Тіл дамыту. Әдемі киінеміз тақырыбы бойынша технологиялық картасы

Ортаңғы «Б» тобының ұйымдастырылған оқу

іс-әрекетінің технологиялық  картасы

Білім беру саласы: Қатынас

Кіші сала: Тіл дамыту

Тақырыбы: Әдемі киінеміз

Мақсаты: Жыл мезгілдері туралы білімдерін толықтыру;  схема арқылы сипаттау үлгісі бойынша әңгімелеуді үйрету; педагог сұрақтарына толық жауап беру; «Киім» тақырыбында затты  және бөліктерін атау арқылы тілдерін дамыту;

Іс-әрекет кезеңі	Тәрбиешінің қызметі	Балалардың іс-әрекеті
Мотивациялық қозғаушы	-         Балалар біз бүгін сендермен концертке қатысамыз. Балаларға сұрақтар қояды. -         Ал балалар әртістер концертке қатысу үшін қалай киінулері керек? -         Концертке, мерекеге сай әдемі киімді қайдан аламыз? -         Қандай дүкеннен аламыз? -         Киім түрлерін атап көрейікші?   -  Мен бүгін сендерді сиқырлы балалар дүкеніне шақырғым келіп тұр. Ол дүкенде киімді ақшаға емес, әдемі сөздер мен сөйлемдер айтқанымыз үшін аламыз. Сол себепті біз бүгін әдемі киініп. Концертке қатысу үшін жақсы әдемі және көп сөйлеуіміз керек. Сондықтан біз тілімізді жаттықтырып алайық. Балалар киімді матадан тігін машинасымен  тігеді. Машинаның дауысын шығарып көрейік. - Киім тігіп отырып  әндетеміз.	Балалар шеңбер бойына тұрып, бір бірінің қолдарын ұстап жылы сөздерін айтады. Балалар педагог сұрақтарына жауап береді. -         Әдемі -         Ашық түсті -         Мерекеге сай -         Дүкеннен -         Балалар киім дүкенінен -         Көйлек, жейде, шалбар, т.б Тық-тық-тық Тық-тық-тық Ля-ли-ле Ли-ля-лю
Ұйымдастырушылық ізденіс	Экран бетінде  Жалмауыз кемпір суреті шығады. -       Мен сендерге ренжідім. Мен сендер мені өздеріңмен бірге концертке ала ма деп сендерді орманда жалғыз  күтіп отырсам. Сендер болсаңдар мені естеріңі де алмадыңдар. Ал, енді сендер енді дүкенге де, концертке де бармасыңдар. Мен сиқырлы құлыппен есікті жауып тастадым. Егер менің тапсырмаларымды орындасаңдар мына құлыптар бір-бірден ашылады. -         Ал, білімді, ақылды, батыл балалармыз. Қандай болмасын тапсырманы орындап береміз! -         Солай ма балалар? Д.Ойын:  «Жыл мезгіліне сәйкес киімдерді орналастыр »  -  Балалар, жалмауыз кемпір қай жыл мезгілінде қай киімді киетінін білмейді екен.  Сендердің алдарыңда 3 молбертте жыл мезгілдеріне сәкес белгілер тұр. Сендер сол белгілерге сәйкес киімдерді  орналастыруларың керек. -  Қалай ойлайсыңдар,  әр белгі қай жыл мезгілін білдіреді екен? -       Неліктен бұл көйлекті қыста киюге болмайды? -       Неліктен біз жазда қолғап кимейміз? -       Неліктен сен ұзын жеңді жейдені бұл жыл мезгіліне орналастырдың? Экранға  назар аударады. 1-ші құлып ашылады. Д.Ойын: «Мына киіммен не істеу керек?» -      Балалар күнде сендер балабақшаға таза, ұқыпты, әдемі болып  келесіңдер. Себебі, сендердің аналарыңның көмекші құралдары бар. Ал өкінішке орай Жалмауыз кемпірде  сендер сияқты үнемі әдемі, ұқыпты болып жүру мүмкіндігі жоқ. Сондықтан қане біз жалмауыз кемпірге киімді ұқыпты таза ұстау үшін не істеу керек екендігін көрсетейікші. Экранға назар аударады. 2 құлып ашылады. Сергіту сәті. «Көнілді күн» Схема бойынша сипаттау үлгісі -       Балалар сендер өздеріңе киім таңдап  аласыңдар. Және сендер сол киімдеріңді мына сиқырлы таблица арқылы сипаттап бересіңдер. ? Түсі? Неден жасалған? қандай  бөліктері бар? қай жыл мезгілінде киеді? Кім киеді? -         Бұл не? -         Түсі қандай? -         Неден жасалған? -         Қандай бөліктерден тұрады? -         Қай жыл мезгінде киеді? -         Кім киеді? -       Мына суреттерге кім өзбетінше сипаттама жасап береді? Экранға назар аударады.  3-ші құлып ашылады.	- Ия Қыс, жаз, күз, көктем Себебі, ол жазғы көйлек. Қыста бұл көйлекпен суық. Себебі, ыстық болады Себебі, жазда бұл жейдемен ыстық. Сергіту сәтін қимылмен орындайды. Педагогты тыңдап, схема бойынша сипаттау үлгісімен танысады. Сұрақтарға жауап беріп, сипаттама жасайды. Бір бала өзбетінше суретке қарап сипаттама жасайды.
Рефлексивтік түзету	Жалмауыз кемпір балаларды мақтап балаларға дүкенді ашып кім ұсынады. Және балаларға концерттік бір номер қоюын, яғни өнерлерін көрсетуін  өтінеді.	Балалар ұсынысты қабылдайды. Балалар оркестрде ойнап береді.

Күтелетін нәтиже:
Ұғынады:	Сипаттау үлгісі бойынша әңгімелеуді
Түсінеді:	Сипаттау үлгісі бойынша әңгімелеу барысында схемаға жүгінуді
Қолданады:	Толық сөйлеуді