"Сурет бөліктерімен жұмыс істеу" ашық сабақ информатика

Таутүрген  орталау  мектебі

Үлгілі  сабақ

Тақырыбы: «Сурет  бөліктерімен  жұмыс  істеу »

(5  - сынып)

Информатика  пәнінің  мұғалімі: М.М.Елекенова

2015 – 2016 оқу жылы

                                                                                                          «Бекітемін»

                                                                                                 Мектеп  директоры

__________К.К.Карбузов

Сабақтың тақырыбы: Cурет бөліктерімен жұмыс істеу

Сабақтың мақсаты: 

Білімділік:  Paint графикалық редакторының мүмкіндіктерімен таныса отырып, оқушыларға суретті, суреттің бір бөлігін ерекшелеуді және оның көшірмесін алуды, жылжытуды, өлшемін өзгертуді, жазу құралын пайдалануды үйрету.

Дамытушылық: Оқушылардың ойлау  және ой қорыту кабілеттерін, Paint графикалық редакторында сурет салу, өзін-өзі бағалау  дағдысын жетілдіру.

Тәрбиелік: Оқушыларды  ұқыптылыққа, ұйымшылдыққа, шапшаңдыққа, топпен жұмыс жасауға тәрбиелеу.

Сабақтың түрі: аралас  сабақ

Сабақта қолданылатын әдіс – тәсілдер:   түсіндіру, көрнекілік, сұрақ –жауап, тест жұмысы, практикалық  жұмыс, деңгейлік тапсырмалар

Сабақтың көрнекіліктері:  оқулық, компьютер, интериактивті тақта, слайд

Өтетін  күні: 22.01.2016ж

Сынып: 5

Өтетін орны:  биология  кабинеті

Сабақтың тақырыбы: Cурет бөліктерімен жұмыс істеу

Сабақтың мақсаты: 

Білімділік:  Paint графикалық редакторының мүмкіндіктерімен таныса отырып, оқушыларға суретті, суреттің бір бөлігін ерекшелеуді және оның көшірмесін алуды, жылжытуды, өлшемін өзгертуді, жазу құралын пайдалануды үйрету.

Дамытушылық: Оқушылардың ойлау  және ой қорыту кабілеттерін, Paint графикалық редакторында сурет салу, өзін-өзі бағалау  дағдысын жетілдіру.

Тәрбиелік: Оқушыларды  ұқыптылыққа, ұйымшылдыққа, шапшаңдыққа, топпен жұмыс жасауға тәрбиелеу.

Сабақтың түрі: аралас  сабақ

Сабақта қолданылатын әдіс – тәсілдер:   түсіндіру, көрнекілік, сұрақ –жауап, тест жұмысы, практикалық  жұмыс, деңгейлік тапсырмалар

Сабақтың көрнекіліктері:  оқулық, компьютер, интериактивті тақта, слайд

Сабақтың барысы:

І. Ұйымдастыру  кезеңі:

 - Сәлемдесу

 - Түгендеу

 - Сабаққа дайындықтарын  тексеру

ІІ. Үй тапсырмасын  тексеру:

Үйден  орындап  келген  тест тапсырмасын  бір – бірімен ауыстыртып тексерту. Дұрыс жауапты айтып отыру.

ІІІ. Білімдерін жан-жақты тексеру кезеңі:

 - Құрметті  оқушылар!

 - Сендер болашақта кәсіпкер  болғыларың  келе  ме?

 - Қандай кәсіп иесі  болғыларың  келер  еді?

 - Ендеше сендерді  екі  топқа  бөлемін,    өздеріңді   үлкен  зауыттың  басшыларымыз  деп  елестетіңдер.

 - Бүгін біздің сабағымыз  “Ең үздік зауыт -2016” сайысы түрінде өтпек. Ол үшін қазір сендер екі топқа бөлініп, зауыттарыңа ат қоясыңдар.

    Жарыс барысында сендер біздің электрондық поштамызға түскен  сұрақтарға жауап беріп, тапсырыстарды орындайсыңдар.

    Қай зауыт  көбірек тапсырыстарды орындап және сұрақтарға дұрыс жауап берсе, сол зауыт ”Ең үздік зауыт-2016” атағын жеңіп алмақшы.

Олай болса бірінші кезеңімізді бастаймыз. Бұл кезең «Кәсіби кеңес» деп аталады

   Біздің электрондық поштамызға қарапайым адамдардан көптеген сұрақтар түсіп жатады. Мен сұрақтарды үлкен экранға шығарып тұрамын, қай зауыт   кеңес беруге дайын болса, жауап беріп өздеріне ұпай жинайды. Ойлануға 1-2 минут уақыт беріледі. Дайын топ қол көтеріп жауап береді.

Студенттен сұрақ: Құрметті мамандар, мен бүгін емтихан тапсырайын деп отырмын. Маған мына сұрақтың жауабы керек еді: Графикалық   редактор  дегеніміз  не? Жауабы:  графикалық бейнелерді құруға және өзгертуге арналған программа

Оқушыдан сұрақ: Менің атым Аяулым. Мен 5  сыныпта оқимын. Мен сол күні сабақта болмап едім.Түсінбей отырмын. Paint қандай редактор? Жауабы: Paint(ағылшынша сурет, сурет салу) – бұл растрлық (нүктелерден тұратын) бейнелермен жұмыс істеуге арналған графикалық редактор.

Айнұрдың сұрағы: Құрметті мамандар! Сіздер бәрін білесіздер ғой.Мен сайысқа дайындалып отыр едім. Маған мынадай сұрақ берілді? 1 Гбайтта неше Мбайт бар? Жауабы:1 Гбайтта(гигабайтта)-1024 Мбайт бар

Оқушыдан  тағы да сұрақ келіп тұр:  Графикалық  редактор  бізге  не  үшін  қажет?   Жауабы: Сурет салу үшін керек.

Оқушыдан сұрақ: Сәлем достар!Менің атым Ернұр. Мен 5 сыныпта оқимын. Маған көмектесіңдер шұғыл!

Расторлық  бейнелер  неден  тұрады? Пиксель дегеніміз не?  Жауабы: Растрлық бейнелер пиксельдерден тұрады. Пиксель дегеніміз – растрлық бейненің ең кішкентай элементі.

«Ертегілер елінен» сұрақ: Құрметті мамандар! Мен Алдар Көсемін. Мені барлықтарың  білетін шығарсыңдар. Хан алдағанымды біліп, маған мынадай сұрақ беріп тұр, егер жауабын таппасам хан мені жазалайды. Paint 

редакторын  қалай  іске  қосамыз? Жауабы: Баптау –  барлық бағдарламалар- стандартты -   Paint .

ІV. Мақсат қою кезеңі:

-         Бүгінгі  біздің  сабағымыз   «Сурет  бөліктерімен  жұмыс  істеу»  тақырыбында  болмақ.  Бүгін  біз  сендермен  графикалық  редакторда  сурет  бөліктерімен  жұмыс  істеуді  үйренеміз.

V. Жаңа  білімді  меңгерту:

    Суретті өзгерту үшін  алдымен оны тұтастай немесе қажетті бөлігін – фрагментті ерекшелеп алады. Ерекшелеу үшін Ерекшелеу сайманы    қолданылады. Суретті тұтастай ерекшелеу үшін Ctrl+A пернесін немесе Ерекшелеу – Бәрін ерекшелеу бұйрығын орындауға болады.Ерекшелуден бас тарту үшін басқа сайманды таңдасаңдар  жеткілікті.

Ерекшеленген  фрагменттерге қандай амалдар қолдануға болады.?

1.     Мөлшерді өзгерту – тышқанның сілтемесін сегіз ерекшелеу маркерінің біріне апарып тышқанның сол жақ батырмасын басып өзгерту.

2.     Орнын ауыстыру – ерекшеленген фрагментті тышқанның сол жақ батырмасын басып жылжыту.

3.     Көшіру.

1-тәсіл – фрагментті  Ctrl пернесін басып жылжытамыз- жеке көшірмесін аламыз.

2-тәсіл- фрагментті Shift пернесін басып жылжытамыз – оның ізі бар көшірмесін аламыз.

3-тәсіл – фрагментті алмасу буферіне көшіріп, қанша рет керек болса, сонша рет кірістіру.Көшірме алмасу буферінен әрқашан экранның сол жақ жоғарғы бұрышына кірістіріледі.

Мәтінмен жұмыс істеу

Paint – графикалық редактор болғандықтан және мәтінмен  жұмыс істеуге арналмағандықтан , суретпен бірге көбіне қысқа және ірі тақырып атаулары, жазба белгілеулер құрылады.Мәтін енгізу үшін, Мәтін  сайманын таңдау керек. Жұмыстың бірінші кезеңі – енгізу өрісін құру.

VІ. Түсінгендерін тексеру  кезеңі:

Компьтердегі тәжірибелік жұмыс

                А   деңгей

1.     Раіnt – та құжат құрыңдар.

2.     Мына суретті салыңдар (89- сурет)

3.     «Кемпірқосақ» деген атпен сақтаңдар.

В  деңгейі

1.       Paint – бағдарламасын ашыңдар.

2.     Сурет салудық оңтайлы тәсілін табыңдар.  (90 – сурет.)

3.     Жұмысты «Электровоз»  файлында сақтаңдар.

Сергіту сәті   (көзге арналған жаттығу)

Қызықты мәлімет

     Егде жаста көздің ең сезгіш бөлімі істен шығып, кескін аңғару қызметі бұзылған күннен бастап 97 жастағы Хэл Ласко ендігәрі қыл қалам ұстамаспын деп ойлапты - дәрігерлер сары дақ диагнозын қойған.

     Бірақ, күтпеген тұста замандық технология мен "Paint" бағларламасы көмекке келіп, соның арқасында Хэлу қарт сурет кескінін үлкейтіп, әрбір  пиксельді жақсы көруге мүмкіндік алыпты.

     Қарадүрсін бағдарлама Хэл Ласконың тұрмысын гүлдендіріп, 10 сағаттық жұмыс күнінде (пиксель мен пиксел аралығында) небір картиналарды дүниеге келтіруде.

     70 жасында зейнетке шыққан қарт "Paint" бағдарламасының ертеректе шыққан нұсқасын пайдаланады - пейзаж, абстракциялар немесе жануарлар суреті салынған кескіндемелер. 98 долларға сатылатын ғажап картиналар түпкілікті көзі көруден, құлағы естуден қалған жанның еңбегі деу, таңқалдырарлық, әрине.

     Көзі көрмесе де, көңілмен сурет салатын қарт замандық технологияға арқа сүйеген бірінші жан емес, алайда, көз жанарына қарамастан, бағыт тайдырмай отырған бірінші Адам екені анық!

Жұмбақ шешу

Ұзынтұра жалқаубек,

Тұрмай ылғи жатады.

Қозғала қалса артынан,

Ешбір белгі қалмайды.    

                               /бос орын немесе пробел/

Пернелік деген атаның,

Немерелері алғашқы.

12 ағайынды,

Есімдері Ғ /эф/ әрпімен басталады.

Бұл қандай пернелер?                    

                                  /функционалдық пернелер/

Бұтақ орнында мың бір инесі,

Компьютер жаны мекені.     /кактус/

Ақпарларды қағазға шығарады,

Бұл құрылғы қалай деп аталады?                          

                                                      /принтер/

VІІ. Қорыту

“  Өзіңді  тексер  ” 

1.     Егер ерекшеленген фрагментті тышқанның оң жақ батырмасымен шертсек, онда:

А)  контекстік мәзір пайда болады.

В)  ерекшеленген  фрагмент  жоғалады

С)  фрагмент  басқа түске  боялады.

Д)  Ештеңе болмайды

            2. Суреттің ерекшеленген   фрагментін  Ctrl  батырмасын басып жылжыту қандай бұйрыққа парапа р?

            А) қиып алу

            В) көшіру

            С) бейнелеу/ бұру

            Д)  түсін алмастыру.

           3. Сурет алмасу буферінен қайда кірістіріледі.

            А) экранның ортасына

            В) Төменгі оң жақ бұрышына

                     С)  Жоғарғы сол жақ бұрышына
            Д)  экранның төменгі жағына

             4. Қандай пернені жібермей ұстап тұрып, «ізі бар» көшірме алуға болады?

            А) ESC

            B) Tab

            C)  Ctrl

            D) Shift

             5. Қандай сайманның көмегімен мәтін енгізуге болады?

               А) Өшіргіш

               В)  Мәтін

              С)   Қарындаш

              Д)  Қылқалам

             6.   Мәтін түсі:

             А)  Өзгертілмейді

             В)  Фонның түсімен бірдей

             С)  Палитра тышқанның сол жақ батырмасын шерту арқылы таңдалады.

             Д)  Әрқашан қара

          Жауаптары:

1	2	3	4	5	6
А	В	С	D	B	C

VI.  Үйге тапсырма.  $ 17   оқу, мазмұндау.   

     Бағалау.  Жеңіске жеткен топты марапаттау. Оқушыларды сабаққа қатысуына қарай  бағалау. 

Тексерілді