Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Начальные классы / Конспекты / Тәрбие сағаты " Қош бол, сүйікті Әліппе! " ( 1 - сынып )

Тәрбие сағаты " Қош бол, сүйікті Әліппе! " ( 1 - сынып )

  • Начальные классы

Поделитесь материалом с коллегами:

Тақырыбы: Қош бол, сүйікті Әліппе!

Мақсаты:

1. Білімнің бастауы болған «Әліппеден» үйренгендерін тиянақтау. Өнерлерін тамашалау. Білімдерінің артып, сөз байлығының молайып, саналарының өскендерін көрсету;

2. Әр оқушының іс-әрекеттері арқылы икемділігін, қабілеттерін көрсету, шығармашылық мүмкіндіктерін ашу;

3. Отанын, мектебін, ұстаздарын, ата-аналарын құрметтеуге тәрбиелеу.

Көрнекілігі: Слайд, шарлар, «Ана тілі», «Әліппе» оқулықтарының макеті, суреттер, қима қағаздар.

Барысы:

Мұғалім: Армысыздар құрметті қонақтар, ұстаздар, ата-аналар, әліппе бітіруші шәкірттер! Бүгінгі «Қош бол, сүйікті Әліппе!» тойымыз құтты болсын!

Әліппемен қош айтысып қаламыз,

Енді қолға басқа кітап аламыз.

Ата-ана қуанышқа ортақ бол,

Сауатты болып шықты міне балаңыз.

Балалар, алғашқы әліппені жазған кім? (Ыбырай Алтынсарин)

1-оқушы: Жырын жаттап жазамыз,

Жалықпастан қыс-жазы.

Ұлы Ыбрай Алтынсарин атамыз.

Ұстаздардың ұстазы.

2-оқушы: Ұран тастап көп елге:

«Кел,балалар, оқылық!»

Деген сөзін көңілге

«Ықыласпен тоқыдық».

3-оқушы: Оқығаннан кезінде,-

Озған алғаш сол екен!

Әліппенің өзін де,

Жазған алғаш сол екен.

4-оқушы: Бұларды да мектепте,

Білдік алғаш оқып біз!

Ұлы болып кетсек те,

Ұлы ұстазға шәкіртпіз! Жарасқан Әбдірашев.

Мұғалім: Бар білімнің бастауы,

Бар ғалымның бастауы.

Жас балаға тіл ашқан,

Қандай кітап тіл ашқан ? (Әліппе)

Қымбатты балалар, «Әліппе» досымызды ортаға шақырайық.

Әліппе: Армасыздар, жас достар,

Армасыздар, ата-аналар

Болащаққа жол бастар,

Әліппе келді ортаға.

Білім деген ғажаптың,

Әліппесін меңгерген.

Келешегі қазақтың,

Басталады сендерден.

Мұғалім:

Қымбатты Әліппе! Біз сізге рақметімізді айта отырып, сізден алған білімізді көрсетіп, өнерімізді ортаға салайық.Төрге шығыңыз! Өнерімізді бірге тамашалаңыз!

5-оқушы: Әліппе деген алтын жол,

Апарар сені алысқа.

Жеңіл емес, ауыр жол,

Тырмысып бақ, намысқа.

6-оқушы: Оқуды көп ойлардың,

Қызығына тоймадың.

Әріптерді үйреніп,

Сауат ашып, тойладың.

7-оқушы: Әліппе, менің әліппем,

Сені қолға алып мен.

Есігін аштым білімнің,

Ертенгі сәуле жарықпен.

8-оқушы: Ашыла берді алдымнан,

Кең дүние есігі.

Соғылған сомдар алтыннан,

Әліппе-білім бесігі.

9-оқушы: Үйретті бізді әліппе,

42 дербез әріпке.

Сөз, сөйлем құрып әріппен,

Лайық болдық дәріпке.

10-оқушы: Қош бол, құтты Әліппем,

Көп нәрсені үйреттің.

Таныстырып әріппен,

Тақылдатып сөйлеттің.

«Әліппе» әні орындалады.

11-оқушы: Келгенінде алдыңа,

Қызыл арай гүл алып.

Жақын тарттың жаныңа,

Шәқіртім деп қуанып.

12-оқушы: Сипадың да басымнан,

Әліппені ұсындың.

Бақыттымның осыдан,

Басталғанын түсіндім.

13-оқушы: Ең алғаш алғанымда әліппені,

Қызығып қарай бердім әріптерді.

Мен үшін жұмбақ болып қалар еді,

Ұстазым оның келтін алып берді.

«Мұғалім ол біздің» әні орындалады.

14-оқушы: Бар кітапқа бас болған,

Әліппе-ғылым анасы,

Әліппеден басталған,

Даналықтың данасы.

15-оқушы: Мектебің мынау, класын,

Осында он бір жыл тұрасың.

Тарыдай болып кіресің,

Таудай болып шығасың.

16-оқушы: Арта берді кітапқа,

Бойымдағы қуатым.

Бірге жүрген қасымда,

Кітап болды сыңарым.

17-оқушы: Енді біз жаза білеміз,

Әріпті қосып әріпке.

Риза боп саған жүреміз,

Сүйікті біздің Әліппе

18-оқушы: Өтті оқу, сан сабақ,

Бүгін үлкен салтанат.

Әріптермен таныстық.

Әліппемен қоштастық.

19-оқушы: Әліппем, біздің Әліппем,

Алдық сенен балдың дәмін.

Әріп танып, білім алып,

Рахметімізді жаудырамыз.

Оқушылар қосыла: Өсті білім, бойымыз,

Құтты болсын тойымыз!

«Отан» әні орындалады.

Мұғалім: Қазақ алфавитінде неше әріп бар? (42)

Неше дауысты дыбыстар бар? (15)

Неше дауыссыз дыбыстар бар? (25)

Дыбысы жоқ неше әріп бар? (2)

20-оқушы: Алфавиттің

А тұрады басында.

Әрқашан да Ә тұрады қасында.

Байкадың ба?

Б тұрады үшінші

Ал осының

Сыры неде?

Түсінші:

21-оқушы: А деген ол-аналар ғой ардақты,

Ә деген ол-әкелер ғой салмақты.

Б деген ол-балалар ғой әдемі,

Біздің елде үшеүі де кәделі.

22-оқушы: Алшақ кетпей...

Сондықтан да, расында,

Тұрады олар

Алфавиттің басында.

Мұғалім: Әріпсіз сөз болмайды,

Буын онсыз толмайды.

Адам барлық әріпті,

Ардақтайды, қолдайды.

Ал, балалар енді алфавитті жатқа айтып беріңдер.

А, ә, бе, ве, ге, ға, де, е, йо, же, зе, и, қысқа й, ка, қа, ле, ме, не, ың, о, ө, пе, ыр, се, те, у, ұ, ү, эф, хе, һе, це, че, ше, ща, айыру белгісі, ы, і, жіңішкелік белгісі, э, ю, я.

Мұғалім: Міне, енді үлкен болдын

Жасын толды жетіге

Жаза білесін бәрін де,

Қолға алсан қаламсап.

Балалар, тақтаға сөздер жазамыз.

Отан, Астана, Ауыл, Ата, Апа, Әке, Ана, Мектеп.

Мұғалім: Жаза білесін бәрін де,

Қолға алсан қаламсап.

Зулатып та берсін,

Әліппені ала сап.

Оқушылар «Санамақ» өлеңді оқиды. «Әліппе» оқулығы 121 бет.

«Бала тілегі» әні орындалады.

Мұғалім: Балалар қандай мереке жақындап қалды? (Жаңа жыл)

Бүгін біздің тойымызға шырша, Аяз Ата мен Ақшақар да келіп қалды.

Балалар шыршада не жетпейді? (Ойыншықтар)

Қазір шыршаны ойыншықтармен безендіреміз. Ойыншықтарда әріптер жазылу. Сол әріптерден басталатын сөздерді айтыңдар. (А, ә, ө, қ, с, б, м, ж.)

Мұғалім: Балалар, Аяз Ата мен Ақшақар да сендерге тапсырмалар дайындап қойды.

Аяз Ата: Мақалды аяқта.

1. Тұған жердей жер болмас,

Тұған елдей ел болмас.

2. Оқу-білім бұлағы,

Білім-өмір шырағы.

3. Ғылым таппай мақтанба,

Орын таппай баптамба.

4. Еңбеқ етсең ерінбей

Тояды қарның тілінбей.

5. Білекті бірді шығар,

Білімді мыңды жығар.

Ақшақар: Жұмбақты шеш.

1. Жазу жазып жалықпаған,

Жаза-жаза арықтаған. (Бор)

2. Алтын қырлы,

Алты сырлы. (Қарындаш)

3. Қабат-қабат қаттама,

Ақылың болса, аттама. (Кітап)

4. Үйреткен ілімді,

Қырық екі білімді. (Алфавит)

5. Өшірді, сүртті,

Өзгені құртты,

Өзін де құртты. (Өшіргіш)

Мұғалім: Аяз ата мен Ақшақардың тапсырмаларың орындадыңдар.

Олар сендерге риза. (Сыйлықтар беру) Ал еңді Аяз атаға, Ақшақарға «Жаңа жыл» әнін орындайық.

«Жаңа жыл» әні орындалады.

Мұғалім: Онерсіздіқ бас айып,

Ән мен күйге басайық.

Арасында тағы бір,

Жаңа ойын ашайық.

Қазір екі топқа бөлініп,тек қана дауысты дыбыстарды «әріптерді» тереміз.

Дауыстылар нешеу? (15)

(Сыйлықтар беру)

Мұғалім: Балалар, сендерді келесі оқитын оқұлығымен таныстырайын. Ол «Ана тілі». «Ана тілі» қонағымызды төрге шақырамыз.

Ана тілі: Сәлеметсіңдер ме, балалар?

Осыдан былай мені оқып,

Менен білім аласыңдар

Ана тілің-арың бұл,

Ұятың боп тұр бетте.

Өзге тілдің бәрін біл

Өз тіліңді құрметте!

Енді бірінен бастап

Дос болайық, балалар!

Мұғалім: Төрге шығыңыз, Ана тілі. Сыйлы қонағымыз болыңыз!

Мұғалім: Келіңдер, келіңдер.

Көріністі көріңдер

Сіздердің назарларыңызға «Әке мен бала» көрінісі. Тамашалаңыз!

Мұғалім: Ал енді салтанатты рәсімі куәліктерді ұсыну. Әліппе куәліктерді тапсырады.

Мұғалім: Ал енді, біздің ұлдарымыз қыздарды құттықтай отырып, «Жігіттер биін» орындайды. Тамашалаңыздар!

Мұғалім: Біздің әдемі қыздарымыз да текке отырған жоқ, оларда би дайындап ты. Бидің аты «Аққулар». Қарсы алыңыздар!

Мұғалім: Әліппені бітірдіңдер,шәкірттерім,

Ары қарай өсе берсін білімдерің.

Оқығандарың әрқашанда есте болсын,

Күнделіктерің тек қаша беске толсын.

Осымен бүрінгі мерекеміз аяқталды,

Сөз кезегін енді қонақтар алды.



Автор
Дата добавления 09.03.2016
Раздел Начальные классы
Подраздел Конспекты
Просмотров81
Номер материала ДВ-510861
Получить свидетельство о публикации

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх