Тема : "Өсімдіктер дүниесі " 4-класс

Сабақтың тақырыбы: Өсімдіктер дүниесі адам қамқорлығына мұқтаж

Сабақтың мақсаты: өсімдіктердің пайдасы олардың адам өміріндегі маңызы туралы ұғым.

         Табиғатты қорғауға, өсімдіктердің пайдасын, қасиетін білуге, оны қорғауға тәрбиелеу.

         Сөздік қорларын толықтыру, ой-өрістерін кеңейту, адамгершілікке қалыптастыру.

Сабақтың көрнекілігі: суреттер, Қызыл кітап, слайд

Сабақтың әдісі: тусіндіру, әңгімелесу, сұрақ-жауап

Сабақтың барысы:

I.      Ұйымдастыру

Оқушылармен сәлемдесу

Сабаққа әзірлеу

II.   Үй тапсырмасын тексеру

-         Өткен сабақта нелер туралы оқыдық?

-         Өсімдіктер туралы

-         Біздің елімізде өсімдіктердің неше түрі өседі екен?

-         Ғалымдардың есептеуі бойынша 6 мыңнан астам өсімдік түрі өседі екен

-         Өсімдіктер неше топқа болінеді екен?

-         Үш топқа: ағаштар, бұталар, шөп текті өсімдіктер

-         Өсімдік қандай табиғатқа жатады екен?

-         Тірі табиғатқа: оған ауа, қорек, ылғал, жарық, жылу керек

-         Өсімдіктер неше түрге бөлінеді?

-         Екі түрге,жабайы және мәдени өсімдіктер

-         Мәдени өсімдіктерге нелер жатады?

-         Адам қолымен күтіп – баптап өсіретін өсімдіктер

Мұғалім табиғат көркі бейнеленген суретті көрсетіп сұрайды.

-         Әсем табиғат көрінісін жырлаған Ұлы ақын кім?

Хормен: Абай Құнанбаев

-         Ол кісінің көктем туралы өлеңін кім оқып береді?

-         Жазғы тұрым қалмайды қыстың сызы

-         Масатыдай құлпырар жердің жүзі

(қол соғып қошеметтейді)

III.  Мақсат қою кезеңі

-         Балалар, бүгінгі сабақта біз қоршаған ортаны қорғап күту керектігін, өсімдіктер әлеміне қамқорлық қажет екендігін оқып білеміз.

-         Сабағымыздың тақырыбы: өсімдіктер дүниесі адам қамқорлығына мұқтаж.

IV. Жаңа сабақты түсіндіру кезеңі

1.    Оқулықта берілген мәтіннің мазмұнын айту.

2. Еліміздің әсем табиғатын, өсімдіктері мен аң-құстарын сақтау үшінмемлекеттік қорықтар мен ұлттық паріктер құрылған.

·        Ақсу – Жабағылы

·        Алматы

·        Наурызым

·         Барсакелмес

·        Қорғалжың

·        Марқакөл

·        Үстірт

Біздің Түргеннің де әсем табиғаты мен аң-құстарын сақтау үшін ұлттық парк құрылған.

3.     Елбасымыз Н.Ә. Назарбаев өзінің Қазақстан 2050 стратегиялық жолдауында табиғатты корғау, аң-құстарды сақтау, ағаш отырғызып,  гүл егіп, айналаны көгалдандыру керектігін баса айтты. Осыған орай «Тауелсіздігіміздің 20 жылдығына 20 мың ағаш отырғызу» деген акциясы болып өтті. Үйіміздің айналасына , көшемізге ағашты көптеп отырғызуымыз керек.

4.     Оқушылардың оқу жылдамдықтарын тексеру «Моншақ» ойынын ойнату. Мәтінді тізбектеп оқыту.

V. Жаңа сабақты түсінгенін тексеру

·        Біздің елімізде өсімдіктер қалай корғалады?

·        Қызыл кітап деген не?

·        Қорықтар не үшін керек?

·        Өсімдіктердің таза ауа, әдемілікпен бірге қандай маңызы бар?

Дәрілік маңызы бар.

5.     Дәптермен жұмыс. (қорықтардың атын жаздыру)

VI. Бекіту кезеңі

-         Өсімдіктерді қорғау үшін сендер не істер едіңдер?

§  Күн, ауа, су, топырақ – бұлар тіршілік көзі. Таза болуын қадағалар едім.

§  Мен ағаштарды көп егемін. Жасыл желкендерді күтемін. Жұлып, кесіп сындырған адамдарды тәртіпке келтіремін.

§  Табиғатты аялау – бұл бүкіл адамзаттың міндеті. Оған бізде үлесімізді қосамыз.

§  Табиғатты қорғау үшін бәріміз күресейік! Бір – бір ағаш егейік. Текке отырмай жасымыз бен кәріміз. Таза ауа үшін терімізді төгейік.

§  Өзіміздің отырған – тұрған жеріміздің тазалығын сақтайық.

Мұғалім:  балалар кім Т. Молдағалиевтің «Гүлдер» өлеіңн айтып береді?

Бір оқушы жатқа айтып береді.

Бағалау.

Оқушыларды 4-5 ке бағалап, мадақтау.

VII. Үйге тапсырма

         Мәтінді оқып, өсімдіктерді қорғау жөнінде өз ойларын әңгімелеп жазып келу.