«Түлектер шақырады! Көктем шақырады!» атты концерт
бағдарламасы
1.Наурыз мейрам
жүректерге нұр сепкен
Маңдайымнан сүйіп жатыр күн көктем
Жарығыңмен,шуағыңмен Күн-Ана,
Алып келдің жер бетіне гүл көктем.
2.Біз ғана
емес,қадір тұтқан бабалар
Аналардан туған небір даналар,
Ана деген тіршіліктің тірегі
Армысыздар қасиетті аналар.
1.Қайырлы күн
ата-аналар,ұстаздар!
2.Армысыздар
ардақты қонақтар мен студенттер! Көңілдеріңізге көктем шуағындай сезім мен нұр
құйып, тағы да 8-наурыз Халықаралық Әйелдер күні де келіп қалды.
1.Осынау көркем
мерекенің қай кезде де орны бөлек.Олай болатыны аналарға деген ыстық
сезім,алғыс пен құрмет ешқашан сөнбек емес.Олар өмірдің гүлі,көңілдің жыры,әр
отбасының діңгегі.
2.Мынау тынымсыз
тіршілік пен кең дүниенің өзі де аналармен ажарлы.Бүгінгі арайлап атқан нұрлы
таңмен бірге әрбір сәби жүрегі өзің деп соқса, бүгінгі мерекелік кешіміз асыл
аналарымызға, сан ұрпақты білім нәрімен сусындатқан аяулы ұстаздарымыз бен ару
қыздарымызға арналмақ.
1.Ендеше мерекелік
кешіміздің ашылу құрметіне әсем әнімізді тарту етеміз. Шақырады көктем Орындайтын
: Ахметова Гүлайым Қабыл алыңыздар.
1. Әйел-Ана,
Әйел-Өмір, Әйел-Тіршілік өзегі. Өмір бесігінде іңгә тербетіп,адамзат баласына
ұрпақ сыйлар ұлы құдірет иесінің есімі әрқашанда қастерлі, сөзі-өсиет, тұғыры
биік. Алтын құрсағынан адамзаттың алабы жаратылған асыл ананың жүрегі үлкен,
жүзі-мейірімді,қолы қайырымды.
2.Көңіл шуағына
мейірім төгілген аяулы жанның өмірден алар несібе жемісі-алтын босағасы мен
сүйкімді перзенті болар.Адамзат жүріп өткен небір ауыр жол,алмағайып заманнан
ұрпағын аман-есен бүгінгі күнге жеткізген әйел-ана құдіретін жырмен
өрнектеп,әнмен әлпештеп, сөзбен айтып тауысу мүмкін емес.Ана-болашақтың
демеушісі, ұлттың жебеушісі, сәбилердің бақыты.
1.Көңілің Алатаудың
ақ қарындай,
Мейірімің күннің шуақ шақтарындай
Қалайша аяулы ана
тына алармын
Ән болып сағыныштан ақтарылмай-деп асыл
аналарымызға арнап «Ана жүрегі» әнін жолдаймыз.Орындайтын: Панабек
Айнұр. (Аналарға гүл шоқтары беріледі).
2.Ару-Ана өмірдің
асылдары,
Жайнасын көңілімнің жасыл бағы
Сендер үшін ән мен жыр шырқалуда
Сендер үшін мереке шашулары.
1.Десек те уақытпен
жарыспайды
Қиялға қиялменен қарыштайды
Түлектер шын жүректен тебіреніп,
Жырларын аналарға бағыштайды.Олай болса
түлектердің Ана тақырыбындағы өлең шумақтарын тыңдай отырайық: Аубакірова
Нұржамал, Есенбаева Ақтолқын
2.Мың бұралып
билеген, Аруды кім сүймеген,
Күміс көмей аруларға, Кімдер басын
имеген.
Күнінде гүл көктемнің нұрын шашып,
Жасқанбай әр қадамын нық-нық басып,
Биімен көрерменді тәнті ететін
Түлектер келді міне толқып,тасып.Ендеше
ұлдарыңыз бен қыздарыңыздың тамаша биін ұсынамыз.Қабыл алыңыздар.«Жастар
биі»
2.Ұстаз
болу-жүректің батырлығы, Ұстаз болу-сезімнің ақындығы.
Ұстазға әркім басын ию керек
Кемеңгер, ақылшым деп білу керек
Сен бүгін керемет боп кетсеңдағы
Жеткізген сол ұстаз деп білу керек.
Жақсылар ұмытпайды ұстаздарын
Ойлайды, олар онымен ұшталғанын
Мәңгілікке мақтанып өтеді ұстаз
Шәкіртінің биікке шыққандарын. Бізді білім
нәрімен сусындатып,тәрбие, білім берген аяулы ұстаздарымызды мерекелерімен
құттықтай отырып,құттықтау әнімізді жолдаймыз.Ортаға Ахметова Гүлайымды «Ұстазым»
әнімен шақырамыз.(ән барысында арнайы шақырылған ұстаздарға гүл шоқтары
беріледі).
1.Бәрі де ана бір
өзіңнен басталды,
Сен деп жаздым алғаш өлең дастанды
Қуандым ба, өзің бар деп қуандым
Жыладым ба, өзің жоқ деп жыладым.
2.Бәрі де ана бір
өзіңнен басталды
Жанарыңнан көрдім алғаш аспанды
Еркелесем, бір өзіңе еркелеп
Жасқандым ба, тек өзіңнен жасқандым.
1.Ана деген бастауы
ұлылықтың
Ана деген рәмізі сұлулықтың
Ана деген бір жыр бар шырқалатын
Асқақтатар биікке ұрпақ атын.
Жас түлектер.Хор: Ана тақырыбындағы
әндерден поппури.
2. Ана –барлық
қиындықты жеңетін сарқылмайтын күш, тіршіліктің қайнар бұлағы.Қазақ әйелінің
дастарханы тоқ, қонағы ырза, дүниесі түгел.
Бір өзіңнен бастап өмір жолдарын,
Жүрегіңе, жүрегімді жалғадым
Өзің мына сыйға берген өмірде
Ақ сүтіңді ақтап өту-арманым. Барша
аналардың құрметіне. Мұқанбетжанов Ерболаттың орындауында«Анашым».
(Бірден «Әке-Ана».Ерболат пен
Айнұр).
1.Ана дейміз бәріміз де аңқылдап
Ана дейді жас сәби де жарқылдап,
Ана деген бәйтерегі өмірдің
Ана деген алтын қазық алтын бақ.
2.Бүгінгі құтты болсын,Мереке күндеріңіз
Сыйланар тек сіздерге,Қырмызы гүлдеріміз
Бақыттың бақшасында,Шаттанып күліңіздер
Көктемнің күніндей боп, Күлімдеп
жүріңіздер.
1.Бүгінгі мерекелік кешімізге арнайы
келген қонақтарымыз бар.Олай болса ортаға Нұрлан Албан мен Әжелерімізді
әсем әндерімен шақырайық.
2.Тамаша кешімізде тағы бір қуанышты атап
өткіміз келеді.Тобымыздағы сүйкімді группаласымыз Теңелова Болсынайдың бүгін
туған күні.
1.Көктемнің күлімдеген күні болшы,
Өмірдің шешек атқан гүлі болшы
Қуанышты, көңілді өмір сүріп,
Өмірде ең бақытты жандардың бірі болшы.
2.Тілейміз бақытты өмір ашық аспан,
Жалған да тілек барма одан асқан
Аман боп ата-анаң мен бауырларың
Жалғансын ақ таңдарын нұрын шашқан.Туған
иесіне керемет ән тарту етеміз. Панабек Айнұрдың орындауында «Көңілді күн».
1.Бұралып биші қыздар билегенде,
Үндінің асқақ әні тербеген де
Қол соғып отырайық бәріміз
Қарсы алайық Аңсаған мен
Ленаны.Қабыл алыңыздар!
2.Әркімнің де өмірден аласы бар,
Аласы бар адамның анасы бар
Мерекесін құттықтап аналардың,
Өнерлерін жолдайтын аналардың баласы
бар. Өз өнерлерімен ортада
«Жас түлек» КВН командасы.
2.Кезің жоқ мейірленіп тіл қатпаған
Сөзің жоқ өнегесін тыңдатпаған
Осынау дөңгеленген дүниеде
Жан Анам кім бар сендей қымбат маған.
1.Барша ана құтты болсын мерекеңіз
Әрқашанда ана сізбен берекеміз
Ақтасақ ақ сүтіңді асыл анам, Сонда біз
кісілікке теңдесеміз.
Барлығы: Ән «Біз біргеміз!»
Қорытынды сөзді тәрбие ісі жөніндегі
орынбасары: Айтқұлова Гүлназ және топ жетекшіміз Дусипова Айсара береміз
Осымен
концертіміз аяқталды.
Оставьте свой комментарий
Авторизуйтесь, чтобы задавать вопросы.