Тәрбие сағаты "Жақсыдан үйрен, жаманнан жирен" даярлық тобы

Тақырыбы:  «Жақсыдан үйрен, жаманнан жирен»

Мақсаты: балаларға үлкенді сыйлауға, адамгершілікке, имандылыққа , кішіпейілдікке, жақсыны үйреніп, жаманнан жиренуге баулу. Ата-анаға, туған жерге, еліне деген сүйіспеншіліктерін арттыру.

Көрнекілігі:  Нақыл сөздер , тыйым сөздер, жиналмалы суреттер, кітаптар

Барысы: Шаттық шеңбері

Үлкенге де сіз

Кішіге де сіз

Барша жанды құрметтеп

Бас иеміз біз

-Құрметті балалар! Сендер болашақ өмірдің мұрагерісіңдер. Осы тәрбие сағатымызда сендерді әсемдікке, әдемілікке дағдыландыра отырып, жақсыдан үйренуге , жаманнан ждиренуге үлкенді сыйлау, кішіге көмек беру, өзін-өзі қалай ұстау керектігі жөнінде танысасыңдар.

-Сендер тәртіпті, әдепті бала болғыларың келе ме?

-Иә

- Арамызда тәртіпсіздік, әдепсіздікті болдырмау үшін қалай жүруіміз керек?

- Әрқашан мұқият, таза киініп жүру

-Сыныпқа кіргенде мұғалімге сәлем беру керек

- Үлкеннің алдын кеспе, оған жол бер, көмек бер

- Көшені ластауға болмайды

- Мәдениорындарда, көлікте, көпшілік орындарда қатты сөйлеуге, қатты күлуге болмайды.

Бірінші тәрбие көзіата-ана отбасы болса, екінші тәрбие білім ордасы мектеп болып табылады.

Яғни мектеп  ата-ана берген білім , тәрбие арқылы жан-жақты азамат, адамгершілігі мол, иманды да инабатты болып өсеміз.

Ата-ана алдында шыншыл, үлкеннің ақылын тыңдап, кішіге мейірімді, досыңа қайырымды болу керек.

Хормен: Жақсылықтан үйреніп

Боламыз біз жақсы адам

Жамандықтан жиреніп

Үлгі аламыз жақсыдан

-          Балалар, жақсы іс деген не? Қалай түсінесіңдер?

-          Жаман дегенде ойларыңа не түседі?

-          Енді мына суретке қараңдаршы? Суретпен жұмыс

-          Жақсы адамды айналасындағылар жақысы көреді, сыйлайды. Оның достары көп болады.

-          Жаман адамды ешкім жақсы көрмейді, сыйламайды, достары аз болады.

-          Жұріп тұрғын әдеппен, жирен жаман әдеттен деп балалар кезекті енді сендерге берейік.

Дидар: Кітап оқы ерінбе                   Төмен қарап түңілме

Оқушы бол бесі көп                           Ас ішкенде кекірме

Көп алдында керілме                         Үйге қарай жүгірме

Мазаны алма есінеп                           Желге қарсы түкірме

Ақмаржан: Жақсыларға ұқсағын               Елің үшін аянба

Ел құлағы елеңдер                                       Сақта абырой арыңды

Кесіп өтпе кісі алдын                                    Иегіңді таянба

Үлкен көрсең сәлем бер                                Салма артыңа қолыңды

Мадияр: Сүйкенбей жүр қотырға              Жалған айтпа досқа да

Қатты жаппа есікті                                       Кір-қоқысқа жолама

Босағада отырма                                           Таңғы асыңды тастама

Тербетпе бос бесікті                                      Пышақ жүзін жалама

Дина: Аш досыңа қабақты                          Жағаласпа қонақпен

Еңкейіп кір қосқа да                                  Әр сөзіңді бос айтпа

Жерге төкпе тамақты                                   Күлді баспа аяқпен

Нанды жерге тастама                                   Қабірге қол шошайтпа

Алтынбек: Жұртқа қару кезенбе                           Ие болсаң тіліңе

Тұрып алып тасада                                                 Көп сөйлеме өтірік

Қоқыс төкпе өзенге                                                Өткен іске өкінбе

Қиындықта босама                                                 Куә болма өтірік

Гүлнұр:  Буын жоқ қой тіліңде                      Жолын кеспе жақсының

Тежеп ұста еркіңді                                           Надандарға жол берме

Үйді айналып жүгірме                                     Сырын білсең тап шыным

Теріс киме бөркіңді                                          Арамдарға қол берме

Жәңгірхан: Кеш батқанда қалғыма                  Өстің бойды түзе енді

Көрсете алсаң төзім сәл                                     Тырнағыңды тістеме

Түспе жұрттың алдына                                    Құшақтама тізеңді

Арт жаққа да көзің сал                                     Кесір қылық істеме

Ақтілек: Жағаңды кір шалмасын                    Көйлек жеңін былғама

Сүртемін деп мұрныңды                                  Сүртемін деп мұрныңды

Елден ұят болмасын                                         Орамалды бір ғана

Тісіңді жу қарағым                                            Ала жүрсең орынды

Амандық: Жалбыратпа шашыңды                   Жақсы болсын жолдасың

Қойма қолды желкеге                                         Жалқауларға жолама

Түзу ұста басыңды                                              Үстіңе қыл қонбасын

Төмен қарап еңкейме                                          Көп қаңғыма далада

Асылжан: Шындықты айтсаң тік қара               Теледидар, компьютер

Білмес іске ұрынба                                                Серігің боп қалды ма

Күн шыққанда ұйықтама                                      Бала болсаң жан күтер

Түн болғанда қыдырма                                          Көп отырма алдында

Айшат: Қазақта көп шын дарын                          Ойлы жырға ой бөле

Көкейіңде сақтағын                                                Өнерліні күндеме

Ән мен күйін тыңдағын                                         Өз тіліңде сөйле де

Абай жырын жаттағын                                          Жаттық өзге тілге де

Арна: Сыйлап үлкен ағаны                                Жұқпау үшін кір бетке

Ініге бол ізетті                                                      Жуынуды дағды қыл

Нұрландырып сананы                                         Ата-анаңды құрметте

Ұста таза жүректі                                                Берген саған бал-ғұмыр

Диана: Қасиетін шын ұққан

Жүріп-тұрғын әдеппен

Жирен жаман әдеттен

Үйрен жақсы әдеттен!

Суретпен жұмыс: Әдептілік, әдепсіздік

«Болады-болмайды»

Күйші болуға.....

Биші болуға....

Ерке болуға....

Пысық болуға...

Білімді болуға....

Кішік болуға....

Жақсы болуға....

Өтірікші болуға....

Қамқоршы болуға....

Жаман болуға...

Жақсы болу үшін- қамқор болу, қайырымды, шыншыл, адал, жауапкершілікте болу керек. Уәде берсең орындау, өтірік айтпау керек.

Және сәлем сөздің анасы дейді. Сөйлеу мәдениетімізді білуіміз керек.

Қандай сыпайы сөздерді білеміз?

Рахмет!  Кешіріңіз!  Қайырлы таң! Қайырлы күн! Сәлеметсізбе! Сау болыңыз! Рахым етіңіз!

Балалар қандай ырымдарды білеміз?

Диана: Асықпай іш тамақты           Айшат: Ақыл, есің бүтінде

Жалама ыдыс-аяқты                                      Кісіге қарап түкірме

Нанды үгітпе қадірле                                     Жақтыр мейлің жақтырма

Қабығымен бәрін же                                      Айтқан сөзді бағамда

Салма аузыңа инені                                        Күлме кемтар адамға

Үзбе жұлқып түймені                                     Ешқашан үлкен кісіге

                                                                          Отырма беріп сыртыңды.

Қандай мақал-мәтелдер білесіңдер?

Мадиар: Сіз деген сыпайылық

Сен деген анайылық

Арна: Әдепті бала –арлы бала

Әдепсіз бала сорлы бала

Алтынбек: Қарт кісіні қадірле

Өзіңде қарт боларсың

Ақмаржан: Атаңа не қылсаң алдыңа сол келер

Гүлнұр: Ұқыптының тоны тозбас

Ұқыпсыздың ісі оңбас

Ақтілек: Үлкенге құрмет кішіге міндет

-Жақсы олай болса , бүгін не туралы сабақ өттік? Қандай тәрбие алдық?

- Әдептілік туралы , жақсыдан үйреніп, жаманнан жирендік

- Жақсы бала боламыз ба?

- Иә