Сабақтың
тақырыбы: Ұстазым менің, ұстазым
Сабақтың мақсаты:
1. «Ұстаз» сөзінде қаншама мән-мағына, құдіретті күш,қасиетті ұғым бар
екенін оқушыларға түсіндіру.
2.Оқушылардың
ой-өрісін, білімін дамыту.
3.Ұстаздарды
сыйлауға, қадірлеп құрмет тұтуға тәрбиелеу.
Көрнекілігі:
суреттер,нақыл сөздер, сызба, мақал-мәтелдер
Сабақтың барысы:
І.Ұйымдастыру
кезеңі.
Ұстаз! Осы бір
сөзде қаншама мән-мағына, құдіретті күш, қасиетті ұғым жатыр. Ұстаз алдынан
өтпейтін ешкім жоқ. «Жақсы ұстаз-мектептің жүрегі»- деген Ыбырай атамыз.
Жүрексіз өмір болмаса, мұғалімсіз білімнің, тәрбиенің іске аспайтыны анық.
Өмірдегі қоғам қайраткерлері, небір данышпан адамдар , қарапайым еңбеккерлер,
тіпті арман қуған жеткіншектер, бәрі бір адамға қарыздар. Ол-ұстаз. Ұстазсыз
өмірдің тұтқасын ұстау мүмкін емес. Адамды тәрбиелеп, оны азамат етіп
аттандырудың өзі бір үлкен күш.Сондықтан да ұстаздың еңбегі-ұлы еңбек.
1-оқушы:
Асыл
ұстаз- мектеп жүрегі,
Шуақ шашар реңі.
Ұстаз деген- ұлы тұлға есімді,
Біз үшін өмір сүреді.
2-оқушы:
Терең
зерттеу ісімен,
Жүреді
ұстаз үнемі.
Ұшқыр
білім үшін өмір сүреді,
Терең-терең мейірімді ісімен.
3-оқушы:
Ұстаз- мектеп жүрегі,
Ұстаз-мектеп тірегі.
Күндіз де ол, түнде де,
Тілейді бала тілегін.
Ұстаздық- қызық
та, бейнеті көп мамандық. Ұстаз оқушыларды білсем, үйренсем, көрсем деген
ұмтылысқа тәрбиелейді. Ұстаз деген есім-аз уақытын аямаған, өзгенің бағытын
аялаған, шәкірттеріне үйретуге жалықпаған еңбекқор жанды ойға оралтады.
Ұлы адам
Мейірімді
Дана
Ақылшы
Дара
Білімді
Ұстаз-ізілікке жол
сілтеуші. Ұстаздың негізгі мақсаты-оқушыға терең білім беріп, жан-жақты
тәрбиелеп санасын жетілдіру болса, шәкірттің міндеті- жақсы оқып, тәрбиелі де
тәртіпті оқушы болу.
Ұстаз- барлық
жаңалық тардан құлағдар,оны оқушыларға жеткізіп түсіндіруші.
Ұстаз
болу-жүректің батырлығы,
Ұстаз болу-
сезімнің ақындығы.
Ұстаз болу-
мінездің күн шуағы,
Азбайтұғын адамның
алтындығы.
Б.Момышұлының «Ұстаздық-ұлы құрмет, себебі, ұрпақтарды ұстаз тәрбиелейді.
Болашақтың басшысын да, данасын да, ғалымын да, еңбекқор егіншісін де, кеншісін
де ұстаз өсіреді» деген сөзінен-ақ көп нәрсені аңғаруға болады.
О, ұстаздар, басымды
ием сіздерге,
Күллі әлемнің
мұғалімдер күнінде.
Жүрегімнің
лүпілінен шыққан сөз,
Сая тапсын, ұлы
ұстаздың жүрегінің түбінде.
«Ұстаз-ұлылық,
шәкірт -мәңгілік». Ғылым иесі-ғалым да, ел қорғаған ақын да, тегеуріні темір
балқытқан жұмысшы да, егін салған егінші де, мал бағып, терін төккен шопан да,
көк күмбезінен ары өткен ғарышкер де, бәрі-бәрі ұстаздан білім-тәрбие алатыны
ақиқат.
«Ұстаз болу-өз уақытын аямау, өзгенің бақытын аялау»,
«Ұстазға қарап шәкірт өседі»
«Аспаз көрген ат таныр, ұстаз көрген хат таныр»
«Ұстазыңды ұлы әкеңдей сыйла»
«Ұстазы жақсының-ұстамы жақсы»
1-оқушы: Әр сабағың өтіп жатыр
білінбей,
Перне басқан оркестрдің үніндей
Әр баланың жүрегіне жол тауып,
Тұрасың сен, дирижер боп күлімдей.
Әр сабаққа кіресің сен сыйынып,
Жыр оқисың нөсер болып құйылып
Қас-қабағын қалт жібермей шәкірттің,
Қарайсың-ау нұр жүзіне сүйсініп
Жалын атып, от боп, бірге жанасың,
Білім беріп, содан бақыт табасың
Бар өмірің өрнектеліп баламен,
Жасарып бір мәңгі жас боп қаласың.
2-оқушы: Мұғалімді
анамдай жақсы көрем,
Қиналамын қымбат теңеу таба алмай
Өз баласын тастап кетіп үйіне,
Ел баласын оқытады, ой Алла-ай.
Мұғалімді жақсы көрем сезімтал,
Үлгі етемін өнегелі сөзін бал
Мұғалімнің мұғалімін танимын,
Көкіректе көретұғын көзім бар.
3-оқушы: Ұстаздарға
мың алғыс
Алғыстарым көп менің,
Асыл анам, мектебім!
Үйреткені адалдық,
Ұсынғаны адамдық,
Текті мінез, даналық
Бар ұстазға тілейміз:
Бақыт, табыс, амандық!
4-оқушы: Мұғалім-ұстазысың
балалардың,
Болашақ ғалымдардың, даналардың
Өмірде сенің алар орыныңды
Бәрі де жеткізе алмас бағалардың
«Ұстаз» ұлағатты есім. Шәкірттерін білім нәрімен сусындатып,
тәлім-тәрбие беру, жақсы қасиеттерді бойына дарытып, адамгершілік рухта
бағыт-бағдар беруде ұстаздың еңбегі зор.
Мақал-мәтелдер
1. Ұстазыңды
ұлы әкеңдей сыйла.
2. Ұстаздан шәкірт озар.
3.Шәкіртсіз ұстаз-тұл.
4.Адамның адамшылығы жақсы ұстаздан
болады.
Сабақты қорытындылау.
Оставьте свой комментарий
Авторизуйтесь, чтобы задавать вопросы.