Тәрбие сағаты "Мың бір мақал"

Мекен-жайы: БҚО Теректі ауданы

                          Подстепное ауылы

                          Подстепный № 1ЖОББМ

                         Түзете дамыта оқыту сыныбының оқытушысы 

                         Уразова Альфия Сатхановна

Тақырыбы:                           Мың бір мақал, жүз бір жұмбақ

Мақсаты: 1) Оқушылардың ана тіліне деген сүйіспеншілігін арттыру, өз тілін дұрыс меңгеріп, таза сөйлей білуге, ана тілін қастерлеуге үйрету;
2) ой белсенділігін, сөздік қорын молайту;
3) Шапшаңдыққа, алғырлыққа, адамгершілікке тәрбиелеу;

Барысы:

Жүргізуші: Құрметті ұстаздар, оқушылар 22-қыркүйек Қазақстан Республикасы халықтарының тілдер мерекесі екені баршамызға белгілі.    Бүгін өтетін «Мың бір мақал, жүз бір жұмбақ» сайысы сол мейрамды құрметтеу мақсатында өтеді.

Тілден асқан асқар жоқ,

Тілден асқан байлық жоқ,

Тілден асқан теңіз жоқ,- дей келе ортаға өз өлеңдерімен оқушыларды ортаға шақырамыз! (Осы жерде оқушылар тіл туралы жаттауларын айтады)
Ойынды бастамас бұрын сіздерді осы сайысққа әділ баға беретін, әр айналымның есебін шығарып қорытындысын айтатын қазылармен таныстырып өтейін.

Бағалау жүйесі:   «5», «4», «3» балл

1-топ сайыскерлері :     Кенжебек 4-сынып, Шыңғыс  3-сынып,  Мадина 2-сынып

1І-топ сайыскелері :       Дилназ      4-сынып, Әлішер    3-сынып,  Арсен    2-сынып
(I айналым 2 тапсырмадан тұрады. 1 тапсырмада әр мақалшы өздері дайындап келген мақалдарын айтады. 2 –тапсырмада мақалдың алғашқы жолын жүргізуші оқиды, ал ойыншы жалғастырады.Жалғастыра алмаса көрермен жалғастырады.)
I айналым
1тапсырма. Дайындап келген мақалдарын айту.

1-ші топтың мақалдарын тыңдаймыз

«Кітап – білім бұлағы.», «Жақсы сөз-  жарым ырыс», «Ас атасы –нан»,

2-ші топтың мақалдарын тыңдаймыз

  «Жақсы дос үшін жан пида»

  «Ақыл  базарда сатылмайды.»

   «Білім –елге, су – жерге»,

   «Ексең егін, ішерсің тегін»               
 2-тапсырма. Мақалды жалғастыру.   (жалғастыра алмаса көрермен жалғастырады.)

1-топқа
1. Қарты бар үйдің  ---    ...........  

                                                            (қазынасы бар).

2. Өнер алды   .......                           (қызыл тіл).

3. Күлме досқа ,    ......                      ( келер басқа)

4. Тіл тас жарады, ......                      (тас жармасада бас жарады).

2-топқа  

5.  Отан үшін отқа түс , ........           (күймейсің ).

6. Шешеннің тілі ортақ,.........          (Шебердің қолы ортақ).

7. Ұрлық түбі  .....                               (қорлық)

8.Ақыл жастан шығар  .....                (Асыл тастан шығар)

II айналым
Жұмбақ шешу сайысы. Бұл сайыс 2 тапсырмадан тұрады.
1-тапсырма.Әр топқа көрермендер  дайындап келген жұмбақтарын айтады.

 1-ші топтың жұмбақтарын тыңдаймыз

  Құрмет :            Домаланып өседі, желмен бірге көшеді            (қаңбақ)

    Диана:            Қабат –қабат қаттама,Ақылың болса аттама. (кітап)

  2-ші топтың   жұмбақтарын тыңдаймыз

    Алан:            Табаныма байладым,қос таяқпен айдадым                 (шаңғы)

   Карим :        Сырт-сырт соғады,уақыт озады                    ( сағат)

2- тапсырма. Жүргізуші жұмбақ айтады, шешуін табады. Шеше алмаса, көрермендер шешеді.

1-топқа
Үнемі ауызда бұлтындайды,

Бірақ жұтылмайды.  (Тіл)

Бетін адам ашады,
Білім нұрын шашады.   (Кітап)

Оқушыға күнде еріп,

Жүретін не?    (Күнделік)

2-топқа

Білімнің дәнін тереді,

Балаға тәлім береді.   (Ұстаз)

Төрт қырлы, өзі аппақ,

Тақтадағы ізі аппақ.   (Бор)

Тілі жоқ өзінде,

Сөзі бар ізінде.   (Қаламсап)

III айналым
1-топ  жұмбақтың шешуін табады, ал екінші топ  жұмбақтың шешуіне байланысты мақал айтады.

1-топқа
Бойлаған сайын тереңге,

Шығасың биік белеңге. (Оқу)

                                                      Мақал .                  Оқу-инемен құдық казғандай.

Сөзі дана, үні жоқ,
Сөйлемейді тілі жоқ.
Қолыңа алсаң- шешен,
Ақылы асқан көсем.     ( Кітап)

                                                   Мақал

                                                                                          Кітап- білім бұлағы,
                                                                                         Білім- өмір шырағы.

2-топқа

Тілден ұшып,

Құлаққа қонады. (Сөз)

                                             Мақал

                                                                                                Көп сөз- күміс,

                                                                                               Аз сөз-алтын.

Таудан биік,

Теңізден терең. (Ақыл)

                                                      Мақал

                                                                                              Ақыл жастан шығар,

                                                                                           Асыл тастан шығар

ІV-айналым

Ребус  немесе  суретті жұмбақтар  шешу. Екі топ бір-біріне суретті қимыл іс- әрекет  арқылы жасырады,келесі топ шешуін табады.

Құрметті оқушылар, ұстаздар   қатысқандарыңызға рахмет!

Ана тілі азбасын

Атамекен тозбасын!-дей, келе аспанымыз ашық, еліміз тыныш, ана тіліміздің , салт-дәстүріміздің тамырын тереңге жаятын салауатты, тәрбиелі, өнегелі ұрпақтарымыз аман болсын!

Туған тілде сыры терең жаным бар,

Туған тілде әнім менен сәнім бар

Туған тілім тіл болудан қалса егер

Жүрегімді суырып – ақ алыңдар! – өлең жолдарымен бүгінгі тіл апталығына арналған «Мың бір мақал, жүз бір жұмбақ атты» сайысымызды аяқтаймыз!