Тіл ждамыту "Күз жомарт"

                                      Ұйымдастырылған оқу- әрекетінің технологиялық картасы

МДС «Ә»

Күні:

Тәрбиеші:

Білім беру саласы: Қатынас

Бөлімі:Тіл дамыту.

Тақырыбы:Білім еліне саяхат.

Мақсаты:Білім әлемі туралы түсінік беру. «1 Қыркүйек-Білім күні» екенін айтып, білім алу мақсатында алғаш мектеп, балабақша табалдырығын аттаған балаларды құттықтау.Саяхат жасау арқылы балалардың білімге деген құштарлықтарын арттырып, қиялдарын дамыту.Ұжымды достық қарым-қатынасқа тәрбиелеу.

Қостілдік  құрам:мектеп-школа, сынып- класс, қыркүйек- сентябрь.

Оқу іс-әрекеті	Тәрбиешінің іс-әрекеті	Дидактикалық көрнекіліктер	Баланың  іс-әрекеті
Мотивация-лық кезеңі.	Балалар шеңбер құрып, дөңгелене тұрады. -Балалар, біз дөңгелене тұрып, бір-біріміздің жүзімізді көреміз, бір-бірімізге  жымиямыз, жылы лебіздер айтамыз, осылайша қуанышқа бөленеміз. Бүгін – мереке. Еліміздің түпкір-түпкірінде білім күнін атап өтуде. Бүгінгі мерекелік көңіл күймен бір-бірімізге  қуаныш сыйлайық. -Армысың асыл күн, армысың жан досым. Жылуыма жылу қос, міне, менің қолым. -Балалар, бір-бірлеріңнің алақандарыңды ұстап тұрып, нені сезіңдіңдер? -Жылылық, қуаныш т.б		Өлеңді қайталап айтып, не сезінгендерін айтады.
Ұйымдастыру, іздену Дәптермен жұмыс.	Тәрбиеші балаларға «Білім» еліне саяхатқа шығатындарын, алдарында қызықты тапсырмалар күтіп тұрғандығын айтады. Оқу іс-әрекеті барысында бірнеше аялдама болатындығын, әр аялдамада сұрақтарға жауап беретіндіктерін, тапсырмаларды орындайтындықтарын және дыбыстар мен әріптер, сандар жайлы мәліметтер алатындықтарын хабарлайды. «Әдебиет әлемінде» аялдамасы. Бұл аялдамада өлең-тақпақтар, жұмбақ-жаңылтпаш, ертегілер, қызықты әңгімелер жайлы қысқаша мағлұмат беріледі. -Қандай өлең немесе ертегі білесіңдер? 2. «Әріптер әлемінде» аялдамасы. - Дыбысты айтамыз, естиміз. - Әріп-дыбыстың таңбасы. Әріпті жазамыз. - Балалар, әрқайсысың есімдеріңнің қай дыбыстан басталатындығын айтыңдар. Тәрбиеші дауысты «а» дыбысының әртүрлі интонациямен айтылатынын мысалдар арқылы айтып көрсетеді. Содан соң балалар бірнеше рет қайталайды. Дәрігерге келген бала ауызын кең ашып: «А-а-а»,- деп айтады. Қыз бала: «А-а-а»,-деп әндетеді. Анасы сәбиін: «А-а-а»,-деп әлдилейді. 3. «Математика әлемі» аялдамасы. Бұл аялдамада балалар математикалық  ұғымдармен, таңбалармен, геометриялық пішіндермен танысады. 1. Балалар онға дейін санайды. 2. Тәрбиеші геометриялық фигуралардың суретін көрсетеді, балалар айтады. Мысалы: үшбұрыш, төртбұрыш т.б. 3. Математикалық есеп шығарады. Мысалы: Ағаш бұтағына 3 торғай қонып отыр. Бір торғай ұшып кетті. Бұтақта неше торғай қалды? (Жауабы: 2 торғай) -Балалар, «Білім» елі сендерге ұнады ма? «Білім-сарқылмас қазына» дейді. Өмірде тек білімді ғана емес, мейірімді, қайырымды болу керек. Білімді, тәрбиелі адам Отанының өсіп-өркендеуіне үлесін қосады. 1. Мереке, білім, мектеп, оқушы, мұғалім, қоңырау деген тірек сөздерді пайдаланып және жетекші сұрақтар арқылы әңгіме құрастыру. Сурет бойынша қойылатын сұрақтар: 1. Балабақшада не үйрендіңдер? 2. Балалар мектепке не үшін барады? 3. Мектепте оқитын баланы кім деп атайды? 4. Мектепте қоңырау не үшін соғылады? 2. Оқу құралдарымен таныстыру. Осыдан кейін дәптерлеріндегі сөмкеге қажетті оқу құралдарын сызықпен сызып көрсетеді. 3. Дәптерде берілген мақал-мәтелдің мағынасын түсіндіру, жаттату.	Мектеп, балалар суреті Кеспе әріптер Сандар. Пішіндер мектепке, балабақшаға кетіп бара жатқан балалар дың суреттері.	Өлең, тақпақ, ертегілер айтады. Балалар есімдерінің қай дыбыстан басталатынды-ғын айтады. Математика-лық тапсырмалар-ды орындайды. Тапсырмаларды орындайды.
Рефлексивті түзету	Сұрақ-жауап әдісі арқылы бүгінгі сабақтан алған білімдерін қорытындылау.		Сұрақтарға жауап береді.

Күтілетін нәтиже:

Жүйелейді: мектеп туралы ойын нақтылайды.

Қолданады: білім, әріп, сандарды қолдана біледі.

 Түсінеді: білім туралы түсінеді

Ұйымдастырылған оқу- әрекетінің технологиялық картасы

МДС «Ә»

Күні:

Тәрбиеші:

Бөлімі:Тіл дамыту.

Білім беру саласы: Қатынас.                    

Тақырыбы: Жомарт күз.

Мақсаты:Балалардың  күз мезгілінің ерекшелігін бақылату арқылы маусымдық  өзгерістер жайлы білімдерін кеңейту.Қоршаған ортадағы табиғат өзгерістері, күзгі адамдар еңбегі туралы тапсырмаларды орындату арқылы ойларын грамматикалық формада жеткізіп және байланыстырып сөйлеуге төселдіру.Табиғатты аялауға, әсемдікті көре білу, сезінуге тәрбиелеу.

Көрнекіліктері:күзгі аула бағы бейнеленген сурет, мақал-мәтелдер жинағы, халық болжамдары жазылған жинақ.

Жаңа сөздер: ызғар, егін, егіс алқабы, жомарт күз.

Қостілдік  құрам:күз-осень, жапырақ- листья.

Іс-әрекеті	Тәрбиешінің іс-әрекеті	Дидактикалық көрнекіліктер	Баланың  іс-әрекеті
Мотивация лық кезеңі.	Балалар, бүгінгі оқу іс-әрекетінің  тақырыбы күз мезгілі туралы. Көзімізді жұмып күз мезгілін көз алдымызға елестетіп көрейік.		Күз мезгілін көз алдарына елестетіп, әңгімелейді. Балалар мектепке, балабақшаға бара жатыр.
Ұйымдастыру , іздену Дидактика-лық ойын. Дәптермен жұмыс. Рефлексивті түзету	Күзде көптеген өзгерістер болады. -Пісіп тұрған алма, жерге түсіп жатқан жаңғақтарды көруге болады. -Ағаштардың жапырақтары сарғая бастаған. Сурет бойынша күз туралы әңгіме жүргізу. Тірек сұрақтар: Қазір қай мезгіл? Күз екенін қайдан білдіңдер? Неліктен жомарт күз дейміз? Күздегі адамдар еңбегінен не білесіңдер? Неліктен күзді жақсы көресіңдер? Күз туралы не білесіңдер? Күз айларында ағаштарда қандай өзгерістер болады? «Ненің жапырағы?» ойыны. Балалар серуен кезінде жинаған жапырақтарының қандай ағаштікі екенін ажыратады. Мысалы: мынау қайыңның жапырағы. Түсі сары, пішіні сопақша болып келген. Жаңа сөздермен сөздік жұмысын жүргізу. Бидайдың сабағының суретін салу. Жұмбақты шешу. Тәрбиеші М. Әлімбайдың «Алтын күз» өлеңін оқиды, сөздік жұмысын жүргізеді, сұрақтар қояды. Сарғайды тоғай, Сап-сары маңай. Соңғы әнін айтып, Құс кетті қайтып. -Маңай, айнала неге сап-сары? Тоғай неліктен сарғайып кеткен? -Құстар қайда және не үшін қайтып кетті?	Күз суреті. Жыл мезгілдерінің суреттері	Тыңдайды. Сурет бойынша әңгіме құрайды. Ойын ойнайды. Тапсырма-ларды орындайды. Сұрақтарға жауап береді
	-Маңай деген сөзді тағы қалай айтуға болады? -Құстар қайтып кетті дегенді ше? -Күзде жапырақтарда ,өсімдіктерде қандай өзгерістер болады? -Жапырақ түсуі қай кезде басталады? -Күзде бау-бақшада қандай жұмыстар жүргізіледі?		Қасында, жақында. Жылы жаққа кетті. Жапырақтар сарғаяды, жерге түседі. Қыркүйекте. Көкөністер, жемістер ,астық жиналады.

Күтілетін нәтиже:

Жүйелейді: күз мезгілін көріп, өз ойын жүйелейді.

Қолданады: күз  туралы түсінігін айта біледі.

Түсінеді: жыл мезгілдерін ажыратуды түсінеді.

Ұйымдастырылған оқу- әрекетінің технологиялық картасы

МДС «Ә

Күні:

Тәрбиеші.

Бөлімі:Тіл дамыту.

Білім беру саласы: Қатынас

Тақырыбы:Бау-бақшада.

Мақсаты:Жемістердің бақта, көкеністердің бақшада өсетіні туралы түсіндіру.

Олардың аталуы, құрамындағы кездесетін дәрумендері, оның адам денсаулығына маңызы жөніндегі білімдерін тереңдету арқылы есте сақтау қабілеттерін дамыту.

Күзгі еңбек түрлерімен таныстыру арқылы еңбексүйгіштікке тәрбиелеу.

Көрнекіліктері:фланелеграф, көкөністер  мен жемістердің мульяжі.

Қостілді құрамы: бау –бақша- сад,  көкөніс-овощ, жемістер- фрукты.

Іс-әрекеті	Тәрбиешінің іс-әрекеті	Дидактикалық  көрнекіліктер	Баланың  іс-әрекеті
Мотивация лық кезеңі.	Тәрбиеші бір ыдысқа көкеністердің, бір ыдысқа жемістердің мульяждарын салып алып келеді. -Ыдыстағы заттарды бір ауыз сөзбен қалай айтуға болады? -Көкеністерге не жатады? -Көкеністер қайда өседі? -Жемістерге не жатады? -Олар қайда өседі?	Жеміс, көкөністер	Сұрақтарға жауап береді.
Ұйымдастыру, іздену Жұмбақ шешу. Дидактика лық ойын. Дәптермен жұмыс. Жаңылтпаш жаттау. Рефлексивті түзету	-Дұрыс айтасыңдар. Бақты бау деп те айтамыз. Бау-бақша – жеміс-жидек, көкеніс егілген жер. Бау-бақша әр үйдің айналасында болады. Орамжапырақ және қызанақ сөздеріне сөздік жұмысы жүргізіледі. Орамжапырақ-бақшада өсетін көкеніс түрі. Қызанақ-қызыл түсті көкеніс. Дәптердегі екі сурет арқылы бақ пен бақшаның айырмашылығын түсіндіру. «Бау-бақшаны жинау» тақырыбында сурет бойынша әңгіме құрастыру. Сергіту сәті 1. Көк ала лағым     Көгалда жатып семірді.   2. Жаздай інге тығылып,     Жатқан қызыл түлкіні,     Құйрығынан суырып,     Әкелді әжем бір күні.    3. Әрі қызыл, әрі тәтті,     Татқан жанды таңырқатты.   -Жұмбақтың шешуі болған қарбыз, сәбіз, алма жеміске жата  ма, әлде көкөніске жата ма? «Сиқырлы қоржын» ойынының шарты: қоржыннан көкеністер мен жемістерді алып, оның қатты, дәмді, тәтті, ащы, қышқыл зат екенін ажыратып атау, пішіндерін айту. Мысалы: алма-тәтті, домалақ, түсі қызыл, көк, сары; сәбіз-қатты, сопақша. Балаларды екі топқа бөліп, бірінші топқа көкөніс деген сөзге, ал екінші топ жеміс сөзіне сөйлем құрастырады. Екі топ балалары көкөніс, жемістердің қалай өсіп шығатынын қимылмен көрсетеді. Түстеріне, пішіндеріне қарап, бір-бірінен айырмашылықтарын салыстырады. Қай топтың асығы көп, сол топ жеңімпаз атанады. 1. Екі тәрелкедегі жемістерді атау. -Бірінші тәрелкеде неше алмұрт, неше алма және неше өрік бар? -Екінші суретте не жетпей тұр? -Алмұрт туралы не білесіңдер? Әңгімелеңдер. -Дәл осындай етіп, екі тәрелкеге қияр мен қызанақтың суретін салыңдар. Қияр мен қызанақ қайда өседі? 2. «Теңестір» жаттығуын орындау. -Шөп арасында неше қоян жүр? -Суретте неше сәбіз берілген? -Онда қояндарға неше сәбіз керек? Алма теріп балақайлар, Алақайлар, Талапайлар. -Осы көкеністер мен жемістердің мол өнім беруі еңбекке байланысты, қарап баптасақ мол өнім аламыз. Еңбектің арқасында жақсылық та, қуаныш та, байлық та болады.	Суреттер плакаттар Жұмбақтар Пішіндер	Әңгіме құрайды. Жаттығу жасайды Жұмбақтың шешуін табады. ҚАРБЫЗ СӘБІЗ АЛМА Ойын ойнайды. Тапсырмалар-ды орындайды. Жаңылтпаш жаттайды. Өз ойларын айтады.

Күтілетін нәтиже:

Жүйелейді: бау- бақша туралы  жетік біледі

Қолданады: күз  туралы түсінігін айта біледі.

Түсінеді: жемістер мен көкөністерді ажырата  біледі

                                      Ұйымдастырылған оқу- әрекетінің технологиялық картасы

МДС «Ә»

Күні:

Тәрбиеші:

Бөлімі:Тіл дамыту. 

Білім беру саласы: Қатынас.                      

Тақырыбы: М. Етекбаевтың «Нан қайдан келеді?» ертегісі.

Мақсаты:Балаларға көрнекі құралдарды пайдалана отырып, ертегінің мазмұнын түсіндіру.Нанның адам еңбегімен келетінін, оған көп күш жұмсалатынын түсіндіру.

Оқу іс-әрекеті барысында балаларға нанды қастерлеу керектігін түсіндіре келе, адамдардың еңбегін құрметтеуге тәрбиелеу.

Көрнекіліктері:нанның түрлері, бидай, комбайн, диірменнің суреттері.

Жаңа сөздер:наубайхана, диірменші, қауыз, диқан.

Қостілді құрам:нан- хлеб, дүкен- магазин.

Іс-әрекеті	Тәрбиешінің іс-әрекеті	Дидактиклық көрнекіліктер	Баланың  іс-әрекеті
Мотивация лық  кезеңі	-Балалар, мына суреттен нанның қандай түрлерін көріп тұрсыңдар? Атап беріңдер. -Нанды неден пісіреді? -Ұнды қалай жасайды? -Мынау-бидай масағы, сабағы, мұртшалары. Егер бидайдың қауызын аршитын болсақ, ішінен бидайдың дәні шығады. Бидайды ұнтақтаса, ұн болады. Наубайханада осы аппақ ұнға тұз, су, ашытқы араластырып, қамыр илеп, нан пісіреді.	Нан, бауырсақ Егін алқап  суреттері	Сұрақтарға жауап береді.
Ұйымдастыру, іздену Сөздік жұмысы. Жұмбақ шешу. Сергіту сәті. Рефлексивті түзету	Оқу іс-әрекетінің барысында танысатын наубайхана, наубайшы, диірмен,комбайн сөздерінің мағынасын түсіндіру. Наубайхана-нан пісіретін, нан жабатын орын. Наубайшы-наубайханада нан пісіретін адам. Диірмен-дәнді дақылдарды тартып, ұн шығаратын кәсіпорын. Комбайн-әр алуан дақылдарды жинап, бастыруға арналған машина. Қыр басына әрқилы, Сары теңіз толқиды.   -Балалар, диқан сөзін қалай түсінесіңдер? -Диқан-егін шаруашылығымен айналысатын адам. Диқан көктемде егістікке егін-бидай, қарабидай, арпа, жүгері, сұлы т.б. егеді. Оны жаздай күтіп-баптайды. Күзде егіс даласында бидайды комбайнмен орады, жинайды, бастырады. Жүк машинасымен тасиды. Қырманға әкеліп, тазалап, кептіреді. Содан соң элеваторға жібереді. Элеватор-бидай сақтайтын қойма, онда бидайды	Егін суреті Диқан, нан суреттері Жұмбақ Әліппе дәптер	Тәрбиешіні мұқият тыңдайды. Жұмбақ шешеді.  (Егін)
	көп жылдар бойы сақтауғаболады. Одан диірменге жібереді. Диірменшілер ұн тартады. Ұнды наубайханаға жөнелтеді. Наубайханада наубайшылар әртүрлі нан пісіреді. Ыстық нан, ұн дүкендерге түседі. Дүкеннен нанды, ұнды сатып аламыз. Анамыз ұннан бауырсақ, шелпек, нан, тоқаш, пісіреді. Жайқалады ақ бидай, (қолдарын жоғары көтеріп тербеледі). Басын иіп аққудай.  (бастарын иеді). Трактор мен комбайн  (қолдарын алға созып, тракторды жүргізеді). Жүргізуге мен дайын. (қолдарын айналдыра комбайнды жүргізеді). М. Етекбаевтың«Нан қайдан келеді?» ертегісін оқу. Тәрбиеші ертегіні бөлім-бөлімге бөліп оқып, сұрақтар қояды, балалардың жауаптарын тыңдап, оларды толықтырып отырады. Дәптердегі ертегі мазмұнына сай салынған сурет арқылы ертегі мазмұны ашылады. -Тышқанды қандай сұрақ мазалады? -Нан қайдан келеді? -Тышқан сұрағына жауап ала алды ма? -«Нан-байлық, нан-береке» деп халқымыз бекер айтпаған. Міне, көрдіңдер ме?Қаншама адам еңбек етеді екен. Сондықтан дастарқанға зор еңбекпен келген нан тағамдарын қастерлеуіміз керек.	Ертегі	Қимылмен көрсетеді. Ертегіні тыңдап, сұрақтарға жауап береді. Сұрақтарға өз ойларын айтады.

Күтілетін нәтиже:

Жүйелейді: нанның қасиетті екенін біледі

Қолданады: нан туралы жақсы сөздерді өмірде қолданады

Түсінеді: нанның қайдан шығатынын түсінеді.

Ұйымдастырылған оқу- әрекетінің технологиялық картасы

МДС «Ә»

Күні:

Тәрбиеші:

Бөлімі:Тіл дамыту. 

Білім беру саласы: Қатынас.                      

Тақырыбы: Менің отбасым.

Мақсаты:Отбасы және отбасы мүшелері жайлы түсініктерін қалыптастыру.

Отбасы мүшелері және отбасындағы сыйластық туралы әңгімелету арқылы есте сақтау қабілеттерін дамыту.

Үлкенге ізеттілік көрсетуге, кішіге қамқор болуға тәрбиелеу.

Көрнекіліктері: отбасы мүшелерінің сөжеттік суреттері.

Қостілді құрамы:отбасы-семья, ана-мама, әже-бабушка.

Іс-әрекеті	Тәрбиешінің іс-әрекеті	Дидактиклық көрнекіліктер	Баланың  іс-әрекеті
Мотивация лық  кезеңі	-Балалар, дөңгелене тұрып, шаттық шеңберін құрайық. Бір-бірімізбен амандасып, жылы тілектер айтайық. -Сәлеметсіздер ме! Қайырлы күн! -Сіздерді көргеніме қуаныштымын. -Енді бір-бірімізге мақтау сөздер айтайық. -Ал сендер үйлеріңде бір-бірлеріңе қандай жақсы сөздер айтасыңдар?		Бір-біріне жақсы тілектер айтады.
Ұйымдастыру, іздену Дәптермен жұмыс. Рефлексивті түзету	-Бір үйде қандай адамдар тұрады? -Оларды атаңдар. -Дұрыс айтасыңдар, осы адамдар отбасын құрайды. Олар-отбасы мүшелері. Сендер де отбасыларыңның бір мүшесісіңдер. 1. Отбасы  мүшелері бейнеленген суретпен жұмыс. Жетекші сұрақтар арқылы жаңа тақырыптың мазмұны ашылады. -Отбасы мүшелері қайда тұрады? -Олар қалай тұрады? 2. Сөздік жұмысын жүргізу. Нағашы ата-анасының әкесі. Нағашы әже-анасының анасы. Немере-ұл-қыздарынан туған бала. 3.«Ойлан, тап» тапсырмасын орындату. -Балалар, менің айтқандарымды мұқият тыңдап, кім туралы айтып тұрғанымды ойланып табыңдар. Қатал көрінгенімен өте мейірімді. Кітапты көп оқиды, бау-бақшаны баптайды. Немерелерін жақсы көреді. Ол кім? -Өздеріңнің аталарың туралы әңгімелеңдер. -Өте мейірімді, әрқашанда қатық-майы, ірімшігі, қант-кәмпиті дайын. Ол кім?  -Ал сендердің әжелерің қандай? Тақтаға бір бағанға әкенің, ананың, баланың суреттері, екінші бағанға биік таудың, таудың етегіндегі бұлақтың, өсіп тұрған құрақтың суреттері ілінеді. Тәрбиешінің көмегімен төмендегідей мақал құрастырады, мақалдың мағынасы ашылады. Әке-асқар тау, Ана-етегіндегі бұлақ, Бала-жағасындағы құрақ. Әке, ана, бала сөздерін қатыстырып, сөз тіркестерін құрастырту. Атам жылқы бағады. (бір орында тұрып, шоқырақтап шабу). Ағам пішен шабады.  (шалғымен шөп шапқан сияқты қимыл жасау). Жеңгем сиыр сауады. (отырып, сиыр сауғандай қимыл жасау). Әжем киіз қағады.  (киіз қаққандай қимыл жасау). Шытырман арқылы әжесінің үйіне апаратын жолды бояу. Сыңарын тап ойыны. -Отбасы мүшелерін атаңдар. -Отбасы мүшелері бір-бірімен қалай тұрады?	Суреттер, шаблондар Отбасы суреттер	Сұрақтарға жауап береді,өз ойларын айтады. Сурет бойынша сұрақтарға жауап береді.  Қимылмен көрсетеді. Тапсырманы орындайды Сұрақтарға жауап береді. Қимылдпр жасайды. Дәптермен жұмыс істейді Ана,әке,ата, әже, аға,іні, апа, қарындас.
Күтілетін нәтиже: Жүйелейді: отбасы тату-тәтті болу керек екенін Қолданады:отбасы  туралы жақсы сөздерді өмірде қолданады Түсінеді: ата-ананы құрметтеуді.

Ұйымдастырылған оқу- әрекетінің технологиялық картасы

МДС «Ә»

Күні:

Тәрбиеші:

Бөлімі:Тіл дамыту. 

Білім беру саласы: Қатынас.                     

Тақырыбы: Біздің үй.

Мақсаты:Балаларға әр адамның тұратын үйі болатындығын түсіндіру.

Жаңа сөздерді қатыстырып, сөз тіркестері және сөйлемдер құрату арқылы сөйлеу тілін дамыту. Грамматикалық тұлғада жүйелі түрде сөйлемді толық, анық айтуға, өз ойын жеткізе білуге үйрету.

Достарының, үлкендердің айтқанын аяғына дейін тыңдауға тәрбиелеу.

Көрнекіліктері: үй жиһазының суреті, үйдің сызбасы, бейнетаспа, суретті әліппе.

Жаңа сөз: жиһаз, жатынжай, мансард.

Қостілді құрамы: үй-дом, жиһаз-мебель

Оқу –іс кезеңдері	Тәрбиешінің іс-әрекеті	Дидактиклық көрнекіліктер	Баланың  іс-әрекеті
Ұйымдастыру кезеңі.	Шаттық шеңберін құру. Өтті қызық көп күндер, Алты жасқа жеткендер. Өсті ақыл ойларың Өсті, міне, бойларың. Иіліп сәлем береміз, Әдепті боп өсеміз.	Жүрекше	Бір-біріне жақсы көңіл күй тілейді
Ұйымдастыру, іздену Рефлексивтік түзету	-Балалар, сендер неше қабатты үйде тұрасыңдар? -Сендер өздерің нешінші үйде, нешінші пәтерде тұратындарыңды білесіңдер ме? -Үйде қандай бөлме түрлері болады? Дәптердегі суретпен жұмыс. -Бүгін біз тұрғын үй, үй түрлері және үй жиһаздарымен танысамыз.  Адамдар ертеден өздеріне ыңғайлы баспана тұрғызу керектігін білген. Қазір үйлердің түрі өте көп. Мысалы, бірнеше қабатты тұрғын үй, ауласы бар жеке бір немесе екі-үш қабатты үй. Көп қабатты тұрғын үйде пәтерлер өте көп болады. Оның әр пәтерінде тұрғындар тұрады. 2. Сөздік жұмысын жүргізу. Коттедж – жеке ауласы бар сәнді салынған 2-3 қабатты үй. Мансард – шатыр астындағы терезесі бар, кісі тұратын бөлме. Жиһаз – үй бұйымы, мүлік. Жатынжай  – ұйықтайтын бөлме. 3.Салыстыру жұмысын жүргізу. Дәптердегі көп қабатты тұрғын үй мен коттедждің айырмашылықтарын әңгімелеу. -Көп қабатты тұрғын үйдің коттеджден айырмашылығы қандай? -Көп қабатты тұрғын үйде пәтерлер көп. Әр пәтерде жеке-жеке отбасылар тұрады. Олардың ауласы – бәріне ортақ бір аула. Ал коттеджде бір ғана отбасы мүшелері тұрады. 4. Жаңа сөздерді қатыстырып, сөз тіркестері мен сөйлем құрату. -Үйдің бірнеше бөлмелері болады. Олар: асүй, зал, балалар бөлмесі және жатынжай. Әр бөлмеде өзіне тән жиһаздар болады. -Қандай жиһаздар болады? -Әдемі жиһаз, ағаштан жасалған жиһаздар болады. -Жиһаздың қандай түрлерін білесіңдер? -Үстел, орындық, диван, төсек, шкаф, т.б. -Шкафта не тұрады? Орындық не үшін керек? 5. «Менің үйім» тақырыбында әңгіме құрастыру. Балалар өздері тұратын үй, оның бөлмелері және үйдегі жиһаздар туралы әңгімелейді. «Қай бөлмеде қандай зат тұрады?» ойынының шарты: бөлмелерді атап, онда тұратын заттарды атау. -Біз қандай тақырыпта әңгіме құрастырдық? -Қандай үйлер бар? Олар туралы әңгімелеңдер.	Үй, жиһаздар суреттері Дәптер Асүй, жиһаздар , Үй заттары.	Сұрақтарға жауап береді. Тұрғын үй және жиһаздармен танысады. Сөздікпен жұмыс жасайды. Тұрғын үй мен коттедждің айырмашылығын табады. Сөйлем құрайды. Әңгіме құрайды. Ойын ойнайды. Сұрақтарға жауап береді.

Күтілетін нәтиже:

Жүйелейді: отбасы тату-тәтті болу керек екенін

Қолданады: үй туралы суреттер сала алады.

Түсінеді: үйді таза ұстауды түсінеді.

Ұйымдастырылған оқу- әрекетінің технологиялық картасы

МДС «Ә»

Күні:

Тәрбиеші:

Бөлімі:Тіл дамыту. 

Білім беру саласы: Қатынас.                      

Тақырыбы: «Қасқыр, түлкі әтеш»  ертегісі.

Мақсаты:

Ертегі мазмұнын түсіндіру.

Сөздік қорларын толықтыру, сөйлеу мәдениетін, ойлау қабілеттерін дамыту.

Қоршаған ортаға мейірімді болуға тәрбиелеу.

Көрнекіліктері:ертегі мазмұнына сәйкес салынған сурет.

Жаңа сөздер:шаһар, мұржа, таулы өлке, ну орман.

Қостілді құрам:қасқыр-волк, әтеш-петух, түлкі-лиса.

Негізгі  іс-әрекеті	Тәрбиешінің іс-әрекеті	Дидактикалық көрнекіліктер	Баланың  іс-әрекеті
Мотивация лық   ұйымдас тыру кезеңі	Шаттық сәтін өткізу. Балалар шеңбер бойы дөңгеленіп тұрады, «Мен ертегі тыңдағанды жақсы көремін, себебі ...» деп, өздері сүйіп тыңдаған ертегілері арқылы нені үйренгендерін айтады.		Шаттық шеңберіне тұрады, көңіл- күйлерін көтереді Тыңдаған ертегілерін айтады.
Ұйымдастыру, іздену Сөздік жұмысы. Дәптермен жұмыс. Жұмбақ шешу.	-Ертегі – бұл ерекше жанр. Ертегідегі жануарлар адам сияқты сөйлей алуы және адам үшін түрлі нәрселер істей алуы мүмкін. Ертегіде сиқырлы құралдар бар. Жануарлар, аңдар туралы қандай ертегі тыңдадыңдар? Естеріңе түсіріңдер. (Ата-аналарынан немесе басқа ересектерден тыңдаған ертегілерін естеріне түсіріп,  ертегі мазмұнын қысқаша айтып береді.) Тәрбиеші «Қасқыр, түлкі және әтеш» ертегісін дауыс интонациясын дұрыс қойып, мәнерлеп оқиды, мазмұнын дәптердегі сурет арқылы түсіндіреді. Шаһар – қала. Мұржа – пештің, ошақтың түтін шығаратын мойны, түтіндік. Күлтеле – шоқтау, шоғырлау. Тәрбиеші сұрақтар қояды: -Ертегі кейіпкерлерін атаңдар. -Қасқыр, Түлкі және Әтеш не салмақ болды? -Түлкі Қасқыр мен Әтешке қандай тапсырма берді? -Түлкі өзі не істеді? -Ертегі қалай аяқталды? Балалардың пікірлерін тыңдау. -Балалар, сендерге ертегідегі кейіпкерлердің қайсысы ұнады, қайсысы ұнамады? Шаһар салу үшін не істеу керек еді? «Қасқыр, Түлкі және Әтештің жолын тап» ойыны. Дәптерге ертегі кейіпкерлерінің үйлеріне  апаратын жолды сызып көрсету. Жұмбақ шешу. Жұмбақтың шешулері: әтеш, түлкі. Әтеш, түлкі сөздерін қатыстырып, сөз тіркестері мен сөйлемдер құрату. Ертегі мазмұнын мазмұндау. -Балалар, бұл ертегі бізді өтірік айтпауға, әділ, адал болуға үйретті. Бірлік болған жерде кез келген жұмысты да аяқтауға болады.	Ертегі кітаптар, суреттер Қала суреті Әліппе  дәптер	Тыңдайды Білетін ертегілерінің қысқаша мазмұнын айтады. Ертегімен танысады. Сөздікпен жұмыс жасайды. Сұрақтарға жауап береді. Ертегі туралы пікірлерін айтады. Тапсырманы орындайды. Жұмбақ шешеді. Тәрбиешіні мұқият тыңдайды.
Рефлексивті түзету	Балалар сендерге ертегі ұнадыма? Түлкі қандай аң? Ал, әтеш қандай құстарға жатады. Балаларды мадақтау		Өз ойларын айтады Түлкі қу, айлакер аң Үй құстарына жатады.

Күтілетін нәтиже:

Жүйелейді: ертегі мағынасын терең игерді

Қолданады: ертегі бойынша  сурет салды

Түсінеді: ертегідегі кейіпкерлер туралы түсінеді.

Ұйымдастырылған оқу- әрекетінің технологиялық картасы

МДС «Ә»

Күні:

Тәрбиеші:

Бөлімі:Тіл дамыту. 

Білім беру саласы: Қатынас.                      

Тақырыбы: Үй құстары және үй жануарлары.

Мақсаты:Үй құстарымен, үй жануарларының тіршілігі туралы баяндап, балалардың үй құстары, үй жануарлары туралы білімдерін толықтыру.

Үй құстары мен үй жануарларының әрқайсысының өзіне тән қасиеттері туралы пікірлерін айтқызу арқылы кез келген тақырып бойынша ойларын еркін жеткізе білуге баулу.Үй құстары мен үй жануарларына қамқор болуға, оларды күте білуге баулу және құстарды қорғауға тәрбиелеу.

Көрнекіліктері: құстардың, үй құстарының, үй жануарларының суреттері, үнтаспа.

Қостілді құрам: құстар-птицы, орман-лес,

Негізгі іс-әрекеті	Тәрбиешінің іс-әрекеті	Дидактикалық  көрнекіліктер	Баланың  іс-әрекеті
Мотивациялық ұйымдастыру кезеңі	Балалар қане шаттық шеңберге тұрамыз. Бір-бірімізге жақсы тілек айтып, көңіл-күйімізді көтеріп аламыз.	Аққу	Шеңберге тұрады. Бір-біріне аққуды  беріп тілектер айтады.
Ұйымдастыру, іздену кезеңі Дәптермен жұмыс. Тыныштық сәті. Жұмбақ шешу. Сергіту сәті. Дидактикалық ойын. Рефлексивті түзету	Үнтаспадан құстардың сайрағаны, судың сылдырлап аққан дыбысын тыңдату. -Әуеннен не естідік? -Құстар неліктен әртүрлі сайрайды? -Қауіп төнген кезде құстар шырылдап, өздерінің балапандарына ескертеді. Балапандар өздерінің тамақ жегісі келетіндігін шиқылдап аналарына білдіреді. Құстар құрт-құмырсқаға таласқанда, ащы дауыспен шырылдап, шу шығарады. Басқа дыбыстардың көмегімен құстар топталып жиналады және бөтен құстарды қуады екен. «Әтеш пен тоты» ертегісін оқып беру. -Ертеде әдемі кербез сұлу қай құс екен? -Тотықұс Әтешке не үшін келді? -Тоты әдемі киініп, қайда кетті? -Әтеш таңертең неге айғайлап шақырады екен? -Әтеш жабайы құс па? -Үй құстарын атаңдар. -Үй жануарларын атаңдар. Сурет бойынша әңгімелеу, сөз, сөйлемдер құрастыру, «Ұйқасын тап» ойынын ойнау, жалпы және жеке атауларын атау. Дәптерде берілген үлгі бойынша балапанның суретін бастырып салады, аяқтайды. -Балалар,  көзімізді жұмып көз алдымызға өрістегі төрт түлік малды елестетейік. Таңертең жайлауда қой, сиыр, жылқылар жайылып жүр. Айнала тып-тыныш алыстан қозының маңырағаны, бұзаудың мөңірегені, құлыншақтардың дауысы естіліп қояды. Сол сәтте төлдердің енелері  жан-жағына қарайды, бірақ төлдер көрінбейді. Кешкілік өрістен ауылға қайтады. Жайлап көзімізді ашамыз. -Балалар көз алдарыңа қандай жануарларды елестеттіңдер? -Үй жануарларының қандай пайдасы бар? -Сиырдың сүтінен тағы қандай тағамдар жасалады? Биенің сүті қалай аталады? -Ат жарысын көрдіңдер ма? Ол қалай өтеді? Мінсең – желдей жүйткиді, Көңілің таудай өседі, Алып ұшар алысқа «Ер қанаты» деседі.  Тіктеп титтей құлағын, ботам былай жүреді. Сыртылдатып тұяғын, бұзау оған ереді. Алға созып мойнын, ойнақтайды ботақан, Көкке қарай мұрынын шүйіреді бұзауқан. «Үй жануарлары» ойынының шарты: балаларға үй жануарларының суреттері таратылып беріледі. Әр бала сурет бойынша үй жануары туралы білетінін немесе өз ойын, пікірін баяндайды. Сиыр, жылқы сөздеріне дыбыстық талдау жасау. Дәптердегі сурет бойынша әңгіме жүргізу. -Үй құстарына не жатады? -Үй жануарларына не жатады? -Олардың пайдасы қандай? -Оларды қалай күтіп баптайды?	Құстардың дауысы, құстар суреттері Үй жануарлары мен үй құстары Жануарлар суреттері	Сұрақтарға жауап береді. Ертегімен танысады. Тапсырма-ларды орындайды. Пікірлерін айтады. Сұрақтарға жауап береді. (Жылқы) Жаттығуды қимылмен орындайды. Суреттер бойынша өз пікірлерін айтады Әтеш, қаз, тауық, Өз ойларын айтады

Күтілетін нәтиже:

Жүйелейді: үй құстарын қамқор болуды біледі.

Қолданады: үй құстарын салды

Түсінеді: үй жануарлар пайдасы     туралы түсінеді.

Ұйымдастырылған оқу- әрекетінің технологиялық картасы

МДС «Ә»

Күні:

Тәрбиеші:

Бөлімі:  Тіл дамыту. 

Білім беру саласы: Қатынас.                      

Тақырыбы: Жабайы аңдар.

Мақсаты:Жабайы жануарлардың мекені, қоректенуі және олардың жабайы деп аталуы туралы түсінік беру.

Балаларға ертегінің жоспар бойынша мазмұнын айтуды үйрету арқылы зейіндерін дамыту.Табиғаттың бір  бөлігі – жануарларды қамқорлыққа алуға тәрбиелеу.

Жаңа сөздер:бөлтірік, мыршай, абдан, миығынан күлу.

Қостілдік құрам: жабайы аңдар- дикие животные, кірпі-ежик, аю- медведь

Негізгі іс-әрекеті	Тәрбиешінің іс-әрекеті	Дидактикалық көрнекіліктер	Баланың  іс-әрекеті
Мотивациялық қозғаушы кезеңі	Балалар шаттық шеңберге тұрамыз, қанекей айтыңдаршы сендер қандай жануарларды білесіңдер? Ал, осы жануарлардың қайсысы жабайы, қайсысы үй жануары? Балалар бүгін сендерге қоян келіпті. Қоян қайда мекендейді? Ендеше орманнан сндерге келіпті ,енді біз оған өз білімімізді көрсетіп, сәбіздер беріп жіберейік. Ал, ол сәбіздерді алу үшін бірнеше еңбектенуіміз керек.	Жануарлар плакаты. Қоян қуыршағы	Шеңбер болып тұрады. Жануарларды айтады. Жануарларды ажыратып береді. Орманда.
Ұйымдастыру, іздену кезеңі Жұмбақ шешу. Дәптермен жұмыс.	-Балалар, жабайы аңдарға нелер жатады? -Неліктен жабайы аңдар дейміз? -Мына суреттерден не көріп отырсыңдар? Балаларға жабайы аң – қолға үйренбеген түз жануары, яғни өз бетімен табиғатта тіршілік ететіндігі түсіндіріледі. Кейбір аңдар орманда, кейбір аңдар далада, кейбір аңдар тауда тіршілік ететіндігі де айтылады. Үй жануарлары мен жабайы аңдардың тіршілігі салыстырылады. Оларға мысалдар келтіріледі. Мысалы, төрт түлік мал-үй жануары, ал арыстан, барыс, т.б. аңдар жабайы жануарлар екені айтылады. -Қасқыр, түлкі, қоян, т.б. аңдардың балаларын қалай деп атайды? -Қасқырдың баласы – бөлтірік, қоянның баласы – көжек, түкінің баласы – мыршай, аюдың баласы – қонжық, жолбарыстың баласы – шөнжік, арыстанның баласы – абдан. «Тапқыр қоян» ертегісін тәрбиеші мәнерлеп оқиды. Сөздік жұмысын жүргізу. Миығынан күлу – езу тарту, мұртынан күлу. Дәптердегі ертегі мазмұнына салынған сурет арқылы ертегі мазмұнын түсіндіру. Сергіту сәті Сұрақ-жауап әдісі арқылы оқушылардың ертегіні қалай түсінгендерін сұрау. Жабайы , аңдар деген сөздердің жуан, жіңішке естілуін анықтату және осы сөздерді буынға бөлдіру. Қолыңмен тиме, Үсті толған ине.  (КІРПІ) Паналайды үңгірді, Іздемейді тасаны.  (АЮ) Қорықпайды күшті аңнан, Қорқады тек тышқаннан.  (ПІЛ) Бұлаңдаған құйрығы- Бір алдарлық қулығы.  (ТҮЛКІ) Суреттен жануарлардың құйрықтарын тауып, сызып көрсету. Ал, балалар енді қоянды сәбізімен шығарып саламыз.	Аңдар суреттері Әліппе дәптер	Сұрақтарға жауап береді. Ертегімен танысып, сұрақтарға жауап береді. «Ұзын құлақ сұр қоян» қимылмен орындайды. Жұмбақтар-дың шешуін табады. Тапсырманы орындайды.
Рефлексивті түзету	Бүгін бізге кім келді? -Үй жануарлары мен жабайы аңдардың айырмашылығы не? -Жабайы аңдарды атаңдар. Балаларды мадақтау.		Қоян келді. Сұрақтарға жауап береді.

Күтілетін нәтиже:

Жүйелейді: жабайы жануарлар мен үй жануарлары туралы  пікір жүйелейді.

Қолданады: жабайы жануарлар  туралы әңгіме арасында қолданады.

Түсінеді: жабайы жануарлардың пайдасы мен зияны туралы түсінеді.

Жасы бойынша топ:   Мектепалды даярлық тобы.  Күні:

                                      Ұйымдастырылған оқу- әрекетінің технологиялық картасы

Білім беру саласы: Қатынас.                       Бөлімі:Тіл дамыту. 

Тақырыбы: Балабақшадағы ойыншықтар мерекесі. Ойыншықтар айтысы.

Мақсаты:Балалардың ойыншықтар туралы түсініктерін кеңейту, ойыншықтардың, аттарын атай отырып, оларды сипаттап айтуға үйрету.

Тіл ұстарту жаттығуларын дұрыс айта білуге дағдыландыру.

Ойыншықтарды күтіп ұқыпты ұстауға тәрбиелеу.

Жаңа сөздер:жұмсақ, резина, компьютер.

Қостілді құрам: ойыншықтар-игрушки,

Негізгі іс-әрекеті	Тәрбиешінің іс-әрекеті	Дидактикалық көрнекіліктер	Баланың  іс-әрекеті
Мотивациялық қозғаушы кезеңі	Балалар шаттық шеңберге тұрамыз. Қуанамын менде, қуанасың сен де. Қуанайық достарым, арайлап атқан күнге. Бүгінгі күніміз сәтті өтсін. Бәріңе сәттілік тілеймін!		Шеңбереге тұрып, көңіл-күйлерін көтереді.
Ұйымдастыру, іздену кезеңі Дәптермен жұмыс.	Балалар мен сендерге ғажайып қалтаға салынған ойыншық түрлерін алып келдім, сендерге таратамын, әрқайсысың алған ойыншықтарыңды сипаттайсыңдар жарайма!. -Бүгін ойыншықтар мерекесі. Бізге көп ойыншықтар қонаққа келіпті. Олар көрме ұйымдастырып, ойын -шықтар мерекесін өткізуге көмекте- седі. Біздің көрмеге ойыншықты күтіп ұстайтын мейірімді Перизат та келіпті. Қош келдіңіз. Балалар Перизатқа ойыншық туралы өз ойларын айтады. Мейірімді Перизат сұрақтар қояды: -Ойыншық не үшін керек және ол неден жасалады? -Өздерің ойыншықты қалай күтіп ұстайсыңдар? -Аю, доп, қоян, қуыршақтардың бәрін жалпы қалай атауға болады? Ойыншықтарды шашамыз, шашамызда жинаймыз, Бөлмемізді өрнектеп, мерекеге біз дайын. Барлық балалар ойыншықтарды аралап көріп шығады. Қолмен ұстап көреді. Өздерінің сүйікті ойыншығын сипаттап айтады. Ойыншықтар деген сөзге сөйлем құрастыру, дыбыстық талдау жасау.  «Ойыншықтар айтысы» әңгімесін оқып беремін. -Ойыншықтар не үшін дауласты? -Қуыршақ не деді? -Қоян не деді? -Текшелер ше? -Велосипед не деп дау айтты? -Көгершін ойыншықтарға не деп ақыл айтты? -Көгершіннің айтқанымен келісесіңдер ма? -Сендердің ойыншықтарың көп пе? -Ойыншықтарыңды қалай ұстайсыңдар?	Ойыншықтар. Аю, доп, қоян. ойыншықтар	Ойыншықтарды сипаттайды. Ойыншық бала- лар ойнау үшін керек, олар пласт- массадан, шүбе -ректен, темірден , резинадан жасалады. Жыртпаймыз, сындырмаймыз, таза ұстаймыз. Ойыншықтар Тақпақты қайталайды. Ойыншық сөзіне сөйлем құрап, дыбыстық талдау жасайды. Әңгімені тыңдайды. Әңгімемен танысып, сұрақтарға жауап береді.
Рефлексивті түзету	Балалар сендерге сабақ ұнадыма? Сендерде қандай ойыншықтар бар? Балаларды мадақтау.		Өз ойларын айтады. Қуыршақ, машиналар, доптар.

Күтілетін нәтиже:

Жүйелейді: ойыншықтардың бала үшін маңызды екенін білді.

Қолданады: ойыншықтарды сипаттап , өз ойларын қолданады.

Түсінеді: ойыншықтардың  пайдасы мен зияны туралы түсінеді.

Жасы бойынша топ:   Мектепалды даярлық тобы.  Күні:

                                      Ұйымдастырылған оқу- әрекетінің технологиялық картасы

Білім беру саласы: Қатынас.                       Бөлімі:Тіл дамыту. 

Тақырыбы: Елордасы – Астана.

Мақсаты:Республикамыздың қалай аталатыны қазіргі орталығы бас қаласы туралы мағлұмат беру.Өлеңді мәнерлеп оқуға, ойларын жүйелі жеткізуге баулу.

Астанадағы әсем көрікті жерлерді көре білуге, әсемдікті сезіне білуге баулып, мақтаныш сезімдерін ояту.

Жаңа сөздер: елорда, Бәйтерек, барыс, көп қабатты үйлер.

Қостілді құрам:

Негізгі іс-әрекеті	Тәрбиешінің іс-әрекеті	Дидактикалық көрнекіліктер	Баланың  іс-әрекеті
Мотивациялық қозғаушы кезеңі	Балалар дөңгеленіп отырамыз. -Біздің еліміз қалай аталады? -Қазақстан Республикасы. -Қазақстан Республикасының елордасы қай қала? -Елордамыз – Астана қаласы.	Қазақстан қалалары суреттері.	Дөңгеленіп отырады. Сұрақтарға жауап береді.
Ұйымдастыру, іздену кезеңі Дидактика-лық ойын.	Е. Өтетілеуұлының «Астана» өлеңін тәрбиеші мәнерлеп оқиды. Болашаққа бастаған, Шарықтайды асқақ ән. Елордасы Отанның, Мақтанышым – Астанам. -Өлеңде не туралы айтылған? -Кім Астанаға барды? Астана қаласының қандай көрікті жерлерінде болдыңдар? Тәрбиеші Астана туралы және оның көрікті жерлерінің фоталарын немесе бейнетаспадан аталған жерлерді көрсетіп, оларға қысқаша мәлімет береді. Сулы Жасыл бульвар – Астана орталығындағы жаңа көше. Ақорда – Қазақстан Республикасы Президентінің резиденциясы. Бәйтерек – Астананың басты белгісі. Тәуелсіздік Сарайы – мемлекеттік ресми іс-шараларды, форумдарды, мәжілістерді, кездесулерді өткізу орны болып табылады. Парламент үйі – Өкімет үйі. Бейбітшілік пен келісім сарайы – Әлемдік және дәстүрлі діндер өкілдерінің жиынын өткізуге арналған ғимарат. Астана циркі – цирк ойындары көрсетілетін ғимарат. Хан Шатыры –Астананың ең үлкен ойын-сауық орталығы. Мұхит аралы – мұхит жануарларын көретін орын. -Қазақстан Республикасының  елордасы – Астана қаласы. 1997 жылы қазанның 20-сында Н.Ә. Назарбаев «Ақмола қаласын Қазақстан Республикасының астанасы деп жариялау» туралы жарлыққа қол қойды. Сөйтіп, енді Ақмола қаласы Қазақстан Республикасының жаңа астанасы болды. 1998 жылы Ақмола қаласын Астана қаласы деп өзгертті. Аз уақыттың ішінде Астана қаласы көрікті қалаға айналды. Астана, көшелері, үй, балалар, Отан сөздерін қатыстырып, сөйлем құрату. «Ойлан, тап» ойынының шарты: а, с, т, а, н, а дыбыстарынан басталатын сөздерге сөз құрату. А – ана, алма, ... С – су, сан, ... Т – таң, тамаша, ... А – асыл, ата, ... Н – нан, нар, ... А – апа, алқа, ... Балаларға өздері білетін Астана туралы өлеңдерін оқыту.	Әліппе дәптер, Астана қаласының суреті Бәйтерек, Рәміздер, Президент суреті.	Өлеңді тыңдап, сұрақтарға жауап береді. Барғандарын , не көргенде -рін ортаға салады. Тәрбиешіні мұқият тыңдайды. Сөйлем құрайды. Ойын ойнайды. Білетін өлеңдерін айтады.
Рефлексивті түзету	Балалар сендер қай қалада тұрасыңдар? Сендерге өз қалаларың ұнайма? Астана қандай қала екен? Балаларды мадақтау.		Рудный қаласында. Өз ойларын айтады. Астана әсем қала.

Күтілетін нәтиже:

Жүйелейді: Астана туралы жақсы пікірде болды.

Қолданады:Қазақстан туралы  өз ойларын қолданып, айта алды.

Түсінеді:  Еліміздің  елордасы –Астана екенін түсінді.

Жасы бойынша топ:   Мектепалды даярлық тобы.  Күні:

                                      Ұйымдастырылған оқу- әрекетінің технологиялық картасы

Білім беру саласы: Қатынас.                       Бөлімі:Тіл дамыту. 

Тақырыбы: «Жыл басына таласқан жануарлар» ертегісі.

Мақсаты:Ертегінің мазмұнын түсіндіру.

Берілген тапсырмаларды көз алдарына елестете отырып орындау арқылы есте сақтау қабілеттерін дамыту және сөздік қорларын молайтып, байланыстыра отырып сөйлеуге үйрету.Ертегі мазмұны арқылы еңбексүйгіштікке, адал достыққа тәрбиелеу.

Қостілді құрам: жануарлар-животные, тышқан- мыш,

Негізгі іс-әрекеті	Тәрбиешінің іс-әрекеті	Дидактикалық көрнекіліктер	Баланың  іс-әрекеті
Мотивациялық қозғаушы кезеңі	Шаттық шеңберін ұйымдастыру. -Кәне, балалар, дөңгелене тұрып, бір-бірімізге жылы лебіздерімізді білдірейік. -Жүрегімдегі жылуымды саған ыстық алақаным арқылы жіберемін. -Дос болайық! -Егеменді еліміздің дені сау баласы болыңдар. -Бүгінгі күн сендерге сәтті күн болсын.		Бір-біріне жылы лебіздерін білдіреді.
Ұйымдастыру, іздену кезеңі Дидактикалық ойын. Сөздік жұмысы. Сергіту сәті. Логикалық ойын. Тыныштық сәті.	Балалар қане ойын ойнап  көңілімізді көтеріп алайық. «Ойлан тап» ойынының шарты: тәрбиеші балалардың білетін шығармаларынан үзінді оқиды. Балалар оның қай шығарма екенін тауып айтады. -Біраз жүрген соң әкесінің қолынан бір шие жерге түсті. -Ы. Алтынсариннің «Әке мен бала» әңгімесі. -Тышқан наубайханаға келді. Мұнда көп адам нан пісіріп жатыр екен. -«Нан қайдан келеді» ертегісі. -Тапқан екенсің дәмді тамақты. Күтірлетіп жейтін сәбізден артық ештеңе жоқ,-деді Қоян. -«Не дәмді?» ертегісі. -Шырылдауық шегіртке, Көгалды қуып гөлайттап. -А. Құнанбаевтың «Шегіртке мен Құмырсқа» ертегісі. -Дұрыс. Бүгін сендерге өте қызық ертегі оқып беремін. Ертегі «Жыл басына таласқан жануарлар» деп аталады. Тәрбиеші «Жыл басына таласқан жануарлар» ертегісін мәнерлеп оқиды. Ертегінің мазмұнына сәйкес сұрақтар қояды: -Ертегі қалай аталады? -Ертегінің басы қалай басталады? -Ертегі қалай аяқталады? -Жыл басы қай жануар болды? -Түйе неге жыл басы бола алмады? Жусан – ащы дәмді, көкшіл бозғылт түсті аласа шөп. Жабағы – қой мен түйенің көктемде қырқып алған қысқы жүні. Бақташы – мал бағушы. Өркеш – түйенің арқасына бір не екі айыр болып тік шаншылған қомы. Саусақтарым бір-бірімен амандасайық, Саусақтардан гүл ашайық, Саусақтарды ашып-жұмып, А-ә, г-ғ, ү-ұ, н-ң, к-қ, о-ө Дыбыстарын дұрыс айтайық. «Кім зерек?» ойынының шарты: әр жануардың қорегін тауып, қоршап, бояп, қалғанын қақпақтармен жауып қою. -Көзімізді жұмып, қысқы даланы көз алдымызға елестетейік. Қыс. Далада аяз. Жердің беті аппақ қар, біз әдемі киініп балабақшаға келдік. Достарымызды көріп қуандық. «Жыл басына таласқан жануарлар» ертегісімен таныстық. Ертегіде әртүрлі жануарлардың айтысқанын және тышқанның жыл басы атанғанын білдік. «Ойлан, тап», «Кім зерек?» ойындарын ойнадық. Көзімізді ашайық. -Е. Өтетілеуұлының «Жыл аттары» өлеңін оқып беру, жаттату. -Дәптердегі қазақша жыл аттарын атату: Тышқан, Сиыр, Барыс, Қоян, Ұлу, Жылан, Қой, Мешін, Тауық, Ит, Доңыз жылы.	Ертегілер мен әңгімелер суреттері Ертегі кітапша, жануарлар суреттері Әліппе дәптер	Қай шығармадан үзінді екенін табады. Ертегімен танысып, сұрақтарға жауап береді. Сөздікпен жұмыс жасайды. Қимылмен көрсетеді. Ойын ойнайды. Өз пікірлерін айтады. Өлеңді жаттайды, жыл аттарын атайды.
Рефлексивті түзету	Балалар қай жануар жыл атауына ілінбей қалыпты? Қазір қай жыл екен? Келесі жыл жылқы жылы болады екен. Балаларды мадақтау.		Түйе Жылан жылы.

Күтілетін нәтиже:

Жүйелейді: ертегі мағынасын

Қолданады:ертегі кейіпкерлері атауын  айтуды

Түсінеді:  ертегі мен әңгімелерді ажыратуды

Жасы бойынша топ:   Мектепалды даярлық тобы.  Күні:

                                      Ұйымдастырылған оқу- әрекетінің технологиялық картасы

Білім беру саласы: Қатынас.                       Бөлімі:Тіл дамыту. 

Тақырыбы: Қысқы киімдер.

Мақсаты:Балаларға киім, киім түрлері, қысқы киімдер туралы түсінік беру. Қысқы киімдерді ажырата білуге үйрету.

Әр мезгілде киетін киімдерді атай білуге, жұмбақтар шешкізу арқылы ойлау қабілеттерін дамыту. Сөз тіркестерін, сөйлем құрату арқылы сөздік қорларын молайту, грамматикалық тұлғада жүйелі сөйлеуге баулу.Киімді ұқыпты, таза киюге тәрбиелеу.

Қостілді құрам: киімдер-одежды, ұйық-пима.

Негізгі іс-әрекеті	Тәрбиешінің іс-әрекеті	Дидактикалық көрнекіліктер	Баланың  іс-әрекеті
Мотивациялық қозғаушы кезеңі	Балалар шаттық шеңберге тұрамыз, қане айтыңдаршы: -Бүгін қандай күн? -Жылдың қай мезгілі? -Қыс мезгілінде қалай киінеміз?		Шеңбер болып отырады.Сұрақ -тарға жауап береді.
Ұйымдастыру, іздену кезеңі Сөздік жұмысы. Дидактикалық ойын.	Балалар оқу іс-әрекетіне қуыршақ Айнұрдың келіпті , оның бір сандық киім алып келіпті. -Айнұрдың үстіндегі киімді ата. -Киімді қай мезгілге сай киген? -Қыс мезгіліне сай киінген. Олай болса, бүгінгі біздің сабағымыздың тақырыбы – қысқы киімдер. Тәрбиеші әр балаға киімдер бейнеленген суреттер таратып береді, балалар киімдерге сипаттама береді. -Қыс мезгілінде қандай киімдер киеміз? Пима – жүннен басылған қысқы аяқкиім. Тон – иленген қой терісінен жүнін ішіне қаратып тіккен жылы сырт киім. Ішік – іш жағы аңның терісінен тігіліп, сыртын матамен тыстаған жылы сырт киім. Байпақ – етіктің ішінен киетін, жұқалау етіп басылған қонышты киіз шұлық. Байпақтың сыртынан кебіс те киеді. Сөйлем, сөз тіркестерін құрастыру. -Ішік, қолғап сөздеріне сөйлем құрастырыңдар. -Тон, етік сөздері жуан естіле ме әлде жіңішке естіле ме? «Балаларға арналған киім дүкені» деген мазмұнды сурет бойынша әңгіме құрастыру. «Қай мезгілде киеміз?» ойынының шарты: ауа райының қандай мезгілінде мына киімдерді киер едің? Аттарын атау. «Мынау кімдікі?» ойынының шарты: киімдердің қайсысын ер балаға, қайсысын қыз балаға кигізуге болатындығы айтылады. Ө. Ақыпбекұлының «Менің киімдерім» атты санамағын жаттату. 1. «Қайсысы артық?» дидактикалық ойыны. -Бір қатарда тұрған киімдердің ішіндегі қайсысы артық? -Туфли. Өйткені туфлиді күз, көктем мезгілдерінде ғана киеміз. 2. Киімдерді топтап айтқызу. Малақай, құлақшын – баскиімдер. Байпақ, кебіс, пима – аяқкиімдер.	Қуыршақ, қыс киімдері, суреттер, қолғаптар. Киім суреттері Әліппе дәптер суреттер	Қуыршақпен амандасады. Киімдерге сипаттама береді. Сөздікпен жұмыс жасайды. Сөйлем, сөз тіркестерін, әңгіме құрайды. Ойын ойнайды. Санамақ жаттайды. Суреттер бойынша жауаптар береді.
Рефлексивті түзету	Балалар біз қандай тақырыппен таныстық? Қандай қысқы киімдер бар екен? Балаларды мадақтау.		Қысқы киімдер. Бас киім, етік, пальто.

Күтілетін нәтиже:

Жүйелейді: жыл мезгілдерінің айырмашылығын

Қолданады:киімдерге сипаттама беруді.

Түсінеді:  киімді күтіп кию туралы.

Жасы бойынша топ:   Мектепалды даярлық тобы.  Күні:

                                      Ұйымдастырылған оқу- әрекетінің технологиялық картасы

Білім беру саласы: Қатынас.                       Бөлімі:Тіл дамыту. 

Тақырыбы: Көңілді қыс және қысқы ойындар.

Мақсаты:Балаларды қысқы ойындарды әңгімелеп айтуға баулу.

Табиғат көрінісін сипаттап, қызықтарын әңгімелету арқылы бүлдіршіндердің шығармашылық қабілеттерін дамыту.Бір-біріне қамқор болуға, ұйымшылдықпен ойнауға тәрбиелеу.

Қостілді құрам: қыс-зима, қар-снег, шана-санка,  аққала-снеговик.

Негізгі  іс-әрекеті	Тәрбиешінің іс-әрекеті	Дидактикалық көрнекіліктер	Баланың  іс-әрекеті
Мотивациялық қозғаушы кезеңі	-Аяз жылдың қай мезгілінде болады? -Аяз қандай болады? -Аязды күні ойнауға бола ма? -Қандай қысқы ойындарды білесіңдер?	Жыл мезгілдері суреттері	-Қыс мезгілінде болады. -Қатты, суық. Бетті, қолды үсітіп жібереді. Болады. -Аққала соға мыз, сырғанай мыз, шаңғы, шана,ойнаймыз
Жұмбақ шешу. Сергіту сәті. Дидактикалық ойын.	Қолы менен қаламы жоқ, Бірақ сурет салады көп. (АЯЗ) -Қарлы боранымен, сықырлаған аязымен қыс келді. Бірақ біз қыстан қорықпаймыз, денемізді шыңдаймыз, жылы киінеміз. Сырғанақ ойнап, аққала жасаймыз. -Бүгін, бізге аққала қонаққа келіпті. Ауыл алды ақшақар, Ақша қарда балалар. Соғып жатыр аққала, Жалқауы жоқ жұмысқа. Аққаламен қосылып, 1-2 жалпы дамыту жаттығуын орындату. -Сәлеметсіңдер ме, балалар! Мен сендермен бірге ойнайын деп келдім. Дала өте суық екен. Біз тоңып барамыз, денемізді қыздырып жаттығу жасайық. Қыздырайық денені, Кел, балалар, кел бері. Қыздырайық денені, Орнымызда тұрып-ақ. Жүгірейік бір уақ бір, екі, үш, (орындарында тұрып жүгіреді). Бір, екі, үш! Екпіндей түс, Аяқты алға созайық.  (аяқтарын алға кезек-кезек көтереді). Тік көтеріп қозғайық! Аққаланың келесі тапсырмасы: «Қысқы ойындар» тақырыбына сурет бойынша әңгіме не ертегі құрастыру. Аққала дорбасынан төмендегідей тірек сөздерді шығарады. Тәрбиеші сөздерді балаларға оқып, осы сөздерді қатыстырып сөйлемдер, әңгіме құрастыру керектігін айтады. Тірек сөздер: ақ қоян, мәнерлеп сырғанау, сұр қасқыр, шаңғы, хоккей, шайба, таяқ, шанасымен жүйткиді. Тірек сұрақтар: Ақ қоян, сұр қасқыр, түлкі және кірпі қандай ойындар ойнады? Ақ қоян не істеді? Хоккей ойнау үшін қандай құралдар қажет? Кірпі сыртқа не алып шықты? Дәптерге қысқы ойынға қажетті құралдың суретін салады. «Кім жылдам» ойынының шарты: тәрбиеші тақтаға шананың, шаңғының, коньки, аққала, т.б. суреттерін іледі. Балалар суреттегі заттардың атын айтады, содан соң сол сөздерді қатыстырып сөз тіркестерін, сөйлемдер құрастырады. Балалар қысқы ойындар туралы сабақ барысында алған білімдерін ортаға салады.	Қыс суреттері, Аққала, Әліппе дәптер, қоян суреті Шаңғы, коньки, аққала, шана суреттері	Жұмбақ шешеді. Тәрбиешіні мұқият тыңдайды. Қимылмен көрсетеді. Сурет бойынша сөйлем, сөз тіркестерін, әңгіме құрайды. Ойын ойнайды. Қысқы ойындар туралы өз ойларын айтады.
Рефлексивті түзету	Балалар қандай тақырыппен таныстық? Сендерге қыс ұнайма? Қыста  қандай мереке бар? Балаларды мадақтау		Қыс Ұнайды   Жаңа жыл

Күтілетін нәтиже:

Жүйелейді: жыл мезгілдерінің айырмашылығын

Қолданады:қысқы ойындарды

Түсінеді:  қыста жылы киіну туралы.

Жасы бойынша топ:   Мектепалды даярлық тобы.  Күні:

                                      Ұйымдастырылған оқу- әрекетінің технологиялық картасы

Білім беру саласы: Қатынас.                       Бөлімі:Тіл дамыту. 

Тақырыбы: Тәуелсіздік төрімде.

Мақсаты:16 Желтоқсан тәуелсіздік күні екені туралы түсінік беру.

Тәуелсіз, егемен деген сияқты сөздердің мағыналарын ұғындыру арқылы сөздік қорларын толтырып, есте сақтау қабілеттерін дамыту.

Бүлдіршіндердің Отанға деген сүйіспеншіліктерін арттыру.

Қостілді құрам: Отан-Родина,  ту-флаг, елтаңба- герб, әнұран-гимн.

Негізгі іс-әрекеті	Тәрбиешінің іс-әрекеті	Дидактикалық көрнекіліктер	Баланың  іс-әрекеті
Мотивациялық қозғаушы кезеңі	Қ. Сағырбайұлының «Сарыарқа» күйін немесе туған елге байланысты күйші композиторлардың бір күйін үнтаспадан қою. Күй әуенімен Отан туралы бір шумақ өлең оқу. Балалардың Отан туралы пікірлері тыңдалады.	Күй , үнтаспа	Отан туралы пікірлерін тыңдау.
Ұйымдастыру, іздену кезеңі Сөздікпен жұмысы. Сөздікпен жұмысы.	Қазақстан Республикасының картасын көрсету. -Балалар, картадан біздің республикамыздың ұлан-асыр жері бар екенін байқауға болады. Осы кең байтақ қазақ жері – бүгін Тәуелсіз Қазақстан Республикасы деп аталады. Яғни егеменді мемлекет. Тәуелсіз – толық еркі бар, ерікті бағынышты емес. Егемен – өз билігі, бас бостандығы өзінде, тәуелсіз. -Тәуелсіз Қазақстан Республикасының тұңғыш президенті кім? -Тәуелсіз Қазақстанның елордасы қай қала? -Алматы қандай қала? -Дұрыс айтасыңдар. Қазір Алматы еліміздің Мәдени орталығы болып саналады. Алматы қаласының Республика Алаңында Қазақстан Тәуелсіздігі құрметіне арналған қар барысына мінген Алтын адамның биік ескерткіші және Тәуелсіздік монументі орнатылған. Тәрбиешінің түсіндіруі: -16 Желтоқсан-еліміздің ең үлкен, ең басты мерекесі. 1991 жылы қазақ елі егемендікке қол жеткізіп, өз алдына тәуелсіз мемлекет атанды. 2011 жылы тәуелсіз мемлекет атанғанымызға 20 жыл толды. Осы тәуелсіздік Қайрат Рысқұлбеков, Ербол Сыпатайұлы, Ләззат Асанова сынды қазақтың батыр, қаһарман ұл-қыздарының арқасында келді. Олардың Тәуелсіздік жолындағы ерлігі, қайсарлығы біз үшін өнеге болмақ. Қазақстан, егемен, тәуелсіз сөздерін қатыстырып сөйлемде құрастырту. Ө. Ақыпбекұлының «Қазақстан картасы» өлеңін жаттату. Тәрбиеші өлеңді мәнерлеп оқиды. Құт дала-берекелі, бай дала. Қараймын да тасынам-бұл жерде қуанамын, мақтанамын деген мағынада. Мақал-мәтелдердің мағынасын ашу: «Туған жердің күні де ыстық, түні де ыстық» деген сөздің мағынасы мынадай: туған үйіңнен, қалаңнан, ауылыңнан, еліңнен алыста жүрсең, біраз уақыттан соң еліңді сағынасың. Өз еліңдегі әрбір күніңді сағынасың.	Қазақстан  картасы, қалалар суреттері, Президент суреті, рәміздер Әліппе дәптер	Тәрбиешіні тыңдайды Сөздікпен жұмыс жасайды. Сұрақтарға жауап береді. Тәрбиешіні мұқият тыңдайды. Сөйлем құрастырады. Сөздікпен жұмыс жасау. Мақал-мәтелдердің мағынасын ашады.
Рефлексивті түзету	«Халықтың ортақ үйі-Отаны» дегенді қалай түсінесіңдер? Сабақты Отан туралы ән тыңдаумен немесе балалардың орындауымен аяқтайды. Балаларды мадақтау		Өз ойларын айтады Ән тыңдайды

Күтілетін нәтиже:

Жүйелейді: Отан туралы

Қолданады:Қазақстан елі туралы тақпақтар, әңгімелер

Түсінеді:  Отанымызды  мақтан тұту туралы.

Жасы бойынша топ:   Мектепалды даярлық тобы.  Күні:

                                      Ұйымдастырылған оқу- әрекетінің технологиялық картасы

Білім беру саласы: Қатынас.                       Бөлімі:Тіл дамыту. 

Тақырыбы: Қош келдің, жаңа жыл!

Мақсаты:Қыс мезгіліндегі мерекелер жайлы мағлұмат беру.

Сурет бойынша әңгіме құрастырту арқылы ойлау қабілеттерін дамыту. Аязата, Ақшақар, аққала деген сөздерді қатыстырып, сөз тіркестері мен сөйлемдер құрастырту арқылы сөздік қорларын молайту. Өлең сөздерін жатқа және мәнерлеп оқуға үйрету.

Сыйластыққа баулу.

Қостілді құрам: жаңа жыл-новый год, мереке- праздник.

Іс-әрекеті	Тәрбиешінің іс-әрекеті	Дидактикалық көрнекіліктер	Баланың  іс-әрекеті
Мотивациялық қозғаушы кезеңі	Шеңбер құрып, дөңгелене тұрып, балалар жаңа жыл мерекесін қалай қарсы алғанда рын естеріне түсіріп әңгімелейді немесе жаңа жылдық бір ойыншықты қолдарына алып, мерекелік тілектер айтады.		Мерекелік тілектер айтады.
Ұйымдастыру, іздену кезеңі Жұмбақ шешу. Тыныштық сәті. Дидактика-лық ойын.	Балалар мен сендерге жұмбақ оқимын, жұмбақтың шешуін тапқызады. Шашуы көп, дәмі мол, тастамайды қабын ол. Жаһан кезіп баланың қуантпақшы бәрін ол.   (АЯЗАТА) Жаһан сөзіне сөздік жұмысын жүргізеді. -Жаңа жыл мерекесі қашан болады? -Жаңа жыл мерекесі басқа мерекелерден қалай ерекшеленеді? -Несімен қызықты? -Жаңа жыл – әлемнің көптеген халықтары тойлайтын ортақ мереке. Әр халық әртүрлі деңгейде және әртүрлі ғұрыпта тойлайды. Әр жылдың бірінші қаңтарының түні – Жаңа жыл түні. Жаңа жыл әр елде әр кезде мерекеленіп,  әр халық өз салт-дәстүрімен қарсы алатындығы жайындағы деректерді көбіміз біле бермейміз. Мысалы, шығыс елдері, оның ішінде қазақ халқы да дәстүрлі жыл басы мерекесін күн мен түн теңелген күні, яғни 22 наурызда атап өтеді. Қай ел, қай халық болсын, жаңа жылды салтанатты жағдайда мерекелеп, оған айрықша мән берген. Жалпы алғанда, әсем ойыншықтары жарқыраған жасыл шырша Жаңа жылдың ерекше белгісіне айналған. Жаңа жылдық тұңғыш шырша ертеде Герман провинциясы Эльзаста орнатылған, депті-мыс. С. Қалиұлының «Шырша» өлеңінен үзінді жаттау. Тәрбиеші өлеңді мәнерлеп оқиды. -Көзімізді жұмып, Жаңа жыл мерекесін елестетейік. Міне, музыка залында шыршаны айнала дөңгелене тұрмыз. Марат қоян, Алмас қасқыр, Айгүл көбелек болып киініп алған. Жасыл шырша әсем етіп безендірілген. Аязата мен Ақшақар шырша жанында билеп жүр. Көзімізді ашамыз. Көз алдарыңа не елестеттіңдер? Балалар дәптерге шырша суретін бояп, безендіреді. «Сөз ойла, тез ойла, көп ойла» ойыны. Балалар кезекпен з мен ш дыбыстары кездесетін сөздер айтып жарысады. Көп сөз айтқан бала жеңімпаз атанады. Сюжетті сурет бойынша әңгіме құрастыру. -Суретте кімдер бейнеленген? -Бұл қандай мереке? -Аязата мен Ақшақарға балалар қандай өнерлерін көрсетіп жатыр. -Аязатаның дорбасында не бар? -Ойыншықтар мен кәмпиттерді кімдерге береді? -Ақшақар кім?	жаңа жыл мерекесіне арналған суреттер, ойыншықтар. Аязата, ақшақар, мереке суреттері Маскалар. Кеспе әріптер	Жұмақ шешеді. Сұрақтарға жауап береді. Тәрбиешіні мұқият тыңдайды. Өлеңді оқып, жаттайды. Жаңа жыл мерекесін елестетеді. Сурет салады. Ойын ойнайды. Сұрақтарға жауап береді.
Рефлексивті түзету	Жаңа жыл қандай мереке екен? Сендер жаңа жылды қалай қарсы алдыңдар? Балаларды мадақтау		Жылдың жаңаруы Өз ойларын айтады.

Күтілетін нәтиже:

Жүйелейді: мерекелер туралы

Қолданады:жаңа жыл мерекесі туралы тақпақтар, әңгімелер

Түсінеді:  жыл мезгілі туралы.

Тіл дамыту.

Тақырыбы: Құстардың тіршілігі.

Мақсаты:

Құстардың қысқы тіршілігі туралы түсінік беру.

Сабақ барысында орындатылған тапсырмалар арқылы ойлау қабілеттерін дамыту.

Құстарға қамқорлықпен қарауға тәрбиелеу.

Көнекіліктері: қыстап қалатын құстардың суреттері, үнтаспаға жазылған құстар үні.

Іс-әрекеті	Тәрбиешінің іс-әрекеті	Баланың  іс-әрекеті
Кіріспе әңгіме. Негізгі бөлім. Сергіту сәті. Сөздікпен жұмыс. Дидактика-лық ойын. Қорытынды-лау	Балалар дөңгелене тұрып, бір-біріне құстардың атына байланысты еркелетіп айтатын сөздерді айтады. -Көгершінім. -Балапаным. -Қарғам. -Қарлығашым. -Тотым. Қыс мезгілінің өзгерістерін сұрақ-жауап ойыны арқылы суреттеу, әңгімелеу. Балалардың  жауаптары тыңдалып, тәрбиеші олардың жауаптарын қорытындылайды. -Қыс мезгілі суық, қарлы, боранды болады. Қыста суыққа төзе алатын құстар ғана қыстап қалады. Олар мына құстар: тоғай, қарға, кептер, сауысқан. Басқа құстар жылы жаққа ұшып кетеді. Қыста құстар ағаштардың бұтақтарын паналап күнелтеді. Қарны ашып тоңған, жаураған құстар адамдарға жақын ұшып-қонып жүреді. Адамдар жемшашар жасап, оған жем салып, ағаштың бұтағына іліп қояды. Балалар құстар, ұя деген сөздерге сөйлем құрастырады. Құстар біздің досымыз, бау-бақшаны қорғайды. Ұя салып қарсы алсақ, құстар бізді қолдайды. «Құстар қалай қыстайды?» деген ертегіні оқып беру. «Құстарға көмек» тақырыбында әңгіме құрастыру. Тірек сөздер: жемшашар, суықтан тоңған құстар, сарышымшықтар, жем салды. Сарышымшық – сұр, қоңыр түсті, бауыры сары, қауырсынды кішкентай құс. Құр – тауық тұқымдас жабайы құс. «Қайсысы артық?» ойынының шарты: мұғалім тақтаға құстардың суретін іледі. Мысалы: суықторғай, тоқылдақ, қарға, жабайы үйрек.  Балалар суреттен қыстап қалатын құстарды атайды, ал жабайы үйректің артық екенін айтады. -Қандай құстар қыста қыстап қалады екен? -Біздер құстарға қандай қамқорлық жасауымыз керек? -Қандай ертегі тыңдадыңдар? Ол не туралы?	Құстардың атына байланысты еркелететін сөздер айтады. Қыс мезгілінің өзгерістері туралы әңгімелесе-ді. Тәрбиешіні мұқият тыңдайды. Қимылмен көрсетеді. Әңгіме құрастыра-ды. Сөздікпен жұмыс жасайды. Ойын ойнайды. Сұрақтарға жауап береді.

Жасы бойынша топ:   Мектепалды даярлық тобы.  Күні:

                                      Ұйымдастырылған оқу- әрекетінің технологиялық картасы

Білім беру саласы: Қатынас.                       Бөлімі:Тіл дамыту

Тақырыбы: Жабайы жануарлардың қысқы тіршілігі.

Мақсаты:Жабайы аңдардың қысқы тіршілігі туралы түсініктерін кеңейту.

Сурет бойынша толық сөйлем құрастырту, сұраққа жауап бергізу арқылы ойлау қабілеттерін дамыту.Жануарларға қамқорлық жасау керектігін ұғындыру.

Қостілді құрам: жабайы жануарлар-дикие животные, орман-лес.

Негізгі іс-әрекеті	Тәрбиешінің іс-әрекеті	Дидактикалық көрнекіліктер	Баланың  іс-әрекеті
Мотивациялық қозғаушы кезеңі	Шаттық шеңберін құру. -Балалар, далада күн суытқанымен біздің жүрегіміз ыстық, мейірімге толы. Бір-бірімізге деген жылы сөздерімізді айтып, көңіл күйімізді көтерейік.		Жылы лебіздерін білдіреді.
Ұйымдастыру кезеңі. Кіріспе әңгіме. Сергіту сәті Сөздікпен жұмыс. Дәптермен жұмыс.	Сұрақ-жауап әдісі арқылы балалар жануарлар туралы алған білімдерін ортаға салады. -Балалар, аңдарды қыстың суық аязынан не қорғайды? -Қыста қоян мен тиіннің жүнінің түсі қалай өзгереді? Сурет бойынша жануарлардың қысқы тіршілігі туралы әңгіме құрастыру. -Қыста аңдар немен қоректенеді? -Қыста қояндар мен бұғылар қысқа азық даярламайды. Қоян ағаштардың бұталарын кеміріп жеп күн көреді. Бұғы ағаштардың кішкентай бұтақтарын жейді. Түкінің мұрны өте иісшіл, құлағы жақсы естиді. Ол қарды иіскелеп, қар астындағы тышқанның дыбысын естіп қояды. Түлкінің қысқы азығы - тышқан. Ал аю қысқа азық жинайды. Денесіне май жинап алып, қыс бойы апанында жатып табанын сорады. Қыздырайық денені, Кел, балалар, кел бері. Қыздырайық денені, Орнымызда тұрып-ақ. Жүгірейік бір уақ бір, екі, үш, (орындарында тұрып жүгіреді). Бір, екі, үш! Екпіндей түс, Аяқты алға созайық.  (аяқтарын алға кезек-кезек көтереді). Тік көтеріп қозғайық! Суыққа дірдектеп – қалшылдап тоңу, бүрсеңдеу. Айдын – жайылып жатқан су алабы. Дәптердегі тапсырманы орындау: бір қоян, бір аюдың суреттерін салу.  Қоянның тамағы сәбіз, аюдың тамағы бал екенін айтқызу. Ә. Табылдының «Ақ аю» өлеңін жаттату. «Қайсысы артық?» ойынының шарты: тақтаға құстардың суретін ілемін. Мысалы: суықторғай, тоқылдақ, қарға, жабайы үйрек.  Балалар суреттен қыстап қалатын құстарды атайды, ал жабайы үйректің артық екенін айтады.	жабайы аңдардың қысқы тіршілігі бейнеленген суреттер. Әліппе дәптер, плакаттар, үлестірмелі карточкалар Тіл дамыту  әліппе дәптері Құстар суреттері.	Сұрақтарға жауап береді. Сурет бойынша әңгіме құрастыра-ды. Жаттығуды қимылмен көрсте орындайды. Сөздікпен жұмыс жасайды. Тапсырма-ларды орындайды. Ойынды ойнайды
Рефлексивті түзету	-Қандай жануарлар қысқа азық жинайды? -Ал қандай жануарлар қысқа азық жинамайды? -Жануарлардың қысқы тіршілігі туралы не білдік?	Жануарлар суреті	Аю, тышқандар. Қоян, түлкі, қасқыр. Өз ойларын айтады.

Күтілетін нәтиже:

Жүйелейді: жабайы жануарлар туралы

Қолданады:жануарлар тіршілігі туралы өз ойларын айта біледі.

 Түсінеді:  жабайы, үй жануарлары айырмашылығы туралы.

Тіл дамыту.

Тақырыбы: Көшедегі көліктер.

Мақсаты:

Көліктер туралы түсінік беру, олардың түрлерін ажыратуға үйрету.

Сөздік қорларын толықтыру, жаңылтпаштарды дауыс ырғағын көтеру арқылы айтуға жаттықтыру.

Ойыншық көлік түрлерін мұқият, ұқыпты ұстауға тәрбиелеу.

Көнекіліктері: түрлі көліктер бейнеленген суреттер.

Іс-әрекеті	Тәрбиешінің іс-әрекеті	Баланың  іс-әрекеті
Кіріспе әңгіме. Негізгі бөлім. Сөздікпен жұмыс. Дидактика-лық ойын. Жұмбақ шешу. Сергіту сәті. Дидактика-лық ойын. Қорытынды-лау	«Қандай көлік түрлерін білесіңдер?» деген сұраққа жауап алу. Көліктердің пайдасы туралы әңгімелеу. Жедел жәрдем – қолма қол берілетін көмек. Өрт сөндіргіш – өрт сөндіруге арналған техника. Су сепкіш – су себуге арналған техника. Жедел жәрдем, өрт сөндіргіш машинасы, сусепкіш сөздерін қатыстырып, сөйлемдер құрастыру. «Төртінші артық» ойынының шарты: тәрбиеші көлік түрлерінің суреттерін көрсетіп тұрып, олардың аттарын атайды. Балалар аталған көлік түрлерінің артығын тауып және оның неге артық екенін дәлелдейді. -Камаз, Тайота, Жигули, Мерседес. -Камаз артық. Өйткені ол –жүк тиейтін машина. Жұмбақтар шешу. Шешулері: пойыз, автобус. -Жұмбақта пойызды неге үйге теңеп тұр? -Өйткені пойыздың ішінде жататын төсек, тамақтанатын орын, жуынатын жер және әжетхана бар. Музыка әуенімен машинаның тұтқышын айналдырып билеу. «Суретті жина» ойынының шарты: балалар екі топқа бөлінеді. Көліктердің суреттері салынған парақ бірнеше бөлікке бөлініп, екі хатқалтаның ішіне салынады. Әр топ балалары қағаз қиықтарын біріктіріп, көлік түрін құрастырады да, сол көлікке байланысты жұмбақ ойластырады. Жұмбақты келесі топтың балалары шешеді. Мысалы: 1. Бұл көлік қалада жүреді. Электр күшімен қозғалады. Жолаушы тасиды.  2. Ол-вагон көлік. Рельспен жүреді. Тәрбиеші көлік түрлерінің суреттерін көрсетеді, ал балалар оның қандай көлік түрі және не үшін пайдаланатынын айтады.	Көліктер туралы әңгімелеу. Сөздікпен жұмыс жасайды. Ойын ойнайды. Жұмбақ шешеді. Қимылмен көрсетеді. Ойын ойнайды. Сұрақтарға жауап береді.

Тіл дамыту.

Тақырыбы: «Жеті қазынаның бірі» ертегісі.

Мақсаты:

Балаларға «Жеті қазынаның бірі» ертегісінің мазмұнын түсіндіру.

Сұрақтарға толық жауап беру арқылы тілдерін дамыту.

Жеті санының киелі екенін және жеті қазынаға не жататынын түсіндіру арқылы халқымыздың осындай таным-түсініктері көптігін айтып, олардың тәрбиелік мәнін ұғындыру.

Жаңа сөздер: жеті қазына, қыран бүркіт, берен мылтық.

Көнекіліктері: жеті қазына бейнеленген сурет.

Іс-әрекеті	Тәрбиешінің іс-әрекеті	Баланың  іс-әрекеті
Кіріспе әңгіме. Негізгі бөлім. Сөздікпен жұмыс. Мақал-мәтелмен жұмыс. Қорытынды-лау	Тәрбиеші жеті санын неліктен қасиетті екенін мысалдар келтіре отырып түсіндіреді. Балалардың пікірлері, жауаптары тыңдалады. Мысалы: жеті ата, жеті шелпек, жеті қазына. Тәрбиеші «Жеті қазынаның бірі» атты ертегіні мәнерлеп оқиды. Дәптердегі ертегі мазмұны бойынша салынған сурет арқылы мазмұнын түсіндіреді. Мадақтау  – біреудің жақсы қасиетін мақтап, көкке көтеру, дәріптеу. Аластау  – біреуді ығыстыру, қуып тастау. Жағымпаздана – жағыну, жарамсақтану, жалбақтау. -Аң патшасы – Арыстан ормандағы аңдарға қандай сұрақ қойды? -Аңдар қалай жауап берді? -Арыстан неге ашуланды? -Иттің жауабын кім айтады? -«Дүниеде қайратты әрі ақылды да тек-адамзат» деп жауап берді Ит. Жеті қазына туралы мағлұмат беру. Қазақ халқы жеті қазынаны ер жігіттің өмірімен байланыстырып, оның ұғымына мыналарды жатқызады: Жүйрік ат – қанаты. Құмай тазысы – абыройын асырар сенімді серігі. Қыран бүркіт – қуаты. Берен мылтық- қаһарлы оты. Қақпан – серті. Майланғыш ау – әдіс-айласы. Өткір кездік – сұсы. Қазақ халқы жеті қазынаны жеті ырыс деп те атайды. Оларға төмендегі ұғымдарды жатқызады: Адамның ақылы, ой-санасы. Денсаулық. Ақ жаулық (ана). Бала. Жер. Ит. Дәптердегі мақал-мәтелдердің мағынасын түсіндіру. Ақылды адам айтқызбай біледі, Қыран қаққызбай іледі. -Ертегі қалай аталады? -Ертегі қандай сөйлеммен басталады? -Арыстан өзі туралы не білгісі келеді? -Түлкі Арыстанды қалай мақтады? -Арыстан итке не деді? -Ал сонда дүниедегі ең қайратты, ең ақылды, әділ әрі епті қайсысы екен? -Ит арыстанға қандай жауап қайтарды? Иттің жауабын балаларға бірнеше рет қайталату. - Неге итті «жеті қазынаның бірі» деп айтады екен? -Осы ертегідегі Арыстан, Ит жәнеТүлкінің жауаптарын қайталап айт. -Жеті қазынаның аттарын атату.	Өз пікірлерін айтады. Ертегі мазмұнымен танысады. Сөздікпен жұмыс жасайды. Сұрақтарға жауап береді. «Жеті қазына» туралы мағлұмат алады. Мақал-мәтелдердің мазмұнын түсінеді. Сұрақтарға жауап береді.

Жасы бойынша топ:   Мектепалды даярлық тобы.  Күні:

                                      Ұйымдастырылған оқу- әрекетінің технологиялық картасы

Білім беру саласы: Қатынас.                       Бөлімі:Тіл дамыту

Тақырыбы: Мамандықтың бәрі жақсы.

Мақсаты:Балалардың әр түрлі мамандықтар туралы білімдерін толықтыру.

Сурет бойынша қойылған сұрақтарға толық жауап беруге дағдыландыру арқылы зейіндерін дамыту.

Үлкендердің еңбегін бағалауға тәрбиелеу және мамандық таңдауға қызығушылықтарын тудыру.

Қостілді құрам: мамандық- профессия,  құрылысшы-стройтель.

Іс-әрекеті	Тәрбиешінің іс-әрекеті	Дидактикалық көрнекіліктер	Баланың  іс-әрекеті
Мотивациялық қозғаушылық	Балалар дөңгелене тұрып, бір-біріне жылы лебіздерін білдіреді. Мысалы: -Сен қандай ақылдысың! Біздің денсаулығымыз мықты. Біз ойнаймыз, күлеміз, айналадағы дүниені танып-білеміз.		Бір-біріне жылы лебіздерін білдіреді.
Ұйымдастыру, іздену кезеңі Жұмбақ шешу. Дидактика-лық ойын. Дәптермен жұмыс. Жұмбақ шешу.	-Міне, көрдіңдер ме? Балалар, болашақта әртүрлі мамандық иесі болу үшін ақылды, білімді, тәрбиелі болу керек. Кірпіштен сарай, үй салады, Ол адам кім болады?  (Құрылысшы) Осы жерде құрылысшы мамандық иесі екені айтылып, мамандық туралы әңгіме жүргізіледі. «Кім болам?» дидактикалық ойыны. Шарты: балалар үлкендердің бала күндерінде кім болуды армандағандарын және болашақта өздерінің қандай маман иесі болғысы келетіні жөнінде әңгімелерін, ойларын ортаға салады. «Мамандықты таңда» дидактикалық ойыны. Дәптердегі мамандық иелері бейнеленген суреттерге қарап, мамандық иелерін айтады. Төмендегі сұрақтарға жауап береді. -Дәрігер не істейді? -Ғарышкер ше? -Полиция қызметкері не істейді? -Тағы қандай мамандық түрлерін білесіңдер? а) «Кімге не керек?» тапсырмасы. Шарты: дәптердегі бірінші бағанда тұрған мамандық иелерінің суреттерін екінші бағандағы суреттердің тиістісіне сызықпен қосып көрсету.»Кімге не керек?» сұрағына ауызша жауап беру. ә) Дәптердегі аспан  әлемі бейнеленген суретті аяқтау. Бір-екі балаға салған суреттері бойынша әңгімелету. Ғарышкер мамандығы туралы түсіндіру. Ғарышкер – ғарышта аспан денелерін зерттейтін адам. Жұмбақ шешкізу. Шешуі: ұшақ. Ұшақ мамандығы туралы әңгіме жүргізіледі.  Бірнеше мамандық түрлерін кезекпен айтамыз. Балалар әр мамандық туралы әңгімелейді.	түрлі мамандық иелері туралы суреттер, құралдар. Әліппе дәптер, маман суреттері	Жұмбақ шешеді. Ойын ойнайды. Тапсырма-ларды орындайды. Жұмбақ шешеді. әр мамандық туралы әңгімелейді.
Рефлексивті түзету	Мамандықтың бәрі жақсы, тек қандайда бір мамандық иесі болу үшін көп оқу керек. Маман иесі болу үшін не істеу керек екен?		Өз ойларын айтады

Күтілетін нәтиже:

Жүйелейді: мамандықтар туралы

Қолданады: ата-анасының мамандықтары  туралы өз ойларын айта біледі.

 Түсінеді:  мамандықтар айырмашылығы туралы.

Жасы бойынша топ:   Мектепалды даярлық тобы.  Күні:

                                      Ұйымдастырылған оқу- әрекетінің технологиялық картасы

Білім беру саласы: Қатынас.                       Бөлімі:Тіл дамыту

Тақырыбы: Ы. Алтынсариннің «Бір уыс мақта» әңгімесі.

Мақсаты:Оқылған шығарма мазмұнын әңгімелеуге, мәнеріне келтіре айта білуге үйрету, есте сақтау қабілеттерін дамыту. Сөздік қорларын молайтып, байланыстыра сөйлеуге дағдыландыру.

Қостілді құрам: ертегі-сказка, мысық-кошка, қыз-девушка.

Негізгі іс-әрекеті	Тәрбиешінің іс-әрекеті	Дидактикалық көрнекіліктер	Баланың  іс-әрекеті
Мотивациялық қозғаушылық	Балалар шеңбер құрып, дөңгелене тұрады. -Балалар, біз дөңгелене тұрып, бір-біріміздің жүзімізді көреміз, бір-бірімізге  жымиямыз, жылы лебіздер айтамыз, осылайша қуанышқа бөленеміз. -Армысың асыл күн, армысың жан досым. Жылуыма жылу қос, міне, менің қолым. -Балалар, бір-бірлеріңнің алақандарыңды ұстап тұрып, нені сезіңдіңдер? -Жылылық, қуаныш т.б.		Шаттық шеңберге  тұрып көңіл-күйлерін көтереді
Ұйымдастыру, іздену кезеңі Сөздікпен жұмыс. Дидактика-лық ойын. Жаңылтпаш жаттау.	Балалар мен сендерге  таныс ертегі, әңгімелерден үзінді оқимын. Балалар ертегі, әңгімелердің қалай аталатынын тауып айтыңдаршы. -Тышқан: «Апырай қайдан шықты екен осыншама нан? Біліп алып шыққан жеріне кірсем бе екен?»-деп ойлады. -«Нан қайдан келеді?» ертегісі -Бір күні жануарлар «Не дәмді?» -деп таласып қалыпты. -«Не дәмді?» ертегісі. -Қыз мысықтың құйрығын кесіп алады. Мысық: «Құйрығымды берші», дейді. -«Мақта қыз бен мысық» ертегісі. -Ертең апаңның мерекесі. Оған сыйлық әзірледің бе? -«Не сыйлау керек?» әңгімесі. Тәрбиеші балалардан еңбек туралы қандай әңгіме, ертегі білетіндерін сұрайды. Содан соң Ы. Алтынсариннің «Бір уыс мақта» әңгімесін оқитындарының, оның еңбек туралы екенін хабарлайды. Ы. Алтынсарин туралы қысқаша мағлұмат береді. -Ы. Алтынсарин –қазақтың тұңғыш педагогі. Қазақ даласында тұңғыш рет орыс үлгісіндегі мектептер ашып, оған орыс әліпбиі негізінде оқулықтар жазды. Өзі сабақ беріп, жаңа талапқа сай келетін мұғалімдер дайындауға күш салды. Қазақ балаларына арнап тәрбиелік мәні бар әңгіме, өлеңдер жазды. Бүгін мен Ы. Алтынсариннің «Бір уыс мақта» атты әңгімесін оқып беремін. Шапан – астарына жүн не мақта салып сырып тігілген сырт киім. Қиқым – бір нәрсенің майда, ұсақ қалдығы. Мақтаның қиқымы. Мамық – құстың үлпілдеген жұмсақ жүні. -Үйде анасы мен қызы не істеп отыр еді? -Қыз артылып қалған бір уыс мақтаны не істеді? -Мақтаны  не іліп алып кетті? -Торғайға мақта не үшін қажет болды? Бірнеше балаға әңгіменің мазмұн айтқызып, тәрбиелік мәнін ашқызу. Балаларға еңбек ету және ысырапшылдыққа жол бермеу керектігі түсіндіріледі. «Ұйқасын тап» дидактикалық ойыны. Тәрбиеші өлеңді дауыстап оқиды, балалар «торғайды» деген сөзді тауып айтады. Жаңылтпаш жаттату. Жаңылтпашты жылдам айтқызу арқылы балалардың тілін ұстартып, әртүрлі сөзді шапшаң айтуға үйрету.	Ы. Алтынсарин портреті, әңгіме мазмұнына салынған сюжетті сурет. Сөздік жұмыс: педагог, немере қызы. Әліппе дәптер	Әңгіме, ертегілердің қалай аталатынын табады. Ы. Алтын -сариннің әңгімесімен танысады. Сөздікпен жұмыс жасайды. Сұрақтарға жауап береді. Ойын ойнайды. Жаңылтпаш жаттайды.
Рефлексивті түзету	Балалар ертегі ұнадыма? Мақтадан не жасауға болады? Балаларды мадақтау		Өз ойларын айтады Көрпеше, көрпе.

Күтілетін нәтиже:

Жүйелейді: ертегі, әңгімелер туралы

Қолданады: ертегі туралы өз ойларын айта біледі.

 Түсінеді:  ертегідегі жақсы, жаман кейіпкерлердің айырмашылығы  туралы.

Жасы бойынша топ:   Мектепалды даярлық тобы.  Күні:

                                      Ұйымдастырылған оқу- әрекетінің технологиялық картасы

Білім беру саласы: Қатынас.                       Бөлімі:Тіл дамыту

Тақырыбы: Көктем.

Мақсаты:

Балалардың көктем мезгілі туралы білімдерін кеңейту.

Сөздік жұмыстары арқылы сөздік қорларын байытумен бірге есте сақтау қабілеттерін дамыту, грамматикалық тұлғада жүйелі сөйлеуге, әңгімелеп айтуға, берілген сұраққа нақты жауап беруге үйрету.

Құстарға, ағаштарға, қамқор және еңбекқор болуға тәрбиелеу.

Қостілді құрам:  көктем-весна, құстар-птицы, ағаш- дерево.

Негізгі іс-әрекеті	Тәрбиешінің іс-әрекеті	Дидактикалық көрнекіліктер	Баланың  іс-әрекеті
Мотивациялық қозғаушылық	Балалар шаттық шеңберіне тұрады, бәрі бірге қосылып айтады: Жабырқауды білмейміз, Жалқаулықты сүймейміз. Біз талантты жас ұлан, Үлгі аламыз жақсыдан.		Шаттық шеңберге тұрып, орындайды
Ұйымдастыру, іздену кезеңі Сөздікпен жұмыс. Дидактика-лық ойын.	Тәрбиеші тақтаға көктем мезгілін бейнелеген бірнеше суреттерді іледі де, балалардан жылдың қай мезгілі екенін анықтатады. «Көктем екенін қалай білдіңдер?» деген сұрақ арқылы балаларға жауаптарын дәлелдету керек. Балаларға қойылатын жетекші сұрақтар: Көктемде неше ай бар? Қай айдан басталады? Жерде, далада, ағаштарда қандай өзгерістер болады? Айтыңдаршы көктемде алғаш қандай құстар ұшып келеді? Тәрбиеші балалардың көктем мезгілі туралы айтқандарын қорытындылап, толықтырады.  Т. Молдағалиевтің «Көктем» өлеңін мәнерлеп оқимын. Сөздік жұмысын жүргізу: Шартылдайды – сартылдайды, тарсылдайды. Қып-қызыл отпен белгі – бұл жерде найзағайдың көрінісі суреттеліп тұр. Өпкен жел – бұл жерде желдің денеге жайлы әсер етуі. Өлеңнің мазмұны арқылы көктемгі өзгерістер, көктемгі еңбек туралы әңгіме өрбіту. «Көктемгі гүлдер» дидактикалық ойыны. Шарты: себеттегі гүлдердің ішінен көктемде гүлдейтін гүлдерді шығарып алып, сол гүлді сипаттайды. Мысалы: бәйшешек, қызғалдақ, сарғалдақ. «Өрік ағашы» әңгімесін оқу. Сұрақ-жауап әдісі арқылы әңгіменің мазмұнын қалай түсінгендерін сұрау.	құстардың, көктем мезгілінің суреті, бүршік жарған бұтақ, үлестірмелі суреттер. Мнемотаблиа Әліппе дәптер	Сұрақтарға жауап береді. Көктем туралы мағлұматтар алады. Сөздікпен жұмыс жасайды. Ойын ойнайды. Сұрақтарға жауап береді.
Рефлексивті түзету	Балалар қай мезгілмен таныстық? Қандай мерекеге дайындалып жатсыңдар? Балаларды мадақтау.		Көктем мезгілімен. Наурыз мерекесіне

Күтілетін нәтиже:

Жүйелейді: көктем  туралы

Қолданады: көктем өзгерісі туралы өз ойларын айта біледі.

 Түсінеді:  мезгілдер  айырмашылығы  туралы.

Жасы бойынша топ:   Мектепалды даярлық тобы.  Күні:

                                      Ұйымдастырылған оқу- әрекетінің технологиялық картасы

Білім беру саласы: Қатынас.                       Бөлімі:Тіл дамыту

Тақырыбы: Аналар мерекесі.

Мақсаты:Көктем мезгілінде болатын алғашқы мереке – аналар мерекесі туралы түсінік беру. Өлең, мақал-мәтелдердің мазмұнын ашу. Қуанышты, мерекелік көңіл күй арқылы әртүрлі іс-әрекеттерде шығармашылық қабілеттерін дамыту. Аналарға құрметпен қарауға тәрбиелеу.

Қостілді құрам: ана-мать, мереке-праздник, көктем-весна

Негізгі іс-әрекеті	Тәрбиешінің іс-әрекеті	Дидактикалық көрнекіліктер	Баланың  іс-әрекеті
Мотивациялық қозғаушылық	Балалар дөңгелене тұрып, әр бала өздерінің сүйікті аналары туралы ойлап, аналарының өздерін қалай еркелететінін айтады. Мысалы: Мені анам: «айым, күнім, боташым, ақылдым», -дейді.	Ана суреттері	Аналары туралы әңгімелеседі
Ұйымдастыру, іздену кезеңі Дидактика-лық ойын.	Балалар көктем туралы не білетінімізді ортаға салайықшы. Көктемде болатын мерекелер туралы әңгіме жүргізу. Сурет бойынша жұмыс жүргізу. Дәптердегі аналар мерекесі бейнеленген сурет арқылы көктемнің алғашқы мерекесі-халықаралық әйелдер мерекесі туралы түсінік беру. Дәптерге «Анама сыйлық» деген тақырыпта сурет салдыру. Ғ. Ормановтың «Жан анам» өлеңін жаттату. «Ойлан тап!» ойыны.  Шарты: а)балаларға шығарма, өлең, ертегі- лерден үзінді оқу. Ал, балалар қандай , не туралы екенін табу. Ә)Көктем сөзінің әрбір әрібіне сөздер табу. К –күн, кеме, күлкі..... Ө –өжет, өрік, өркен.... К –кітап, көрікті.... Т –теңге, ту.... Е –елтаңба, ел..... М-әрбір әрібіне сөздер табу. Ана туралы тақпақтар айтамыз.	Көқтем көрінісінің плакаты. аналар мерекесі туралы суреттер. Әліппе дәптер Кітапшалар Кеспе әріптер.	Көктем өзгерістері туралы өз ойларын айтады. Суретпен жұмыс жүргізеді. Сурет салады. Өлең жаттайды. Ойын ойнайды. Білетін тақпақтар айтады.
Рефлексивті түзету	Балалар сендерге сабақ ұнадыма? Көктемде болатын ең бірінші мереке қай мереке екен? Сендер аналарыңды жақсы көресіңдерма? Неліктен? Балаларды мадақтау.		Өз ойларын айтады. Аналар мерекесі. Өз ойларын айтады.

Күтілетін нәтиже:

Жүйелейді: көктем, аналар мерекесі   туралы

Қолданады: көктем өзгерісі туралы өз ойларын айта біледі.

 Түсінеді:  аналарды сыйлау, құрметтеу туралы.

Жасы бойынша топ:   Мектепалды даярлық тобы.  Күні:

                                      Ұйымдастырылған оқу- әрекетінің технологиялық картасы

Білім беру саласы: Қатынас.                       Бөлімі:Тіл дамыту

Тақырыбы: Хайуанаттар бағындағы қызықтар.

Мақсаты:Балаларға хайуанаттар бағы туралы түсінік беру, жабайы аңдар туралы білімдерін тиянақтау.Аңдардың кейбір ерекшеліктерін салыстыра айтуға үйрету арқылы ойлау қабілеттерін дамыту.Жан-жануарларды қорғауға, қамқор болуға, сүйіспеншілікпен қарауға тәрбиелеу.

Қостілді құрам: хайуанаттар бағы- зоопарк, арыстан-лев, аю-медведь.

Іс-әрекеті	Тәрбиешінің іс-әрекеті	Дидактикалық көрнекіліктер	Баланың  іс-әрекеті
Мотивациялық қозғаушылық	Балалар шаттық шеңберіне дөңгелене тұрып, бір-бірлеріне жылы лебіздерін білдіреді. -Мен саған жақсылық тілеймін! -Мейірімді бол! -Саған денсаулық тілеймін!		Шаттық шеңберге тұрып, жылы тілектер айтады.
Ұйымдастыру, іздену кезеңі Сөздікпен жұмыс. Дәптермен жұмыс.	Хрестоматияда берілген «Жануарлар әлемі» атты мәтінді оқып беремін.. Осы мәтін арқылы әлемдегі ең үлкен жануар-көк кит, ең ұзын жануар-керік туралы мәлімет беріледі. Сұрақ-жауап әдісі арқылы мәтіннің мазмұнын айтқызу. Балаларға жануарлар әлемі туралы теледидардан, бейнетаспалардан көруге болатындығы айтылып, олардың суреттері көрсетіледі. Тыныштық сәтін өткізу. -Біз бүгін бәріміз достарымызбен хайуанаттар бағына саяхатқа шығайық. Айналаға қараңдаршы. Не деген көп аңдар, сайраған құстардың үні қандай тамаша! Жануарларды қорғау керек. Олардың саны азайып бара жатыр. Сөздік жұмысын жүргізу. Хайуанат – жан-жануарлардың жалпы атауы. Хайуанаттар бағы – жан-жануарларды бір араға жиып, көпшілікке көрсету шараларымен шұғылданатын мекеме. Сурет бойынша әңгіме жүргізу. Дәптердегі хайуанаттар бағы бейнеленген суретті пайдаланып, әңгіме құрастыру. Балалар торда тұрған қасқыр, аю, көжек туралы әңгімелейді. Қасқыр – ит тұқымдас жануар. Түсі сұр. Оны жыртқыш дейді. Қасқырдың баласын бөлтірік деп атайды. Қоян – ұзын құлақ жабайы жануар. Қоянды үйде де асырайды. Оның түсі аппақ, сұр болады. Ол – өте қорқақ аң. Қоянның баласын көжек деп атайды. Аю – ірі денелі, икемсіз жануар. Ол-жыртқыш аң. Ақ аю, қоңыр аю, қара аю болады. Аюдың баласын қонжық деп атайды. Қоян, аю, қасқыр сөздерін қатыстырып, бірнеше сөз тіркестерін құрастыру. Жұмбақтар шешу. Шешулері: қоян, піл. «Адасқан көжекті хайуанаттар бағына жеткіз» дидактикалық ойыны. Шытырман жолдардың ішінен баққа апаратын жолды сызып көрсетеді. Сұрақ-жауап әдісі арқылы сабақта алған білімдері пысықталады. Сабақ балалардың жануарлар туралы білетін өлең-тақпақтар айтуымен аяқталады.	аңдардың,тордың суреттері, ойыншықтар, суреттер. Плакаттар. Әліппе дәптер	Жануарлар әлемімен танысып, сұрақтарға жауап береді. Көз алдарына хайуанаттар бағын елестетеді. Сөздікпен жұмыс жүргізеді. Суретпен жұмыс жүргізеді. Сөз тіркестерін құрайды. Сұрақтарға жауап береді. Жануарлар  туралы өлең-тақпақтарын айтады.
Рефлексивті түзету	Балалар сендерге сабақ ұнадыма? Сұрақ-жауап әдісі арқылы сабақта алған білімдері пысықталады. Сабақ балалардың жануарлар туралы білетін өлең-тақпақтар айтуымен аяқталады.		Өз ойларын айтады.

Күтілетін нәтиже:

Жүйелейді: хайуанаттар бағы туралы

Қолданады: жануарлар тіршілігі туралы өз ойларын айта біледі.

 Түсінеді:  табиғатты  қорғау туралы.

Тіл дамыту.

Тақырыбы: Наурызға шашу, Наурыз мейрамы.

Мақсаты:

Наурыз мерекесі туралы түсініктерін кеңейту. Қазақтың ұлттық тағамдары, ойындары, киімдері туралы білімдерін кеңейту.

Грамматикалық тұлғада жүйелі сөйлеуге баулу.

Елге деген сүйіспеншіліктерін арттырып, салт-дәстүрді құрметтеуге тәрбиелеу.

Көнекіліктері: наурыз, уыз, ұршық, алтыбақан.

Іс-әрекеті	Тәрбиешінің іс-әрекеті	Баланың  іс-әрекеті
Кіріспе бөлім. Негізгі бөлім. Сөздікпен жұмыс. Дидактика-лық ойын. Қорытынды-лау	Наурыз мерекесі туралы әңгіме өткізу. «Татулық» сөзіне мағынасы жуық сөздер ойлап айту. Мысалы, татулық, ауызбіршілік, достық, сүйіспеншілік. Дәптердегі суреттер бойынша әңгіме өткізу. Тал егіп  жатқан балалар. Құстың ұясын ағашқа іліп жатқан балалар. Гүл егіп жатқан қыздар. Ағаштың түбін қопсытып жатқан балалар. Сөздік жұмысын жүргізу. Көшет – көшіріп егу мақсатымен өсірілген жас өсімдіктер, шыбықтар, көкөніс екпелері. Раушангүл – әдемі ашық түсті ал қызыл гүл. Ә. Табылдының «Наурыз той» өлеңін жаттату. Салт-дәстүр туралы мәлімет беріледі. Қазақ-қонақжай, зерделі де ойшыл, сабырлы да төзімді, шыдамды да жомарт, елгезек те еліктегіш, кеңпейіл де кішіпейіл, доспен дос бола алатын, әділдікті бағалай білетін халық. «Ата салтың-халықтық қалпың» дегендей біз салт-дәстүрімізді ұмытпауымыз керек. Қазақ халқының рухани тіршілігінде, қарттарды құрметтеу, үлкендерді сыйлау, балаларға жанашырлық, жастарға қамқорлық ету, ата-ананы ардақтау, әйелдерді аялау ізгі дәстүрге айналған. Қазақ халқында тым ертеден келе жатқан көптеген салт-дәстүрлер бар. Олар: шілдехана, тұсау кесу, ашамай, т.б. «Сен білесің бе?» дидактикалық ойын. Шарты: қоржын ішінен кереге, уық, шаңырақ, түндік деп жазылған парақтарды алып шығып, сол сөздердің мағынасын түсіндіру. Тәрбиеші кереге сөзін оқып, оның суретін тақтаға іліп қояды. Осыдан кейін балалардың жауаптары тыңдалады. Тәрбиеші толықтырып отырады. Кереге – киіз үйдің ағаштан жасалған жиналмалы торкөзді сүйегі, қаңқасы. Уық – кереге мен шаңырақтың арасын ұстап, қосып тұратын сырық, киіз үйдің сүйектерінің бірі. Шаңырақ – киіз үйдің уықтарын біріктіріп, еңсесін көтеріп, тұтастырып ұстап тұратын дөңгелек шеңбер. Түндік – киіз үйдің шаңырағын жауып тұратын, жаңбыр өткізбейтін, күн өткізбейтін төрт бұрышты шағын киіз. Наурызкөже туралы түсінік беру. Дәптердегі сурет арқылы оның қалай жасалатынын әңгімелеу. Дәптердегі мақалдың мағынасын түсіндіру. Сабақта алған білімдері сұрақ-жауап әдісі арқылы пысықталады.	Наурыз мерекесі туралы әңгімелеседі Суретпен жұмыс жасайды. Сөздікпен жұмыс жүргізеді. Өлең жаттайды. Салт-дәстүрлер жайында мәлімет алады. Ойын ойнайды. Сұрақтарға жауап береді.

Тіл дамыту.

Тақырыбы: Ынтымақ мерекесі.

Мақсаты:

Мамыр Қазақстан халқының ынтымақ күні туралы түсінік беру.

Мамыр мерекесі туралы өлеңдер оқыту арқылы есте сақтау қабілеттерін дамыту.

Елімізде тұратын ұлттарды сыйлауға, олармен достық қарым-қатынаста болуға тәрбиелеу.

Көнекіліктері: мерекеге арналған сюжетті суреттер.

Іс-әрекеті	Тәрбиешінің іс-әрекеті	Баланың  іс-әрекеті
Кіріспе бөлім. Негізгі бөлім. Сөздікпен жұмыс. Қорытынды-лау	Шаттық шеңберін құру. Дөңгелене  тұрып, «Достығымыз жарасқан» әнін орындау. Бір-біріне мерекеге арналған тілектер тілейді. Дәптердегі ұлттар достығы бейнеленген сурет арқылы жұмыс жүргізу. Жұмыс сұрақ-жауап, көрнекілік, түсіндіру әдістері арқылы өтеді. Сөздік жұмысын жүргізу. Ынтымақ – адамдар арасындағы бірлік. Мереке  – салтанатты той, мейрам. Тәрбиеші Қазақстан Республикасында тұрып жатқан халықтардың тұрмысы мен мәдениеті жайлы қысқаша түсіндіреді. 1 Мамыр – Қазақстан халқының бірлігі мен достығын паш ететін айтулы мереке. Еліміздегі ұлттар мен ұлыстардың достығы мен бірлігі, татулығы мен ынтымағы өзге елдерге өнеге боларлықтай. Заманында қазақтың дархан даласы көптеген ұлттарға пана, қамқор болды. Соның нәтижесінде қазақ жері бауырластар мекені, достықтың құтты ұясы атанды. Жүректері жомарт, алақандары ашық қазақтар өзге ұлт өкілдерімен бір ананың баласындай ғұмыр кешуде. «Бірлік бар жерде – тірлік бар», «Ырыс алды – ынтымақ» дейді халық даналығы. Тәрбиеші С. Оспановтың достық туралы өлеңін дауыстап оқиды, мазмұнын түсіндіреді. Өлеңді балаларға бірнеше қайталаттырып жаттатады. Біз – балдырған тең басқан, Дос құшағын елге ашқан. Тілегіміз – бейбіт күн, Ашық болсын кең аспан! Ұлттар достығын бейнелейтін сурет салдыру. Сабақта алған білімдері сұрақ-жауап әдісі арқылы пысықталады.	Ән айтады. Тілектерін айтады. Суретпен жұмыс жасайды. Сөздікпен жұмыс жүргізеді. Тәрбиешіні мұқият тыңдайды. Өлең жаттайды. Салған суреттері жайлы әңгімелейді. Сұрақтарға жауап береді.

Жасы бойынша топ:   Мектепалды даярлық тобы.  Күні:

                                      Ұйымдастырылған оқу- әрекетінің технологиялық картасы

Білім беру саласы: Қатынас.                       Бөлімі:Тіл дамыту

Тақырыбы: Жеңіс мерекесі.

Мақсаты:Жеңіс күні туралы түсінік беру.Сөздік жұмысын жүргізу арқылы есте сақтау қабілеттерін дамыту.Отанын сүюге  тәрбиелеу.

Көнекіліктері: зал іші мерекеге арналып безендірілген.

Қостілді құрам: жеңіс-победа, мереке-праздник, ардагер-ветеран.

Негізгі іс-әрекеті	Тәрбиешінің іс-әрекеті	Дидактикалық көрнекіліктер	Баланың  іс-әрекеті
Мотивациялық қозғаушылық	Балалар шаттық шеңберіне дөңгелене тұрып, бір-бірлеріне жылы лебіздерін білдіреді. -Мен саған жақсылық тілеймін! -Мейірімді бол! -Саған денсаулық тілеймін!	Жүрекше	Бір-бірлеріне жылы лебіздерін білдіреді.
Ұйымдастыру, іздену кезеңі. Сөздікпен жұмыс.	Жеңіс мерекесі жайлы түсіндіріледі. -Бұл күнді соғыстың алғы шептерінде қайсарлықпен шайқас жүргізіп, ерліктің сан үлгісін көрсеткен ардагерлер тойлайды. Бұл мейрамды өздерінің тылдағы қажырлы еңбегімен жеңісті шыңдаған, станоктың қасынан, егін даласында, күні-түні мал бағып, тынымсыз жұмыс істеген жұмысшылар, ауыл адамдары тойлайды. Ұлы Жеңіс күні елі мен жері үшін жанын пида еткен, туған жеріне, ауылына оралмай қалған қаһарман ерлерді бүкіл ел болып еске түсіреді. Сөздік жұмысын жүргізу. Отан қорғаушы – Отанды қауіп-қатерден сақтаушы. Жеңіс – соғыста жауды жеңіп, тізе бүктіріп, толық жеңіске ие болушылық. Соғыс ардагері – соғысқа қатысқан ардақты, қадірлі адам. Майдангер – соғысқа қатысқан адам. О. Асқардың «Менің атам-майдангер» өлеңін жаттату. Бейнетаспадан Жеңіс шеруі түсірілген фильмнен үзінді көрсету. Балаларға Жеңіс шеруі жайлы әңгімелету. Сұрақтар: Жеңіс шеруіне кімдер қатысады? Өздерің Жеңіс шеруін көрдіңдер ме? Жеңіс мерекесіне арналған отшашу қай кезде болады? Жеңіс мерекесіне арналған отшашудың суретін салдыру. Ойын: «сиқырлы дорба» Шарты: дорба ішіндегі әр түрлі заттарды көрмей алып, не екенін табу және сипаттау.	Жеңіс мерекесіне арналған суреттер Әліппе дәптер	Тәрбиешіні мұқият тыңдайды. Сөздікпен жұмыс жүргізеді. Өлең жаттайды. Сұрақтарға жауап береді. Салған суреттері жайлы әңгімелейді. Ойынды ойнайды.
Рефлексивті түзету	Сабақта алған білімдері сұрақ-жауап әдісі арқылы пысықталады. Ата,әжелерді қалай құрметтеуге болады? Егер сен автобуста оларды көрсең не істейсің? Балаларды мадақтау		Өз ойларын айтады

Күтілетін нәтиже:

Жүйелейді: жеңіс мерекесі туралы

Қолданады:  соғыс ардагерлерді құрметтеу туралы өз ойларын айта біледі.

 Түсінеді:  үлкендердің еңбегін құрметтеуді  

Жасы бойынша топ:   Мектепалды даярлық тобы.  Күні:

                                      Ұйымдастырылған оқу- әрекетінің технологиялық картасы

Білім беру саласы: Қатынас.                       Бөлімі:Тіл дамыту

Тақырыбы: Біз мектепке барамыз.

Мақсаты:

Мектеп, мектепке қажетті құралдар туралы түсінік беру.

Сурет бойынша сұрақтарға толық жауап беруге үйрету. Сөйлем, әңгіме құрастыра білуге дағдыландыру.Білімпаз болуға тәрбиелеу.

Қостілді құрам: мектеп-школа, кітап-книга, оқулықтар - учебники

Негізгі іс-әрекеті	Тәрбиешінің іс-әрекеті	Дидактикалық материалдар	Баланың  іс-әрекеті
Мотивациялық қозғаушылық	Балалар шеңбер құрып, дөңгелене тұрады. -Балалар, біз дөңгелене тұрып, бір-біріміздің жүзімізді көреміз, бір-бірімізге  жымиямыз, жылы лебіздер айтамыз, осылайша қуанышқа бөленеміз. -Армысың асыл күн, армысың жан досым. Жылуыма жылу қос, міне, менің қолым. -Балалар, бір-бірлеріңнің алақандарыңды ұстап тұрып, нені сезіңдіңдер? -Жылылық, қуаныш т.б.	Күн	Өлеңді қайталап айтып, не сезінгендерін айтады.
Ұйымдастыру, іздену кезеңі Сергіту сәті. Жұмбақ шешу. Дидактикалық ойын. Жаңылтпаш жаттау.	-Балалар, сендерге мектепке баратын уақыт та таяп қалды. Мектепке барғыларың келе ме? -Мектепте оқитын балаларды кім деп атайды? -Мектепке қажетті құралдарды атаңдар. Мына суретке ат қойыңдар. Балалар мектепке не үшін барады? -Балалар қалай киінген? Қолдарына не ұстаған? -Жылдың қай мезгілінде оқиды? -Балаларды мектепте кім қарсы алады? Дәптердегі сурет бойынша әңгіме құрастырту. Оқу құралдарының жеке аттарын атату. Мысалы: оқулық, сызғыш, қалам, қарындаш. Орнымыздан тұрайық, (Аяқтың ұшымен тұру). Сағаттың жүрісін көрсетейік. (Сағаттың жүрісін жасау: «тик-так, тик-так» деп, қолдарын сағаттың тіліндей айналдыру). Тыныс аламыз. (Ауызбен дем алып, демді мұрын арқылы шығару). Сабақ, үзіліс, қоңырау сөздерін қатыстырып, сөйлемдер, әңгіме құрастырту. Мысалы: Сабақ басталды. Үзіліс болды. Қоңырау соғылды. Жұмбақ шешу. Қабат-қабат қаттама, ақылың болса аттама. (КІТАП). Дәптердегі сызба бойынша сөйлем құрату, өрнектің мәнін тапқыздыру. «Ұйқасын тап» дидактикалық ойын. Шарты: тәрбиеші дауыстап оқиды, балалар қажетті ұйқас сөзді тауып айтады. Жаңылтпашты жатқа айтқызу: Айша жазу жазды, Қайша сызу сызды. Қайша жазу жаза ала ма? Айша сызу сыза ала ма? Кітап туралы мәтінді оқу.	«Біз мектепке барамыз» атты сюжетті сурет, оқу құралдары. Мектеп суреті сызғыш, қоңырау. Кітаптар Әліппе дәптер	Сұрақтарға жауап береді. Суретпен жұмыс жүргізеді. Қимылмен көрсетеді. Сөйлем, әңгіме құрайды. Жұмбақ шешеді. Ойын ойнайды. Жаңылтпашжаттайды.
Рефлексивті  түзету	Кітап туралы мәтінді оқу. Оқу іс-әрекеті сұрақ-жауап әдісі арқылы пысықталады. Балаларды мадақтау		Сұрақтарға жауап береді.

Күтілетін нәтиже:

Жүйелейді: мектеп, білім алу туралы

Қолданады:  мектеп  туралы өз ойларын айта біледі.

 Түсінеді:  үлкендердің еңбегін құрметтеуді  

Тіл дамыту.

Тақырыбы: Жаз.

Мақсаты:

Балаларға жайқалған жаз мезгілінің ерекшелігі туралы түсіндіру.

Берілген сұраққа толық жауап беруге, грамматикалық тұлғада жүйелі сөйлеуге үйрету.

Табиғатты сүюге баулу.

Көнекіліктері:жаз мезгілі бейнеленген сурет.

Іс-әрекеті	Тәрбиешінің іс-әрекеті	Баланың  іс-әрекеті
Кіріспе бөлім. Негізгі бөлім. Суретпен жұмыс. Сөздікпен жұмыс. Жаңылтпаш жаттау. Қорытынды-лау	Жаз мезгілі туралы әңгіме төмендегі ретпен жүргізіледі: Жаз мезгілінің ерекшелігі; Жаз айлары; Ойналатын ойындар; Жаздағы мереке. Гүл алаңына сырттай саяхатқа шығу, тапсырмаларды орындату. Гүл алаңы бейнеленген сурет ілінеді. Тәрбиеші суреттің бірнеше жеріне ілінген тапсырмалар жазылған қағазды алып, оны балаларға оқып береді. 1-тапсырма. Қазір қай мезгіл? 2-тапсырма. Гүл алаңында өсіп тұрған гүлдердің аттарын ата. Сол сөздерді қатыстырып, сөйлем құрастыр. 3-тапсырма. Арық сөзін қатыстырып, сөйлем құрау. 4-тапсырма. Гүлдерді қалай күтеді? Әр тапсырманы орындату арқылы «Гүл алаңы» деген әңгіме құрастырады. Үлгі: Жаз. Балалар гүл алаңына келді. Гүл алаңында түймедағы, раушан гүлі өсіп тұр. Арықтан сылдырлап су ағып жатыр. Құстар сайрайды. Балалар гүлдерге су сепкішпен су құяды. Арам шөптерін жұлады. Дәптердегі сурет бойынша «Жазғы демалыс» тақырыбында әңгіме құрастыру. Сөздік жұмысын жүргізу. Шалғын – қалың өскен көгорай, шөп. Шалғын сөзін қатыстырып, сөйлем құрату. Жаз мезгілінде пісетін жеміс-жидектер, көкеністер туралы тақпақ-өлеңдер оқыту. Жаңылтпашты жатқа айтқызу. Келді жаз, Жазға бала мәз. Көлде қаз, Көл жағасы саз. «Жаз қызықтары» дидактикалық ойыны. Шарты: балаларды бірнеше топқа бөліп, әр топқа тапсырма беріледі. 1-топ жаз мезгілінің ерекшелігін әңгімелейді. 2-топ жаз мезгіліндегі  демалыс туралы әңгімелейді. Тәрбиеші балалардың жауаптарын қорытындылап, сабақты аяқтайды.	Жаз туралы әңгіме жүргізеді. Тапсырма-ларды орындайды. Әңгіме құрастыра-ды. Сөздікпен жұмыс жүргізеді. Өлең-тақпақтар айтады. Жаңылтпаш жаттайды. Ойын ойнайды.

Тіл дамыту.

Тақырыбы: Балалар күні.

Мақсаты:

1 Маусым – балалар күні екенін түсіндіріп, балалардың мерекелік көңілін көтеру.

Өз ойларын еркін жеткізе білуге баулу, тақпақ, өлеңдерді мәнерлеп оқыту арқылы есте сақтау қабілеттерін дамыту.

Кішіге қамқор болуға тәрбиелеу.

Көнекіліктері:ойыншықтар, шар, жалауша, суреттер.

Алдын ала орындалатын жұмыс: «Әлем балалар көзімен» атты көрме ұйымдастырылып, оған балалардың суреттері қойылады.

Жүргізуші: Балалар, бүгін 1 Маусым – балаларды қорғау күні. Мерекелерің құтты болсын! Әрқашан көңілдерің ашық аспан сияқты таза болсын! Жүздеріңнен күлкі нұры кетпесін!

Кел, балалар,

Ойын ойнайық!

Бақшамызда балаларды қорғау күнін

Бірге тойлайық!

Кел, балалар,

Ән де салайық.

Балаларды қорғау күнін

Қуанышпен қарсы алайық!

Жүргізуші: Мерекені ән шашудан бастаймыз.

1-бала:

-Балалардың бақшасында бүгін той-

Балаларды қорғау күні біліп қой!

Тақпақ айтып, кезектесіп, бір-бірлеп,

Кел, қосылып ән шырқайық, би билеп,

2-бала:

-Алақай-ау, алақай!

Ән шырқайық, балақай!

Қызарғанша алақан,

Қол соғайық, балақан!

Жүргізуші:

-Талшыбықтай бұралған,

Қазағымның қыздары-ай.

Сүйсіндірген биімен,

Өнерлі ғой қыздар-ай.

Қыздар билейді.

Жүргізуші:

-Сахнада қалықтасын ән қанаты,

Дүр сілкінтіп үлкен-кіші жамағатты.

Ортаға тағы бір рет шақырамыз,

Әнші бала

Ән орындалады.

Жүргізуші:

-Ойын, күлкі, той-думан,

Әсем ән мен сәнді би.

Асығыңдар алыңдар,

Бәрі бізден табылар,- деп, өнерлі жігіттерімізді ортаға шақырайық.

Би.

Жүргізуші: Балалар, бүгінгі күн қандай керемет. Барлықтарыңның көңілдерің көтеріліп қуанышқа кенелдіңдер. Әрқашан жүздерің жарқын болсын!

Барлығы қосылып, «Бақытымсың балдырғаным» әнін орындайды.