Тәрбие сағаты "Адам деген ардақты ат"

№ 167ЖББМ

Орындаған: Кайынбаева А.Т

Сабақтың тақырыбы. Адам деген ардақты ат.

Сабақтың мақсаты: «Адамгершілік» ұғымының құндылығы ретіндегі маңыздылығын  ашу.

Сабақтың міндеттері: Білімділік: адами қасиеттер туралы түсінік беру;

Дамытушылық: балалардың адамгершілік қасиеттерін дамыту, жағымды қарым-қатынас жасай білуге үйрету;

Тәрбиелік: ізгілікті, мейірімді болуға тәрбиелеу.

Көрнекі құралдар:  дәптер,  сюжетті суреттер

Әдістер: әңгімелесу, ойын, жаттығу, түсіндіру, сахналау.

Эпиграф:   Сен де бір кірпіш дүниеге,

                   Кетігін тап та, бар қалан.                   Абай

Сабақтың барысы.

1.     Ұйымдастыру кезеңі

2.     Шаттық шеңбері

 Мұғалім балалармен сәлемдесіп, оларды шаттық шеңберін құрып, бір-бірімен сәлемдеседі.

à        Үлкенге де сіз! (Оң қолын алға созады)

à        Кішіге де сіз (сол қолын алға созады)

à        Баршаға жанды құрметтеп, (екі қолын кеудеге қояды)

à        Бас иеміз біз! (бас иеді)

Е. Өтетілеуовтің «Нағыз адам боламын» атты өлеңін мұғалімге ілесіп бірге қайталайды.

Бүгін титтей баламын, Әлі-ақ жігіт боламын. Сонда, мүмкін, мен ғалым, Әлде шофер боламын.	Ел сыйлайтын мұғалім, Әлде шахтер болармын. Сонда ұста, не артист, Не дәрігер болармын.
	Әлде, әлде... Білсеңдер, Жалғыз ғана талабым: Ер жеткенде, ел сенер Нағыз адам боламын!

Әңгімелесу. Мүғалім оқушыларды сабақ тақырыбына бағыттау мақсатында әңгімелесу өткізеді. Әңгімелесуге мынандай сұрақтар қойылады:

    Ата-анаң қандай болғаныңды қалайды?

    Өзіңнің кімге ұқсағың келеді?

    Нағыз адам дегенді қалай түсінесіңдер?

Балалар өз түсініктерін ортаға салып айтады. Мұғалім оқушылардың жауаптарын тыңдап, өзі қорытынды жасайды.

Мұғалімнің сөзі:

-         Дұрыс айтасыңдар, балалар, ата-анамыз біздің жақсы адам болғанымызды қалайды. Әрдайым ақылдарын айтады. Біздер ақылды, әдемі адамдарға ұқсағымыз келеді. Өзіміз де мейірімді, адал, білімді болып өсуге талпынамыз.

ЖАҢА АҚПАРАТ

- Балалар, не тәтті?

- Ананың сүті тәтті.

- Не жұмсақ?

- Ананың қолы жұмсақ.

- Не қатты?

- Атаның жүрегі қатты.

- Кім жақын?

- Тату болса, ағайын жақын, ақылшы болса, апайың жақын.

- Бауырмал болса, інің жақын, алдыңа тартқан адал асың,

- Қимас жақын қарындасың.

- Не қымбат?

- Алтын ұяң – Отан қымбат,

- Құт-береке, атаң қымбат.

 - Аймалайтын, анаң қымбат.

- Асқар тауың әкең қымбат.

- Дүниеде не қымбат?

- Адам қымбат

- Адамға не қымбат?

- Бала қымбат.

Мәтінмен жұмыс. Сабақтың тақырыбын ашу мақсатында мәтінмен жұмыс жүргізіледі. Ол үшін сабақта оқушыларға  «Кім боласың?» Ж. Жұмаханованың атты мәтінмен танысу ұсынылады. Мәтінді алдымен мұғалім оқып береді. Сосын оқушылар өздері оқиды. Мәтін мазмұны бойынша берілген сұрақтарға жауап береді.

Ø Атасы немересіне адам бол дегенде не айтқысы келді?

Ø Сендер «Адам бол» дегенді қалай түсінесіңдер?

Сергіту сәті

Кел, санайық екеуміз:

Бас бармағым- әкем,

Балан үйрек- апам,

Орта терек- ағам,

Шылдыр шүмек-мен,

Титтей бөбек- сен,

Бір үйде біз нешеуміз?

Бір үйде біз бесеуміз.

Тапсырма.  Сабақ тақырыбына сәйкес оқушылардың білімдерін тереңдете түсу үшін балаларға тапсырма беріледі. Мұнда суреттерге қарап, адам қабілетінің  мүмкіндіктері жайында айтып беру тапсырмаларды. Суреттерде сырқат адамға жәрдем көрсетіп тұрған дәрігер, ұшақты жүргізгелі тұрған ұшқыш, білім ізденіп, кітап оқып отырған бала, өнерге талпынып, скрипка тартып тұрған бала, зәулім үй салып жатқан биік кран жүргізушісі, компьютерді меңгеріп, жұмыс жасап отырған бала бейнеленген. Оқушылар мұғалімнің жекекші сұрақтар қоюы арқылы адамның қолынан көп нәрсе келетінін айтады.

Дәйексөз   Сен де бір кірпіш дүниеге,

                   Кетігін тап та, бар қалан.                   Абай Кұнанбаев

Мұғалім оқушылардан дәйексөздің мағынасын қалай түсінетіндерін сұрайды. Балалар жауабын тыңдап, қорытынды жасайды.

Тыныштық сәті.

-Балалар, денелеріңді түзу ұстап, бастарыңды жоғары көтеріп, ыңғайлып отырыңдар. Көздеріңді жұмсаңдар да болады. Ауаны терең жұтып, еркін тыныс алыңдар. Өздеріңнің тыныс алуларыңды бақылап, бақытқа, махаббат пен тыныштыққа толы таза, шипалы ауаның тұла бойларыңа толғанын сезініңдер. Ал енді көздеріңді ашсаңдар да болады.

НАЗАР АУДАРЫҢДАР.

Ұшқыш боламын Көкке ұшамын- Ұшқыш болар баламын. Соңына ерем Мұсабаевтай ағаның Батыр болам- Көк аспанды сүймін Жұлдыздарға Барып-келіп жүремін.	Дәрігер Ақ желеңді киемін, Аппақ болып жүремін. Аппақ болып жүргенді Өзім өте сүйемін. Дәрігермін мен деймін, Кәрі әжемді емдеймін. Көп-көп ішіп дәріні, Кәрілікті жең, деймін.
Құрылысшы. Үлгілерге қараймын, Үй іргесін қалаймын. Өрнектерін оямын, Терезесін қоямын.	Ұстаз. Оқу- білім ордасы. Ұстаз оның арнасы. Ұстаздық деген ұлы іс, Адамдықтың айнасы.
Шахтер. Орны бөлек елдегі, Шахтердің көп еңбегі. Тау-тау болып үйілген, Оның қазған кендері.	Ғарышкер. Тұңғиықты-ғарышты, Тұнып тұрған алысты. Орындалып арманы, Ғарышкерлер шарлады.

Дәптермен жұмыс.  Мұғалім оқушыларға  дәптерде берілген суреттер бойынша кімге қандай жақсылық жасайтыны туралы әңгімелеп айтып беруді тапсырады.

Қорытыңдылау.