Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Начальные классы / Конспекты / Темэ: Жамьян Балданжабон «Та»

Темэ: Жамьян Балданжабон «Та»


  • Начальные классы

Поделитесь материалом с коллегами:

Буряад Республикын һуралсалай болон эрдэм ухаанай министерство

Хэжэнгын аймагай эрдэм һуралсалай таһаг

Ц-Д.Ж.Дамдинжаповай нэрэмжэтэ

Могсохоной юрэнхы болбосоролой дунда һургуули







Темэ: Жамьян Балданжабон «Та»









Бэлдэгшэ: Буянтуева Сэсэгма Гудоржиевна,

эхин классай багша.







Темэ: Жамьян Балданжабон «Та»


Зорилгонууд: Ж.Балданжабоной «Та» гэһэн зохёолтой танилсуулха, тэрэнэй гол удха - аха зониие хүндэлхэ ёһо ойлгуулха, рассказай удхаар оньһото хэрэгсэл хэрэглэжэ, тест үнгэргэн, һурагшадай мэдэсыень шалгаха.

Хэшээлэй хэрэгсэлнүүд: һуралсалай ном, оньһото хэрэгсэл, тест.

Хэшээлэй ябаса

Ι Эмхидхэлэй үе. Хэшээлэй темэ болон зорилгонуудтай танилсалга.

Мүнөө хэшээлдэ бидэ Ж.Балданжабоной «Та» гэһэн зохёолтой танилсажа, гол удха дээрэнь хүдэлхэбди, мүн тиихэдэ рассказай удхаар оньһото хэрэгсэл хэрэглэжэ, тест дүүргэхэбди.

ΙΙ. Словарна хүдэлмэри.

Мордохуулжа ядана- һуулгажа ядана

Бадашаба- харааба

Гэмээ мэдэрэнгеэр - зэмэтэй байһанаа мэдээд

ΙΙΙ. Багшын жэшээтэ уншалга.

Үхибүүдэй текст юрэнхыгөөр ойлгожо абахын тула, багша уншахынгаа урда тээ иимэ асуудалнуудые табина.

- Зохёолой гол геройнууд хэд болоноб?

- Валя ямар нааданхайтайб?

- Валиин куклын портрет зураглан хэлэхэ.

Тобшолол: Зохёолой гол геройнууд Валя, Дулма, Булад болоно. Валя гоё куклатай. Тэрэнь сэсэгтэй эреэн платитай, сэгээн сэнхир нюдэтэй.

ΙV. Бэеэ даанги уншалга.

Зохёолой гол удха элирүүлхын тула, багша үхибүүдтэ иимэ асуудал табина.

- Валя Дулма хоёр юун дээрэһээ бэе бэедээ дураа гутааб?

Тобшолол: Дулма Валиин куклыень ши гэжэ нэрлээ, тиихэдэнь Валя ехээр дураа гутаа.

V. Нюур нюураар уншалга.

- Энэ зохёол соо хэд хөөрэлдэнэб?

- Нюур нюураар уншахын тула хэды хүн хэрэгтэйб? (Гол геройнуудһаа гадна, автор хэрэгтэй гэжэ ойлгуулха)

Анхаралтайгаар шагнанабди, уншаһан хойноо иимэ асуудалда харюусахат:

- Булад хүбүүн хайшан гэжэ тэдэниие эблэрүүлээб?

Тобшолол: Булад ахайнь эдэ хоёр басагадта ойлгуулжа үгэбэ.

VΙ. Түүбэри уншалга.

- Булад ахайнь Валя, Дулма хоёрто юун гэжэ ойлгуулжа үгэбэб? Текст сооһоо олоод, уншажа үгэхэ.

  • Валя, ши юундэ хобуушан шэнги халтад гэхэдээ, иигэнэл, тиигэнэл гэнэш! Бү тиигэ!

  • Үгы, ехэ хүниие ши гэжэ болохогүй, та гэхэ ёһотой. Муу хүүгэд лэ ехэ хүниие ши гэдэг.

Тобшолол: Аха заха зониие хүндэлжэ, та гэхэ ёһотойт, нэрээрнь хэлэхэгүй, заабол Дулмын гү, али Батын ахай, абгай гэжэ нэрлэхэ хэрэгтэй.

VΙ. Компьютер дээрэ тест дүүргэлгэ. (Оньһото хэрэгсэлэй үгы һаа, Хабсаргалта 1 һурагшадта хубаажа үгэхэдэ болохо).

VΙΙ. Хэшээлэй дүн. Гэрэй даабари. Энэ зохёолой удхада тааруулжа, оньһон үгэнүүдые оложо бэшэхэ.












Хабсаргалта 1

Ж. Балданжабон «Та»

1. Валя ямар нааданхайтайб?

а) машинатай

б) велосипедтэй

в) куклатай


2. Тэрэ куклаяа юун гэжэ нэрлэдэг бэ?

а) доктор абгай

б) артистка абгай


3. Валин куклаар хэн наадахаяа ерэдэг байгааб?

а) Дулма

б) Дарима

в) Вика


4. Валя Дулма хоёр куклаяа юунэй нюрган дээрэ мордохуулжа яданаб?

а) мориной

б) нохойн

в) миисгэйн


5. Валя юундэ гомдооб?

а) Дулма куклыень буляагаа

б) Дулма куклыень ши гэжэ нэрлээ

в) Дулма куклыень эмдээ


6. Булад тэдэниие хайшан гэжэ эблэрүүлээб?

а) куклыень буляажа абаба

б) углууда байлгаба

в) ойлгуулжа үгэбэ




Автор
Дата добавления 19.10.2015
Раздел Начальные классы
Подраздел Конспекты
Просмотров147
Номер материала ДВ-076896
Получить свидетельство о публикации

Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх