"Тәуелсіздік деп соғады жүрегіміз!" атты сценарий

«Тәуелсіздік деп соғады жүрегіміз!»

Аға тәлімгер: Сап түзел! Тік тұр!

Қазақстан Республикасының Мемлекеттік Туы еңгізілсін!

Қазақстан Республикасының Мемлекеттік Әнұраны орындалсын! (Әнұран орындалады)

Сап еркін тұр.

«Бірыңғай «Жас Ұлан» балалар мен жасөспірімдер ұйымына» қабылдау рәсімін ашық деп жариялаймыз!

Біз Отанның Ұланы,

Жер қайысқан қалың қол.

Тәуелсіз ел ұланы,

Ант беруге дайын бол!-дей келе «Жас Қыран» және «Жас Ұлан» қатарына қабылданатын оқушыларды ортаға шақырамыз.

Аға тәлімгер: «Жас Қыран» қатарына қабылданушыларға сөз береміз

Мен-Бөкен Айша

Мен-Айтмаханов Нұрислам

Мен-Кудайбергенов Нурдаулет

Мен-Сағынтай Даурен

Мен-Турсынбекова Айым

Мен-Қуанышбаев Бауыржан

Мен-Тлеубек Мәдениет

Мен-Айтпишев Батырхан

Біз, Республикалық бірыңғай «Жас Ұлан» балалар мен жасөспірімдер ұйымының қатарына кіре отырып:

Өз Отанымыздың – Қазақстан Республикасының патриоты болуға;

Мемлекеттік рәміздерді құрметтеуге, дәріптеуге;

Туған елім, жерім, Отанымды мақтаныш етуге;

Ата-анамды қадірлеуге;

Үлкенге құрмет, кішіге ізет көрсетуге;

Білімге табандылықпен ұмтылуға;

Салауатты өмір салтын ұстануға;

Табиғатты аялауға;

«Жас Ұлан» Ережесін бұлжытпай сақтауға және оны өз достарымыздан талап етуге ант етеміз. «Ант етеміз» 3рет

Аға тәлімгер: «Жас Ұлан» қатарына қабылданушыларға сөз береміз

Мен-Ганбатұлы Ерсұлтан

Мен-Касенов Нариман

Мен-Тлеубек Мадина

Мен-Мусалимова Малика

Біз, Республикалық бірыңғай «Жас Ұлан» балалар мен жасөспірімдер ұйымының қатарына кіре отырып:

Өз Отанымыздың – Қазақстан Республикасының патриоты болуға;

Мемлекеттік рәміздерді құрметтеуге, дәріптеуге;

Туған елім, жерім, Отанымды мақтаныш етуге;

Ата-анамды қадірлеуге;

Үлкенге құрмет, кішіге ізет көрсетуге;

Білімге табандылықпен ұмтылуға;

Салауатты өмір салтын ұстануға;

Табиғатты аялауға;

«Жас Ұлан» Ережесін бұлжытпай сақтауға және оны өз достарымыздан талап етуге ант етеміз. «Ант етеміз» 3рет

Аға тәлімгер: Құрметті қонақтар және оқушылар, сіздерді «Жас Ұлан» ұйымына қабылданған оқушыларға туымыз түстес көгілдір галстук және төс белгілерін табыстау үшін аудандық мәслихаттың депутаты Садвакасов Қанат Қамариденұлын және 11 сынып оқушыларын ортаға шақырамыз.

Аға тәлімгер: Құттықтау сөзі аудандық мәслихаттың депутаты Садвакасов Қанат Қамариденұлына беріледі.

Аға тәлімгер: «Біз ...»

Оқушылар қолдау көрсетеді: «Жас Ұлан»

Аға тәлімгер: Ұранымыз

Оқушылар қолдау көрсетеді: «Қазақстан– Нұрсұлтан – Жас Ұлан» - 3 рет.

Сап түзел! Тік тұр!

ҚР Мемлекеттік Туы шығарылсын

Сап еркін тұр

Ән «Кең дала» 6 сынып оқушылары.

1 - жүргізуші: Армысыздар, құрметті ұстаздар, оқушылар және қадірменді қонақтар! Бүгінгі Тәуелсіздігіміздің 24 жылдығына арналған «Тәуелсіздік деп соғады жүрегіміз!» атты мерекелік кешімізге қош келдіңіздер! 

2-жүргізуші: Тәуелсіздік - ең басты құндылығымыз. Тәуелсіздікке қантөгіссіз, бейбіт түрде қол жеткізгеннен кейін ғана елімізді әлемнің өркениетті мемлекеттерінің қатарына қоса алдық. 24 жыл ішінде Тәуелсіз Қазақ елін қалыптастырып, нарықтың қиын өткелдерінен аман өтіп келеміз. Осы кезеңде Қазақстанды дүние дидарындағы ең мықты мемлекеттер танитындай, сыйлайтындай деңгейге жеткізген тұңғыш президентіміз Нұрсұлтан Назарбаевтай көреген саясаткердің ерен еңбегін дәл бүгін және әрқашанда айтып өтеміз. 
1-жүргізуші: Тәуелсіздік күні еліміздің барлық азаматтары үшін орны ерекше мереке деп білеміз, себебі, осынау жүрекжарды қуанышқа толы күнді ата - бабаларымыз ғасырлар бойы армандап, күтумен өтті.
2-жүргізуші: Армандарды жақындатып тым алыс,
Біздің жаққа жеткен екен жылы ағыс.
Егемендік - ел бақыты, ертеңі, 
О, халайық! Құтты болсын қуаныш!
Азат өлкем күндей күлген шығыстан,
Асыл елім жан - жүректі ұғысқан.
Ата бабам аңсап өткен бақытым, 
Айналайын, Қазақстан - Гүлстан!

Құттықтау сөзді мектеп директоры Зарема Хамзатқызы Садвакасоваға береміз.

Ән «Туған жер» Ганбатқызы Гүлнәз бен Турсынбекова Айым.

1-жүргізуші: Барлық ұлттың басын қосты бұл достық
Ұлы достық. Нұрлы достық. Күн достық

Достық деген қасиетті ұранға
Кең даланың жүрегі де үн қосты
«Назерке» би тобын «Қамажай» биімен қарсы алыңыздар.

2-жүргізуші: Қасиетті Қазақстан мекенім, 
Ақиқаттың алтын бесігі екенсің. 
Елім, жерім, Отаным – бақ - дәулетім, 
Болашағым, өнер - білім, өркенім.

Ән «Алға, Қазақстан!» орындайтын Ажибаев Диас пен Хайса Олжас

1-жүргізуші: Тәуелсіз елге тілеулес менмін бүгінде,

Ырыс-құт дарып, бақыт кеп қонсын еліме.

Молшылық тойдың куәсі болып әрдайым,

Ынтымақ болсын Қазақтың шалқар жерінде.

Бастауыш сынып оқушыларын өлең шумақтарымен ортаға шақырамыз

Жүргізуші: Ән «Астана» орындайтын 9 сынып оқушысы Капаров Даурен мен З. Жумашевна

2-жүргізуші:

          Елімнің атын айтсам - Қазақстан,

          Жерімнің атын айтсам – Қазақстан.

          Қойнауы қазынаңа толған мекен,

          Байлығымның атын айтсам – Қазақстан.

          Қазақстан – ұлт атын ұлықты еткен,

          Ұлылардың арманын биік еткен.

          Өзге де ұлт, ұлысқа қоңыс болып,

          Оларға да жақсылық үйіп төккен.

Ән «Мекенім, Қазақстан» орындайтын Жәнібек, Даурен және З. Жумашевна

1-жүргізуші: Қазақпын, еңселі елмін егеменді, 
Кеңейттім кең әлемге керегемді. 
Мұхиттың ар жағында жатқан жұрттар 
Таныды тепе - тең деп тереземді. 
Қазақпын, қойнауы - құт, жері - дархан, 
Әнімді бес құрлықтың бәрінде айтам. 
Хор «Елім, менің»

2-жүргізуші:
Кең байтақ, көз жетпейтін жерім менің
Таулы орман, жасыл жайлау көлім менің 
Бүгінде бар әлемге даңқың жетті 
Тәуелсіз Қазақстан – елім менің
Бейсенова Асияны Тәуелсіздікке арналған өлең шумағымен қабыл алыңыздар.

1-жүргізуші: Бойымда әні бұлақ жатыр бұрқырап
Сол бұлақтан сыр ағыздым жыр құрап
Тілейтінім барша жұртқа бір ғана 
Ырыс, бақыт, татулық пен ынтымақ. 
Бүгінгі ұрпақ болар елдің ертеңі,-дей келе Ажибаев Жәнібек пен Капаров Дәуреннің орындауында «Қазақстан» әні

1-жүргізуші: Бүгінгі тәуелсіздігіміздің 24 жылдығына арналған «Тәуелсіздік деп соғады жүрегіміз» атты мерекелік кешіміз өз мәресіне де келіп жетті. 
2-жүргізуші: Қазақ елім! Туды жастық дәуірің. 
Алғандайсың жұлдызыңның жарығын. 
Тәуелсіздік құтты болсын, қымбаттым, 
Туған күнің құтты болсын, алыбым! 
Тәуелсіздігіміздің тұғыры биік, халқымыздың еңсесі жоғары, егемендігіміз баянды болсын деп тілейік, ағайын. Келесі кездескенше

Бірге: Сау саламатта болыңыздар!