Урок: ''Азот атомының құрылысы ''

Сабақ тақырыбы: Азот. Азоттың периодтық жүйедегі орны және қасиеттері.

Сабақ мақсаты:

1.     Білімділік:

Азоттың периодтық жүйедегі орнын көрсету. Табиғатта кездесуі, химиялық және физикалық қасиеттері, қолдануы жалпы мағлұмат беру.

2.     Дамытушылық

Сын тұрғысынан ойлауды дамыту технологиясы арқылы оқушыларды өз бетімен жұмыс істеуге дағдыландыру. Өзін-өзі бақылау мен талдауды іске асыру.

3.     Тәрбиелік

Дәстүрлі емес оқыту әдісін қолдана отырып, оқушылардың танымдық қызығушылығын қалыптастыру.

Сабақ көрнекілігі:

1.     Интерактивті тақта, электронды оқулық, плакаттар, анықтамалық кітаптар.

Сабақ жоспары:

1.     Үй тапсырмасы- *Сұрақ жауап (10 минут)*

2.     Жаңа сабақ (20минут)

3.     Бекіту (7 минут)

4.     Уйге тапсырма (1 минут)

5.     Бағалау (5 минут)

        Сабақ барысы:

             Үй тапсырмасын тексеру.

1.     Күкірт қышқылының физикалық қасиеттері?

2.     Күкірт қышқылының химиялық қасиеттерін сипаттап айтып беріңдер?

3.     Екі шыны стаканға бірдей етіп құйылған кнцентрлі және сұйытылған күкірт қышқылын бір-бірінен қалай ажыратуға болады?

4.     Сұйытылған күкірт қышқылының мына заттармен а) металдармен; ә) негіздік оксидтермен; б) негіздермен әрекеттесуінен мысалдар келтіріп, тиісті реакция теңдеулерін жазыңдар?

5.     Концентрлі күкірт қышқылын суда ерітудің ережесін айтып, ондағы жүретін физикалық құбылысты түсіндіріңдер?

6.     Күкірт қышқылы мен сульфаттардың қолдануын айтып беріңдер.

2.     Жаңа сабақ,

1.     Қызығушылықты ояту. (сабақ тақырыбын слайд арқылы көрсетеді) Әр оқушыға сараптау кестесі беріледі.

Білемін	Үйрендім	Білгім келеді
1.	2.	3.

Кластер стратегиясын қолданамыз. Окушылар берілген тақырыпты график түрінде жүйелейді, яғни мәтіннің маңызды бөлігін бөліп, график түрінде белгілі бір тәртәппен шоқ тәрізді орналастырады.

2.     Мағынаны ашу. Окушыларды топтау, топтарға берілетін тапсырмалар.

Бірінші топ тапсырмасы – Азоттың периодтық жүйедегі орны, тарихы.

Екінші топ тапсырмасы – Табиғатта кездесуі, биологиялық маңызы.

Үшінші топ тапсырмасы – Азоттың физикалық және химиялық қасиеттері.

Төртінші топ тапсырмасы- Азоттың қолдануы.

Топтар алдымен жұппен, одан кейін топпен жұмыс істейді.

Соңынан әр топ өкілі тақтада түсіндіреді.

Бекіту

1.     Жеке оқушымен жұмыс.

Топ мүшелеріне мұғалім құлаққа салып тыңдайтын құралмен сұрақ қояды - оқушы жауап береді.

2.     Оқушылар *Синквэйн* тәсілін қолданып, Азот тақыры бойынша бес жолды өлең құрастырады.

Мысалы:  Тақырыптың аты- бір зат есім

                 Тақырыпты сипаттау – екі анықтауыш.

                  Іс-әрекетті сипаттау – үш етістік.

                  Тақырыпқа байланысты- төрт сөз.

                  Тақырыптың негізі – бір сөз.

Үйге тапсырма беру:

1.     53-беттегі 5-6 жаттығуды орындау.

2.     Есеп, оның берілуін компьютер арқылы тақтада көрсету.

Бағалау:

Бағалау 1- топтық жұмысқа

               2- әр оқушының жеке жұмысына қойылады