"Тарлан" газеті №4. Тәуекелге бел бусаң, жеткізбей кетер жүйрік ат.

 

 

 

                                                       

	Абай – даналығымен, даралығымен өз заманындағы данышпандығымен есімі әлемге әйгілі болған. Ол кісінің әрбір сөзінің астарында үлкен бір мағына, тұнық ой жатады. Әрбір сырлы сөздерінің мән-мағынасын ұғынған адамға бұдан асқан даналық жоқ болары анық. Осы мұра жоғалып кетпей, өскелең ұрпақ санасында қалу мақсатында түрлі шаралар ұйымдастырылады. Соның бір дәлелі жыл сайынғы дәстүрлі «Абай оқулары» болса керек. Биыл да сол әдетпен барлық ауыл мектептері мен аудан мектеп оқушыларының басын қосқан мерекелік шара біздің мектепте өтті. Салтанатты жиыннан кейін әрбір қатысушы өзінің номинациясы

 

	бойынша белгіленген сыныптарға жайғасты. Өзге қатысушылар сияқты мен де бардым. «Өз үйімнің қабырғасы да жәрдемші»,- деген сынды ойларды естігенде түсінбейтін едім, осы қағида сөзге осы жолы көзім жетті.  Алғашқы кезде жүрексініп отырғаныммен, «Өз шаңырағымда» отырғандықтан бойыма бір батылдық пайда болды. Жаттаған өлеңдерімді айтып, бұл сайыста бағымды сынап көрдім. Нәтижесі шыққанша мазам кетіп, біраз қобалжып отырдым. Сонымен, қорытынды шығып, жеңімпаздар марапатталды. Мен 1-орын иегері атандым. Қуанышымда шек болмады. Жеткен жетістігім жақсы болғанымен, келесі жылы бұдан да жақсы дайындалуға өзіме серт бердім. Менімен қатар біздің мектептен Өмірбек Нұрлан мен Зейнулғабиден Нұрмағанбет өз номинациялары бойынша 1-орын иеленді. Үш бірінші орын алып, мектеп абыройын көтергеніміз үшін біз өзімізді бақытты сезінгеніміз рас. Облыстық байқауға жолдама алған Нұрмағанбетке сәттілік тілей отырып, жеңіспен орал!- демекпін. БЕРКІН Айгүлім, 9 «Ә» сынып оқушысы