Сабақтың тақырыбы: Табиғаттағы сызықтар
Сабақтың мақсаты:
а) Білімділік: Графиканың маңыздылығы жайлы оқушыларға
толығырақ мағлұмат беру, оларға сызықтардың түрлерін
таныстыру.
ә) Дамытушылық: Оқушылардың шапшаң ойлауға, белсенділігін арттыруға,
іздене білуге, нақтылыққа, әр түрлі құралдарды
пайдаланып жұмыс істеуін дамыту.
б) Тәрбиелілік: Оқушыларды жекелеп жұмыс жасауға,
ұйымшылдыққа, сабақта өзін-өзі басқаруға тәрбиелеу.
Сабақтың көрнекілігі: Бояу түрлері, түрлі
қарындаштар, көркем суретті альбомдар, дидактикалық құралдар, иллюстрация,
альбом кітаптар, т. б.
Сабақтың өту барысы:
- Ұйымдастыру кезеңі.
- Үйге берілген тапсырманы тексеру.
- Жаңа тақырыпты түсіндіру.
- Тапсырмаларды орындау.
- Сабақты бекіту.
- Үйге тапсырма.
Сабақтың барысы:
Сабақты
бастамас бұрын оқушыларға бірнеше сұрақтар қоямын. Графика дегеніміз не?
Графиканың басты әсерлегіш құралдарын ата. Сызық не жайында сыр шертеді?
График-суретші қандай материалдармен жұмыс істейді? График-суретші үшін әсерлі
сызықтың қаншалықты маңызды екенін біз білеміз. Сызықтар алуан түрлі болатыны
да белгілі. Сызықтар қалай жүргізілгеніне байланысты орнықты, мығым немесе
солғындау, бос немесе сенімсіз, әлсіз болып келеді. Сызықты қатты бастырып
немесе параққа қаламның ұшын тиер-тиместей етіп жүргізуге болады. Әр жағдайда
сызықтардың түрі де, көңіл күйі де әр түрлі болып шығады. Мына сызықты сипаттап
айтып бер. Сенің ойыңша олар қалай сызылған?
Сурет салған кезде қарындаштармен
әр түрлі сызықтар жүргізесің. Олар қағаз бетінде әр қилы орналасады. Көлденең
сызықтар жерді, шексіз даланы, теңізді, құмды, шөлді еске түсіреді. Олар
тыныштық сезімін тудырады.
Тік сызықтар
жоғары не төмен қозғалысты білдіреді. Олар көлденең сызықтарға қарағанда
жылдамырақ болып көрінеді.
Көлбеу сызықтар тұрақсыздық сезімін тудырады да, қозғалысты
елестетеді. Қазақстандық график-суретші Е. Сидоркиннің мына жұмысында ат үстіндегі адамның қатты екпінмен алға ұмтылғаны
бейнеленген.
Тірі және өлі табиғатта нақты айқын сызықтарды көре аламыз.
Адамдар көбінесе оларға назар аудармайды. Қараңдаршы, иірілген ағаш бұтақтары
қандай әсерлі де көрікті. Көкқұтанның иілген мойыны қандай кербез. Ғимараттар
мен әр түрлі денелердің тік, көлденең және көлбеу сызықтарын кез келген жерден
кездестіре аласың. Егер зейін қойсаң, көрген, ойға оқығандарыңды қағаз бетіне
түсіріп, алуан түрлі ғажайып графикалық композициялар құрай аласың.
Фотосуреттерге
зейін қойып қара. Бұл фотосуреттердегі сызықтар туралы не айта аласың? Олардың
жазықта орналасуына қарап, сызықтардың көңіл күйін анықта.
Үйге тапсырма беру:Графикалық
шығарма орында.
.
Оставьте свой комментарий
Авторизуйтесь, чтобы задавать вопросы.