Технологиялық карталар "Қарапайым математикалық ұғымдарды қалыптастыру"

Ересек тобының   ұйымдастырылған

оқу қызметнің технологиялық картасы

­Күні­­­­­­­­­­­­­­­­­­­­­:

Білім беру саласы: Таным

 Бөлімі:  Қарапайым  математикалық ұғымдарды қалыптастыру

Тақырыбы: 1-ден 7-ге дейінгі сандар. Апта күндері.

Мақсаты:  а) аптадағы күндердің атауын жаттау; балалардың бойында уақыт туралы түсінік қалыптастыруды жалғастыру;

ә) 7-ге дейінгі сандық және реттік санау дағдысын жетілдіру; балалардың зейіні мен логикалық ойлау қабілетін дамыту;

б) әдептілікке тәрбиелеу.

Іс-әрекет кезеңдері	Тәрбиешінің іс-әрекеті	Балалардың  іс-әрекеті
Мотивациялық - қозғаушылық	Тақпақ оқып береді: Апта күндері Сәл демалып тыным ал, Тақпақ тыңдап, ұғып ал, Апта деген ағайдың, Жеті бірдей ұлы бар. Сол жеті ұлдың, Жастары бір. Әр ұлдың Өзіне тән аты бар. Бірі кетсе, екіншісі келеді. Жеті бауыр адаспас. Зымырайды, желеді. Ешқашанда шатаспас.   *** Дүйсенбіде кір жудым, Сейсенбіде үй жудым. Үшінші күн нан жауып, Бейсенбіде шаң қудым. Жұма күні демалып, Сенбі күні торт алып, Жексенбі қонақ шақырдым. Педагог өлеңдер мен жұмбақтарды өз қалауынша таңдап алады. Балаларға оқып береді.	Тақпақты тыңдап, апта күндері туралы жұмбақтың шешуін табады. Суретті қарайды: Ағайынды бауыр дегеніміз – аптаның күндері. Оларды санайды (7). Күндердің атын қайталайды. Апта күндерінің атауын қайталайды. Күндерді рет-ретімен атап шығады, олардың қасындағы «көршілерін» табады.
Ұйымдастыру -іізденүшілік	Педагог балаларды жеті ағайындымен ойнауға шақырады (апта күндеріне сәйкес, 16-кесте). Ағайындылар (апта күндері) ешқашан тәртіп бұзбайды, рет-ретімен жүреді. Біз сол тәртіпті жаттап алуымыз керек. әр күннің атын атап, рет-ретімен орналастырады. Содан соң оларға реттік нөмір беріп, олардың астына 1-ден 7-ге дейінгі цифрлар жазылған карточканы қойып шығады. Балалардан апта күндерінің атаулары мен тәртібін хормен айтып берулерін сұрайды: дүйсенді – бірінші күн, сейсенбі – екінші күн, ... т.б. Содан соң кімнің қай күні не істегенін сұрайды. Адамдар қай күні демалады? Қай күндері жұмыс істейді? Бүгін нешінші күн, кеше қандай күн болды, ертең қандай күн болады? Дәптердегі №1 тапсырманы қарап шығып, апта күндерінің атауларын жаттап алуды ұсынады. Содан кейін 2-тапсырма бойыша бұл үйлерде ағайынды жеті бала (апта күндері) тұратынын айтады. Үйлерді нөмірлеп шығамыз (нөмір жапсырады). «Кәне, балалар, ... алдында, ... кейін, ... мен ... арасында кім тұрады?» және тағы басқа сұрақтар қояды.	Балалар өз ата-аналарының қай күні демалатынын айтады, сұрақтарға жауап береді. Апта күндерінің атын дұры қолданып үйренеді.
Рефлекциялық - түзетушілік	Сабақты қорытады. Балалардан бүгінгі сабақта немен танысқандарын сұрайды. Апта күндерін атап шығуды өтінеді және балаларды мадақтайды. Кеңістікте бағдарлау қабілетін бекіту үшін №3 тапсырманы береді. Сабақты аяқтайды және жеті ағайындыны (апта күндерін) үйлеріне шығарып салуға шақырады. Тағы бір рет санайды: бірінші – дүйсенбі №1 үйге кетті, екінші ... және т.б.	Апта күндерін атап шығады. №3 тапсырманы орындайды. Күндер тәртібін еске түсіреді және сабақты қорытады. Орындалған жұмысты бағалайды.

Күтілетін нәтиже:

Біледі: апта күндерінің атаулары мен олардың ретін;

Игереді: апта күндерінің реті туралы және алдыңғы, келесі күн туралы түсінік беруді;

Меңгереді: апта күндерін ретімен атап шығуды.

Мектеп алды даярлық тобының   ұйымдастырылған оқу іс-әрекеттік технологиялық картасы

Күні____________

Білім  беру саласы: «Таным»

Оқу іс-әрекеті: Қарапайым математикалық ұғымдарды қалыптастыру

Тақырыбы: «Не қайда орналасқан?»

Мақсаты:

1. Қозғалыс бағытын  оңай бағдарлауға үйрету.

2. Жазық бетте бағдарлау дағдысын  дамыту.

3. Тапсырма орындау іскерлігіне тәрбиелеу.

Оқу іс-әрекетінің көрнекіліктері: ойыншықтар, дәптер, қарындаштар.

Билингвальды компоненті:кеңістік.

Әрекеттердің кезеңдері	Тәрбиешінің іс-әрекеті	Балалардың іс-әрекеті
Ұйымдастырушылық- оқытушылық, қызықтыру-шылық	Таңғы жиын: Қайырымды жандар айнала, Шеңберге келсін жайлана. Жалықпастан қайта бiз, Махаббат сөзін айтамыз. Сүйеміз барлық әлемді, Әлемдегі бар елді. Бақыттымыз осы біз Қасымызда досымыз! Балалар, бізге Күз ханшайымы қызықты тапсырмалар беріп жіберіпті, сол тапсырмаларды орындауға дайынсыңдар ма?	Балалар шеңберге тұрып,   сөздер айтады. Иә, дайынбыз.
Ұйымдасты-рушылық – ізденішілік Есеп орталығы	Балалар, есеп орталығына қош келдіңіздер! - Балалар  бәріміз үстелдің үстіне назар аударайық - Нені көріп тұрсыңдар? Дұрыс, ал енді бір ойын ойнайық: Д/ойын: «Не қайда орналасқан?» -Машина қай жерді тұр?             Д/ж: «Қателеспе» (жүргізуші 1 балаға бағытын айтады, бала керекті затты табу керек) Қ/ ойын: «Кім жылдам?» - Оңға бұрыл. - Оң қолыңды сол құлағыңның ұшына тигіз.                 Дәптермен жұмыс: 1- тапсырма:  Суретпен жұмыс сызбамен 2- тапсырма: Үлестірмелі материал затты орналастыр. 3- тапсырма: Бағдаршамды боя. Ұлудың жолы 4- тапсырма: Жол және баған 5- тапсырма: Жай қарындашпен сызу. Өзін- өзі бағалау: Жұлдызшалар                         Сергіту сәті: Кел балалар, тұрайық Мойнымызды бұрайық Денемізді қозғайық Бір, екі , үш, Үлкен болып өс.	Үстел үстінде көп заттар тұр. Машина үстелдің астында тұр. Сөренің жоғарғы бөліндегі допты алып кел. Балалар үлгіге қарап дәптердегі тапсырманы орындайды. Балалар шеңберге тұру Мойындарын оңға, солға бұру. Денелерін қозғалту. Санау 1,2,3, Қолдарын жоғары көтеру, секіру.
Рефлекстік- түзету.	Қай орталықта жұмыс жасадыңдар? Қандай тапсырма ұнады? Неге? Кімнің жауабы ұнады?	Біз кеңестікте бағдарлауға үйрендік.

Күтілетін нәтиже:

Білу керек:кеңістікте бағдарлау,

Болу керек: оқу іс- әрекетіне қызығушылығы.

Үйрену керек: тапсырмаларды дұрыс орындау.

Мектепалды даярлау «Ақбота» тобының технологиялық картасы

Күні__________________

Білім  беру саласы: «Таным»

Оқу іс-әрекеті: Қарапайым математикалық ұғымдардықалыптастыру, Тақырыбы: Есеп және оның шарты, сұрағы шешуі

Мақсаты:

1. Жұмбақ есептерді шығаруды, ауызша есептеуді үйрету.

2. Ойлауды, тез есептеуді дамыту.

3. Тәрбиешінің сөзін бөлмей мұқият  тыңдай білуге тәрбиелеу.

Көрнекіліктер: қима суреттер.

Билингвальды компоненті:  шарты

Әрекеттердің кезеңдері	Тәрбиешінің іс-әрекеті	Балалардың іс-әрекеті
Ұйымдастырушылық- оқытушылық, қызықтыру-шылық	Таңғы жиын: Бақыт – біздің сиқырлы шеңберіміз, Бақыт – біздің достарға сенгеніміз. Бақыт – таңнан біреумен достасуың, Бақыт – кеште достармен қоштасуың. Жұмбақ: Төрт тағанды бойы бар, Момындық дұрыс ойы бар. Кербезденіп жүрмейді, Айналдырған тоны бар. Ол не?  Балалар, біз бүгін қойды мүсіндейміз.                         жұмбақты шешіп көріңдер. Түбірлі төртеу, Түймемен бесеу, Ерубай екеу, Мамық жалғыз. Ол не? -Ал дорбаның ішінде неше құлын неше жылқы. Барлығы нешеу? Тәрбиеші тапсырмалармен таныстырады. Біз бүгін есептерді дұрыс құрастыруға үйренеміз.	Балалар шеңберге тұрып бірге айтады. Ол қой. Ол жылқы. 2 құлыншақ және 4 жылқы болады 6
Ұйымдасты-рушылық - ізденушілік Есеп орталығы	Балалар, есеп орталығына қош келдіңіздер! -Мен сендерге жұмбақ жасырайын, мұқият тыңдаңдар Туысқан бес кісі, Бірінен – бірі кіші. Бәрінің аты бір, Ең кішісі шеткісі. - Сандарға арналған санамақ кім біледі? Ауызша есептер: А)  5 алманың екеуін Досың сұрап алды, Айтшы сонда нешеуі Өз қолыңда қалды? Ә) Екі қоянда неше құлақ бар? Б) Екі тышқанда неше құйрық бар? Дәптермен жұмыс: 1. Есепті шығарамыз. 2. Суретті есеп. 3. Суретті боя, есепті шығар. 4. 3, 4 цифрларды жазу. 5. Шыршаны салу- үзік сызықтарды басу.  Өзін-өзі бағалау: көңілді пішіндер.                        Сергіту сәті:  Бір, екі, үш –  (мәтінге сәйкес іс-әрекеттер жасау) Қарлығаш боп ұш. Төрт, бес, алты – Қарлығаш боп қалқы Жеті, сегіз, тоғыз,он – Қарлығаш боп қон.	Жұмбақтың шешуі: бес саусақ. Аруна: «Бір үйде біз нешеуміз?» санамағы. 3 алма. Екі қоянда 4 құлағы бар. Екі тышқанда 2 құйрығы бар. Балалар дәптердегі тапсырмаларды орындайды. Балалар өздерін бағалайды. Балалар сөздерді айтып, қимылмен көрсетеді.
Рефлекстік- түзету.	Қай орталықта жұмыс жасадыңдар? Қандай достарыңның жауабы ұнады? Қандай тапсырма қиын болды?	Есеп орталығында жұмыс жасадық.

Күтілетін нәтиже:

Білу керек: есеп және оның шарты, сұрағы шешуі туралы білу.

Болу керек: оқу іс- әрекетіне қызығушылығы, ынтасы.

Үйрену керек: жұмбақ есептерді шығаруды, ауызша есептеуді үйрету.