Топтық таныстырылымға қатысуы бойынша рефлексивтік есеп

Топтық таныстырылымға қатысуы бойынша рефлексивтік есеп

Сәуірдің 9 ұстаздардың білім берудегі әдістемелік негіздерін жаңарту мақсатында арнайы курстар басталды. Алдына қойылған негізгі мақсат – оқушылардың білім алудағы сапаларын арттыра отырып, өз бетінше әрекет етіп, ой еркіндіктеріне мүмкіндік беру жұмыстарын басты назарға алу.

Аталған курсқа жан-жақтан , барлық мектептерден мұғалімдер келді.

Барлық мұғалімдерді топқа бөліп, өздерінің жаттықтырушыларымен таныстырды. Біздің жаттықтырушы Балғаным Дүйсенқызы бізді бір-бірімізбен таныстырды. Бірінші күннен бастап біз жұмысқа белсенді кірістік.

Бірінші сабақта бағдарламамен таныстық. Оқушылардың қалай білім алатыны туралы біз не білетінімізге шолу жасадық. Оқытудың жаңа теорияларымен танысқанда біраз қиындықтармен кездестік. Сапалы оқыту туралы не білеміз, оны қалай түсінеміз .

Мәдениетаралық оқушы болу дегеніміз не? Бұл жерде адам ретінде біздің бірқатар ұқсастықтарымыз бар екендігі, сонымен бірге әлемді түрліше қабылдау және тілімізге, ділімізге қарай біздердің өз ерекшеліктеріміз бар екендігі туралы сөз қозғалады.

Алдымен мәдениет деген сөзге кластер жасадық . Әр топ өз пікірлерін айтты. Сонымен мәдениет – бұл қазақ халқының дәстүрін ұстану,сөйлеу мәнері, рухани байлық, отбасылық тәрбие, үлкенге ізет, кішіге құрмет, амандасу, этикет, эстетика деп жауап бердік.

Мінсіз оқушы туралы мұғалімдердің пікірлерін назарға алу және оны әлеуметтік психология бойынша зерттеулер нәтижесіне енгізу. Мінсіз оқушы туралы пікір жазу кезенде оның психологиялық жағынан зерттедік.

Оқушыға өзінің бірдеңені түсінбейтіндігін мойындауы маңызды екенін түсінуге қалай көмектесу керектігін қарастырдық. Сыныптағы оқушыларғапсихологиялық ахуал. жасау керек.

Тренингтер барысында оқытудың жаңа ұстанымдарын, технологиясын біртіндеп түсіне бастадық.

Оқыту бағдарламасының ІІ-ші мектептегі кезеңінде өзімнің сабақтарыма мүлде басқаша көзқараспен қарадым. Негізгі оқу материалы емес оқушы, ал мен тек жағдай тудырушымын, балалардың не үшін оқы жатқанын түсінуі, өздерінің мақсаттарына жету үшін не көмектесетінін аңықтау. Мектептен тыс оқыту мүмкіндіктерін пайдалану, оқушылардың материалды білу үшін бұрынғы тәжірибесін қолдану, оны толықтыру, жақсарту, күрделендіру маңызды болды. Оқыту оқушы үшін қолайлы, жайлы болу үшін сабақта керіқайтарым мен бағалау да шешуші рөл алды. Мұғалім оқыту үрдісін үнемі бақылап және рефлексия жасап отыру керек екен, сыныпты зерттеу, оның нәтижесін жазу, тиісті қорытындылар шығарып, оны жетілдіру жолын қарастырып отыру қажеттігін түсіндім, өз қызметіме, іс-әрекетіме сын көзбен қарап, аналитикалық талдау жасап та үйренгелі жатырмын.

Қашықтан оқыту кезеңіне де көптеген сұрақтармен аттанған едік. Қашықтан оқыту кезеңі алған білімімізді нақты тәжірибеде көруге мүмкіндік туғызды. Оқыту туралы ұстанымдарымызды қайта қарауға тура келді. Әрине, барлығы бірдей оңай болмады. Екінші бетпе –бет кезеңіне де көп сұрақтармен келдік. Мектепте жүргізген жұмыстарымызды талқылау барысында жіберген кемшіліктермізді анықтап, неғұрлым дұрыс шешім іздеуге мүмкіндік алдық. Іс-әрекеттегі зерттеумізге байланысты сұрақтарымызға да жауап ала бастадық. Курс барысында алған әсерім:

• Оқуға жаңа көзқарас пайда болды
• Берілген модульдер біртұтастықта сабақта тиімді қолданылады
• Мұғалімнің кәсіби құзыреттілігі артады
• Оқушылардың сыни ойлау қабілеті қалыптасады
• Оқушыны бағалау және оқытуды бағалаудың тиімді тәсілдері меңгеріледі

Бұл бағдарлама мұғалімдер тарапынан қолдау алатынына сенімдімін.