Т дыбысы мен әрпі

Тақырыбы: «Т» дыбысы мен әрпі.

Мақсаты: Оқушыларды жаңа «Т» дыбысы мен әрпімен таныстыру.

Осы әріп арқылы сөздер құрастыра отырып, ойларын

өрбіту.

Олардың есте сақтау қабілетін, логикалық ойларын,

сөздік қорларын, танымдық дағдыларын дамыту. Дұрыс оқи

алуға, әдемі жазуға дағдыландыру.

Көрнекілігі: «Түймедақ» гүлі, Т әрпінің таңбасы, Қазақстан картасы,

үлестірмелі топшамалар, тақырыптық суреттер .

Сабақ жоспары:

І. Ұйымдастыру бөлімі.

ІІ. Үй жұмысын тексеру.

ІІІ. Жаңа сабақ.

а) «Кім шапшаң ?» ойыны.

ә) Тақтамен жұмыс.

б) Сергіту сәті.

в) Дәптермен жұмыс.

г) Үлестірмелі топшамалармен жұмыс.

ғ) Суретпен жұмыс.

ІV. Қорытынды.

V.Үйге тапсырма.

Сабақ барысы:

І. Үйымдастыру бөлімі.

- Сәлеметсіңдер ме, балалар?

- Отырыңыздар.

ІІ. Үй жұмысын тексеру.

• Балалар, дыбыс пен әріптің қандай айырмашылығы бар?

• Өткен сабақта қандай дыбыспен таныстық?

• «Ғ» дыбысы қандай дыбыс?

• «Ғ» дыбысы сөздің қай жерінде кездеседі? Мысал келтіріңдер.

ІІІ. Жаңа сабақ.

• Балалар, бүгінгі сабақта біз тағы да жаңа әріппен танысамыз. Ол үшін жұмбақ шешейік.

Бастайды ол «таңды» да,

Бастайды ол «талды» да.

Келіп тұрған қай әріп,

Тау мен тастың алдында?

( Т )

«Т» дыбысы мен әрпін «Түймедақ» гүлі арқылы таныстыру.

Тттт

«Т» дауыссыз, қатаң дыбыс. Ауыз қуысынан кедергіге ұшырайды. Дауыссыз дыбыс болғандықтан көк түспен бояймыз. «Т» дыбысы сөздің басында, ортасында және аяғында кездеседі. Мысалы: тау, кітап, сағат.

• Балалар, кәне, есімізге түсірейікші, келе жатқан қандай мейрам бар?

• «Тәуелсіздік» деген сөз қандай дыбыстан басталып тұр?

• Ендеше, бүгінгі сабақта Қазақстанның Т дыбысынан басталатын қалаларын аралаймыз. Ол үшін біз саяхатымызды Орал қаласынан бастаймыз.

• Балалар, Т дыбысынан басталатын қандай Қазақстан қалаларын білесіңдер? Ендеше біздер Орал қаласынан Теміртау қаласына жетуіміз керек. Ол үшін «Кім шапшаң?» ойынын ойнаймыз.

«Кім шапшаң?» ойыны.

«Т» дыбысы сөздің басында, сөздің ортасында және сөздің аяғында кездесетін сөздерді айтқызу.

• Дұрыс, жарайсыңдар біздер Теміртау қаласына жеттік. Енді келесі аялдамамыз – Талдықорған қаласы. Осы қалаға жетуіміз үшін біз мынандай тапсырманы орындауымыз керек:

Тақтамен жұмыс.

Тақтада берілген әріпге буындарды жалғастырып, сөз құрау.

Та, ға, на, ра, т, ла.

А

• Біздер қалаларды аралаймыз деп шаршап қалдық. Сондықтан кішкене демалайық.

Сергіту сәті.

Бір, екі, үш,

Жинап алып күш.

Қолға қалам алайық.

Әдемі етіп жазайық

Дәптермен жұмыс.

Т әрпін ауада жазғызу

Т әрпін тақтада жазғызу

Т әрпін дәптерге жазғызу.

Үлестірмелі топшамалар.

• Балалар, біз кішкене демалып алдық. Енді саяхатымызды жалғастыруға болады. Біздің келесі аялдамамыз – Тараз қаласы.

Тараз қаласына жетуіміз үшін мынандай тапсырманы орындауымыз керек:

Берілген сөздерді буындап оқу:

• Ат, от, ата, та, ала, ал, ара, тан.

• Жарайсыңдар, бұл тапсырманы орындадыңдар. Тараз қаласына жеттік. Ендігі келесі қаламыз – Түркістан қаласы. Бұл қалаға жетуіміз үшін мынандай тапсырманы орындауымыз керек.

Суретпен жұмыс.

Берілген суреттерді атап, сөздерді буынға бөлу және Т дыбысының сөздің қай жерінде кездесіп тұрғанын атау.

• Жарайсыңдар, балалар. Біздер Қазақстанның Т әрпінен басталатын қалаларын араладық, тапсырмаларды жақсы орындадық. Енді, кері Орал қаласына жетуіміз керек. Ол үшін мынандай сұрақтарға жауап беруіміз керек.

ІV. Қорытынды.

• Бгінгі сабақта қандай дыбыспен таныстық?

• «Т» дыбысы қандай дыбыс?

• Бұл дыбыс сөздің қай жерінде кездеседі?

Топтастыру стратегиясы бойынша Т дыбысы кездесетін сөздер ойлату.

тау

ат кітап

тақта Тт түтін

қанат от тауық