Контрольнай диктант 8-це класса тонафнефть лятфтаманц
коряс
Шири покодема
Ся тундать Тишканди мольсь кемгафтувоце кизось,мъзярда сонь аляц,Авдю,и
Мялька оцяц тага сърхкасть тумс кудста,Сире Маманяста Волгать шири.Синь ушедсть
тоза якама нинге ефси одняста и пъцтай эрь кизоня.Тунда,ловонь соламда
меле,туйхть тоза,а сексенда,ловонь празь,сайхть меки куду.Тядде,синдедост
башка,тоза мархтост сърхкасть и лия велень ломаттьке.Тумдост инголе тевть
латцезь станя:пачкодемок Саратову,сяфтяма кодама-кодама емла тефт,а
тоса,ванат,кенерихть серотневок.Сивоттяма тозеронь лядема,а сера урядамда меле
эсь келесонк усктама Нижняи баржа.Ловнять прамс сатама меки куду.Кудста
тумок,тевсь арьсефоль пяк лац,но лиссь лиякс.
Волга берякти синь пачкодсть,кода и арьсефоль,июнь ковть мекольдень
шистонза илядь малати.Ся пингть шись ляцсь ведть лангс эсь сюролданзон и станя
вельхтязе сонь сияса,нъльня лангозонза аш кода ваномс.(120)
Т.Кирдяшкинонь
коряс.
Контрольнай диктант «Сложносочиненнай валрисьмось»темать коряс
Солдатонь арьсемат
Армияса Галош пандти тактическяй занятияс сявондемазь
сидеста.Весть-кафксть куцемс-валгомс-ся аш мезевок.А мъзярда мельцек тянь
тиендемс колма-ниле част-каяфтк гимнастеркацень и салыяфтт потмозонза
куярхт.Тага арьсезеват…
Солдатонь ризфне,къда пиземсь лангстот аф штасыне,эсь ливозьсот
лихтевихть.Но шобдаваста илядьс кошардозь эрямась-сембода стакась.Мяльхне
лиендихть кати-куваня,васетькшнихть кельгома и содаф ломаттнень мархта,а тон
матфат кевонь кяскаву-казармав,и марясак пряцень керф паця нармонькс.Шиньберьф
сизят куломшка,но эстокигя аф матодоват.Стака арьсемада аралатанза удомась.Ваят
бъта кърхка томбас.Тейть-арам,тодуценьге ашить кенере эждемс,а тяса ни пря
потмоцень пидесы «Подьем!»-аеркс валсь.Тага арьсек 45 секундатнень колга.А
завтракамда меле тага учсетянза ошть песа Галош пандсь.Тага эрявихть шовсемс
боконза пеккедьса.Ся ванондомс пара перьфпяльть панда пряста,а Вов куцемс
тоза,да нинге ласькозь или пеккедь лангса…Э-хе-хе…(141)
Г.Пинясовонь коряс.
Контрольнай диктант «Сложноподчиненнай валрисьмось»темать коряс
Сиянь пайгонят
Тя ульсь пяк кунара.Кържа лядсь ломаньдовок,кит синць кулендезь тя
азксть эсь аляснон-тядяснон кургста.
…Кунардонь пингста,мъзярда сетьме Вадось шудесь тумонь и пичень
вирьхнень еткова,а перьфканза велева и веленява эряй ломаттне ульсть тазат и
павазуфт,сире атятне азонкшнесть ефкст оттненди сиянь пайгонятнень колга.
Кивок вестьке ня пайгонятнень ашезень няенде и куленде.Къле,няевихть и
кулевихть синь аньцек ся ломанти,кона лама няйсь сонць,кирдсь лама сталмода,аньцек
тяда меле ашезе юмафта валда ваймонц и ванфонц ломаттнень и эряфть лангс.
Кой-кит од цератнень эзда тяряфнесть мумс сиянь пайгонятнень,аньцек
тячемс киндивок сиянь пайгонятне ашесть мув…
Тяфта азондсть сире атятне од ломаттненди,конат сувсесть пялост
тялонда,илять,мъзярда кудонь тефне аделсевсть,а шись шопотькшнесь
курокста.Кой-мъзярда кивок кизефнесь атятнень:къле,ульсть,пади,стама
ломатть,кит няезь-кулезь сиянь пайгонятнень?Атятне аньцек вадерясть кувака
сакалснон эса и куфкснесть,къле,тяфтама ломань колга ашеме куленде,тяфтама
ломань ашеме няенде.(148) В.Нестеровонь коряс.
Контрольнай диктант «Синтаксисонь сложнайготф конструкциятне» темать
коряс
Церанц шири инжикс
Федярясь кунара ни молель ширезонза,да коль аф досуколь.Васенда
модамаренза эрявсть таргамс,каямс седялу,матфу.А бабать мархта кафоненза дяряй
лама тият?Сонць прянц нинге лац марясы,а авозец,Ольга баба,ся аньцек кочкама и
сафтсы;фкя ведарка канды ворафста седялу,цю мъзярс ваймоси.Савсь помочь
серьгядемс-сашендсть курнянь аватне:Алдакаерясь,Вера баба,Матя… И то кафта шит
возендасть.
То-та,таргазень модамарензон-пизепт-ърдаст тусть,аньцек кямоса кялеват
разъезду.А кодама ни кялись,Федярясь…суфтозе ушенц-капстань тапама пингське
сась.Федярять сонценькапстанза ашельхть-перец вярьгак вастса ащи:тунда озафты
рассада,валондсыне-тисыне юрнятнень,а сексети,ванат,сянгяря лопатне сяка аф
ашкодыхть пряс.Лямонди кондястихть,а салыяфтомс-аф.Вов и сашендови рамсемс
капстат.Ляй беряк курняста.Тонатнень пересна алгак вастсот-хоть капстатне,хоть
куярхне апак валонтт касыхть…
Кафоненза лама-аф лама,а сядошка кила эряви:лямонди,модамарь
мархта.Капстань тапама тага помочь сашендовсь тернемс.(143)
Ю.Кузнецовонь
коряс.
Итоговай контрольнай диктант кизоть песта.
Ленань эсь кшиц
Лена эрясь мокша велеса фкя тяла и мърдась
меки Саранскяи.А Анясь илядсь щаканц мархта,мъзярс Преснякофне исть строя сяка
юрхтозост од куд.А къда пяк ни лажаткшнесть теенза,Пята нолнесь серма
сестранцты,и ся сашендсь Ниле-вете шис Саранскяи.
Аляц теенза мярьгондсь ялга ингольде «моя
мокшаночка»,мезенкса ашезе шнакшне сонь Лена,пельсь,бъта станя лемнезь Анясь аф
тонадсы рузонь кяльть.
Но «мокшаночкась»кассь,тонафнесь,войнань
кизотнень аделазе фельдшерско-акушерскяй училищать и тяни сърхкась вели,кадсы
тядянц ськамонза…
Елена Васильевнань серай оцю сельмонзон инголе
вдруг сардыясть,арасть сюру-пулукс электрическяй фонарень равчста архтф
столбатне,машина кинь рельсатнень вельхксс кепотьф кшнинь равжа седсь,товарнай
ваготтне,конат ащесть омбоце платформать лангса.Сардыясть перронга якай
ломаттневок,эсь стирецка,шить каршеса пиндолды вокзалонь кели
вальмятневок.Сембе няевись келемсь и келемсь,сяльде равчкодсь фкя лаца оцю
Маркс,и тядясь марязе,кода сязевсь сельмокеронзон эзда мезе-бъди стака и лямбе.
Тя еткть и марязе кержи кавлалонза стиренц аф
оцю кяднянц,шобдавань ару кожфть эзда кельмоня и тияк ляпоня-ляпоня,тядять
кядьганза,пильгованза-зърр-мольсь шуваня котькодеманя.(174) И.Девинонь коряс.
Оставьте свой комментарий
Авторизуйтесь, чтобы задавать вопросы.