Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / Начальные классы / Другие методич. материалы / "Укытучы булуым белән бәхетле мин" эш тәҗрибәсеннән

"Укытучы булуым белән бәхетле мин" эш тәҗрибәсеннән



  • Начальные классы

Поделитесь материалом с коллегами:

Хезмәтем-юанычым

Мин ,Үсәли урта мәктәбе укытучысы Газизова Дания Шәрифулла кызы.Күсе елында, укчы йолдызлыгы астында туганмын. Табигатемә тиз аралашучанлык хас.

Исемемне талисман итеп алмасам да , дан-шөҺрәт диеп тырышмадым. Ә шулай да : эш урынымда эшем. кешеләргә хөрмәтем , хезмәтәшләремә киңәшләрем, балаларымны ихлас яратуым аша тормышымда үз юлымны таптым дип уйлыйм.

Кеше һөнәрне үзе сайлап ала диләр . Ә мин һөнәр үзе дә иясен эзләп таба икән дияр идем.

Хезмәт юлымны Кукмара районы Кәркәүч урта мәктәбендә башладым. Менә 36нчы ел башлангыч сыйныф укучыларына белем һәм тәрбия бирәм. Бу һөнәрне үзләштергәнемә Һич үкенмим, үземне бәхетле дип саныйм.

Мин –башлангыч сыйныф укытучысы . Миңа бала язмышы тапшырылган. Алар бер-берсенә шулай охшаган. һәрберсе синнән ярдәм көтә, барысы да синеке! Өмет дигән изге чаткыны сүндермәс өчен, бала мәктәпкә теләп килсен, әти-әнисе сиңа ышанып баласын тапшырсын өчен бик күп тырышырга кирәк.

Эшемнең асылына килгәндә, мин балаларымны уку хезмәтенә күнектерүне үз алдыма максат итеп куям. Бу, билгеле, дәвамлы хезмәт сорый. Бала ,уку хезмәтенең нәтиҗәсе - белемле булу икәнлеген , белемнең кирәк булуын аңламаса, үз-үзенә билгеле максат куя алмый. Ә белем һәм тәрбия бирү бу эшчәнлекнең аерылгысыз тармаклары . Моның өчен мин үз алдыма шундый төп таләпләр куям: балаларны чын күңелем белән ярату, аларда үз балаларымның чагылышын күрү; һәр дәресне ныклы әзерлек белән үткәрү; эшемә даими анализ; нәтиҗәләрнең диагностик чагылышын булдыру.

Укытучының хезмәт кыры-дәрес . Һәр дәресемне елмаеп башлыйм. Бу минем балаларымны каршы алуым да, сәламләвем дә, эндәшүем дә . Экзюпери әйткәнчә «Елмаю бер-береңә якынайта, ышаныч уята» .Сиңа да, балага да ул шулай.

Безгә ,башлангыч класс укытучыларына ,аеруча зур җаваплылык йөкләнгән. Чөнки баланың алга таба ничек укуы, дөньяга карашы, янәшәдәгеләр белән мөнәсәбәте, ягъни тәрбиялелек дәрәҗәсе башлангыч классларда алган белем һәм тәрбиясенә бәйле. Менә шушы җаваплы бурыч миңа эшемдә «Һәр яклап үсеш алган шәхес тәрбияләү» проблемасын гамәлгә ашыруны таләп итә дә инде.

Биргән белемнәрем ,үгет-нәсихәтләрем балаларга тиз, аңлаешлы барып җитсен өчен һәр дәресемә, һәр үздырган чарама ныклап әзерләнергә тырышам.

Балаларның танып-белү , логик фикер йөртү эшчәнлеген , активлыкларын үстерү, аларда белем алуга омтылыш тәбияләү, кызыксыну уяту бурычларын тормышка ашыру максатыннан дәресләремне уен элементлары, төрле кызыклы биремнәр белән тулыландарам.

Бала- табигатьнең аерылгысыз бер өлеше. Шуңа күрә дә дәресләремне табигать күренешләре, хайваннар һәм үсемлекләр дөньясы белән бәйләп алып барырга яратам.

Укучыларым , мәктәптән кайтып китәргә ашыкмыйча, тирәмдә көн дәвамында бетмәгән мең соравы белән бөтерелә, урамда очраганда каршыма авызын ерып килә икән -бу минем өчен зур куаныч!Димәк, мин аларга кирәк!

Укытучының хезмәт көне дәресләр белән генә чикләнми . Ул авылда төп көч һәм ышанычлы терәк . Нинди генә бәйрәмнәр , нинди генә чаралар булмасын - үзәктә укытучы . Җәйге чорда кыш өчен колхоз малларына яфрак азык әзерләү , юл читләрен чабу ,Сабантуй бәйрәмнәрен үткәрү , сайлаулар – барысы да безнең өстә . Киңәш-табышка да , ярдәм кирәк булса да , олысы – кечесе мәктәпкә ,укытучыга килә . Кешегә ярдәм кулы суза алу – үзе бер бәхет бит . Бала күңеле- чиста ак кәгазь . Аңа нинди бизәк төшерсәң – ул шуны саклый . Үзенә белем Һәм тәрбия биргән укытучылары турында да аның күңел дәфтәрендә урын бар . Мәктәбе , укытучысы хакында матур истәлекләр саклансын өчен еш кына балалар һәм авыл халкы алдында иҗади чыгышлар ясыйбыз .

Бу юнәлештә минем иҗат фантазиямә нигезләнгән «Урам бәйрәмнәре» («ШәҺри Казан» газетасында басылган «Урамнарга ямь керде» мәкаләсе), «Сезнең гомер үзе батырлык» , «Ватан-ана чакыргач», «Тик туган җирдә генә» (чарага бәя район газетасы аша яктыртылды) дип аталган чараларым бар.Мәктәптә уздырылган чараларыма әти-әниләр теләп киләләр.

Кечкенәдән сәхнәгә гашыйк. Төрле концерт-тамашаларны карарга , аларда катнашырга, програмалар төзергә, юк-бар эзләп табарга яратам. Конкурсларда да теләп катнашам. Хезмәтем буенча район. республика күләмендә уздырылган бәйгеләрдә катнашам. «Мәдәни җомга» газетасы һәм республика сәнәгать министрлыгы берлектә үткәргән «Чигүле яулыгым- яшьлек бүләгем» конкурсында катнашып, районда призлы- икенче урынны яуладым., республика күләмендә лауреат исеменә лаек булдым. Район мәгариф бүлеге оештырган иҗди эшкәртмәләр конкурсында беренче урынны алдым.

Вакыт белән бергә атларга тырышам. Балаларның кызыксынуларын читтән генә күзәтүче түгел мин. Укучыларым белән бергә хыялланып, шатлык-куанычлар белән уралып яшәргә тырышам.

Укыту-тәрбия өлкәсендәге яңалыкларны да үз җилкәмдә татырга, эшләп нәтиҗә ясарга яратам.



3



Автор
Дата добавления 04.02.2016
Раздел Начальные классы
Подраздел Другие методич. материалы
Просмотров100
Номер материала ДВ-415961
Получить свидетельство о публикации

Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх