Тапқыр достар Интеллектуалдық ойын 9-10 сынып

Тапқыр достар

Интеллектуалдық ойын

9-10 сынып

Өткізген: қазақ тілі мен әдебиет пәні

 мұғалімі Кудеренова А.А.

2016ж.

№ 5ОМ

2015/2016ж.

Интеллектуалдық ойын

Тапқыр достар

Мақсаты: қазақ тілінде ауызекі тіле сөйлеу дағыларын қалыптастыру арқылы өз тілін,    

                 туған жерін құрметтеуге тәрбиелеу.

Көрнекіліктері: қоржы, асық, тіл туралы нақыл сөздер жазылған плакат.

1. «Қазақстанның болашағы –қазақ тілінде» (Н.Ә. Назарбаев)

2. «Тіл жоқ жерде ұлт жоқ» (Ш Айтматов)

3. «Тілден биік асқар жоқ,

Тілден асқан байлық жоқ,

Тілден терең теңіз жоқ». (Ғ Мүсірепов)

4. «Тіл адамның даңқын асырады,

Адам ол арқылы бақыт табады». (Ж. Баласағұн)

Ойынның барысы: әр топ топтың атымен, ұранымен таныстырады.

1-топтың аты: «Сұңқар», ұраны: «Сұңқар құстай әрқашан биіктерден көрінеміз».

2-топтың аты: «Тұлпар», ұраны: «Тұлпардай әрқашан алға шабамыз».

Мұғалімнің сөздері:

- Балалар, ойынға келгендеріңізге өте қуаныштымыз, енді әр топтың ойыншылары өздерін жеке таныстырып өтеді.

- Ойыншылар, сендермен танысқанымызға қуаныштымыз, енді әділ қазылар алқасымен таныс болыңыздар.

- Енді, қай топ бірінші болып бастайтынын анықтау үшін қоржыннан асықты таңдап, ойынның басынан аяғына дейін кім бірінші бастайтынын анықтайды(қоржыннан асықты алады).

Ойынның 1-кезеңі: «Сөз тапқанға қолқа жоқ».

Мақсаты: әр оқушы әріптер таңдап алады да, қойылған сұрақтарға сол әріптерден сөзбен жауап береді.

(А,Ә,Б,Е,Ж,К,Қ,М,Н,О,Р,С,Т,Ү,Ш).

1-топтың ойыншыларына қойылатын сұрақтар:

1. Сен бүгін нешеде тұрдың?

2. Досыңның аты кім?

3. Наурыз мейрамы қай айда тойланады?

4. Сен қандай үйірмеге барасың?

5. сен қай қалада тұрасың?

6. Сенің мінезің қандай?

7. Театрға кіммен барасың?

8. Аю не жақсы көреді?

2-топтың ойыншыларына қойылатын сұрақтар:

1. Бірінші сабақ нешее басталады?

2. Астанада кімнің ескерткіші бар?

3. Анаңның аты кім?

4. Жазғы демалыста қалай демалдың?

5. Анаңа қандай сыйлық сыйлайсың:

6. Сыныпта неше оқушы бар?

7. Ағаң қайда тұрады?

8. Анаң қандай тамақ пісіреді?

Мұғалім сөзі:

- Ал, енді, балалар, алғырлық пен тапқырлықтан білімдеріңнің алғашқы деңгейінкөрсетіңдер.

Ойынның 2-кезеңі: «Ойлан, тап».

Мақсаты: бір минутта берілген сөзден сол сөздің құрамындағы әріптерді қолданып, сөздер құрау; қанша сөз болса, сонша ұпай жинайды.

Берілген сөзі: ұйымдастырушылық.

Ойынның 3-кезеңі: «Сен білесің бе?»

Мақсаты: тоғыз ұяшықтағы жасырылған сұрақтарға жауап беру арқылы ұпайлар жинау.

10	20	15
15	10	20
20	15	10

Жоғарыдағы 10 ұпайдың сұрағы: А. Құнанбаевтың сүйікті ойыны қалай аталады?

Жоғарыдағы 20 ұпайдың сұрағы: Әнұранның әнін жазған кім?

Жоғарыдағы 15 ұпайдың сұрағы: Қазақ тілі мемлекеттік тіл мәртебесін қашан алды?

Ортадағы 15 ұпайдың сұрағы: Тіл туралы қандай мақал-мәтелдер білесіңдер?

Ортадағы 10 ұпайдың сұрағы: Қазақ тілі қандай тілдер тобына жатады?

Ортадағы 20 ұпайдың сұрағы: Қазақстан Республикасы қандай мемлекет?

Төмендегі 20 ұпайдың сұрағы: А. Құнанбаевтың неше қарасөзі бар?

Төмендегі 15 ұпайдың сұрағы: Тіл туралы заң неше тараудан, неше баптан тұрады?

Төмендегі 10 ұпайдың сұрағы: А. Құнанбаевтың поэмаларын ата.

Мұғалімнің сөзі:

-          Әділ қазылар қорытынды шығарғанша 4-кезеңді бастаймыз.

Ойынның 4-кезеңі: «Өнерлі өрге жүзер».

  Әр топтың ойыншылары үйде дайындап келген өнерлерін көрсетеді.

Мұғалім сөзі:

Қазылар орнықтырар әділдікті,

        Кімдердің жауаптары кәміл шықты.

           Білім мен тапқырлықтың сайысында,

                           Жеңіске жетер дейміз нағыз мықты, - дегеней,

ойыншыларымызды бағалау үшін әділ қазыларға сөз берейік. Оқушылар мақтау қағаздарымен, түрлі сыйлықтармен марапатталады.

Қорытынды сөз:

      «Тапқыр достар» атты ойынымыз өз мәресіне жетті. Тіл - әр ұлттың қайталанбас байлығы, тіл бар жерде ұлт та, ел де, жер де болмақ. Тілден артық қазына, тілден артық қасиет жоқ екеніне  көз жеткіздік.