Тәрбие сағаты "Шуағын шашқан аялы алақан" (3 сынып)

Тақырыбы: Ана- өмірдің шуағы

Мақсаты: жеке қабілеттерімен таланттарын дамыту, адамгершілікке, ізгілікке, достықты қастерлей білуге тәрбиелеу.Анаға деген сүйіспеншілік сезімдерін арттыру, Ананы құрметтеу, сыйлай білуге, оқушылар бойындағы 
Көңілді әуенмен балалар шығып, жарты шеңбер болып тұрады.

1 бала: Жігіттер мында не болып жатыр?

2 бала: Неге ата-аналар жиналды екен?
3 бала: Бүгін не мереке ме?
4 бала: Әрине, Аналар мерекесі ғой, қыздар қайда? 
5 бала: Ой, қыздарды қайтесіндер, Олардың бәрі бұзық қой. 
6 бала: Қыздар бұзық емес, олар ерке. 
7 бала: Қыздар бізге керек. 
8 бала: Онда қыздарымыз қайда екен? 
9 бала: Қыздарымыз сәнденіп жатқан шығар. 
10 бала: Онда қыздарымызды шапалақтап ортаға шақырайық. 

(Қыздарды жігіттер ортаға алып келіп, орындарына отырғызады.)

Жүргізуші: Біз ғана емес, қадір тұтқан бабалар
Аналардан туған небір даналар,
Ана деген тіршіліктің тірегі,
Армысыздар, қасиетті аналар!
Қош, келдіңіздер! Аяулы аналар, қызғалдақ қыздар, қадірлі ұстаздар! Көңілдеріңізге көктем шуа-ғындай сезім мен нұр құйып, 8- наурыз Халықаралық әйелдер мерекесі де келіп жетті. Осынау көркем мерекенің қай кезде де орны бөлек. Олай болатыны, аналарға ыстық сезім, алғыс пен құрмет ешқашан сөнбек емес. Олар-өмірдің гүлі, көңілдің ажары, әр отбасының алтын діңгегі. Мынау тынымсыз тіршілік пен кең дүниенің өзі тек аналар мен ажарлы таңмен бірге әрбір сәби жүрегі өзің деп соқса, бүгінгі «Ана- өмір шуағы»- атты ертеңгілігіміз сіздерге ар-налады.
Енді балаларымыздың өнерін тамашалаңыздар.

Жүргізуші: Әйел-Ана, Әйел-Өмір, Әйел-тіршілікөзі. Өмір бесігін тербетіп, адамзат баласына ұрпақ сыйлар ұлы құдірет иесінің есімі әрқашанда қастерлі, сөзі-өсиет, тұғыры биік. Алтын құрсағынан адамзаттың алабы жаратылған асыл ананыңжүрегі үлкен, жүзі мейірімді, қолы қайырымды. Көңіл шуағына мейірім төгілгенаяулы жанның өмірден алар несібе жемісі-алтын босағасы мен сүйкімді перзентіболар. «Анаңды Меккеге үш рет арқалап апарсаңда қарызыңнан құтылаалмайсың» деген ұлы ғұламалардың сөзібар. Шынымен солай. Адамзат жүріпөткен небір ауыр жол, алмағайып заманнан ұрпағын аман-есен бүгінгі күнгежеткізген әйел-ана құдіретін жырмен өрнектеп, әнмен әлпештеп, сөзбен айтыптауысу мүмкін емес. Ана-болашақтың демеушісі,ұлттың жебеушісі,сәбилердіңбақыты.

Ән: «Анашым ана жаным» орындайтын Жолмырзаев Амирбек

Жүргізуші.

Табаны жерге тимейді

Біздің балалар ғажап билейді,

Би сұлулық ,әсемдік

Сымбаттылық бұл дейді – ендігі кезекті биге берейік.

Би: «Джентльмен»

Жүргізуші: Ана - тіршіліктің гүлі, отбасының берекесі, бүкіл адамзаттың тәрбиешісі. Өмірде анаға де-ген сағыныш, оның ыстық мейірімге толы жылы құшағын аңсамайтын адам бола қоймас сірә. Күннің шуақты сәулесіндей ыстық ана жүрегі, одан туындайтын ананың махаббаты әр перзент үшін қымбат. Сондықтан баршамыз ана атына кір келтірмей, оларды әр уақытта ардақ тұтып, құр-меттеуміз қажет..
Ана деген асыл жандар болаттай,
Ана деген- мөлдір жандар бұлақтай.
О,адамдар, қадірлей біл ананы,
Жат қылыққа ақыл- ойды тонатпай.

Ән: «Анашым»  орындайтын Зейнеғали Достан.

Жүргізуші: Адам бар ма ана сүтін татпаған,
Алуан-алуан ауыр сынды аттаған.
Адалдықты ар-намысты сақтаған,
Мен ананың сонысына мақтанам.
Ана ол біздің елде ардақты адам,
Кішісі де, үлкені де ардақтаған.
Өзінің аяулысы да Отанын да,
«Ана» деп біздің халық текке айтпаған, –деп кезекті әзілге береміз.

Жүргізуші: Ардақты анам, асыл анам, қымбаттым, 
Тәтті ұйқыңды талай бөліп үн қаттың
Әлпештедің, аяладың, өсірдің, 
Кең құшағың аясындай гүл бақтың.
Мен өзіңмен қайда жүрсең біргемін.
Күн нұрындай жадырайды бір күлгенің
Асыл сөзің жүрегімде жүр менің
Қандай бақыт ортамызда жүргенің.- дей келе ортада анасына арнаған өлең шумақтарымен Алмас Тамерланды қарсы аламыз.

Жүргізуші: Шалқып тасып әніміз,
Жадырасын жанымыз.
Аналарды құттықтап,
Би билейміз бәріміз.
Сүйікті аналар, қыздар, ұстаздар сіздерге арнап жігіттер би билейді.

Би: «Флешмоб» биі

Жүргізуші: Балалар,аналарын мерекеге барғанда қандай болады?

Балалар: -әдемі киінеді, боянады, шаштарын әсемдейді, т.б.

Жүргізуші: Мерекеңмен құттықтап, 
Қуанамыз құлпырып.
Анаға арнап ән салып, 
Берейік сыйлық ұсынып.
Қайтсек, ана, ақталады ақ сүтің?
Жатыр менің жүрегімде жақсы ісің.
Өмір бақи өтеп өтсем болғаны
Анашымның маған берген мол күшін.

Ән: «Алтын ана » орындайтын Қанағат Едіге

Жүргізуші: Аялы да, алтын нұрлы анашым.

Жүрегіммен мәңгі бірге боласың

Сен асқарсың, сен аспансың биіксің.

Сен дархансың, сен жомартсың, данасың - деп бүгінгі шағын ғана мерекелік ертеңгілігімізді аяқтаймыз. Отбастарыңыз аман болсын. Жүздеріңізден күлкі кетпесін. Келіп тамашалағандарыңызға көп-көп рахмет

№1 Хромтау орта мектебі

«Ана өмірдің шуағы»

Орындаған: Қазанғапова.Л.А.

Сыныбы: 3 А

2017 жыл