Тәрбие сағаты: "Біздің Елбасы"

                                   Біздің Елбасы

Сабақтың тақырыбы: Біздің Елбасы

Сабақтың мақсаты: Жас ұрпаққа Елбасымыздың сан қырлы талант иесі, құдіретті тұлға екенін таныту, оқушылырдың ой- өрісін дамыту, өзіндік пікір қалыптастыру.

Көрнекілігі: Н.Ә.Назарбаев портреті, кітап көрмесі, нақыл сөздер, слайд, тірек сызбалар,еңбектері.

Еліміздің әнұраны орындалады.

Мұғалім сөзі:

- Балалар, біздің  бүгінгі тәрбие сағатымыз еліміздің тұңғыш Президенті Н. Назарбаевқа арнаймыз. Елбасының арғы ата тегімен таныса отырайық.

Шежіре

 

 Ой тастау.

Елбасымыз жайлы не білеміз? (оқушылар өз ойларын ортаға салады)

  Елбасы жайлы білімдерін толықтыру

                                                   

ҚР Президенті, Экономика ғылымдарының докторы, Халықаралық инженерлік академиясының академигі, Белоруссия Ғылым кадемиясының

 Құрметті мүшесі, Әбунасыр әл Фараби атындағы Қазақ  мемлекеттік ұлттық университетінің  Құрметті професоры, Ресей Федерациясы әлеуметтік ғылымдар Академиясының, ҚР Ғылыми академиясының академигі, М. В. Ломоносов атындағы Мәскеу мемлекеттік университетінің Құрметті професоры, Қазақстан халқы Ассамблеясының төрағасы, Қазақстан Қарулы Күштерінің Бас қолбасшысы Дүние жүзі қазақтары қауымдастығының төрағасы “Нұр Отан ” халықтық демократиялық партиясының төрағасы

Орталық Азия және Қазақстан Халықтар достығы қорының Құрметті төрағасы  Халықаралық Аралды құтқару қорының президенті,Ғасыр адамы,  Әнұранның авторы т.б 

                            «Жылдар сөйлейді» стратегиясы.

Оқушы.

1940 ж  7- шілде Н.Ә. Назарбаев дүниеге келеген

1958 жылы мектепті үздік бітіргеннен кейін Теміртау қаласына Қарағанды металлургия комбинатына жұмысқа тұрды.

1958-1960 жылдары Днепрдзержинск техникалық училчщесінде оқыған.

1962-1965 жылдары Қарағанды политехникалық институтында оқыған.

1969-1971 жылдарыТеміртау қалалық комсомол комитетінің бірінші хатшысы

1971- 1973 жылдары Теміртау қалалық партия комитетінің хатшысы.

1973-1977 жылдары Қарағанды металлургия комбинаты партия комитетінің хатшысы.

1977-1979 жылдары Қарағанды облыстық партия комитетінің хатшысы, екінші хатшысы болып қызметтер атқарған.

1984-1989 жылдары ҚКСР Министрлер Кеңесінің төрағасы қызметін атқарған.

1989 жылы Қазақстан КП бірінші хатшысы болып ел басқару ісін бастады.

1990 жылы 24- сәуірде ҚКСР –інің Жоғарғы Кеңесі Н. Ә. Назарбаевты Президент етіп сайлады.

  Ән. «Үш қоңыр»

Елбасының өзекжарды ойлары

Оқушылар .

     «Бұл дүниеде біздің бір ғана Отанымыз бар, ол –тәуелсіз Қазақстан»

«Салтанаты жарасқан қаласы бар, байтағы ұшан-теңіз даласы бар, аруақ қолдаған бабасы бар ел екендігімізді мақтан етейік.

« Ел болу үшін ұлттық рух, ұлттық қасиет және ұлтқа деген сенім болуы керек.»

«Біз бүгінгі бейбіт тірлігіміз үшін Қазақстан деп аталатын республиканың жер бетінде барлығы үшін тарихтың әр тұсында осы елді, осы жерді қорғаған қайсар жандардың аруағының алдында қашанда қарыздармыз. »

«Ел көшін бастау –маған сын, мені қостау-елге сын.»

  “Еліңнің ұлы болсаң, еліңе жаның ашыса, азаматтық намысың болса, қазақтың ұлттық жалғыз мемлекетінің нығайып- көркеюі жолында жан теріңді сығып жүріп еңбек ет. Жердің де, елдің иесі өзің екеніңді ұмытпа!”

Н.Ә. Назарбаев

Н.Ә. Назарбаев –бірқатар ғылыми кітаптардың, әлеуметтік-экономикалық даму проблемалары мен қоғамдық –саяси еңбектердің авторы. Ал енді Президентіміздің еңбектерімен тансы болыңыздар.

Н.Ә. Назарбаев еңбектері

«Қазақстанның егеменді мемлекет ретіндегі қалыптасуы мен дамуының стратегиясы ». Алматы, 1992

«Қазақстанның болашағы –қоғамның идеялық бірлігінде». Алматы, 1993

«Ғасырлар тоғысында» Алматы, 1996

«Тарих толқынында» Алматы, 1999

«Бейбітшілік кіндігі» Астана,2001

«Сындарлы он жыл » А. Атамұра, 2011

«Тәуелсіздік белестері»А. Атамұра 2003

«Еуразия жүрегінде». Астана 2005

«Қазақстан – 2030 » Алматы, 1997

Елбасына арнап айтқан лебіздер:

Д.Медведев, РФ Президенті:

    “Мен Сізге алғыс білдіремін. Маған көрсеткен бүгінгі қошеметтеріңіз біздің елдеріміз арасындағы айрықша сенімге негізделген қарым – қатынастардың дәлелі болып табылады. Біздің халықтарымыз ғасырлар бойы бірге өмір сүрді. Соғыс кезіндегі және тың игеру кезіндегі барлық қиындықтардытең көтерді. Достық түсіністік, сыйластық тіні-міне осында”

Ангела Меркель, ГФР Канцлері:

    “Жауапты міндеттерді одан әрі атқаруыңызда Сізге зор табыстар мен сәттілік тілеймін. Экономикалық, қоғамдық және саяси реформаларды жүргізуде Қазақстан бұдан былай да Германия тарапынан болатын қолдауға сенім арта алатын болады. ”

Хосни Мубарак, Египет Президенті:

    “Қазақстан халықының игілігі жолында мемлекеттік қызметіңізде Сізге табыстар тілеймін, сондай-ақ екіжақты қатынастардың одан әрі дамуына сенім білдіремін.”

Марк Перен де Бришамбо, ЕҚЫҰ-ның хатшысы:

“ҚР Президенті Орталық Азияда тұрақтылық орнатуда аса маңызды рөлге ие және жаһандық қауіпсіздікті нығайту ісіне айрықша үлес қосты. Оның салиқалы саясатының нәтижесінде Қазақстан әлем қауымдастығының құрметті мүшесі атанды. Бүгінде қазақстан өзгелерге үлгі”

Ли Мен Бак, Корея Президенті:

   “Корея Қазақстанмен кең ауқымды ынтымақтастықты кеңейтуге әзір. Қазақстан Орталық Азиядағы Назарбаевты мен әлемдік деңгейдегі көшбасшы деп білемін. Оның басшылығымен Қазақстан дамудың қайран қаларлық биігіне көтерілді.  ”

Білгенге маржан...

1.     Қай елде Елбасымызға ескерткіш орнатылды?

2.     “Ұлт көшбасшысы” туралы заң қай кезде қабылданды?

3.     “Қазақстанның аты аңызға айналған” кітабының авторы кім?

4.     Елбасы Н. Назарбаев туралы қандай деректі фильмдер түсірілді?

5.     Елбасының анасынан кейінгі тілеулес, тілеуқор ең жақын адамдардың бірі кім?

«Біз не білдік?» топтастыру әдісі бойынша

Н.Ә.Назарбаев кім?     

Оқушы жауабы:

ҚР Президенті, әнұран авторы, ұлтжанды,өнер иесі, көреген саясаткер, ақын, жазушы, Қарулы Күштердің Бас Қолбасшысы т.б

 Қорытынды.

    -Балалар, бүгінде еңсесі биік іргелі елге айналып отырған егеменді Қазақстанның тарихында елеулі кезеңдер көп болды. Тәуелсіздік алғаннан кейінгі тарихымызға көз жіберсек, жақсылықтарымыз бен жаңалықтарымыз өте көп. Ең бастысы, Қазақстан қарыштап дамып келеді.

     Ал, асқақтаған Астана келбеті еліміздің өркендеуінің айғағы. Мұның бәрі елдің ауыр жүгін арқалаған сенімді де алғыр басшы  Н.Ә.Назарбаевтың көрегендігі мен қырағылығының арқасы.

     Мемлекетіміздегі жоғарғы лауазым президенттік қызмет-елдің, халықтың үміті мен сенімін, бабалар аманатын арқалаған ең жауапты, ең қиын міндет. Бұл қызметті Отаны мен халқын  шын сүйетін, ұлттық тілі, тарихы, мәдениетін құрметтейтін, елі үшін отқа түсетін нағыз азамат, патриот қана атқара алады.