Тіл дамыту сабағы қазақ топтарына

Ұйымдастырылған оқу іс-әрекетінің технологиялық картасы

2015 жыл.

№1 оқу іс-әрекет: «Қатынас» білім беру саласы

Бөлімі: Тіл дамыту

Тақырыбы: Менің сүйікті ойыншығым.

Мақсаты: ойыншықтарды сипаттап айтуға үйрету. Қандай? сұрағына жауап беруге және жалғау, жұрнақтарды сөздерге дұрыс жалғап айтуға үйрету. Ұқыптылыққа баулу.

Көрнекіліктер: ойыншықтар, үлестірмелі суреттер (ат, ботақан, мысық).

Сөздік жұмыс: ботақан, кұлыншақ

Жоспар кестесі:

Оқу іс-әрекетінің кезеңдері	Тәрбиешінің іс-әрекеті	Баланың іс- әрекеті
Мотивациалық- қозғаушылық Ұйымдастырушылық-ізденістік	М.Әлімбаевтың «Ойыншыктар» өлеңін оқып беру: Біздерде бар қуыршақ, Бұзау, қозы, құлыншақ. Ойыншықтар тыңдайды, Айтқаныңнан шықпайды. Өлеңнің мазмұнын түсіндіріп, өлең жолдарын жаттауға ұсыныс жасайды. Бүгінгі оку іс-әрекетінде ойыншықтармен танысатындықтарын айтып, балалардан топта, үйлерінде қандай ойыншықтар барын сұрайды. - Сенің қандай ойыншығың бар? -Ойыншықтарыңды жақсы көресің бе? -Қандай? (Үлкен, кішкентай). -Сен онымен ойнап болған соң, орнына жинайсың ба? -Ойыншыктардың тұратын жерін білесің бе? Ойыншықтарды лақтырмай, сындырмай, ұқыпты ойнау керектігін айтады. Ғажайып сәт: «Сиқырлы сандық». - Кәне, сандықта не бар екен, деп балалардың көңілін аударады. - Ботақан, мысық, кұлыншақ бар екен. - Енді осы ойыншықтарға әңгіме кұрастырайық. Әңгіме құрастыруға көмектеседі. Ботақан, құлыншак туралы түсіндіреді. Сергіту сәті: Тікірейіп құлағы, Менен бұрын тұрады. Бойын жазып керіліп, Беті-қолын жуады. Үлестірмелі суреттермен «Тез көрсет!» ойынын ойнатады. Ойыншықтардың аттары бар өлең оқыған кезде өлеңде айтылған жануарлардың суреттерін жылдам көрсету керек. Мысалы: Құлыншағым - құндызым Құлдырайды, шабады. Жылтылдаған жұлдызым Құстай қанат қағады. Тікірейіп құлағы Менен бұрын тұрады. Бойын жазып керіліп, Беті-қолын жуады. Тәй, тәй тұрған ботақан, Аяқты қалт-кұлт басасың. Осы тақпақтардың біреуін жаттауды ұсынады. «Не артық?» дидактикалық ойыны. Суреттен не артық екенін табады.	Балалар өлеңді қызығушылықпен тыңдайды. Жаттауға талпынады. Сұрақтарға жауап береді. Ойыншықпен ұқыпты ойнауды түсінеді. Балалар сандыққа қызығушылық танытады. Ойыншықтарды балалар қуана қабылдайды. - Менің ойыншық мысығым бар. -Мысықтың екі кұлағы, төрт аяғы, кұйрығы бар. -Мысығым аппақ. -Ол сүтті өте жақсы көреді. -Менде құлыншак бар. -Құлыншак кішкентай, әдемі. Мен кұлыншақты жақсы көремін. -Менде ойыншық ботақан бар. -Ботақанның құлағы, төрт аяғы бар. Балалар қимыл-қозғалыс жасайды. Ойынды түсініп ойнауға талпынады. Тез көрсетуге тырысады. Балалар жылқыны көрсетеді. Балалар мысықты көрсетеді. Ботаканды көрсетеді. Өлең жолдарын бірнеше рет қайталап жаттайды. -Суретте гүл артык, өйткені ол ойыншык емес.
Рефлексиялық-түзетушілік	Балаларға сұрақтар беріп, қайталатады. Балалардың түсінгендерін, қимыл-қозғалыстарын, жақсы ойнаған бала-ларды бағалайды, мадақтайды	Балалар қайталайды. Балалар түрлі қимыл-қозғалыстар жасайды

Күтілетін нәтиже:

Біледі: ойыншықты сипаттауды;

Игереді: ойыншық туралы түсінікті;

Меңгереді: өлең жолдарын жаттауды.