Тәрбие сағаты "Бейбітшілік пен Айгөлек"

  «Әнші,биші балапан!» ән-би байқауы

Көңілді  бимен сахнаны ашу

(сахнаға барлық балалар шығады)

1- жүргізуші:

Қазақ елі  қашан да жыр елі,

Тарихында тұлғалар көп киелі.

Қазақстан аясында бұрыннан,

Жүздеген ұлт бірге өмір сүреді.

2 -жүргізуші:

Қазақстан Тәуелсіздікті аңсап келді,

Телегей теңіз аңсаған мансап келді.

Қазақтың  бойтұмары ана тілін

Ту етіп, айғақ етіп жар сап келді.

1- жүргізуші:

Көптен күткен көк Байрақ желбіреді,

Күннің көзі көктемдей елжіреді.

Мұнан ыстық , жалын-от бар ма, сірә,

Отан-әнмен жүрегім тербеледі.

 2- жүргізуші:

Жиналыппыз сәтті күні бәріміз де,

Үлкен –кіші, жасымыз, кәріміз де.

Төрлетіңдер, қадірменді қонақтарым,

Гүл-гүл жайнап мына біздің төрімізге.

1- жүргізуші:

Бүгін  біздің мектепте дүбірлі той,

Ден қойып тыңдаңыздар, көңілді қой.

Әннен  шашу шашылсын, би биленіп

Қош келдіңіз халайық, сергісін бой.

2- жүргізуші: Құрметті өнер сүйер қауым, өнерпаздардың өнер сайысы «Әнші,биші балапан» байқауына қош келдіңіздер!

- Иә, балалық шақ адам өміріндегі ұмытылмайтын, қызықты да бақытты кезең.

1-жүргізуші:

Балдәурен-балалықтың балғын үні,

Балдәурен-қуаныш пен шаттық үйі.

Балдәурен бақыт кешкен балдырғанның ,

Жайраңдап, қырда ашылған қызыл гүлі.

 2- жүргізуші: Міне, көптен күткен сәтте келіп жетті. Олай болса «Әнші,биші балапан»  ән-би байқауын ашық деп жариялаймыз.

 1-жүргізуші: Құрметті өнер сүйер қауым, кішкентай көрермендер және ата-аналар, сіздердің алдарыңызға сынға түсетін өнерпаздарды шақыруға рұқсат етіңіздер.

     Қане өнерпаздарды қошеметтеп қарсы алайық.

 2- жүргізуші:   Біздің талантты бөбектерімізге әділ баға беретін, мейірімді әділ қазылармен таныс болайық.

 -  Бірінен-бірі өткен үміткерлерімізді бағалау қиынға соғады-ау деймін. Ендеше, таныс болыңыздар:

1.

2.

3.

Есепші:

1- жүргізуші: Байқаудың шарттарымен таныс болайық, вокаль номинациясы және би номинациясы бойынша  айналымда бүлдіршіндер өздері өнерлерін ортаға салады 

2- жүргізуші: Бүлдіршіндердің жанкүйерлері және де өнер сүйер қауым өнерпаздардың өнерін бірге тамашалап,қол соғып қолдап отырайық.

 1-жүргізуші:

 Шашу,шашу, шашайық

Ақ сандықты ашайық.

Бүгінгі күн, бұл тойдың ,

Бастаңғысын жасайық.

«Әнші,биші балапан» ән, би байқауын  бастаймыз.

Байқаудың алғашқы болып шымылдығын « Мереке » әнімен Нұрмұхамед пен Досымжан  ашады.

2- жүргізуші:

Бал-балалық балдырған шақ сан арман,

Барлық бала армандауға жаралған.

Алтын бесік ұлан-байтақ елімде.

Жарқын болсын шырқап айтар әсем ән – демекші келесі кезекті 3а сыныбының оқушысы Жанболат  Нұрәлиге береміз.Нұрәлидің орындауында «Қошақаным» әнін қабыл алыңыздар.

1-жүргізуші:

Құлақтан кіріп, бойды алар

Әсем ән мен тәтті күй

Көңілге түрлі ой салар

Әнді сүйсең менше сүй,-демекші Илимов Абзалды «Шұбар лақ» атты әнімен ортаға шақырамыз

2- жүргізуші:

Қазақта жоқ бір ауыз ән салмаған,

Қай қазақта әншісін қарсы алмаған.

Қосжанұлы Әлихан ән шырқаса,

Жан барма екен қызығып тамсанбаған. Әлиханның орындауында «Сенің анаң алтын»  әнін қабыл алыңыздар

1- жүргізуші:

«Көбелек» деп ән салған,

Тыңдаған жұрт тамсанған.

Шығады  қазір  ортаға

2ә сыныбынан әнші жігіт Данил

2- жүргізуші:

Біз көңілді ұланбыз,

Ән шырқаймыз сайраңдап.

Бақытты елде туғанбыз,

Жаз гүліндей жайраңдап-

 деп ,сахнаға өнерлі жігіт 2ә сыныбының оқушысы Имранды «Аппақ,аппақ точқанлар»  әнімен шақырамыз.

 1- жүргізуші:

Мың бұрала билейді,

Әнді де шырқай салады.

Кім болады екен бұл ару-

деп халқым бізге қарады,

Нұрланып тұр жанары.

Әрине, бұл біздің   4 сынып аруы Айым атты қызымыз  болады.

              Айымның орындауында   Әдемі-ай биі.          

2-жүргізуші

Әннің әсері де әр қилы. Тәтті әуеннің әрбір ырғағында ұялаған терең мәнімен адамның ұйықтап жатқан жүрегін оятады. Оятады да оның жан дүниесін, әр түрлі күйге келтіреді. Зауқын сергітеді, мұңға бөлейді, бұғып жатқан дертін қозғайды. Адам көңілін жас баладай әлдилеп оятады. Ендеше келесі кезекті «Аққу»биін орындайтын 2а сынып қыздарына береміз.

2- жүргізуші:

Балғын тәтті бөбектер,

Ата-анаң сені суреттер.

Мың бұралған, билерің

Көрген жанды елітер-деп

 Ортаға 3а сыныбының аруларын әдемі билерімен ортаға шақырамыз.

1- жүргізуші:

Жабырқауды білмейміз,

Жалқаулықты сүймейміз.

Біз талантты жас ұлан,

Үлгі аламыз жақсыдан.

Біз әрі қарай жалғастырамыз, сайысқа түсетін кім екен? Келесі өнерпазымызға сәттілік  тілеп, сахнаға шақырайық.

4ә сыныбының өнерпазын «Үнді» биімен сахнаға шақырамыз

2-жүргізуші:

Би десе барын салатын,
Құмары содан қанатын.
Биле, кәне, достарым,
Кезекті сізге жолдадым - деп келесі кезекті 4а сынып оқушысы Меруерттің орындауында «Үнді» биіне береміз

1- жүргізуші:
Уа, халайық, халайық,
Мұнда назар салайық.
Ата жолын жалғамақ,
Ел дәстүрін сақтамақ
Ел намысын қорғамақ,
Сарбаздар шықсын ортаға,
Бүгін биші атанбақ – деп ортаға 2 а сыныбының ұлдарын шақырамыз.

 1-жүргізуші

Сән - салтанат жасайық,
Күй сандықты ашайық.
 Бұл мереке, бұл тойға,
Бимен шашу шашайық – деп 3ә сыныбының орындауындағы «Ұйғыр» биіне кезек береміз

2-жүргізуші:

Уа, жараңдар, жараңдар.
Бәрің бермен қараңдар.
Бишілер келіп қалыпты,
Бір сәт зейін салыңдар - деп келесі кезегімізді  4ә сынып орындауындағы «Ұйғыр»биіне береміз. Қошеметтеп қарсы алайық!

1- жүргізуші:

Өнерлі жігіт ол біздің,

Өнері бойда тасыған.

1ә -сынып оқитын  

Нұралымның өнерін   

Қарсы алайық асыға.

   Нұралымның орындауында «Ұйғыр» биін қабыл алыңыздар.                                                            

1-жүргізуші:

Билер,билер ұш әуемде,

Ұш көгімде,күллі әлем

Көктем келсе гүл боп елге

Мен де бірге түрленем-демекші 2 сынып оқушысы Маликаның орындауында «Ұйғыр» биі

 2-жүргізуші:

Кімдер биші, кім күшті,

Өнеріне қарайық.

Әділ қазы алқасы ,

Таланттарды табайық.

  Ендігі кезекті Әділ қазылар алқасына береміз

 1- жүргізуші:

Бойларыңда от бар екен байқадым,

Жүректерде шоқ бар екен байқадым.

Әрқашанда осы шоқты өшірмей,

Жалындатып шарықтаңдар әрдайым.

2-жүргізуші:

 Бүлдіршіндер  ән-биді  дөңгелентті,

Көрерменнің  көңілі көкке  жетті.

Егерде сіздер рұқсат етсеңіздер

Шақырамыз шырқауға «Айгөлекті».

Х А Б А Р Л А Н Д Ы Р У

Құрметті өнер сүйер қауым, кішкентай көрермендер және ата-аналар! Сіздерді 5.02 күні сағат 17.00 де болатын

«Әнші,биші балапан!» атты

ән-би байқауын көруге шақырамыз.