Тақырыбы: “Сабақта интерактивті тақтаны пайдаланудың тиімді әдістері”

Баяндама

Тақырыбы: “Сабақта интерактивті тақтаны      пайдаланудың  тиімді әдістері”

                    

Дайындаған: Қуаныш Ақтолқын

                                                               Орал- 2013

Тақырыбы: “Сабақта интерактивті тақтаны   пайдаланудың  тиімді әдістері”

Мақсаты:  Сабақ беру барысында интерактивті тақтамен оқушылардың  жұмыс жүргізуі және интерактивтің тиімділігі мен артықшылық мүмкіндіктеріне көз жеткізу.

 Ақпараттық –технологияның келешек ұрпақтың жан – жақты білім алуына, іскер әрі талантты, шығармашылығы мол, еркін дамуына жол ашатын педагогикалық, психологиялық жағдай жасау үшін де тигізер пайдасы аса мол.

          Заман талабы оқу үрдісінде компьютерлік технологияны енгізуді, оны кең көлемде қолдануды қажет етеді.

Білім беруді ақпараттандыру –жаңа технологияны пайдалану арқылы дамыта оқыту, дара тұлғаны бағыттап оқыту мақсаттарын жүзеге асырады.

«Қазіргі заманда жастарға ақпараттық технологиямен байланысты әлемдік стандартқа сай мүдделі жаңа білім беру өте қажет» деп, Елбасы атап көрсеткендей жас ұрпаққа білім беру жолында ақпараттық технологияны яғни компьютерді оқу үрдісінде оңтайландыру мен тиімділігін арттырудың маңызы зор.  Қазіргі уақыта  білім беруде сабақ барысында интерактивті құралдарды қолдануда. Интерактивті құралдардың көмегімен мұғалімнің , оқушының шығармашылықпен жұмыс істеуіне жол ашылып отыр.

         Білім берудегі интерактивті технология  - мұндағы интерактивті      сөзі- inter (бірлесу), act (әрекет жасау)ұғымын білдіреді, сабақ барысында оқушының топпен жұмыс жасауға қатыспауы мүмкін емес, бірін-бір толықтыратын, сабақ барысында барлық оқушылардың қатысуын ұйымдастыратын оқыту барысы.

         Интерактивті тақта – бұл компьютердің қосымша құрылғыларының бірі және де дәріс берушіге немесе баяндамашыға екі түрлі құралдарды біріктіретін: ақпараттың кескіні мен қарапайым маркер тақтасын біріктіретін құрал.

         Ал интерактивті  технологияны меңгерудегі мұғалімнің  шеберлігі және шығармашылық  үлгісі:

1.  Интерактивті технологияны оқып үйрену.

2.  Интерактивті  технологияны меңгеру

3. Интерактивті  технологияны тәжірбиеде қолдану.

4. Интерактивті технологияны  дамыту  және нәтижесін тексеру.

Сабақтың қызықты да түсінікті болуы мұғалімнің шеберлігі мен ізденімпаздығына тікелей байланысты.

Әр оқытушы сабақ өткізген кезде  оқушыларға сапалы білім беру үшін жаңа технологияларды пайдалана отырып, сонымен қатар компьютерді, интерактивті тақтаны қолдану арқылы білім берсе, оқушылардың қызығушылығы арта түсері анық.

                                     

Осы мақсатта 2б КШТ тобында «Жарнама дизайны» атты ашық сабақ өткіздік.Мен үшін қарапайым тақтаға қарағанда интерактивті тақта пайдалануға ыңғайлы, әрі уақытты үнемдейді.Жаңа материалды тусіндіру сандықшадан жарнама  түрлерін табудан басталды. Студенттер бір уақытта бірнеше материалдарды қолданды:бейне,дыбыс, сурет, мәтін видеороликтер арқылы,жаңа дизайндағы жарнама туралы мәлімет алды.  Сәндік қорапшалардың түрлерін интерактивті тақтадан суреттерімен таныстырып,өздері бір жасайтын бір қорашаны таңдады. Сыйлыққа арналған қорабшаның жасау технология бойынша,бүктеу,желімдеу,безендіру арқылы сәндік қорабша жасады.

                               

Интерактивті тақта арқылы сабақты түсіндіру барысында,студенттер көп деген уақытты үнемдедік. Себебі интерактивті бағдарлама біздің жартты жұмысымызды атқарады, студентердің сабаққа деген қызығушылығын,өздерінің ізденіс,есте сақтау қабілетін арттырып,білімі мен білігін бір жүйеге келтіруге негіз жасайды.

                             

Қазіргі кездегі шапшан үріп жатқан жаһандану үрдісі әлемдік бәсекелестікті күшейте түсуде.Елбасы Н.Ә.Назарбаев Қазақстанның әлемдегі бәсекеге қабілетті 50 елдің қатарына кіру стратегиясы атты жолдауында «Білім беру реформасы-Қазақстанның бәсекеге нақтылы қабілеттілігін қамтамасыз етуге мүмкіндік беретін аса маңызды құралдардың бірі» деп атап көрсетті.

Қазір техниканың дамыған заманы, интерактивті тақтаны пайдалану  біздің  колледжінде жүзеге асып, соның негізінде мұғалімдер  әдістемелік көмек ретінде  пән бойынша өтетін сабақтарында  және сырттай оқу  курстарын қашықтықтан оқыту бағытында  қолға алынған.

Ақпараттық –интерактивті  технологияны оқу тәрбие үрдісіндегі қолдану оқушының өз мамандығына қызығушылығын арттырып, шығармашылық шабытын шыңдап, ғылыми көзқарасын қалыптастырып, мамандық сапасын арттырып, еңбек нарығындағы бәсекеге қабілетті мамандар даярлаудағы  үлесі мол.

-Құрметті оқытушылар және студенттер бүгін мен сіздердің назарларынызға жаңа  интерактивті  технологияны оқу-тәрбие үрдісіндегі кейбір элементтерін  көрсетіп кеткенді жөн көрдім.