaz pek sıktı ortalıı .


Uyumêêr insan hem da sünmeer çafklar,

Koladayı hepsi bekleer .

Türküylän küüydä gezinerlär gençlär,

Onnar Allahı meteder.


Girerlär onnar evlerä kutlamaklan ,

Açêrlar her bir kapuyu ,

Kalpaa çıkarıp gercikli feneţlärlän ,

Yapêrlar ilktän duvayı .


Yeni yıl gelsin insana umutlarlan ,

Gözäl bereket getirsin .

Hem çok yaşasın saabilär uşaklarlan ,

İnsan Allaha sevinsin.


Kolada umutlan , Kolada şenniklän ,

Gesersin bizim küülerdän .

Dolu ay göktä seviner metinniklän,

Allah insanın üüreendä . Avtor Cristova (Yularji) Alexandra Afanasyevna

Kış .

Kaba kundaklan sarılı erin üzü ,

Biyaz kaarlar kırda keser gözümüzü .

Küüdä evlär görünmeer kürtündän ,

Hem bacalar kara olêrlar tütündän .


Sardı biyaz masal yeri , koyup kaarı ,

Uyvaştırıp birkaç aya duyguları .

Sabaalendän hava uygun hem sak ,

Kayêrlar kızaklar uşaklan , uçaarak ,


Kaarşı bayır yalabıyêr nicä ayna ,

Zoorca bişey tırmaşacek ona.

Tunuk güneş bakêr göktän , utanaarak ,

Ani verämer insana sıcak .


Taman isteer o sıcanıı vermää ,

Kara bulut onu başlêêr sarmaa .

Günnär kısa ,avşam hızlı geler ,

Te genä poyrazdan lüzgär eser.


Kürtünnerdä kaarı o tozattı ,

Hem saurmaa yavaşçık başladı .

Boran küüyü türküylän uyuttu ,

Sat durgunmaa sabaalän unuttu .

Avtor Cristova (Yularji) Alexandra Afanasyevna


Yeni yıl eskiycä.

Geler yeni yıl , ortalıı şenneder,

Öteer çancaazlar , trakalar seseder.

Umut , ani buyıl bitçik kahırlar.

Hem pek kısmetli olacek uşaklar.


Geler yeni yıl hemdä çam kokusu ,

Bu en gercikli hen şen kış yortusu .

Öter avşamdan dolaylar «Hêy –hêydan» ,

Küüdä sokaklar kaynaşêêr sürüdän .


Kızgın fırında kıırma kızarêr ,

Gözäl kokular evlerdän çekiler.

Bir incecik seslän baarêr yavrucuk ,

Adam sevineer – bulundu kuzucuk!


Baalêêr kuzuya o iplik kırmızı ,

Onu koorusun sat Çoban Yıdızı .

Avtor Cristova (Yularji) Alexandra Afanasyevn

Kış masalı daada.

Biyazıdı ortalık ,

Gün biter hızlı .

Uyukladı sık daalık ,

Kaarlan sarılı .


Fidannardan uzanêr

Fasıl gölgelär .

Ayın şafkından yanêr

Gümüş yıldızlar.


Çamnar atmış sırtına

Biyaz tulumu .

Kavaklar yanêr yalınnan

Nicä bal mumu .


Büülü dayın yalabık ,

Gözäl içersi .

Uslu ortalıı keser

Buhunun sesi.


Nicä masal kış dayı ,

Uyvaşık , uyêr.

Masallıı dünnelerä ,

O bizi çaarêr.

Avtor Cristova (Yularji) Alexandra Afanasyevna



İlk adımnar Bucakta .

Dolu ay göktä , nicä pita ballı ,

Bucaan kırına şafk eder .

Göçmen insannar ,brakıp varlıını ,

Bırda yaşamak çekeder.


Onnar sürücüklän , yapıp stavrozu ,

Gezerlär bu bozkırlarda .

Bulduynan uygun hem kuytu erleri ,

Umutlan kalêrlar orda.


Çok iş dedelär Bucakta çevirerlär ,

Sürerlär çetin ipeklii .

Pınar kazıyerlar, ilkyazın ekerlär ,

Asıp boynuya hebeyi .


Güneş kırları ,çatlayınca, yakardı ,

Lüzgär aktarardı yerä .

Bayır üstündä pek çirkin hep kişnärdi ,

Poyraz lüzgerdä hergelä .


Büzim dedelär dooru hep gidärdi ,

Çoban Yıldızın altından,

Yaban kafası onnarı koruyardı ,

Bucaa gözledip yukaardan . Avtor : Iularjı (Krıstova) Alexandra Afanasyevna

Üüredici Kongazçiin gimnaziyasında

Paskellä vakıdı.

İlkyaz lüzgerinnän yortular geldi,

Üüremizä sevinmäk genä getirdi,

Türlü benezdäêrlar fasıl zümbüllär,

Käär ateş gibi yanêrlar erken laalelär.


Fidannar biyaz bulutlan sardı dolayı,

Yenidän duygu başlêêr hoş Çiçek ayı.

Çiçeklärlän kaarışık Paska kokusu,

Hristiannarın en büük ilkyaz yortusu.


Kuşlar düzmeerlär yuva uygun havada,

Cıvırdêrlar, sevinip, çiçeklı dalda.

Onnar keskin seslän bütün gün öter,

Blaguşteniyçin bizä haber getirer.


Süüt dallardan pazara klisä açacek,

Vereräk umut, saalık, üreenä raatlık.

Büük Paskellä yaklaşêr, ayozlu Pazar,

Sansın taa pek diriler klisedä çannar.


Kaarışêr hayır duygulan fasıl kokular,

Dualar gökä çıkêrlar,türkü oldular.

Yerlän gök bu şen türküylän bireri geldi,

Hererdän işidiler: «Hristos dirildi!»

Avtor Cristova (Yularji) Alexandra Afanasyevna










Самые низкие цены на курсы профессиональной переподготовки и повышения квалификации!

Предлагаем учителям воспользоваться 50% скидкой при обучении по программам профессиональной переподготовки.

После окончания обучения выдаётся диплом о профессиональной переподготовке установленного образца (признаётся при прохождении аттестации по всей России).

Обучение проходит заочно прямо на сайте проекта "Инфоурок".

Начало обучения ближайших групп: 18 января и 25 января. Оплата возможна в беспроцентную рассрочку (20% в начале обучения и 80% в конце обучения)!

Подайте заявку на интересующий Вас курс сейчас: https://infourok.ru/kursy

Краткое описание документа:

Эти стихотворения могут пригодиться на уроках гагаузского языка и литературы и истории, культуры и традиций гагаузского народа. Они написаны на чистом гагаузском языке с использованием разнообразных художественно - изобразительных средств, с учётом  особенностей языка. Тематика стихотворений самая разнообразная, от описания природы, характерной для южных районов Молдовы, до описания календарно -обрядовых праздников гагаузского народа, компактно проживающего на юге Молдовы. В стихотворениях широко используется старинная лексика, названия народных игр и традиционных гуляний на Христианское Рождество. Автор стихов Кристова(Юларжи) Александра Афанасьевна.

Автор
Дата добавления 04.03.2015
Раздел Иностранные языки
Подраздел Другие методич. материалы
Просмотров226
Номер материала 421704
Получить свидетельство о публикации

УЖЕ ЧЕРЕЗ 10 МИНУТ ВЫ МОЖЕТЕ ПОЛУЧИТЬ ДИПЛОМ

от проекта "Инфоурок" с указанием данных образовательной лицензии, что важно при прохождении аттестации.

Если Вы учитель или воспитатель, то можете прямо сейчас получить документ, подтверждающий Ваши профессиональные компетенции. Выдаваемые дипломы и сертификаты помогут Вам наполнить собственное портфолио и успешно пройти аттестацию.

Список всех тестов можно посмотреть тут - https://infourok.ru/tests


Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх