Тоқтар - тұңғыш ғарышкер

Пән: Әдебиеттік оқу

Сынып: 2 сынып

Зерттеу тақырыбым:Топтық жұмыс арқылы оқушылардың сабаққа деген қызығушылығын арттыру

Қысқа мерзімді сабақ жоспары

Оқулық: Әдебиеттік оқу, Б.А.Тұрғынбаева, З.Муфтибекова «Алматыкітап» баспасы, 2013 жыл

Тарау: «Бабалар өмірі – ұрпаққа өнеге»

Сабақтың тақырыбы:Тоқтар – тұңғыш ғарышкер

Сабақтың мақсаты: Қазақстандағы ғарышкерлер – Тоқтар Әубакиров туралы түсінік қалыптастыруға ықпал ету.

Сабақтың міндеттері:

1.      Оқушыларды тұжырымдама, жалпы болжамды жасап білуді үйрету.

2.      Оқушыларды топта жұмыс жасау, өз ойын еркін білдіру дағдыларын, ойлау қабілеттерін дамыту.

3.      Оқушыларды топпен жұмыс жасауға, сыйластыққа, адамгершілікке, ұқыптылыққа  тәрбиелеу.

Сабақтың типі: Жаңа білімді меңгерту сабағы

Ресурстар: оқулық, постер, АКТ, бағалау парағы

Сабақтың кезеңдері	Сабақтың барысы	Оқып-үйренудің негізгі мақсаттары	Мұғалімнің іс-әрекеті	Оқушының іс-әрекеті	Жұмысты ұйымдастыру формасы	Модуль	Ресурс	Нәтиже
Кіріспе	Ұйымдастыру кезеңі   (3 мин) Үй тапсырмасын тексеру (4 мин)	Оқушыларды сабаққа дайындау, зейіндерін сабаққа аудару Оқушылардың білім деңгейін тексеру.	Шаттық шеңбер арқылы жағымды психологиялық ахуалды орнату Оқушыларды топтарға бөледі Үй тапсырмасын «Блум түймедағы» арқылы тексереді Мұғалім ұшақ, тікұшақ, зымыранның суреттерін таратып, топтарға бөледі.	Оқушылар шеңбер құрып, келесі өлеңді хормен айтады: Жарқырап күн ашылды. Айнала гүл шашылды. Қайырлы күн! Біз нәзік қыздармыз. Қайырлы күн! Біз ержүрек ұлдармыз. Оқушыларға таратылған стикерлердің түстері бойынша топтарға бөлінеді Оқушылар бір-бірден тақтаға шығып, «Блум түймедағының» әр күлтешесін алып, оның артындағы сұрақты оқып, жауап береді. Оқушылар өздеріне ұнаған суретті таңдап алады да, 3 топқа бөлінеді.	Жеке дара, топпен жұмыс Жеке дара	ОЖТ, СТО, АКТ, ТжДБО, ОЖЕСО, ОБжК	Интербел-сенді тақта «Блум түймедағы»	Оқушылардың  сабаққа деген қызығушылықтары артады, зейіндерін сабаққа аударады. Өткен тақырып бойынша білімдерін бекітеді. (АВС)
Тұсаукесер	Жаңа тақырыпқа ену       (4 мин)	Оқушылардың сөйлеу дағдыларын дамыту.	- слайд шоу арқылы сабақ тақырыбын ашу. -көріністегі адам кім? -Ол не істеді? -Бүгінгі сабақта не туралы әңгіме болады деп ойлайсыңдар?	Оқушылар слайдты көре отырып, сұрақтарға жауап береді, жаңа сабақтың тақырыбын ашып, алдарына мақсат қояды.	Жеке дара жұмыс	СТО, ТЖДБО, ОБжК, ОЖЕСО	«Миға шабуыл»	(А)Оқушылар тақырып бойынша білімдерін жан-жақты қорытындылап, ортаға салады (В) Өз ойларын еркін білдіреді. (С) Оқушылардың жұмыстарын тыңдайды, сөздік қорын молайтады.
Негізгі бөлім	Жаңа сабақ (15 мин) Сергіту сәті (2 мин)	Оқушыларды топпен жұмыс жасауда өз ойын жүйелі түрде айтуға үйрету.	Өлеңмен жұмыс жүргізеді. Өлең бойынша оқушыларға бір-біріне  сұрақ қойғызады. Оқушыларды орындарынан тұрғызып, сергіту сәтін жасатады Тақтаға Тоқтардың суретін ашып, осы суретке сәйкес әліпби ретімен сөздер айтқызады.	Оқушылар өлеңді топ ішінде оқиды. Диалог арқылы бір-бірлеріне сұрақ қойып, өленнің мазмұнын ашады. Оқушылар сергіту сәтін бірге жасайды. Суретке қарап, әліпби ретімен тиісті сөздерді бірінен соң бірі айтады.	Жеке дара, топпен, жаппай жұмыс Жеке дара Жеке дара, топтық жұмыс	СТО, ОЖТ, ОҮБ, ТжДБО, ОЖЕСО, ОБжК, АКТ	Оқулық Диалог Интербелсенді тақта «Әліпби желісі»	(А) Көшбасшылықты негізге ала отырып, жұмысты жүйелі түрде атқарады. (В) Өз ойларын ортаға салып, топтық жұмыста белсенді қатысады. (С) Топтық жұмыста өз үлесін қосып отырады.
Қорытынды	Рефлексия (4 мин) Үй тапсырмасын беру (2 мин) Сабақты бағалау (5 мин)	Жаңа сабақты қорытындылау	Ұшқыш пен ғарышкерлер  арасындағы айырмашылықтары мен ұқсастықтарын постерге түсіру - топтарының атауына байланысты бес жолды өлең жазғызу. Өз ғарыш кемесін салып, оған ат қою Жиынтық бағалау	Әр топ венн диаграммасына ұшқыш пен ғарышкердің ерекшеліктері мен ұқсастықтарын салады, әр топ баяндаушысы өз жұмыстарын қорғайды. Оқушылар бес жолды өлеңді топпен жазып, оқиды. Тапсырманы тыңдап, күнделіктеріне жазып алады. Критерийлер бойынша топтағы әр бала өзіне баға қойып, қойған себебін түсіндіреді.	Топтық жұмыс Топпен жұмыс Жеке дара	ОЖТ, СТО, ОҮБ, ТжДБО, ОЖЕСО, ОБжК	«Венн диаграммасы» «СИНКВЕЙН»	(А) Топтағы оқушыларды әділ бағалауға, өзін-өзі реттеуге үйренеді. (В) Бағалауға қатысады, өзінің сабақта жұмыс жасаған деңгейін түсінеді. (С) Топтағы оқушыларды тыңдап, өзіне баға бере алады.