Урок "Ара мен Шыбын"

Қысқа мерзімді жоспар                                                                          Пән мұғалімі: Кубатаева Қ.Б.

Күні: 09.10. 2015 жыл		Пәні: Әдебиеттік оқу		Класы: 4 Ә-класс
Тақырыбы:	О.Әубәкіров. Ара мен шыбын
Мақсаты	Оқушының жеке қабілеті мен белсенділігіне сүйене отырып, мысалдағы түйінді ойды ашуға жағдай жасап, жаман әдеттен аулақ болуға баулу. Өз бетінше шығармашылықпен жұмыс істеуге баули отырып, байланыстырып сөйлеуін, шығармашылық ойлауын дамыту.
Күтілетін  нәтиже	Өз бетінше шығармашылықпен жұмыс істей алады, байланыстырып сөйлеуі, шығармашылық ойлауы дамиды.
Түйінді идеялар (кілтті сөздер)	Оспанхан Әубәкіров-әзіл-сықақ жазудың шебері. Әзіл-сықақ өлеңнің  жазылуындағы ерекшелік
Сабақ кезеңдері:	Сабақ барысы		Бағалау		ресурстар
Кіріспе	1.Амандасу. 2."Мен  қандаймын" тренингі Оқушы өз бойындағы жақсы қасиетін бір сөзбен жеткізу. 3.Қағазға жазылған «Өнер», «Білім», «Оқу» және «Жазу» деген сөздер арқылы топқа бөлу. Топ басшысы сабақ барысында топ мүшелерін бағалау парағына бағалап отырады. Үй тапсырмасын сұрау. А.Байтұрсынов. Аққу, шортан һәм шаян Мысалды түсініп, мәнерлеп оқу. Мысалдағы кейіпкерлерге мінездеме беру.		Үш шапалақ Топ басшысының бағалауы Басбармақ		Қима қағаздар А.Байтұрсынов портреті
Тұсаукесер	Ой шақыру. Топтарға тапсырма беру. 1 - топ – Ара, шыбын туралы не білесіңдер? 2 - топ – Қонақ күту, қонақжайлық дегенді қалай түсінесіңдер? 3 - топ – О. Әубәкіров өмірі, шығармалары туралы не білеміз? 4-топ-Адам бойындағы кездесетін жаман әдеттер туралы не білесіңдер?		Үш шапалақ
Негізгі бөлім	Автор туралы қысқаша дерек. Оспанхан Әубәкіров 1934 жылы туып, 1986 жылы қайтыс болған. Ол Алматы облысы Жамбыл ауданы Қарақастек ауылында дүниеге келген. Құрманғазы атындағы Алматы Өнер институтының театр факультетін бітірген. Оның «Қоңырау», «Бөдене», «Күлкіңіз келе ме?», «Анау мен Мынау», «Бір дорба», т.б. көптеген жинақтары бар. Оспанхан Әубәкіров – талантты сатирик. Сатирик деп адамның бойындағы теріс қылықтарды сынап, мысқылдап жазатын жазушыны айтамыз. Интербелсенді тақтадан «Ара мен Шыбын» диалогын тыңдату. Тірек сызба бойынша мысалды талдау  Мысалды рөлге бөліп оқыту. Ой толғаныс «Кім мықты?» сайысы. А) «Өнер» тобының тапсырмасы. Мысалды рөлге бөлініп ойнайды. Ә) «Білім» тобы мысалдағы түйінді ойды жазады. Б) «Оқу» тобы шыбынға мінездеме береді. В) « Жазу» тобы араға бес жолды өлең жазады. Бес жолды өлең 1.Кім? Не? 2.Қандай? 3. Не істеді? 4. Нақыл сөз. 5. Синоним «Кім зерек?» тапсырмасы. Төрт топқа ұйқас бойынша өлең құрау тапсырмасы беріледі. Келді араға Шыбын Жиып жатқан шырын, Шақырды Шыбын қонаққа. Ара келсе кешігіп, Жатып қапты шешініп. Қонақты дұрыс күтпепті, Шыбынға ақыл жетпепті.     «Кім ұтқыр?» тапсырмасы. Бұл тапсырма бойынша мынандай сұрақтар таратылып беріледі. Оқушылар ойларын мына сұрақ негізінде жинақтайды: 1.«Қонақжай» дегенді қалай түсінесің? 2.«Қонақ» деген кім? Қонақтың қандай түрлері бар? 3. Қонақты ілтипатпен қарсы алу дегенді қалай түсінесің? 4. Қонақтың неше түрі болады?    «Кім тапқыр?» тапсырмасы. Мысал бойынша мақал-мәтел тауып жазу тапсырмасы беріледі. Келгенше қонақ ұялады, келген соң үй иесі ұялады. Қонақ асыңа емес, қабақ-қасыңа риза. Еңбекшінің наны тәтті, жалқаудың жаны тәтті.		Бағдаршам арқылы бағалау Басбармақ арқылы бағалау		Интербелсенді тақта,  О.Әубәкіровтың портреті Үш түсті қиылған қағаздар Интербелсенді тақта Қима қағаздар
Қорытынды	ІҮ. Сабақты бекіту Бүгінгі сабақтан не білдік? Қандай ой түйдік? Тақырыбы: Ара мен Шыбын Авторы: О. Әубәкіров Жанры: мысал Кейіпкерлері: Ара, Шыбын Негізгі идеясы: Ара сияқты еңбекқор, қонақжай, талапты, адал болу Қорытынды: Жалқаулықтан, еріншектіктен, жаман қасиеттерден аулақ болу Топ басшысы бағалау парағына оқушылардың қорытынды бағасын жазады.		Топбасшысының бағалауы		Бағалау парағы
Қосымша оқу Үйге тапсырма	Мысалды түсініп оқу. Ұнаған бөлігін жаттап алу.О.Әубәкіров туралы мәлімет жинап келу.
Рефлексия	«ББҮ» сызба әдісі бойынша оқушылар сабақтан ойларына түйгенін ортаға салады.