Технологиялық карта "Ғажайып пішіндер"

«Балапан» Екінші кіші тобы үшін

ұйымдастырылған оқу қызметінің технологиялық картасы.

Өткізілетін күні, айы, жылы: 15.01.2019ж.

Білім беру саласы: «Таным»

Ұйымдастырылған оқу іс-әрекет түрі: «Қарапайым математикалық түсініктерді қалыптастыру»

Тақырыбы: «Ғажайып пішіндер»

Білімділік міндеті: Балаларды үшбұрыш,шаршы, шеңбер тәрізді геометриялық пішіндермен таныстыру, оларды ажыратуды үйрету, кеңістікті бағдарлау қабілетін қалыптастыру.                                                                                                                  Дамытушылық міндеті: Балалардың  сөйлеу және талдау қабілетін дамыту. Тәрбиелік міндеті: Зейінділікке, ойшылдыққа, бір - бірімен қарым - қатынас жасай білуге тәрбиелеу.
Әдіс – тәсілдері: түсіндіру, үйрету, сұрақ – жауап, сергіту сәті қорытындылау.
Көрнекі құралдар: Үлгі суреттер, үлестірмелі пішіндер.
Қостілділік компонент: Үшбұрыш – треугольник, шаршы – квадрат, шеңбер – круг.

Іс-әрекет кезеңдері	Тәрбиешінің іс-әрекеті	Балалардың іс-әрекеті
Мотивациялық- қозғаушылық	-Балалар, бүгінгі біздің оқу-қызметіміз ерекше, өйткені бізге қонақтар келіп отыр екен. Шаттық шеңбер: -Кәне, балалар, шаттық шеңберге тұрамыз. Барлығымыз бірге амандасайық. Қуанамын менде, Қуанасын сенде Қуанайық достарым, Арайлап атқан күнге!	Балалар амандасады. Балалар шеңберге тұрып, өлең сөздерін қайталайды)
Ұйымдастырушылық- ізденістік	Топтың есігі қағылып, Дымбілмес қонаққа келеді. Дымбілмес: - Сәлеметсіңдер ме, балалар. Тәрбиеші: - Сәлеметсіз бе, Дымбілмес. Қалыңыз қалай? Дымбілмес: - Менде бәрі жақсы. Өздерің қалайсыңдар? –Балалар, мен сендерге қонаққа келдім. Бірақ бос қол келген жоқпын. Мен «Математика патшайымының» тапсырмасын, жасырған жұмбақтарын таба алмай сендерден көмек сұрай келдім.  –Балалар, Дымбілмеске көмектесеміз бе? -Ендеше, Математика патшаймының бірінші тапсырмасын қарайық. Пішіндер туралы жұмбақтар екен. Атына сай балалар, Үш бұрышы, үш жағы бар. Ол пішінді кім табар? – Дұрыс айтасыңдар, балалар, бұл үшбұрыш. Алдарындағы пішіндердің ішінен үшбұрышты көрсетіңдерші және түсін айтамыз. -Балалар, ұшбұрыштың үш бұрышы болады. Кәне, санаймыз: бір, екі, үш. Ұшбұрыш домалай алмайды, өйткені бұрыштары оған бөгет жасайды. -Енді, балалар келесі жұмбақты жасырайын. – Төрт бұрышы бар, төрт қабырғасы бар. Бұл қай пішін? – Ия, дұрыс. – Алдарындағы пішіндерден шаршыны көрсетіңдерші, түстерін айтыңдар. –Балалар, шаршының төрт бұрышы бар. Олда домалай алмайды, өйткені шаршының да бұрыштары бөгет жасайды. Шаршы сағатқа немесе үйдің қабырғасына ұқсайды. – Тағы бір жұмбақты жасырайын. Допқа өзі ұқсайтын, Ерекше бір пішін бар. Атын оның атаңдар? Ал, енді алдарындағы пішіндердің ішінен шеңберді көрсетіңдерші, түсін айтамыз. – Өте жақсы, жарайсыңдар! - Балалар, міне шеңбер. Шеңбер домалайды. Өйткені оның бұрыштары болмайды. -Енді, екінші тапсырмаға кезек берейік.Тақтаға пішіндердің суреттері ілінеді. Берілген суреттер, қандай пішіндерге ұқсайтынын табу керек. Мысалы: алма - шеңбердің астына, ал шыршаны - ұшбұрыштың астына. - Жарайсыңдар, балалар! -Балалар, енді үшінші тапсырманы орындайық. «Артық пішінді тап» деп аталады. - Бәрекелді, балалар, тапсырманы өте жақсы орындадыңдар. -Балалар, келесі тапсырманы орындасам бұрын, бойымызды сергітіп алайық. Сергіту сәті Бармақ болып жұмысқа, Қырға шықты құмырсқа, Тоңып кетіп аяғы, Қырға қайтып шығады. Ой– ой– ой, Әне, аю келеді. Құмырсқаны көреді. Енді қайтып құтылар, Илеуіне тығылар. -Балалар, бізде тағы бір тапсырма бар екен. Біз қазір ойын ойнаймыз. Дидактикалық ойын: «Орныңды тап». Балалардың алдарына геометриялық пішіндер мен қорапша беріледі. Пішіндерді сәйкес келетін әрбір қорапшаға орналастырады. Дымбілмес: -Балалар, қандай кереметсіңдер. Тапсырмаларды жақсы орындап шықтыңдар. Рахмет сендерге.Ал, ендеше мен қайтайын. Тапсырмалардың жауаптарын Математика патшайымына жеткізейін. - Сау болыңдар! - Сау бол, Дымбілмес!	Балалар қызығушылық танытады. Амандасады. Жақсы -Көмектесеміз Ұшбұрыш (Балалар көрсетеді түсін айтады). Жасыл-зеленый Шаршы Балалар көрсетеді. Қызыл-красный Шеңбер (Балалар көрсетеді түсін айтады). Сары-желтый Балалар қызығушылық танытады. Бір-бір суреттен алып, пішіндердің астына жабыстырады. Тақтаға ілінген пішіндердің ішінен, артық пішінді табады. Орындарынан тұрып, қимылын келтіріп, жаттығуды жасайды. Балалар, ойынға белсене қатысады. -Сау  болыңыз!
Рефлексивті- түзетушілік	-Балалар, бізге бүгін кім келді? -Дымбілмеске  көмектесе алдық па? -Қандай пішіндермен таныстық? -Қандай тапсырманы орындадық? -Балалар, сендерге бүгінгі ұйымдастырылған оқу-қызметі қызықты болса, қызыл шаршыны,егерде қызықты болмаса, жасыл үшбұрышты көрсетіңдер.        Оқу қызметін қортындылап, балаларды мадақтау. Балаларға сыйлықтарды таратып беру. Келген қонақтармен қоштасу.	-Дымбілмес -Иә -Ұшбұрыш, шаршы, шеңбер. Жұмбақ шештік, пішіндерді таптық. Балалар таңдаған пішінді көрсетеді. Балалар қуанады. Қоштасады.

Күтілетін нәтиже:

Біледі: Геометриялық пішіндер, түстер туралы түсінікті.

Игереді: Геометриялық пішіндерге ұқсас заттарды дұрыс атауды.

Меңгереді: Сұрақтарға толық жауап беруді, тапсырманы орындауды.

Краткое описание документа:

Білім беру саласы: «Таным»

Ұйымдастырылған оқу іс-әрекет түрі: «Қарапайым математикалық түсініктерді қалыптастыру»

Тақырыбы: «Ғажайып пішіндер»

Білімділік міндеті: Балаларды үшбұрыш,шаршы, шеңбер тәрізді геометриялық пішіндермен таныстыру, оларды ажыратуды үйрету, кеңістікті бағдарлау қабілетін қалыптастыру.Дамытушылық міндеті: Балалардың сөйлеу және талдау қабілетін дамыту. Тәрбиелік міндеті: Зейінділікке, ойшылдыққа, бір - бірімен қарым - қатынас жасай білуге тәрбиелеу.
Әдіс – тәсілдері: түсіндіру, үйрету, сұрақ – жауап, сергіту сәті қорытындылау.
Көрнекі құралдар: Үлгі суреттер, үлестірмелі пішіндер.
Қостілділік компонент: Үшбұрыш – треугольник, шаршы – квадрат, шеңбер – круг.