Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Другое / Рабочие программы / Тиринь литературань программа 9 це класс

Тиринь литературань программа 9 це класс

Международный конкурс по математике «Поверь в себя»

для учеников 1-11 классов и дошкольников с ЛЮБЫМ уровнем знаний

Задания конкурса по математике «Поверь в себя» разработаны таким образом, чтобы каждый ученик вне зависимости от уровня подготовки смог проявить себя.

К ОПЛАТЕ ЗА ОДНОГО УЧЕНИКА: ВСЕГО 28 РУБ.

Конкурс проходит полностью дистанционно. Это значит, что ребенок сам решает задания, сидя за своим домашним компьютером (по желанию учителя дети могут решать задания и организованно в компьютерном классе).

Подробнее о конкурсе - https://urokimatematiki.ru/


Идёт приём заявок на самые массовые международные олимпиады проекта "Инфоурок"

Для учителей мы подготовили самые привлекательные условия в русскоязычном интернете:

1. Бесплатные наградные документы с указанием данных образовательной Лицензии и Свидeтельства СМИ;
2. Призовой фонд 1.500.000 рублей для самых активных учителей;
3. До 100 рублей за одного ученика остаётся у учителя (при орг.взносе 150 рублей);
4. Бесплатные путёвки в Турцию (на двоих, всё включено) - розыгрыш среди активных учителей;
5. Бесплатная подписка на месяц на видеоуроки от "Инфоурок" - активным учителям;
6. Благодарность учителю будет выслана на адрес руководителя школы.

Подайте заявку на олимпиаду сейчас - https://infourok.ru/konkurs

  • Другое

Поделитесь материалом с коллегами:



Муниципальное бюджетное общеобразовательное учреждение

«Лобаскинская средняя школа»

Атяшевского муниципального района Республики Мордовия



Рассмотрена на заседании МО Руководитель МО ________/В.В.Русяева/

Протокол №___

от «____»____________2016 г.

Утверждаю

Директор школы

_____________/С.В. Русяев/

«___»_________________2016г.









Важодемань программа

тиринь литературань коряс

9-це классонтень






Пурныцязо: Азоркина Т.П-

эрзянь келень ды тиринь

литературань тонавтыця















2016 иесь



Важодемань программась кандови 9 классо тонавтницятненень ды нежедеви меельце документнэнь лангс: Эрзя-мокшонь литературань программат 5-11 класстнэнень. Сермадыцятне:А.И.Брыжинский, А.М.Каторова, Е.И.Азыркина. Саранск. Мордовской книжной издательствась. 2010 ие. Программась ашти учебникенькоряс «Тиринь литература 9 класснэнь. Авторось: А.И.Брыжинский.

Саранск, Мордовской книжной издательствась, 2008 ие.

Школасо, неявикс тарка явови эрзя-мокшонь литературантень. Тиринь кельсэ сёрмадозь произведениятнень марто пакшатне теевить содавиксэкс васняяк начальной школасо, седе мейле художественной литературадо содамочитнень таштыть средней ды покш классо тонавтнемстэ. Литературась сехте пек лезды сыненст чарькодемс эрямонть, пертьпельксэнь явлениятнень, домкалгавты превест-мелест, сёрмадомань келень культураст, келейгавты эстетической вановтост.

Литературань произведениятнень вельде тонавтницятне седее парсте кармить содамо эсь народонть оймензэ-иланзо, тевензэ-валонзо, седикелень эрямонзо-аштеманзо, коензэ-кирданзо, тиринь кельсэнть пингеде пингес пурнавозь превей чинть.

Сехте покш целесь, кона путови тиринь литературань уроктнень келев, те – тонавтомс эйкакштнень тиринь келентень ды литературантень, сынст вельде чарькодемс эсь народонть историянзо.

Тиринь кельсэ сёрмадозь произведениятнень тонавтнемась лезды рузонь литературанть ды теке марто вейсэ лия искусствань видтнэнь, примеркс, театранть, художникень картинатнень, кинонть, седее домкасто чарькодеме ды содамо.

Тиринь литературась кеместэ сюлмави эрямонть марто, секскак полавтоматне, конат ютыть неень шкасто, кадыть тешкссэнзэ тонавтоманзо лангс. Неень шкане тиринь литературань уроксо произведениятнень идейно-художественной питненть путомсто сави кирдемс мельсэ аволь идейно-политической ёнксонть, кода ульнесь икеле, а нравственноенть ды эстетическоенть. Анализэнть теемстэ васняяк эряви мель явомс ломаненть потмоёжонзо панжомантень, ёвтамс, виде а виде эрямонть лангс писателенть вановтозо, кодамо художественно-выразительной средства вельде авторось панжи геройтнень тевест-валост, ванномс кель-валонь сюпавчинть. Тень пингстэ эйкакштне аламонь-аламонь тонадыть арсеме, эсест мелест-превест ёвтамо, паро ёнкстнэнь ды асатыкстнэнь нееме.

Тиринь литературанть коряс программанть сёрмадомсто автортнэ мельсэ кирдизь ды тевс нолдызь сеть паро ёнкстнэнь, конат таштавсть сынст теемстэ ведьгеменде ламо иетнень перть. Тонавтнемс саезь сеть произведениятне, конат кандыть алкуксонь нравственной ды эстетической питне.

Программасонть покш мель явозь предметнэнь ютксо сюлмавкстнэнень. Тиринь литературанть тонавтнемстэ тонавтыцянтень свал эряви маштомс тевс нолдамс сеть материалтнэнь, конат келейгавтыть тонавтницятнень содамочист. Тиринь литературась тонавтневи рузонь инее литературанть марто кеместэ сюлмазь ды оянь народтнэнь литературанть изнявксост ловозь, секскак сон покш лезэ канды аволь ансяк тонавтницятнень культураст сюпалгавтомо, но истя жо народтнэнь ютксо ялгаксчинть кемекстамосо.


9-це классонь тонавтницятнень маштомаст тиринь литературань башка тематнень коряс

тонавтницятнень

мелест-превест теманть

коряс







1








Эрзя – мокшонь литературанть чачомазо



Содамс художественной валонь васень пургондавкстнэнь. Литературанть вельмемань эрямонь-аштемань ды историянь, оймень ды культурань ёнкстнэнь. Рузонь классикань литературанть лезксэнзэ.

Эрзя – мокшонь письменностенть чачоманзо.

Эрзянь ды мокшонь литературасонть ушодыцякс аштицятнень.







2





Эрзя – мокшонь литературанть касомазо - виямозо


Содамс эрзя – мокшонь письменной литературань кинь – янонь ушодкстнэнь.

20-це иень минек литературанть идейно – тематической содержаниянзо ды художественной башка ёнксонзо. Од прозаиктнень ды поэтнэнь литературав самост. Эпикань поэзиянь седе тов касомаст. Прозань, драматургиянь изнявкстнэнь.















Курсонть содержаниясь



Эрзя-мокшонь литературанть чачомазо

Художественной валонь васень пургондавкстнэ. Литературанть эрямонь-аштемань ды историянь, оймень ды культурань ёнкстнэ. Рузонь классикань литературанть лезксэзэ.

Эрзя-мокшонь письменностенть чачомазо.



X. Паасоненэнь «Образцы мордовской народной словесноЯ тив, С. Аникинэнь «Мордовские народные сказки». И. Зоринэнь 1 поэманзо-сказонзо ды лиятне.

М.Е. Евсевьевень путовксозо эрзянь ды мокшонь литературань кельтнень теевемантень ды литературань молеманть аравтомантень.

М.Е. Евсевьевень «Мордовская свадьба» (1892) книгазо.

Эрзянь ды мокшонь литературасонть ушодыцякс аштить рузонь кельсэ сёрмадыця сеть сёрмадейтне, конат листь мокшэрзянь эрьва кодамо диаспоратнень ютксто. Неть сёр-мадейтнень юткс кандовить А.А. Коринфский, С.В. Аникин, А.Я, Дорогойченков (Дорогойченко), А.И. Завалишин ды лиятне.

Степан Васильевич Аникин «На Чардыме», евтнема, «Сабан-богатырь», ёвкс (4 част)

С.В. Аникин — минек литературань ушодыцятнестэ вейкесь. Сонзэ эрямонь ды шкинемань кизэ. Тиринь литературанъ васень эскелькстнэнь теемасо С. Аникинэнь путовксозо. Сёрмадейденть масторонь содавикс ломантнень ёвтавксост.

Шкинемань тевсэ С. Аникинэнь терявтнеманзо. «Бездорожье» (1903) васенце ёвтнемазо. Произведениясонть авторось арсевксэнь домкачись, мельсэ кувать кирдевиця валдо образ-тнэ. Велень промксонть вельде эрямонь стакачинь ёнкстнэнь лангс ливтеманть колсто невтемась. Бедноенть Тимошкань образонть панжомасо художественной детальтнень ероковсто тевс нолдамось.

«Мордовские рассказы» (1908) ёвксонь сборникесь. Народонь устной творчестванть пурнамонтень сёрмадеенть мелень явомась ды неть произведенйятнень одов сермадомасо сонзэ покш колчизэ. Книганть сехте неявикс ёнксось — сёрмадеенть бажамозо тинринь раськенть историядонзо келейстэ, домкасто ёвтнемась. «Сабан-богатырь» ёвкссонть лиризмась, важодемантень алкуксонь гимнань морамось, лиянь модатнень лангс кайсевицятнень сялдомась.

«На Чардыме» (1911) ёвтнемась — сёрмадеенть шкинемась сехте неявикс тёкшось. Калеканть Емелькань —произведениянть центральной персонажонть — урексчисэ кирдевиця «мужикень» символической образокс касомась. Евтнемасонть пек ёроковсто артозь пертьпельксэнь мазычись.

Литературань теориясь. Ёвтнемасонть основной невтемань средстватне.

Предметтнэнь ютксо сюлмавкстнэ. Отечествань историянть марто. Велень кажов эрицятнень мелест-бажамост невтемась. Рав чирень ушодыця литератортнэ (мариецэсь С. Чавайн, чувашось К. Иванов).

Аволь класса ловномась:

«Гераська-диктатор», «Молотьба, «Холерный год», «Бунт» ёвтнематне.

Аполлон Аполлонович Коринфский «Моя мать» («Монь авам»), «Я видел» («Мон неия») стихотворениятне (2 част)

Сёрмадеенть эрямонь ды шкинемань кизэ. Октябрьской революциядо икелень Россиясонть сонзэ парсте содавиксчизэ кода поэтэнть. фольклористэнть ды публицистэнть. 1917 иеде мейле сонзэ лементь кода литераторонть стувтомазо. Меельце иетнестэ сёрмадеенть лемензэ ды шкинеманзо одов аламонь-аламонь вельмевтемазо. Сонзэ сехте содавикс поэтической пусмонзо: «Песни-сердца», «Тени жизни», «Гимн красоте» ды лият.

«Народная Русь: Круглый год сказаний, поверий, обычаев и пословиц русского народа» (М., 1901) книгась — раськенек эрямонь-аштемань лувонзо ды культуранзо ванкшномасъ, тесэ падрсте невтезь расъкенек эрямонь ёнксонзо ды арсеманзо.

«Моя мать» стихотворениясонть урозонь стака эрямонть невтемась. Келень художественно-изобразительной средстватнень сюпавчист, смустест. Чачома ёнксось — кода авань вечкемась.

«Я видел» стихотворениянть зэмезэ — тетянь-авань стувтомась. Аволь вейкеть уцяскань невтемась. Устной народной творчестванть лангс нежедемась.

Аволь класса ловномась:

«Мать — сыра-земля» ёвтнемась

Александр Иванович Завалишин «Не признал» (Содавиксжс эзь тее»), евтнема (2 част) ^

Сёрмадеенть эрямонь ды шкинемань кизэ. Репрессиянь чаротнень алов понгомазо. «Беднота» газетасо важодемазо. Васенце ёвтнеманзо лисемась. А.И. Завалишинэнь «В темноте», «Скуки ради» васенце пусмонзо лисемась, Ветиця тематне, идеятне. Завалишинэнь путовксозо драматургиянь жанрантень. », «Стройфронт» пьесатнень Московонь сцена лангсо путомаст.

«Не признал» ёвтнемасонть тетянень-аванень мелень а явомась. Эйкакштнэнь эсь прянь вечкемаст. Трицятнень-кастыцятнень эйкакшост кис ризнэмась-мелявтомась. Сермадеенть ёроковчизэ геройтнень обуцяст, портретэст, кортамо лувост нсвтемасо. Произведениянть лувонзо коряс чарькодеви: авторось тонавтнесь нурька ёвтнемань сёрмадомо А.П. Чехов классикенть пельде.

Аваль класса ловномась:

«Стройфронт» пьесась

Эрзя-мокшонь литературанть касомазо-вииямозо (3 част)

Эрзя-мокшонь письменной литературань кинь-янонь ушодкстнэ. Национальной политикань од ёнкстнэ. Литературанть касомасо-вииямосо культурной революциянть смустезэ. Эрзянь кельсэ произведениятнень печатамо ушодомась, национальной печатенть, школатнень ды культурань ды просвещениянь учреждениятнень чачомаст.

Тиринь кельсэ лисиця эрзя-мокшонь васень газетатне: «Чинь стямо» (Ульяновск, 1920), «Якстере теште»(Москов, 1921 — 1931] «Од веле» (Пенза, 1924— 1929), «Якстере сокиця» (Саратов, 1921 -1926), «Од эрямо» (Новосибирск, 1926 -1929). Журналтнэ «Валдо ян» (Пенза, 1928 1932), «Сятко» (Самара, 1921 - 1931] Эрзянь ды мокшонъ кельтнесэ лисиця газетатнень ды журналтнэнь общественно-политической питнейчист. Литературной вийтнень кастомантень сынст покш путовксост.

РСФСР-нь Наркомпроссо эрзянь ды мокшонь кельтнесэ буквартнень, ловнома книгатнень сёрмадомаст лы пурнамост. Эрзянь ды мокшонь учебникень васенце автортнэ: М.Е. Епсевьев ,З.Ф. Дорофеев, Е.В. Скобелев, Ф.И. Завалишин, Ф.М. Чесноков, Я.П. Григошин, И.Г. Черапкин.

Младописьменной литературатнень виень пурнамосо А.М, Горькоень покш лезксэзэ.

20-це иень минек литературанть идейно-тематической содержаниязо ды художественной башка ёнксонзо. Гражданской войнань героикась. Родинань ванстомась — те эрзянь ды мокшонь литературасо сехте сеедьстэ вастневиця темась. Неть иетнень эрзянь ды мок- шонь литературань основной жанратне: стихотворениясь, баснясь, частушкась, моротне, нурька ёвтнемась, очеркесь, вейке актсо пьесась.

Од прозаиктнень ды поэтнэнь литературав самост. З.Ф. Дорофеев, МИ. Безбородов, П.С. Глухов, Ф.М. Чесноков, К.С. Петрова, Т.А. Раптанов, Я.П. Григошин, Ф.И. Завалишин, И.П. Кривошеев, А.В. Дуняшин, А. Мокшони (А.И. Кочетков), А.Я. Дорогойченков (Дорогойченко) ды лиятне.



Эозянь ды мокшонь литературань кельтнень сёрмадомань нор-матнень кемекстамось. Эрзянь ды мокшонь раськень устно-по-чтической творчестванть седе келейстэ тонавтнемась. Эрзянь ды мокшонь кельтнес рузонь ды лия народтнэнь литературань произ-ведениятнень ютавтомась. Литературань трнавтыцятнень анок--тамосо Мордовской государственной педагогической институ-тонть, Келень, литературань, историяньды экономикань научно-исследовательской институтонть (Саранск ош), педагогической техник>'Монть (Темников ош) путовксост.

Эрзянь ды мокшонь литературанть идейно-художественной ды тематической сюпалгадомась. Поэзиянь, прозань драматургиянь жанратнень, эйкакшонь литературанть, литературной критиканть касомась-вииямось 30-це иетнестэ.

Те шкань поэзиянть келейчись ды ламо ёнкстнэ. Эрямонь алкуксчинть художественнойстэ невтемась, поэзиянь шканть марго сюлмавкстнэнь кемекставомась. Од вановтнэ поэзиянь жанрасонть.

Эпикань поэзиянь жанрань форматнень седе тов касомаст. Эпикань ды лироэпикань поэматне. Шканть келейстэ невтемасо вешнематне. Эрямонь од лувсо молемань-ветямонь норматнень кемекстамось, культурной революциясь, эрзянь ды мокшонь раськень исторической уцясканзо коряс арсематнень ёвтамось — поэтической эпосонь вельмемантень юрось.

Прозань основной проблематне ды сонзэ касомань башка ёнкстнэ. Повестень ды романонь жанратнень тевс нолдамосо тонавтнемась. Од героень невтемась ёвтнематнесэ ды очерк-тнесэ.

Шканть видестэ невтемасонть драматургиянть изнявксонзо. Эрзянь ды мокшонь пьесатнень тематикань ды жанрань ламо-чись: комедия, драма, вейке актсо пьеса. Национальной дра-матургиясо рузонь классикань драматургиянть тонавтнеманть лезксэзэ.

Литературань теориясь. Фольклоронь ды литературань стихосложениясь.Предметтнэнь ютксо сюлмавкстнэ. Минек масторонь историянть марто. Рузонь 20 — 30-це иетнень литературанть марто.

Захар Фёдорович Дорофеев «Русь», «Нурсеманъ моро», «Учителенъ шапка" стихотворениятне, 'Лелька прине», ёвкс (3 част)

Ф. Дорофеевень эрямонь ды шкинемань кизэ. Казанень инородческой учительской семинариясо тонавтнемазо. Неть стихень сёрмадоманть ушодомась. «Песни и думы народного учителя» васенце книганзо рузонь кельсэ лисемань тувталтнэ. (Москов ош, 1912).

З.Ф. Дорофеевень путовксозо мокшэрзянь васение буквартнень ды ловнома книгатнень анокстамосо.

З.Ф.Дорофеевень сехте содавикс произведениянзо: «Нурсемань моро, «Русь», «Ялганень», «Мокшонъ авантень»! «Учителень шапка» ды лият. Поэзиясонзо ветиця тематне, художественной средстватне, устной народной творчествань юртнэ.

«Русь» стихотворениясонть патриотической мельтне-арсематне, келень художественной средстватне.

«Нурсемань моро» стихотворениясонть икелень шкань аванть стака эрямонзо невтемась. Устной народной творчествань ёнкстнэ.

«Учителень шапка» стихотворениясонть тонавтыцянть аволь шожда важодеманзо невтемась ды учителенть эрявиксчизэ.

З.Ф. Дорофеевенъ прозанзо башка ёнксозо. «Пожар», «Мезе мон неинь станциясо», «Мордватнень ланга» ёвтнёматне д очерктне, «Пелька прине» ёвксось.

«Пелька прине» ёвкссонть мокшэрзянь раськенть превейчинзэ невтемась, келень сюпавчись.

Дмитрии Иванович Малышев (Дмитрий Морской) «Ульяна Сосновская», поэма (4 част)

Минек художественной литературанть чачоманзо, касомаь вииямонзо марто Д.И. Морскоень лемензэ сюлмавомась. Сёрмадеенть эрямо кизэ. Дмитрий Морскоень шкинеманзо касомасо А.М. Горькоень марто вастневематнень лезэвчист.

«Луга лангсо» стихотворениясонть сокицятнень-видицятне ёжомарямост невтемасо народонь изобразительной средстватнень тевс лезэвстэ нолдамось.

Пейзажонь лирикасонть сехте мазый енксось — тиринь таркатнень валдо тюссо артомась. Сельмень кенярдстыця пейзажонь картинань вельмевтемась «Какая ночь! Таких бывает мало», «Зимой», «Сон», «Пастух» стихотворениятнесэ.

Поэтэнть апак прядо поэтической покш произведениянзо- «Буран» стихсэ романось.

«Нувази» поэмасонть эрзянь ды мокшонь раськетнень кезэрень пингень эрямонзо, лия народтнэнь марто умонь шкань ладязь ояксчинть седе тов кемекставоманть домкасто невтемась.| Урексчисэ эриця ломантнень кисэ алкуксонъ аштицякс Сияжар богатыренть невтемась. Эрзянь тейтеренть Нувазинь образось «Ульяна Сосновская» поэмасонть семиясо эрзянь аванть кезэрень шкане стака эрямонзо невтемась. Фольклоронь истят жан

ратнень. кода аварькшнематнень, лайшематнень произведениясонть тевс колсто нолдамось.

Литературань теорияеь. Эрямонь видечись ды художественной арсевксэсь.

Аваль классо ловномась:

«Сурдина пурги» стихень сборникесь, «Бедной Олодя» ёвтнемась

Александр Яковлевич Дорогоиченков (Дорогойченко) "Покш Каменка*, роман (5 част) -^

Сёрмадеенть эрямонь ды шкинемань кизэ. Сонзэ путовксозо Мордовиянь писателень организациянть теемантень. Публицистикань лириказо. Дорогойченконь изнявксонзо прозань жанрасонть. Ветиця тематне «Бурьян», «Инстинкт», «Пришел на свидание» ёвтнематнесэ.

«Покш Каменка» романсонть мокшэрзятнень минек» масторонь лия народтнэнь марто ояксчинь сюлмавксост. Велесэ од койтнень лацемось. Произведениясонть образтнэ. Митричень образонть вельде модантень-трицянтенъ вечкеманть невтемась.

Сергей Степанович Ларионов «Чачинь-касын» повесть (4 част)

С.С. Ларионов — мокшонь кельсэ сёрмадыця, васенце поколениянь сёрмадеень койтнень поладыця.

Сёрмадеенть эрямонь ды шкинемань кизэ. Литературасонть васень эскельксэнзэ теемась.

«Лектор», «Архип атянь ёлказо», «Идем галат» ёвтнематнень идейно-художественной башка ёнксост.

«Совесть» повестьсэнть прянь ветямонть ванкшномась. Андрей Лапшовонь образсо обупянь берянь ёнкстнэнь панжомась. Настянь образсонть потмоёжонь мазычись ды сюпавчись, - Ларионовонь «Чачинь-касынь» повестьсэнть эсь эрямодонзо немась. С Даря сазоронзо образтнэнь вельде аванть прававтомо эрямонзо невтемась. Геройтнень обуцяст панжомасо пертьпелъксэнь мазычинть смустезэ. Сёрмадеенть меельцьпелень эйкакшонь произведениянзо.

Литературань теориясь.Произведениясо ёвтнема лувдо ды чарькодемась.

«Совесть» повестесь, «Идем галат» ёвтнемась, «Хрусталень баягат романось.

Афанасий Матвеевич Осипов (Артур Моро) «Пекшенъ дудкине», «Од пора» стихотворениятне, сонегг (3 част) 1

Артур Моро — поэт-лирик. Литературасо васень эскельксэм зэ. Родинанть ды трудонь ломаненть кисэ прянь шнамосьЯ сонзэ шкинемань сехте неявикс ёнкстнэ, Поэтэнть васень стихтнесэ кель-валонь сюпалгавтыця ды мазылгавтыця средстванень вешнемась.

30-це иетнестэ А. Моронь поэтической мастерксчинзэ касомась. Лирикань жанранъ форматнень сюпалгавтомась, тематикань келейчись. Од эрямонь лувтнень паро мелъсэ тема. Стихень сонзэ васень сборникензэ: «Чись раки», «Эрямонь ким», «Пуръгинень зэрть», «Келейстэ кинть», стихсэ «Тундо»пьесась.

Ине Отечественной войнанъ иетнестэ А. Моронь поэзиянть домка гражданственностесь ды патриотизмасъ. «Моран эрямонть» сборникесь, эйсэнзэ патриотизмань мотивтне. Поэзиясонзо Родинань ды ятонть каршо тюриця народонть образтнэ.

Минек литературань поэзиянь эпиканъ жанратненень А. Моронь путовксозо.

Моронь войнадо мейлень поэзиянть философиянь ды психологиянь домкачизэ. Сонзэ потмоёжонь идеалозо. Неенъ шкань поэтической тонавтнемась. «Оймень вал», «Тундо», «Кеняркс», «Эрьванть эсензэ морозо», «Вечкемадо легенда», «Пингень тумонь тарад» сборникень ды стихень циклатне.

Сонетэнь жанрась А, Моронь шкинемасо. Ломаненть потмоёжос домкасто варштамось ды эрямонть виде вановтсо неемась -Артур Моронь шкинемань сехте неявикс ёнкстнэ.

Эрзя-мокшонь литературасонть Артур Моронь койтне. Литературань теориясь. Сонетэнь жанрадо чарькодемась.

Аваль классо ловномаь:

«Пурьгмнень зэрть», «Чись раки», «Эрьва ломаненть ули морозо, «Поздняя любовь» сборникгне, «Степан Эрьзя» романось.

Пётр Семёнович Кириллов «Литова», драма (6 част)

П.С.Кириллов — минек литературань классик, сонзэ путовксозо эрзянь кельсэ поэзиянть, прозанть, драматургиянть, критиканть идейно-художественной сюпалгавтомантень. Рузонь классической литературанть питнейчизэ сонзэ шкинеманть темасо.



Эрзятнень эрямост одкстомтомась — 30-це иетнестэ П. Киловонь шкинемасо прявт темась. Эпической поэзиянь покш произведениятнень сёрмадомасо П. Кириловонь од лувозо.

Литова» пьесась — минек литературасо васенце исторической драма. Произведениясонть Степан Разинэнь прявтсо крепостнической праватнень каршо эрзя-мокшонь раськенть тюремазо, оляксчисэ эрямонть кисэ Равчиренъ народтнэнь веисэнь бороцямост невтемась. Пьесанть композиниянь башка ёнкстнэ, исторической материалонть ды национальной фольклоронь героико-эпической лувтнень вейсэндямось.

П.С. Кириллов лия кельстэ ютавтыця.

«Войнань киява» стихень сборникесь — азарсь яттнэнь каршо тюремань шкасто ломантнень эсь вийтнес кемемадо верьга вайгельтнень ёвтамо.

Сёрмадеенть литературно-критической вановтозо.

П. Кирилловонь шкинемазо ды неень шкань литературанть лувозо.

Литературань теориясь. Драматической жанратнеде чарькодемась.

Предметтнэнь ютксо сюлмавкстнэ. Минек масторонь историянть марто. Россиясь XX пингень ушодома иетнестэ.

Музыкальной искусстванть марто. «Литова» музыкально-драматической спектаклясь.

Литературной критикась. А.В. Алёшкин «Пётр Кириллов»: очерк творчества.

Аваль классо ловномась:

«Стихть ды поэмат» сборникесь, «Валдо васоло угол велькссэ» пьесась

Максим Афанасьевич Бябин (Максим Бебан) «Ледстнемат» поэма, «Вень поезд» сонет, «Учёной лось*, басня (4 част)

Сёрмадеенть эрямонь ды шкинемань кизэ. 30-ие иетнень сонзэ шкинемань художественно-эстетической вешнеманзо ды основной идейно-тематической ёнксонзо. Мокшонь велесэ весе одонть бороцямонть келейстэ невтемась. Устной народной творче-ствань ды рузонь классикень койтненъ сонзэ поэзиясо тевс лезэвстэ нолдамось. В. В. Маяковскоень пельде М. Бебанонь тонавтнемазо. Отечественной войнань шкасто патриотизмань темась поэтэнть шкинемасо.

Поэматнень, конат сермадозь войнадо мейле, идейно-художественной башка ёнксост. Авторонть сатирической героезэ. Народонь юморонь ды сатирань койтнень марто М. Бебанонь баснятнень сюлмавксост.

Прозась ды публицистикась.

М.Бебан – драматург.











































Учебно-тематической планось

Весемезэ

часстэ

Произведениятнень тонавтне мась

Келень кастома

Аволь классо ловнома

1.

Эрзя-мокшоньлитературантьчачомазо.

1

1



2.

С.В.Аникин

2

2



3.

А.А.Коринфский

1

1



4.

А.И.Завалишин

2

1


1

5.

Эрзя-мокшоньлитературантькасомазо-вииямозо

1

1



6.

З.Ф.Дорофеев

1

1



7.

Д.И.Малышев (Дмитрий Морской)

5

3

1

1

8.

А.Я.Дорогойченков (Дорогойченко)

4

3

1


9.

С.С.Ларионов

2

2



10.

А.М.Осипов (Артур Моро)

3

2


1

11.

П.С.Кириллов

4

3

1


12.

М.А.Бябин (Максим Бебан)

3

1

1

1

13.

В.М.Коломасов

5

3

1

1


Весемезэ

34

24

5

5



























Календарно-тематической планось 9-це классо

Уроконь

Темань ды разделэнь лемесь

Весемезэ

частнэ



Уроконь

видэсь

Сынстэйстэ

Ютавтомань

чись

Келень

кастома

Аволь классо ловнома

планируемой

фактической

1.

Эрзя-мокшоньлитературантьчачомазо.

1






1.1

Эрзя-мокшонь литературанть чачомазо


Лекция





2.

С.В.Аникин.

2






2.1

С.В.Аникинэнь эрямонь ды творческой кизэ. «Чардыменть чиресэ» евтнемась-сермадеенть шкинемас сехте неявикс текшось.


Лекция





2.2

«Сабан-богатырь» евкссонть лиризмась.


Семинар





3.

А.А.Коринфский «Моя мать» («Монь авам»), «Я видел» («Мон неия»)стихензэ.

1

Семинар





4.

А.И.Завалишин.

2


1

1



4.1

А.И.Завалишинэньэрямоньдышкинеманькизэ. «Не признал» (Содавиксэксэзьтее») евтнемась.


Лекция





4.2

Авольклассоловнома. А.И.Завалишин «Стройфронт».


Авольклассоловнома





5.

Эрзя-мокшоньлитературантькасомазо-вииямозо.

1






5.1

Эрзя-мокшонь письменной литературань кинь-яноньушодкстнэ.


Лекция





6.

З.Ф.Дорофеев.

1






6.1

З.С.Дорофеев. Эрямонь ды творческой кизэ. Стихотворениятне «Русь», «Ялганень», «Кшинтень».Т


Содамочинь проверямонь урок





7.

Д.И.Малышев (Дмитрий Морской).

5


1

1



7.1

Д.И.Малышевеньэрямоньды творческой кизэ. «Ульяна Сосновская» поэмасонть семиясо эрзянь аванть кезэрень шкане стака эрямонзо невтемась..


Лекция Текст мартоважодема





7.2

Поэмасонть главной ды второстепенной геройтне.


Практикум





7.3

Эрямонь видечись ды художественной арсевксэсь «Ульяна Сосновская» поэмасонть.







7.4

Сочинения теманть коряс: «Эрзянь аванть уцясказо кезэрень пингстэ ды ней».


Келенькастомань урок





7.5

Аволь классо ловнома. «Сурдина пурги» стихень сборникесь, «Бедной Олодя» евтнемась


Авольклассоловнома





8.

А.Я.Дорогойченков (Дорогойченко).

4


1




8.1

А.Я.Дорогойченков. Сермадеентьэрямоньды творческой кизэ. . «Покш Каменка» («Сисемпежетькст» романстосаевкс».


Комбинирова нной





8.2

«Покш Каменка» романсонть мокшэрзятнень минек масторонь лия народтнэнь марто ояксчинь сюлмавксост».Тест лангсо важодема


Содамочинь проверкань урок






8.3

«Покш Каменка» романсонть Митричень образонть вельде модантень-трицянтень вечкеманть невтемась.


Смешанной





8.4

Евтнемань сермадомась теманть коряс: «Велесэ содавикс ломантне».


Келенькастомань урок





9.

С.С.Ларионов.

2






9.1

С.С.Ларионов – мокшонь кельсэ сермадыця, васенце поколениянь сермадеенькойтнень поладыця.Чачинь-касынь» повестесь.


Лекция





9.2

«Чачинь-касынь»повестьсэнть аванзо ды Даря сазоронзо образтнэнь вельде аванть прававтомо эрямонзо невтемась.


Практикум





10.

А.М.Осипов (Артур Моро).

3



1



10.1





10.2

Артур Моро – поэт-лирик. «Пекшень дудкине» стихотворениянть сермадомань размертнэ.

«Од пора» стихотворениясонтьломаненьпотмоежоньневтемась.


Лекция





10.3

АКЛ. А.Моро «Пурьгинень зэрть», «Чись раки», «Эрьва ломаненть ули морозо», «Степан Эрзя» романось.


Авольклассоловнома





11

П.С.Кириллов.

4


1




11.1

П.С.Кириллов-минеклитературань классик. «Литова» пьесась-минеклитературасовасенце исторической драма



Лекция





11.2

«Литова» пьесасонтькомпозициянь башка енкстнэ,историческойды национальной фольклоронь героико-эпической лувтне


Практикум





11.3

«Литова» пьесасонть главной героетьхарактеристикась.


Практикум





11.4

Сочинения «Литовась» - тириньлитературасоноквасенцеисторической драма.


Келенькастомань урок





12.

М.А.Бябин (Максим Бебан)

3


1

1

1


12.1

М.А.Бебаноньэрямоньды творческой кизэ. «Ледстнемат», «Вень поезд», «Ученой лось»произведениянзо.



Лекция





12.2.

Отзывень сермадомась баснянть коряс: «Ученой лось».


Келенькастомань урок





12.3

Аволь классо ловнома. М.А.Бебан «Тундоньнармунть» романось, «Нудейдыкенде» сборникесь.


Урок конференция





13.

В.М.Коломасов.

5


1

1



13.1

В.М.Коломасовонь эрямонь ды творческой кизэ. «Лавгинов» романось-сатирань ды юморонь жанрань произведения.


Комбинированной





13.2

Яхим Лавгиновонь эрямонзо невтемась.


Практической важодема





13.3

Лавгинова Настань, Прокопычень, Егор Кирилловичень, Лизань, Федянь, кода эрямонтьлангс од вановтмартоломантнень, образостпанжомась.


Семинар





13.4

Сочинения «Лавгинов» романось - сатирико-юмористическойжанрань произведения


Келенькастомань урок





13.5

Авольклассоловнома.

В.М.Коломасов. «Норовава», «Прокопыч» пьесатне.


Урок конференция





















Самые низкие цены на курсы профессиональной переподготовки и повышения квалификации!

Предлагаем учителям воспользоваться 50% скидкой при обучении по программам профессиональной переподготовки.

После окончания обучения выдаётся диплом о профессиональной переподготовке установленного образца (признаётся при прохождении аттестации по всей России).

Обучение проходит заочно прямо на сайте проекта "Инфоурок".

Начало обучения ближайших групп: 18 января и 25 января. Оплата возможна в беспроцентную рассрочку (20% в начале обучения и 80% в конце обучения)!

Подайте заявку на интересующий Вас курс сейчас: https://infourok.ru/kursy



Автор
Дата добавления 26.11.2016
Раздел Другое
Подраздел Рабочие программы
Просмотров33
Номер материала ДБ-392233
Получить свидетельство о публикации

УЖЕ ЧЕРЕЗ 10 МИНУТ ВЫ МОЖЕТЕ ПОЛУЧИТЬ ДИПЛОМ

от проекта "Инфоурок" с указанием данных образовательной лицензии, что важно при прохождении аттестации.

Если Вы учитель или воспитатель, то можете прямо сейчас получить документ, подтверждающий Ваши профессиональные компетенции. Выдаваемые дипломы и сертификаты помогут Вам наполнить собственное портфолио и успешно пройти аттестацию.

Список всех тестов можно посмотреть тут - https://infourok.ru/tests


Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх