Тәрбие сағаты "Бейбіт болсын болашақ"

Батыс Қазақстан облысы, Бөкей ордасы ауданы, Мұратсай ауылы.

А.Құсайынов атындағы ЖОББМБ бастауыш сынып мұғалімі

Саматова Алмагул Кайрболатовна

Сабақтың тақырыбы: Бейбіт болсын болашақ.

Сабақтың мақсаты: Егенді еліміздің болашағы жас ұрпақтар.Сондықтан ұлы достық, Отан сүйгіштік рухтың аса бір мәйегі. Балаларды өз елін қадірлей білуге, достыққа, басқа ұлттардың тарихын, салт-дәстүрлерін сыйлауға, адамгершілікке тәрбиелеу.

Елімізде өмір сүріп жатқан ұлттармен таныстыру.Қазақстан халқы Ассамблеясының 20 жылдығы туралы түсінік беру.

Көрнекілігі: Менің Отаным кітаптар көрмесі. Шарлар, суреттер, Ассамблея эмблемасы, қима көгершіндер, гүлдер.

Техникалық көрнекілік: видеопроектор.
Барысы:
Мұғалім:

Құрметті қонақтар, ата-аналар және ұстаздар! Біздің балаларымыз Қазақстанда тұрып жатқан ұлттар арасындағы достықты нығайтуға титтей де болса өз үлесімізді қоссақ деген тілекпен «Бейбіт болсын болашақ.» атты тәрбие сағатын бастауға рұхсат етіңіздер.Біздің еліміз көп ұлтты мемлекет. Ұлттар арасында достық қарым-қатынас, татулық жақсы сақталған. Мұның бәрі көреген Елбасымыз Н.Ә.Назарбаевтың басшылығының арқасында жүзеге асып отыр. 1995 жылы 1 наурызда Қазақстан халықтарының Ассамблеясы құрылған болатын.Ассамблея ұлт аралық достықты сақтау, мемлекеттік саясатпен ұштастыру, бірыңғай шешім қабылдауды қарастырады.Міне биыл Қазақстан халықтарының Ассамблеясы құрылғанына 20 жыл.

Бүгінгі достық фестиваліне қатысатын ұлт өкілдерін сахнаға шақырамыз:
«Өз елім» әні үнтаспадан ойнап тұрады. Ата-аналар мен балалар әр ұлттың киімдерін киіп, қолдарына гүл ұстайды.

Біз тілейміз бар бөбекке,
Бақытты өмір сүргенін.
Туған елге еркелеп,
Қуанғанын күлгенін- деп қазақ ұлт өкілдерін шақырамыз.

Қазақ: Жайлауында жүрген жігіт бағып қой

         Дос келді деп, жасап жатыр анық той

         Тұңғыш рет көріп тұрсын сен оны

         Нағыз қазақ осы, міне, танып қой!

/сахнаға қазақ ұлты шығады. шашу шашады/

Орыс, қазақ туыс боп ағаласып,
Қаны, тілі жатыр ғой араласып.
Отбасылық бақыты ортақ болсын,
Қол ұстасып, еңбек ет, далаға шық!- деп орыс ұлт өкілдерін шақырамыз.

       Орыс:   Ұланымыз орыстын

        Ұлы  мекен қоныстың

        Ұранымыз туыстық

        Ұлттар бізге тым ыстық

Қадірменді бір досымыз-өзбегім

Қалтқысы жоқ демің бейне өз демім,

Өз сөзімдей жанға жайлы сөздерің,

Өз көзімдей күлімдейді көздерің. -деп –өзбек ұлт өкілдерін шақырамыз.

Өзбек: Өзбекстан мақталы

            Еліміздің мақтаны

            Еңбек сүйгіш халқымыз

            Ел бірлігін сақтайды

Кім сүймейді ет жақынын, туысқанын

Украина туысымның бірісің.

Тұрды биік туымыздай бұл достық,

Ел басына төнгенде де ұлы сын. -деп –украин ұлт өкілдерін шақырамыз.

Тілегі бір, жүрегі бір,
Достармен біз біргеміз.
Туыс барда құрыштан да,
Берік біздің іргеміз.
Қазақ жері маған да болған мекен,
Дүниеде дәл мұндай ел бар ма екен?!
Досқа - дарқан, дұшпанға сонша қатал,
Сүйем оны, сағынып, самғап жетем. -деп –молдаван ұлт өкілдерін шақырамыз.

Біздің ортақ үйіміздің шаңырағы биік, керегесі берік, босағасынан ырыс - дәулет кетпегенін қалаймыз. Оған Қазақстанда тұратын барша халықтың өзіндік үлес қосуымен бір - бір уық болып қадалғанын жақтаймыз. Ашық, көк аспан астында барлық елдер тату - тәтті өмір сүруіміз керек.
Қазақ жері - достықтың гүлстаны,
Дарқан өлкем - мерейлі ырыс бағы.
Күрестерде, еңбекте, мерекеңде,
Мұнда сан ұлт қолдасып ту ұстады. -деп кәріс ұлт өкілдерін шақырамыз
Кәріс: : Мүмкіндікті пайдалана отырып, бәрімізге айтарым, қашанда жүзіміз жарқын, көңіліміз шат болып жүру үшін ұлтаралық ынтымақтастықты нығайту, жалған айтпай берген уәдені орындау басты парызымыз екенін ұмытпайық.
Жасасын достықты жақтаған қазақ елі!

Барлық оқушылар қол ұстасып: Біз тату - тәтті боламыз,
Ағайынбыз бәріміз, - деп, қабырғадағы алтын күн суретіне қолдарындағы елдер атауын жапсырады.

Ән: «Дос болайық бәріміз».

Айда: Болсын жер мен су да ортақ,
Болсын біздің ту да ортақ.
Ақпыз, қара, сарымыз,
Ағайынбыз бәріміз.
Назерке: Сары, ақпыз, қарамыз,
Бәріміз де баламыз.
Бір Отанда тұрамыз,
Бір мектепке барамыз.
Ералхан: Алтай, Кавказ ұласып,
Баурайы бұйрат кең жатыр.
Бақыттың әні асқақтап,
Құлаққа даусы кеп жатыр.
Диас: Қырғыз, қазақ, өзбектер,
Монғол, ұйғыр, дүнгендер.
Армян, тәжік, грузин,
Орыс пенен украин,
Терезесі тең жатыр.
Сабина: Енді бүгін қарасам,
Айналам бақыт кең жатыр.
Бір - бірімен туысқан,
Қол ұстасқан ел жатыр.
Нұржігіт: Достығымыз жарасқан,
Ақпыз, қара, сарымыз.
Қара жер мен көк аспан,
Ортақ дала тауымыз.

Сәбилер зәресін бұлт алмасын,
Гүл бәйшешек еш уақытта солмасын.
Ақ көгершін аспанымда қалықтап,
Барлық халық бейбіт күнді қолдасын.

Ән: «Ақ көгершін».

Аман боп халқымыз мәңгілік,
Жүрейік достықта сән құрып.
Бірлік пен ынтымақ нығайса,
Атады әрқашан таң күліп.

Хор: «Әрқашан күн сөнбесін!»

 / «Әрқашан күн сөнбесін» әні айтылған кезде, қазақ үй шаңырағын көтерген, ұлттық киімдер ата-аналар мен оқушылар шығады, барлық ұлт өкілдері шаңырақтың астына жиналады, сонымен  аяқтайды./

Мұғалім: Құрметті қонақтар, біз кешімізді Елбасымыз Н. Ә. Назарбаевтың Қазақстан халқы Ассамблеясы 22 сессиясында сөйлеген сөзімен қорытындыламақпын. Бақыт бағалай білгеннің ғана басында тұрады.Ең асыл қазынамыз-бірлігімізді көзіміздің қарашығындай сақтай білсек, барлық асулардан асамыз.Мен халқымды Ассамблеяның алтын шаңырағын асқақтата түсуге үндеймін. Бірлік қағидасы-әрбір азаматтың өмірлік ұстанымына айналсын!Жүрегімізде Ұлы Отан – Мәңгілік Елге деген махаббат оты маздасын! Баянды болашаққа бірге қадам басайық!Ырысымыз тасып, айбынымыз аса берсін!

Алға, Қазақстан!