Тәрбие сағатының тақырыбы: «Темекісіз өмір»

Бекітемін:

Күні: 11.11. 2016 ж.

Тәрбие сағатының тақырыбы: «Темекісіз өмір»

Мақсаты: оқушылардың бойында зиянды әдеттерге, атап айтқанда, алкоголь ішімдіктеріне, нашақорлыққа, темекі тартуға деген жиіркенішті ұғым қалыптастыру. «Бірінші байлық – денсаулық» деп дана халқымыз айтқандай болашақ еліміздің әрбір азаматын зиянды әдеттерден: ішімдік, нашақорлық, шылым шегушіліктен сақтандыру, олардың денсаулыққа, болашақ ұрпаққа жау екендігін түсіндіру, өркениетті елімізге лайықты зиянды әдеттерге қарсы күресетін білімді тұлға тәрбиелеу.

Тәрбиелік : Оқушыларды достық, ұйымшылдық, ынтымақтастық қасиеттеріне баулып, зиянды әдеттермен күрес жолында белсенді болып өсуге тәрбиелеу.

Дамытушылық: Сын тұрғысынан ойлау элементтерін пайдалана отырып, жылдам ойлау, тапқырлық, алғырлық таныту, есте сақтау қасиеттерін жетілдіріп, ой-өрісін дамыту.

Сабақтың түрі: пікір-талас

Көрнекілік: интерактивтік тақта, тақырыпқа байланысты оқушылар салған суреттер, плакаттар, маркер, т.б.

Сабақтың құрылымы:

1 Ұйымдастыру бөлімі.

2 Ой қозғау.

3 Мағынаны тану.

4 Керек дерек.

5 Ой толғау.

1.  Ұйымдастыру бөлімі: «Шаттық шеңбері» тренингі, «Ш», «І», «Е» карточкаларын таңдау арқылы топтарға бөлу.

2.  Ой қозғау :

Слайд «Адам денсаулығына зиян келтіретін заттар» (оқушылар ойларын айту керек)

3.  Мағынаны тану: «Ш» , «І», «Е» топтарына шылым, ішімдік, есірткі туралы керек деректер беріледі.(қосымша1) Тапсырма: темекі шегетін, ішімдік ішетін, нашақор адамның бейнесін салып, оның қоғамға қандай зиян әкелетінін айту (постерлерін қорғау)

Қарсы топтар сұрақ дайындап отырады.

4.  Керек дерек: Слайд арқылы зиянды әдеттер туралы қосымша мәлімет беру. 

Сұрақтар:

1-топ шылымқорлық.

Жастар темекіні тартпау үшін не істеу керек?

2-топ Ішімдік

Ішімдікті қоғамнан аластату үшін не қажет деп ойлайсыңдар?

3-топ Нашақорлық

Есірткінің алдында адам сонша дәрменсіз бе? Күресу үшін күш жігерді қайдан

алады?

5.           Ой толғау: РАФТ стратегиясы арқылы оқушылар жолдау дайындайды. (зиянды әдеттерден бойларын аулақ ұстауды насихаттау)

Мысалы: Роль – темекі

Аудитория – жастар

Форма – жолдау

Тақырып – «Уланбасын өмірің!»

Тренинг «Екі жұлдыз, бір тілек» (топтар бір біріне екі тілек, бір ұсыныс айтады)

Сонымен оқушылар бүгінгі сабақта жат қылықтың аяғы неге апарып соғатынына көздерің жетті деп ойлаймын. Жақсы әдетті айтып, салауатты өмірдің өз қолымызда екенін түсіндіңдер, біздің көшпенді тіршілік кешкен ата-бабамыз салауатты өмір сүрді, ұрпағының аман сау, азып тозбауын қадағалады. Сол дәстүрді сақтап, бүінгі ұрпақ біздер қоршаған ортаны, денсаулығымызды күтіп, терең білім алып, саналы азамат болуға ұмтылуымыз керек.

«Сау дене, азат ақыл, адал көңіл – үшеуімен бақытты өмір» деген нақыл сөзбен тәрбие сағатымызды қорытындылағым келіп отыр.

Барлық оқушылар бірге: Салауатты өмір салтын қолдайық!

Әдеттен жаман әманда аулақ болайық!

Өз өмірің өз қолыңда, ей, жастар,

Су ішпеген гүлдей болып қалмайық.

САУ БОЛЫҢЫЗДАР!