"Толағай" ойыны Спорттық іс-шара. Мектепалды даярлық тобы

Тақырыбы:  «Толағай» отбасылық-спорттық сайыс.

Мақсаты: Балаларды салауатты өмір салтына тәрбиелеу,мектеп пен отбасының бірлігін нығайта түсу.Ептілікке,батылдыққа шымыр болуға тәрбиелеу.

Көрнекілігі: спорт залы,ұрандар жазылған парақтар,сайысқа қажетті құралдар.

Барысы.

І.Сайыстың ашылу салтанаты.

Би: «Көбелектер»

Мектебіміздің директоры Муратова Ұлмекен Сағынқызына құттықтау сөз береміз.

1-жүргізуші: Құрметті көрермендер,ата-аналар,балалар, бүгінгі мектепалды даярлық сыныптарының арасында оздырылып отырған «Толағай» отбасылық-спорттық сайысына қош келдіңіздер!

2-жүргізуші: Алдымен сайысқа қатысатын отбасыларды ортаға шақырамыз.

1-жүргізуші:Жарыстарда озатын,

Бәрінен алда болатын,

Болашаққа бүгіннің

Спортқа қол созатын «Сұңқар» тобын

Ортаға шақырамыз.

2-жүргізуші:Кімдер күшті, кім алып,

Күш сынасып бағалық.

Доп тебісіп жүгіріп,

Қарсыласты жығатын «Барыс» тобын

Ортаға шақырамыз.

1-жүргізуші: Құлпырған дала гүліндей,

Жүретін ылғи күлімдеп.

Сайыстарда ылғи да,

Жете бергін сүрінбей-деп «Тұлпар» тобын

Ортаға шақырамыз.

1-жүргізуші: Кімдер күшті,кім алып,

Әділқазы көріңіз.

Қара қылды қақ жарар,

Әділ баға беріңіз-дей отырып әділқазы алқасын сайлап алайық.

2-жүргізуші: Әр отбасы өздерін таныстырып өтсін.

1-жүргізуші: Рақмет,енді бүкіл сайыскерлер бірге «Қара жорға» биін билеп денемізді шынықтырайық!

2-жүргізуші: Енді бүгінгі сайысымыздың бөлімдерімен таныс болыңыздар.

1.Кім жылдам.

2.Қосаяқ

3.Допты себетке салу.

4.Құрсаудан құрсауға секіру.

5.Бәйге жарысы.

6.Кенгуру

7.Арқан тартыс.

1-жүргізуші: Шат күлеміз жайраңдап,

Біз ойнаймыз асыр сап.

Туған жерде сайраңдап,

Еркін өсер жас ұрпақ-деп кезекті 1-бөлімге берейік.

1-бөлім «Кім жылдам»

Шарты: Отбасы мүшелері түгел қатысады.Кедергілер арасымен жүгіріп,кері қайту керек.

2-жүргізуші: 1-бөлім «Қосаяқ»

Шарты: бұл сайысқа тек ата-аналар қатысады,кезектесіп қапты аяққа киіп секіріп барып, кері қайту керек.

1-жүргізуші: 3-бөлім «Допты себетке салу» атты бөлімге кезекті береміз.

Шарты: Ата-ана және баласы қатысады.Кезектесіп үшеуі допты лақтырады,себетке дәл тиген доп қана саналады.

2-жүргізуші: Ей,жігіттер

Сендерге артар міндет көп.

Көтер биік ата-салтын құрметтеп.

Ақтай білсін ата-баба үмітін.

Әрбір сөзі тәлімі бар бір мектеп-деп келесі 4-бөлім «Құрсаудан құрсауға секіру» атты бөлімге береміз.

Шарты: Ата-ана және баласы қатысады.Бірінші әкесі құрсаудан құрсауға бір шетінен екінші шетіне дейін жетеді,келесі кезекті анасына береді,содан соң баласы орындайды.

1-жүргізуші: Ат өнері білінбес,

Бәйгеге түспей,жарыспай.

Ер өнері білінбес,

Қоян қолтық алыспай-деп келесі кезекті бастаймыз.

5-бөлім «Бәйге жарысы» атты бөлімге береміз.

Шарты: Әр топқа бір-бір ат беріледі.Топ мүшелері атқа мініп секіріп,кезектесіп атты бір-біріне береді.

2-жүргізуші: Құлпырған еліміздің ұл-қызымыз,

Әзірге маңдайдағы құндызымыз.

Арасын жер мен көктің жалғайтұғын.

Ертеңгі жарқыраған жұлдызымыз-дей келе сайысымыздың 6-бөлімін бастаймыз. «Кенгуру»

Шарты: Сайысқа топ мүшелері түгел қатысады.Белгі бойынша допты екі аяқтың арасына қысып белгіге дейін барып,кейін қайту.

1-жүргізуші: Ойынымыздың соңғы 7-бөлімі «Арқан тартыс» атты бөлімге кезек берейік!

Шарты: Ортаға екі топтың мүшелері шығады. Арқанның екі шетінен ұстап тартады.Жеңген топ келесі топпен арқан тартысады.

2-жүргізуші: Жарқын,шаттық заман болсын,

Отбасымыз аман болсын.

Сыйластықпен бірлік болып,

Әрқашанда орта толсын.

Ән: «Әрқашан күн сөнбесін!»

1-жүргізуші: Енді сайысымыздың қорытындысын жариялау мақсатында әділ қазы алқасына сөз береміз.

Би: «Шөжелерім»