Тәрбие сағаты "Жолда жүріу ережесі"

Тақырыбы:   Абайлаңдар, балалар!

Мақсаты: Жолда жүру ережесін есте сақтауға ,оқушыларға жол белгілерін неше түрі бар,оны білу не үшін қажет,  бағдаршамның, жол белгілерінің атқаратын қызметі қандай екенін үйрету. Жол ережесін есте сақтау қабілетін, қызығушылықтарын арттыру, барлығымызға ортақ қойылған тәртіпті бұзбауға тәрбиелеу.

Көрнекілігі: Бағдаршам, жол белгілері, жолда жүру әліппесі, жол ережесіне арналған суреттер.

Әдіс-тәсілі: аралас оқу, түсіндіру, әңгімелеу, сұрақ-жауап.

Жүргізуші:    Біздің елімізде әр түрлі көліктер жылдан-жылға көбейіп келеді. Көшелер мен жолдардағы жағдай барған сайын күрделеніп келеді.Жол-көлік оқиғаларының қаупі арта түсуде. Жол-көлік оқиғаларының зардабынан көбіне балалар зардап шегуде. Біз сол себептен жол ережесін білуіміз қажет. Міне осы мақсатта біздің тобымызда «Абайлаңдар, балалар! атты жол ережелеріне арналған тәрбиелік шара өткізбекшіміз. Ендеше, қош келдіңіздер.

Әуен ырғағымен балалар топқа кіріп ,шеңбер құрады. Аю мен қасқыр жаралы ақсаңдап ,әзер келеді. Түлкі мәз болып ән айтып келеді.

Реттеуші: Иә батырлар,қайттыңдарма? Әсем сұлу Астананы аралаймыз, көреміз деп кетіп едіңдер. Тамашаладыңдарма? Аю,қасқыр  сендерге не болған?

Аю:  Мен көшеде ,алдында көше сыпыратын сыпырғышы бар, үстінде бошкесі бар машинаға жармасып бөшкесінде бал барма деп қарайын дегенімде жерге құлап түстім. Басымды жарып, аяғымды ауыртып алдым.

Қасқыр:Астананың көшесі түп-түзу кең екен. Мен скейтборд сатып алдымда сырғанай жөнелдім. Көшеде көлік көп боларма,біреуіне соғылып,жалп ете түстім, машина басып кете жаздады.

Реттеуші:Қап, оларың дұрыс болмаған автокөлік жүретін жол үстінде ойнауға болмайды.Сенше? Түлкі сен не істедің? Мен көше тәртібін сақтадым,жаяу жүргіншілер жолымен ғана жүрдім.

Реттеуші:Жарайсың түлкі! Даланың жолынан қаланың жолы бөлек. Жол тәртібін сақтау керек. Бағдаршамға ,реттеушіге бағыну керек.

Аю:Реттеуші ,бағдаршамның шамдарын жыпылықтата бергенше,үшеуінде бірге жағып қоймайды?

Аюдың сөзіне бәрі күледі.

Реттеуші:Олай болмайды.Бағдаршамның әр түсінің өз айтары бар.

 Жүргізуші:Балалар бүгінгі кешіміздің ең басты қонағы –Бағдаршамды ортаға шақырамыз.

Ортаға Бағдаршам болып киінген кейіпкер шығады.

Бағдаршам: Сәлем, балалар! Мені барлық елдің балалары мені жақсы біледі. Бүгін сендерге арнайы келдім.

Жүргізуші:Қош келдің,Бағдаршам! Бүгінгі әңгімеміздің бәрі саған қатысты болмақ, сондықтан да бізбен бірге бол.

Бағдаршам:Тұрамын көшенің қиылысын тұрақтап,

                     Қашпаймын мүдіріп,ешқандай сұрақтан.

                    Белгісі жолдардың төрт топтан тұрады,

                    Жарқырап көрінер түнде де жырақтан.

Жүргізуші:Жарайсың, бағдаршам!

Бағдаршам:Ал балалар, менің сендерге қояр сұрағым бар.Қане кім жауап берер екен?

1.Бағдаршамның қанша түсі бар?

2.Жолда жүргенде жолдың қай бетімен жүру керек?

Иә жарайсыңдар балалар,мен сендерге ризамын! Рахмет сендерге. Енді бұл топ балалары көшеде жол ережесін бұзбайды деп  ойлаймын.Мен енді сендермен қоштасамын. Әлі талай сендерге талай қонаққа келіп тұрамын. Сау болыңдар, балалар!

Жүргізуші: Сау бол, Бағдаршам.

Балалар: Ережені жаттаймыз,тәртіпті қатаң сақтаймыз!

Қорытындылау:

-Сонымен не білдік?

-Бағдаршам туралы білдік.

Жол жүрудің тәртібін,

Ережесін білеміз.

Сақтанғанда қатерден,

Сау-саламат жүреміз.

Күтілетін нәтиже:

Нені білу керек:жолда жүру ережесін,қауіпсіз жол бағдарын білді.

Нені білді, нені игерді:көше тәртібін, ойларын айта білуді үйренді.