Тақырыбы:Қош бол, менің қасиетті Әліппем!

1 «Б» сыныбы

Тақырыбы:Қош бол, менің қасиетті Әліппем!

Мақсаты: 1.Оқушылардың әліппеден алған білімінің тәрбиелік мазмұнын ашу.

                 2.Оқу тілін дамытып,сөздік қорын молайту.Әр оқушының іс-әрекеттері арқылы икемділігін,қабілеттерін көрсету,шығармашылық мүмкіндіктерін ашу.

                 3.Оқушылардың елін,Отанын сүюге,оны қорғай білуге тәрбиелеу.

Түрі: ертеңгілік

Көрнекілігі: тақырып, қанатты сөздер,суреттер,шарлар, әріп белгілері,үнтаспамен демеу ,слайд-шоу.

Барысы:  Ұйымдастыру.

Үнтаспада «Адай» күйі. Оқушылар сәнді киінген.Қолдарында бір-бір шар ұстаған.

Мұғалім: Құрметті ата-аналар,ұстаздар!Қош келдіңіздер. Шәкірттердің алғаш қолдарына алған оқулығы-әліппемен қош айтысар кез келді.Білім әлемінің беташары-Әліппені табысты аяқтауымен құттықтаймын.Мен шәкірттерге ризамын.Олардың осы нәтежеге жетуіне ата-аналардың еңбегі зор.Сондықтанда да ризашылығымды білдіре отырып,мерекелік ертеңгілігімізді  бастаймыз.

       Олай болса сөз кезегін балаларға берейік.

1-жүргізуші:   Қош келіпсіз, ақ жаулықты аналар,

                      Жүздеріңнен мейірім мен нұр тамар.

                     Алдарыңда қызғалдақтай құлпырған,

                    Біз алаңсыз балғын шақты балалар.

2-жүргізуші:  Көз салып қараңдаршы бойымызға,

                     Ортақ боп бүгінгі өскен ойымызға.

                    Қош келіпсіздер, ұстаздар,ата-аналар,

                   Әліппемен қоштасу тойымызға.

1-жүргізуші:  Сырлы әріптер сөз түйіп

                    Сабырмен саған қарайды

                    Сырларын білсең бас иіп

                   Керегіңе жарайды

2-жүргізуші:  Әліппе деген алтын жол

                      Апарар сені алысқа

                      Жеңіл емес ауыр жол

                      Тырысып бақ намысқа

1-жүргізуші:   Іші толған әріпке

                      Бімімдегі  жарық не?

Хормен:       Болашаққа жол бастар,

                     Ол сүйікті әліппе, әліппе!

                     Ол сүйікті әліппе, әліппе!

Әліппе: Сәлеметсіздер ме, менің білімқұмар достарым!Армысыздар ата-аналар! 4-ай бойы  білім нәрін сепкен мен  Әліппемін.

                    Болашаққа жол  бастар,

                    Әліппең келді ортаға.

                    Білім деген ғажаптың,

                   Әліппесін меңгерген,

                    Келешегі  қазақтың,

                  Басталады сендерден.

2-жүргізуші:Кәне,достар Әліппеден не үйрендік, не білдік  келіңіздер ортаға салайық.

1-жүргізуші: «Әліппеге мың алғыс» бөлімі.

1-оқушы:       Ең алғаш алғанымда Әліппені

                      Қызығып, қарай бердімәріптерді

                    Мен үшін жұмбақ болып қаларма еді

                   Ұстазым оның кілтін тауып берді.

2-оқушы:       Оқуды көп ойладық,

                       Қызығына тоймадық.

                       Әріптерді үйреніп,

                       Сауат аштық тойладық.

3-оқушы:      Қош бол, құтты  Әліппем!

                     Көп  нәрсені үйреттің

                    Таныстырып әріппен

                     Тақылдатып сөйлеттің

4-оқушы:      Өзім оқып кітапты

                     Жалынбадым ағама

                  Қуанады анам оқудан

                   Алған бестік  бағама

5-оқушы:          Бар кітапқа  бас  болған,

                         Әліппе- ғылым анасы

                          Әліппеден басталған

                           Даналықтың данасы

6-оқушы:          Мектебің мынау , класың,

                          Осында он тұрасың

                           Тарыдай болып кіресің

                           Таудай болып  шығасың.

2-ші жүргізуші:

Ән: «Ақ мамам»! орындайтын Айгерім

1-жүргізуші:   Ендеше әріптер мен дыбыстарды  қаншалықты меңгергенімізді  көрсету үшін «Әріптер сайысын»  өткізейік.

7-оқушы:          Алма , алмұрт егеміз,

                         Айға  сапар шегеміз.

                          Алақай-ау,алақай,

                          «А»  дыбысын білеміз.

8-оқушы:         Тайға  мініп шабамыз,

                        Тау мен тасты табамыз.

                        Тарақ, тауық , тайлақты,

                         «Т» дыбысын  табамыз.

                         Ыдыстарды жуамыз,

                          Жалқауларды қуамыз.

                          Өте жақсы оқуға,

                          Белімізді  буамыз.

9-оқушы:        Бала отыр партада,

                      Оқы,үйрен, шаршама

                      «П» дыбысы дауыссыз,

                       Мәлім болды баршаңа.

10-оқушы:     Ризамыз  біз оқуға,

                      Ретіменен тоқуға

                      «Р»-ды айту қиын –ақ

                      Кейбіреулер қорқуда.

11-оқушы:         «У» дауысты, дауыссыз,

                        Айыра білсең қауіпсіз.

                        Уық, уыс сөздерін

                        Уақытымен тауыпсыз.

12-оқушы:     Ерлік, еңбек елдікпен,

                       Егеменді теңдікпен

                       Емендей біз мықтымыз,

                       Біріккенбіз белдікпіз.

13-оқушы:     Әжем, әкем- әніміз.

                      Әрқашан да сәніміз.

                      Енді білдік әдемі

                     « Ә» әріпінің мәнін біз.

2-ші жүргізуші:

Би: «Тау-тау»! орындайтын Аяулым

14-оқушы:    Өзен, өлке, өмірде,

                     «Ө» дыбысы көңілде.

                     Өркеш – өркеш жерлерде,

                     Өріктерім төгілме.

15-оқушы:   Бостан – босқа ойнама,

                    Бидай толтыр қоймаға.

                    Бақа, балық, ботақан,

                    Тағы сөз тап ойлана.

16- оқушы:  Жан- жағыма  жантайдым,

                    Жапырақтай жалпайдым.

                   «Ж» әріпін жаздым да,

                    Жарға қарай шалқайдым.

17- оқушы:  Шеңбер жасап тұрайық,

                    Басымызды бұрайық.

                    «Ш» дыбысын білеміз,

                    Сөзден сөйлем құрайық.

18- оқушы:  Күндей күліп өсеміз,

                    Көнілді кең көшеміз.

                     «К» дыбысы көп екен,

                      Кітабымды көрсеңіз.    

1 жургізуші: «Ғажайып әлемі»  орындайтын - Дильназ            

19- оқушы:    Қояным мен шаяным,

                      Суретін де боядым.

                       Аялап мен көрмеге,

                      Апарып та қоямын.

20- оқушы:    Үй мен  үйшік жасайық,

                      Үзенгіні басайық.

                      Әдемілеп біз енді,

                      «Ү» дыбысын айтайық.

21- оқушы:    Балпаң- балпаң басайық,

                       Аңдарға жем шашайық.

                      «Ң» дыбысын білмеген

                      Балалардан қашайық.

1-ші жүргізуші

Ән : «Қошақан» орындайтын Аяулым

Әліппе: балалар сендер менен көп нәрсені үйрендіңдер. Олай болса «жұмбақ шешіп»  көрейік

1.Табаныма байладым

   Қос аяқпен айдадым  (шаңғы)

2. Тараңсаңда да,

    Қарасаңда да,

    Алдына оның келесің

    Өзіңді- өзің көресің   (айна)

3. Егіздер кезікпейді бір – бірімен,

     Арасы екі – ақ елі бір -бірінен. (көз)

4. Қыста шыны боп қатады,

    Жылыда су боп жатады.   ( мұз)                          

2-ЖҮРГІЗУШІ:  ӘН  «ӘЛІППЕ»

1-ЖҮРГІЗУШІ:БАЛАЛАР, АЙТЫҢДАРШЫ, СЕНДЕР ТАҒЫ ҚАНДАЙ ПӘНДЕРМЕН ДОССЫҢДАР?

-ОҚУШЫ:Шіркін сурет сабағы,

                Ауылды  еске салады.

-оқушы:Бізді  қоршаған әлем-

             Табиғат  ортасы.

24-оқушы:     Еңбек-  бәрін жеңбек.

                     Шынықтырады денені

                      Дене шынықтыру сабағы.

25-оқушы:    Ән айтамыз   көңілді,

                     Ұзартамыз  өмірді

26-оқушы:     Математика  -ғылым  анасы,

                      Барлық пәндер бізге керек

                       Бестік баға алу керек.

2-жүргізуші:     Есептеуге  жүйрік  болсаң жасыңнан

                        Математикаға орын берсей басыңнан

                         Барлық ғылым саған үйір болады

                         Досың  солар табылатын қасыңнан.

1-жүргізуші:    «Ойнайықта та ойлайық!»

           27-оқушы: Шығармақшы боп кеше есеп

                               Жиналған еді  бес есек

                               3-еуі  ұйықтап отырды

                                 Ынталысы неше есек.

28-оқушы :   Алма ағашқа күн ара

                     Қонушы еді 1  ара

                     Бүгін  9-туысын

                     Ертіп  келді бұл ара.

                     Сонда бүгін алмаға

                       Келіп қонды қанша ара.?

29-оқушы:Бір-бірімен жарысқан

                  4-аю, 1-арыстан

                 2-қоян, 1-түлкі

                  Бәрі нешеу кім білді?

 30-оқушы:  Далада  тұр 2-ешкі

                    Қорада тұр 7 ешкі

                    7  ешкі  мен 2 ешкі

                 Барлығы  сонда неше ешкі? 9

2-жүргізуші:    Әліппе  даңғыл жол ашты,

                        Жаңадан пәндер жалғасты.

                        Әліппе сырын ұқтырған

                         Рахмет ұстаз алғашқы.

Хор:    Мұғалім ол біздің

1-жүргізуші:   Иә, бүгін  біздің қуанышымызда  шек жоқ. Өйткені біз тұңғыш сауатымызды ашқан «Әліппені»  бітірдік.

              Жиналған қауым таң қалсын

              Ән  бимен шашу  шашылсын

              Бимен кешті жалғасын  деп

              Би: «Калифорни» орындайтын Дильназ

Әліппе: Көп-көп рахмет, балалар! Енді сендерді әрі қарай жетелейтін достарың «Ана тілі» болмақ.Ендеше ортаға Ана тілін   шақырайық.

Ана тілі:Сәлеметсіздер ме, балалар! Енді сендердің сүйіп оқитын  оқулықтарың Ана тілі болмақпын.  Ынта қойып оқысаңдар, көп нәрсе үйренсіңдер.

           Туған  елдің тілімін,

           Ақылымен танылам.

           Түсіндірер бәріне

          Ана тілі мен болам.

Балалар мен сендердің келешекте сауатты азамат   болатындарына сенемін.

1-жүргізуші:  Достар, Ана тіліне  арналған  өлеңдерің бар ма?

2-жүргізуші:Кәне  ортаға салайық.

-оқушы: Ана тілі  -ұраным

             Ана тілім-құраным

           Ана тілі болмаса

            Мықты болмас тұрағым

-оқушы:   Адамдықты  үйретер

               Жамандықтан жиретер

            Тілімізді ширатар

           Ана тілі- данамыз

1-жүргізуші: «Ертегілер»  қойылымын көрейік

                     Балғындарға көңіл бөлейік

                     Өнерге  баға берейік

                    Бәріміз тамашалап көрейік.

Ертегі «Шалқан»

2-жүргізуші:Қанаттанды  мектептен

                    Әкең  менен анаңда

                    Ғылым үшін  тер төккен

                    Ағаң менен анаңда

 Би: «Жастар биі» бір топ балалар.

      Айтыс:

Хор: «Әрқашан күн сөнбесін»

Мұғалім:  Бүгінгі күн әр үйдің той  басы боп саналар,

               Балалардың  есімі әулеттерге таралар.

               Ырым етіп ертеңгілік соңында

               Ақ ниетпен айтылар ақ тілек  деп мектеп басшысы    Айна апайға сөз кезегін берейік.

Мектептің  тәрбие ісінің меңгерушісі:Эльмира апайға сөз кезегін берейік.

Бастауыш сынып меңгерушісі:   Нүргүл апайға  сөз кезегін берейік.

Сынып оқушыларының атыннан ата-аналар комитетіне сөз кезегін  берейік.

Мұғалім:  келген қонақтарға .оқушыларға  рахмет айтып,ертеңгілікті аяқтайды.