Техникалық мамандықты таңдау – заман талабы
Хамзина
Агайша Салимгереевна,
Өндірістік
оқыту шебері
БҚО,
Орал қаласы, БҚИК .
Мемлекет
басшысы Нұрсұлтан Назарбаев 2015 жылы 30 қараша күні «Қазақстан жаңа жаһандық
нақты ахуалда: өсім, реформалар, даму» атты Қазақстан халқына Жолдауында жаңа жаһандық нақты ахуалдың сын-қатерлері,
Қазақстанның дағдарысқа қарсы мүмкіндіктері, біздің дағдарысқа қарсы басты
стратегиямыз, дағдарысқа қарсы және құрылымдық жаңарулардың бағыттары туралы
айта келіп, ел жастарына да міндет артқан болатын. «Мен жастарымызды жұмысшы мамандығын
белсенді меңгеруге шақырамын. Жұмысшы мамандықтарын меңгеру керек. Кезінде мен
де жұмысшы киімін киюден бастадым, домна пеші от-жалынының жанында тұрдым. Үлгі
алыңдар! Жылдар өтеді, бірақ, осы өмірлік тәжірибелерің, сендер қандай өмір
жолын таңдап алсаңдар да, міндетті түрде кәделеріңе жарайды» – деген болатын
Мемлекет басшысы Н. Назарбаев.
|
|
|
|
|
|
|
|
|
Бұл бағытта
Орал қаласындағы Батыс Қазақстан индустриалдық колледж ұжымы білім алушыларға
тек практикалық білім беріп қана қоймай, олардың жан-жақты қалыптасуына, еңбек
нарығынан лайықты орындарын табуына үлес қосып келеді. Білім беру барысында тек
дәстүрлі дәрістер оқып, сабақтар жүргізу аздық етеді. Бұл ретте жағдаяттық ойын
сабақтарын, зияткерлік ойындар мен студенттер арасында кәсіби шеберлік
байқауларын жиі өткізіп тұрған жөн.
Біздің
индустриалдық колледж базасында «Үздік токарь», «Үздік газэлектрдәнекерлеуші»
және т.б. кәсіби шеберлік байқауларын өткізу игі дәстүрге айналды.
Студенттердің білім-білігін бағалайтын әділқазылар алқасына әлеуметтік серіктестіктеріміз
– «Орал «Зенит» зауыты» АҚ, «Стройкомбинат», «Қазақтелеком» АҚ-дан өкілдер
тұрақты түрде мүшелік етіп келеді. Колледждің студенттері технологиялық және
диплом алдындағы практиканы осы өндірістік орындарда өтеді. Мұндай байқаулар
студенттердің кәсібіне деген сүйіспеншілігін арттырып, олардың жауапты шешім
қабылдауына, өзіндік пікірін білдіруіне зор септігін тигізеді.
Оставьте свой комментарий
Авторизуйтесь, чтобы задавать вопросы.