тәрбие сағат "Қош бол, бастауыш-2015!"

Ж.М.Жаксымбетова

«Малайсары жалпы орта білім беретін мектеп» ММ

Павлодар облысы, Май ауданы, Малайсары ауылы

Басталады «Флэшмоб» биі

Мұғалімнің кіріспе сөзі:

Құрметті ата- аналар, ұстаздар, оқушылар!

Сіздер «Қош бол, бастауыш» атты бастауышпен қоштасу мерекесіне жиналып отырсыздар. Алдарыңызда тұрған балалар осыдан 4 жыл бұрын мектеп табалдырығын жүрексіне аттаған кіп-кішкентай балдырғандар еді. Енді, міне, бойлары да, ойлары да өсіп, бастауыш сыныпты білім алып, орта буынды сыныпқа өткелі отыр. «Талаптарына нұр жаусын» деп ертеңгіліктерін ашуға рұқсат етіңіздер.

1-жүргізуші: Армысыздар, мұғалімдер - әз жандар

Білім іздеп инемен құдық қазғандар.

Құшақ жая қарсы аламыз сіздерді

Би билеп, ән де бүгін шырқалар.

2-жүргізуші: Қош келдіңіздер ақ жаулықты аналар,

Жүздеріңнен мейірім мен нұр тамар

Алдарыңда жауқазындай құлпырған

Біз алаңсыз балғын шақты балдырған.

Қош келіпсіз,өр тұлғалы әкелер,

Қыран құстай болашағын мәпелер.

Бүгін міне,бастауышпен қоштасады

Азамат боп, кешегі сәби-еркелер.

1-жүргізуші: Біз бүгін көзімізді ашып, көкірегімізді оятқан, білім нәрімен сусындатып, ілімнің ірге тасын қалаған бастауыш мектебімізбен қоштасамыз.

2-жүргізуші: Сондай-ақ біздің ыстығымызға күйіп, суығымызға тоңа білген, оңымызбен солымызды танытқан, жақсыдан үйренуге, жаманнан жиренуге баулыған алғашқы ұстаздарымызбен қоштасқалы отырмыз.

1-жүргізуші: Ұстаздық еткен жалықпас

Үйретуден балаға – деп Абай атамыз айтқандай, ұстазымыз жыл бойы білім нәрімен сусындатты, хат танытты, еңбек ете білуге үйретті, білімге жетеледі, әдептілікке үйретті. Сондықтан да алғашқы ұстазымызға мың алғыс айтып, басымызды иеміз.

Есімде ұстаздың алғаш қарсы алғаны Жангелді

Айқара есік ашып тастағаны

Бір мереке думан боп осы маңда

Жетелеп бір сыныпқа алып барғаны.

Енді міне, сағымдай боп өте шықты

4 жыл уақыт аз ба екен, кім біліпті,

Ұстаз ана жасады мына бізден

Ел таңғалар азамат бір-бір мықты.

Үйретіп бізге алғаш әліппені, Жәмилә

Ұстазым ғылымға жол салып берді.

Адамның ой-арманы мақсаттары,

Оқудың сәулесімен жарық көрді.

Өмірге жол бір өзіңнен бастадым, Ерсін

Алфавитті алғаш сенен жаттадым.

Ұстаз- ана естен кетпес мәңгілік,

Мейіріммен жаурынымнан қаққаның.

Жүзің жылы, құшағың кең Мадияр

Сенен түлеп ұшамын мен.

Өзің берген біліміңмен

Биіктерге шығамын мен.

Ақылшы асыл ұстазым Жанна

Өзіңе мен де ұқсармын.

Жеткенше қайрат күш-әлім

Биікке самғап ұшармын.

Байсалды мінезіңнен бір қалыпты, Алишер

Менің де көкейімде із қалыпты.

Ұстаттың қағаз, қалам қолыма өзің

Ерінбей үйреттің де әр әріпті .

Қоссаңдар бірді екіге үш болады-

Деуші едің,-біліммен күш толады.

Алғыр бол, әдепті бол, сабырлы бол Мухамед

Ақылмен іс істесең іс болады.

Беруші еі бізге айтып өлең, тақпақ

Таласып алушы едік біздер жаттап

Өзіңіз баға қойған күнделікті

Жоғалтпай өмір бойы жүрем сақтап.

Ән: «Ұстазым» хор

2-жүргізуші: Біздің мектептен қаншама адам тәлім алған десеңші.Менің атам да, әжем де , әкем де, анам да , енді мен де мектептен тәлім алудамын.

1-жүргізуші: Ендеше сыныптастарымыздың мектепке арнаған жырларын тыңдайық

Алишер :Армысың сен алтын ұя мектебім,

Саған айтар жыр алғысым көп менің.

Жүректерге жаққан білім шырағын,

Мақтан етем сені мәңгі мектебім.

Жангелді:Мектебім , алтын ұям , нұрың жарық,

Жайнаттың үмітімнің гүлін жарып.

Сүйкімді сенің күміс қоңырауың,

Тұрады құлағымда сыңғыр қағып.

Жәмилә: Мектеп – үйім , ұстазым менің – ата- анам,

Сеннен өсіп, сеннен ғана нәр алам.

Саяң ыстық , сен мәуелі бәйтерек.

Тамырланып , сан тарапқа тараған.

Мадияр: Мектеп – кеме , білім – теңіз,

Барар жерге тез жетеміз.

Төрт жыл алған білім нәрін ,

Азық етіп ер жетеміз.

Жанна : Мектеп деген білім кені , жыр кені,

Мектеп деген ғылымның ең үлкені.

Мектеп деген тәрбиеші адамға.

Мектеп деген даналардың мекені.

Мухамед: Мектебім- білім берер алтын ұям.

Ер жетіп сенде сөзім, артты санам.

Баулыған 4 жыл бойы ата- анамдай.

Әрқашан қасиетті атың маған.

Арада өтсе дағы дүркіреп жыл ,

Әр күні балалықтай бір жүрек бұл.

Өзіңе борыштармын өмір бойы

Есейген шәкіртіңнің серті деп біл.

Песня на мотив голубого вагона

2-жүргізуші: Бас иіп, шексіз алғысымызды ақ жаулықты аналарға және қадірлі әкелерге білдіреміз.

1-жүргізуші: Біздің қуанышымыз бен жеңісімізге ортақ болған, бізбен бірге уайымдаған — ата-ана. Олар бізге дүниедегі ең жақын қадірлі адамдар.

2-жүргізуші: Құрметті ата-аналар, «Ай дидарлы анашым»әнін қабыл алыңыздар

Ән: «Ай дидарлы анашым»

1-жүргізуші: Айдында аққудай сылаңдаған

Біреулер күй, біреулер жыр арнаған

Шықсын енді ортаға биші қыздар

Тал шыбықтай иіліп мың бұралған

Би: «Қамажай», би «Шляпа»

1-жүргізуші: сынып оқушылары мен ата- аналары өмірінен көріністер.

1 көрініс «Есеп».

2 көрініс «Ең қиын сұрақ»

3 көрініс «Емтихан»

Ән: «Көңілді күн»

Би: Мексикалық биін қабыл алыңыздар

2-жүргізуші:Құрметті көрермендер мен сіздерге жұмбақтар жасырғым келеді. Жұмбақ шешуге дайынбыз ба?

Залмен ойын «Әзілді жұмбақтар»

1. Бір адам құйып тұрған жаңбырдың астында қалыпты. Үйіне келгенде үсті-басы малмандай су, тек шашы су болмапты. Неліктен? /шашы жоқ/

2. Төрт қызметші,
Бір патша. /үстел/

3. Ұзарған сайын қысқаратын не? /өмір/

4. Бір кісі найзағай жарқылдаған сайын шашын тарайды екен, неге? /фотоға түсіп жатырмын деп ойлайды/

5. Король кімнің алдында тәжін шешеді? /шаштараздың/

1-жүргізуші:Біз нені үйрендік?

Жанна:Үлкенді сыйлауды, кішіге қамқор болуды, жерімізге, елімізге жақсылық жасауды.

Жәмилә:Оқуды , жазуды, есеп шығаруды, ән айтып би билеуді.

Мадияр: Халқымыздың салт- дәстүрін, әдет- ғұрпын үйрендік.

2-жүргізуші:Біз нені сүйеміз?

Хормен: ата- ананы, халқымызды, жақынымыз бен алысымызды, құрбы құрдастарымызды, табиғатты, ел байлығын, ұстаздарымызды, алтын ұя мектебімізді!

1-жүргізуші: Бізді болашаққа не бастайды?

Хормен: Ұстаздың көрсеткен жолы, ата- ананың ақылы, болашаққа деген берік сезім.

2-жүргізуші: Біз кім боламыз?

Хормен: адал азамат, ақылды ару, ғалым, елін сүйген ер, нағыз адам.

1-жүргізуші: Құрметті мұғалімдерге арналған өлеңдерімізді қабыл алыңыздар.

Алишер

Қанша жыл бұл мектепті басқарады,

Түлеп ұшқан жас түлек сан салалы.

Үлесі бар мектепті көркейтуге,

Гүлнар Рақымжановна сізге алғыс жолданады.

Жангелді:

Үйреткен сөз өнері қыр сырларын,

Гүлденткен үлес қосып бала бағын,

Жулдыз Манатовнаға арналар шексіз алғыс,

Жүріңіз шәкірттерге беріп дәріс.

Мухамед

Сөз сөйлесе жарқын - ақ,

Күніміздей жарқылдап,

Қызықты өтіп сабағы,

Өсіреді ой-сананы.

Қасымызда қашан да,

Қамқор болып жүреді.

Жанна Манатовнаға

Алғыс айтады түлегі.

Жанна

Өзге тілді үйреткен,

Қызықтырып біздерді,

Орысша сөйлеткен,

Алма Татеновнаның сабағы.

Жәмилә

Әдемі ғой ән сабағы мектептің,

Жүректерге әсемдікті сепкен кім?

Анара апай, бас иеміз сізге де,

Ән мен сазды талмай бізге үйреткен.

Мадияр

Спорттан талай шәкірт даярлады,

Шәкіртіне бәрін берді, аямады,

Әзілі бірге жүрер өзінмен

Мырзабек ағайға да мың рахмет

Ерсін

Ауырсақ дәрі беретін,

Шақырсақ жүгіріп келетін.

Медбике Гульмира апайға,

Шексіз алғыс арналған.

Хор «Үйретеді бастауышта»

4 сынып оқушылары вальс

2-жүргізуші:Ұмытпаймын жаныма,

Білім нәрін еккенің.

Қош қымбатты ұстазым,

Қош бастауыш мектебім

Осымен «Қош бол, бастауыш» атты ертеңгілігімізді «Мектебім» әнімен аяқтаймыз.

Песня на мотив «Голубого вагона»

Каждый наш урок как проишествие,

Нам на радость всем оно дано.

Ждет нас ежедневно путешествие,

Пусть же не кончается оно.

Припев:

Вместе мы, вместе мы на уроках сидим

И отправляемся в дальние края.

В город Учености

И в страну Знания-

Там побывать хотят

Все мои друзья!

Мы по морю математики плывем,

Волны лодку захлестнуть хотят.

Но любые волны будут ни почем,

Для упорных, знающих ребят.