Тәрбие сағаты "Туған тілім"

                           Жалпы орта білім беретін Мереке мектеп-балабақшасы

Тақырыбы:

«Өзге тілдің бәрін біл,

Өз тіліңді құрметте!»

(сыныптан тыс шара)

Дайындаған. А.Кадралиева

бастауыш сынып мұғалімі

2016  жылы

Тақырыбы: «Өзге тілдің бәрін біл, өз тіліңді құрметте!».

Мақсаты:1.Оқушыларды өз ана тілінің қадір-қасиетін біліп,

                                                   өз ана тілінің көркемдігін сезініп, сөз құдіретін 

                                                түсініп, оның адам өміріндегі маңызын ұғуға

                                                үйрету.

                                                2. Сөздік қорларын молайтып, шешендік өнерге

                                                 баулу.

                                                 3.Ана тілін қастерлеуге, адамгершілікке тәрбие-

                                                леу.

Көрнекілігі: Журналдар, суреттер, нақыл сөздер, слайд.

Өткізу әдісі: интерактивті әдіс

Барысы:

І. Ұйымдастыру кезеңі:  

        - Оқушылардың назарын аудару.

ІІ.Кіріспе сөз:

       - Құрметті оқушылар, ұстаздар! Бүгін бізде ерекше тәрбие сағаты. «Өзге тілдің бәрін біл, өз тіліңді құрметте!» атты сыныптан тыс шараның мақсаты: Мемлекеттік тіліміздің мәртебесін көтеру.

     Анықтама беру: Мемлекетіміз ҚР деп аталады. ҚР-дың жер көлемі үлкен. Өз әнұраны, елтаңбасы, туы, Атазаңы бар тәуелсіз елімізді Елбасы Н.Ә.Назарбаев басқарады. Мемлекетімізде бірнеше ұлт өкілдері тұрады. ҚР тәуелсіз республика болып 1991 жылдың 16 желтоқсанында жарияланды. 1989 жылы 22 қыркүйекте Республиканың Жоғарғы кеңесі қабылдаған ҚР-ң Тіл туралы Заңына сәйкес қазақ тіліне мемлекеттік мәртебе берілді. Яғни қазақ тілі- мемлекеттік тіл болып жарияланды. 22 қыркүйек- Қазақстан Халықтарының Тілдер күні деп жарияланды.     

     Дүниедегі ең қымбат қазына, әрине тіл. Тіл- ең алдымен қатынас құралы. Тіл дегеніміз –  адаммен бірге пайда болып, қатар жасасып келе жатқан қоғамдық құбылыс. Бұдан біз тілдің адамнан айырылмас серігі екенін көреміз. Тіл арқылы адамдар бір-бірімен пікір алысып, өзара түсінісіп, оны қатынас құралы ретінде пайдаланып отырады. Әр адам өз ойын басқа біреуге тіл арқылы жеткізсе, біреудің ойын тіл арқылы түсінеді. Тіл халықтың жаны, сәні, тұтастай кескін келбеті, болмысы деуге болады. Халықтың тарихта қалуы тіліне, тілінің сақталуына байланысты. Мағжан атамыздың: «Жан көріністерінің ең қымбаты– ой, ой тілі –сөз. Тіл адам жанының тілмашы. Тілі кем болса, адамның қор болғаны…» деген сөзі дәлел деуге болады. Сол секілді, қазіргі таңда еліміз өз тәуелсіздігіне қол жеткізгеннен кейін мемлекеттік тіліміз – қазақ тілі болып бекітілді. Қазақстан Республикасының «Тіл туралы Заңы» күшіне енді Болашағымызды баянды етер басты қаруымыз – тіліміз.
«Адамға екі нәрсе тірек тегі,
Бірі – тіл, бірі – тілің жүректегі», – деп Жүсіп Баласағұн бабамыз айтқандай кез-келген мемлекеттің, елдің ең негізгі рәмізі де, ұраны да, тірегі де сол елдің ана тілі болмақ.

      «Тілі байдың – ойы бай» деп текке айтылмаса керек.

Ендеше балалар бүгінгі мәнерлеп оқу сайысымызды бастайық.

Сайыстық ережесімен таныстыру.

Сайысқа қатысушы оқушылармен таныстыру.

Ескертулерді айту.

                       Сүйемін туған тілді анам тілін,

                        Бесікте жатқанымда-ақ берген білім.

                        Шыр етіп жерге түскен минутымнан,

                        Құлағыма сіңірген таныс үнің. Деп сайысты бастаймыз.

Сайыскерлер ортаға шақырылып, тіл туралы жаттап келген тақпақтарының авторы мен тақырыбын айтып жарысады.

 Қорытынды: Қазағым-ау, бір-бір үлкен жүрексің,

                        Қадамыңа бір құдайым гүл ексін.

                        Тәуелсіз ел- ана тілін ардақтап,

                        Тәуелсіз ел- ана тілін ту етсін.

Тіл тазалығы дегеніміз- ана тілдің сөзінен басқа тілдің сөзімен шұбарламау.

                         Тілдің тілден кеңдігі болғанымен, кемдігі болмайды.

                         Жақсыдан жадыңа алған бір ауыз сөз,

                         Асықпа түспеді деп қолыма тез.

                          Дамылсыз ізденуге ерінбесең,

                          Керегің өміріңде болады кез.

  Әділ қазылар женген оқушыларды марапаттайды.

Адамды жұбататын да, ақыл беретін де, күш-қуат беретін де, ой-сана беретін де осы сөз. Ана тілін ұмытқан адам өз өткенін де, болашағынан да қол үзеді. Міне, осындай даналық сөздер бізге тіл арқылы жетті емес пе?!

       Олай болса, біздің тілге деген құрметіміз шексіз.

   Туған тілім-тірлігімнің айғағы,

                                            Тілім барда айтылар сөз ойдағы.

                                            Осы тілмен мен де бірге өсемін,

                                            Өшсе тілім мен де бірге өшемін. (аяқталады)