Добавить материал и получить бесплатное свидетельство о публикации в СМИ
Эл. №ФС77-60625 от 20.01.2015
Инфоурок / ИЗО, МХК / Презентации / Урок "Коста Хетагуров "Ласкдзаран"

Урок "Коста Хетагуров "Ласкдзаран"


  • ИЗО, МХК

Поделитесь материалом с коллегами:



Урочы темӕ:

Хетӕгкаты Къоста. Аргъау « Лӕскъдзӕрӕн.


Ныхасы темӕ:

«Дзырд мӕ дзырдмӕ кӕд ссарай…»


Урочы нысантӕ:

1. Къостайы цардвӕндаджы тыххӕй , йӕ уды сӕйраг миниуджытыл,

йӕ курдиаты хицӕндзинӕдтыл ӕрдзурын.

2.Сабиты аргъауы мидисимӕ, йӕ аивадон фӕрӕзтимӕ, сӕ эстетикон аивдзинадимӕ базонгӕ кӕнын.

3.Хъомыладон куыст.


Цӕстуынгӕ ӕрмӕг: Къостайы портрет, фотоальбом «Къоста», чиныг

« Ирон фӕндыр», Къостайы мады портрет.


Урочы цыд.

1.Организацион хай.


2.Хӕдзармӕ куыст сбӕрӕг кӕнын фӕрстыты руаджы.

а) Цы базыдтат ӕмбисӕндты тыххӕй ?

ӕ) Ирон дзургӕ сфӕлдыстады хуызтӕй ма цавӕртимӕ базонгӕ стӕм?

б) Бакӕсут, хӕдзары кӕй ныффыстат, уыцы уыци-уыцитӕ.

в) Цавӕр аргъӕуттӕ базыдтат?


3. Ног ӕрмӕг :

Къоста баззад дзидзидай сывӕллонӕй ӕнӕ мадӕй , тынг хӕлӕг кодта сидзӕр

саби мады фӕлмӕн къухты рӕвдыдмӕ, бирӕ хъизӕмӕрттӕ баййӕфта дурзӕрдӕ

фыдыусы къухы ӕмӕ сӕ фӕстӕдӕр нывӕфтыдӕй равдыста йӕ уацмысты.

Къоста йӕ амӕлӕты онг нӕ ферох кодта йӕ мады; чи йӕ зыдта, уыдоны,

ныхӕстӕм гӕсгӕ сарӕзта йӕ мады портрет, ӕмӕ, ӕцӕгӕйдӕр, рауад йӕхи

хӕдхалдих.

( Равдисын Къостайы арӕзт «Мады портрет»).

Раныхас кӕнын: «Къоста ацы портретыл куыста тынг зӕрдиагӕй. Нӕ бавгъау кодта йе стыр нывгӕнӕджы курдиат, афтӕ бирӕ кӕй уарзта , уыцы ӕнӕзонгӕ

мады удыхъӕды рӕсугъд миниуджытӕ ирдӕй равдисыныл.Ӕмӕ йын, куыд уынут, афтӕмӕй ӕнтысгӕ дӕр бакодта.

Портрет нывкӕнынады домӕнтӕм гӕсгӕ алцӕмӕй дӕр рауад ӕххӕст. Къостайы конд « Мады портретӕй» нӕм зыны хӕдӕфсарм, хӕларзӕрдӕ, зондджын ӕмӕ

уӕздан ирон сылгоймаг. Йӕ фӕлмӕн цӕстӕнгас, йӕ дарӕс - ӕппӕтӕй дӕр дзурӕг сты йӕ удыхъӕды кондыл, йӕ зӕрдӕйы ахастыл, йӕ уавӕрыл. Бӕрӕг

у адӕмуарзон, рӕдау, кӕрдзындӕттон сылгоймаг кӕй у.

Хетӕгкаты Къоста стыр аргъ кодта адӕмон сфӕлдыстадӕн ӕмӕ йӕ зонгӕ дӕр тынг хорз кодта. Адӕмон аргъӕуттӕ, Нарты кадджытӕ, ӕмбисӕндтӕ, зарджытӕ йӕ зӕрдӕмӕ арф айста ӕмӕ сӕ ӕмбырд кодта цымыдисӕй. Ирон


адӕмон сфӕлдыстады мотивтӕ ӕмӕ сюжеттӕм гӕсгӕ ныффыста диссаджы уацмыстӕ: «Лӕскъдзӕрӕн», «Всати», «Уӕлмӕрдты», «Хетӕг» ӕмӕ ӕндӕртӕ. Поэт стыр арӕхстджынӕй пайда кодта ирон цыргъзонд ӕмбисӕндтӕй. Къоста ирон ӕмбисӕндты бындурыл ныффыста цалдӕр басняйы: «Бирӕгъ ӕмӕ хърихъупп», «Марходарӕг», «Саг ӕмӕ уызын», «Рувс ӕмӕ зыгъарӕг», «Уайдзӕф» ӕмӕ бирӕ ӕндӕр уасцмыстӕ. Ирон адӕмон аргъӕутты бындурыл фыст у «Лӕскъдзӕрӕн» дӕр».

«Лӕскъдзӕрӕн» рауадис диссаджы уацмыс , дунейы хуыздӕр поэтикон уацмыстимӕ ӕрӕвӕрӕн кӕмӕн ис , ахӕм.


4.Дзырдуатон куыст :

Лӕскъдзӕрӕг- ӕххуырсты фыййауӕй цӕуын.Дзырд «лӕскъ» амоны лыстӕг фос. Лӕскъдзӕрӕг фыййауӕн –иу йӕ мыздмӕ лӕвӕрдтой, цы фос хызта , уыдонӕй хай .

Кӕфой – лыстӕг уисӕй быд хӕдзары дзаума. Пайда-иу дзы кодтой хор сыгъдӕг кӕнынӕн.

Нывыл- куы ӕмбӕлы , афтӕ, бӕстон.

Ахӕтын- ам: бӕстӕтыл азилын,балцы цӕуын.

Терк-Турчы бӕстӕ-ома Теркӕй Туркмӕ цы бӕстӕ ис. Арӕх ӕмбӕлы ирон адӕмон аргъӕутты, Нарты кадджыты.


5.Кӕсӕм аргъау диалоджы хуызы. Ласкъдзӕрӕджы ныхӕстӕ кӕсӕм сабыр, ныллӕг, фӕлӕ уӕндон хъӕлӕсӕй, уӕйыджы ныхӕстӕ та – гуымиры, зыст ӕмӕ хиппӕлой хуызы.


6.Скӕнын хатдзӕг:

а) Цӕмӕн схуыдта Къоста йӕ уацмыс аргъау?

ӕ) Чи сты уацмысы сӕйраг архайджытӕ?

б) Цы хуызы ӕвдыст цӕуы уӕйыг уацмысы? Цавӕртӕ сты йӕ удыхъӕды сӕйраг миниуджытӕ?

в) Цы домӕнтӕ ӕрӕвӕрдта уӕйыг лӕскъдзӕрӕджы раз , цӕмӕй йӕ баурома,

уый тыххӕй ?

г) Куыд ӕмӕ цы уавӕрты царди лӕскъ-

дзӕрӕг уӕйыгмӕ ?

д) Цӕмӕн сфӕнд кодта йӕхи уӕйыгӕй схицӕн кӕнын?

дз) Куыд ӕмӕ цӕй руаджы фӕуӕлахиз ис

мӕгуыр лӕг уайыгыл ?

дж) Цавӕр ирон аргъау уын уӕ зӕрдыл ӕрлӕууын кодта Къостайы аргъау «Лӕскъдзӕрӕн»?

ж) Цӕмӕн баззад уӕйыг састӕй ?


6. Раттын характеристикӕ уӕйыг ӕмӕ лӕскъдзӕрӕгӕн.


7. Равдисын ирон нывгӕнӕг Хохты Аслӕмбеджы иллюстрацитӕ ацы аргъаумӕ.


8. Адих кӕнӕм аргъау хӕйттыл ӕмӕ сын ӕрхъуыды кӕнын сӕргӕндтӕ.

а) Лӕскъдзӕрӕджы цард уӕйыгмӕ.


ӕ) Уӕйыджы ахаст фосмӕ.

б) Лӕскъдзӕрӕдзы цыргъзондзинад.

в) Уӕйыджы фӕрстытӕ.

г) Лӕскъдзӕрӕджы дзуӕппытӕ.

д) Лӕскъдзӕрӕджы уӕлахиз.

дз) Аргъауы традицион райдайӕн ӕмӕ кӕрон.


Кусын скъоладзауты ныхасы рӕзтыл, ӕвзаджы культурӕйыл.

Фӕйнӕгыл ныффысын адӕмон аргъӕутты традицион райдайӕн ӕмӕ кӕрон иуырдыгӕй , иннӕрдыгӕй та Къостайы уацмысы райдайӕн ӕмӕ кӕрон, ӕмӕ сӕ кӕрӕдзийыл абарӕм.


9. Аргъауы текстыл ӕнцой кӕнгӕйӕ дӕттын зонындзинӕдтӕ литературӕйы

теори барӕн ӕмӕ гиперболайӕ.

Фыссӕг уӕйыгӕй зӕгъы:

Хоры къутуйау йӕ тӕнтӕ,

Бинӕг был - кӕфой.

Ам фыссӕг уӕйыджы тӕнтӕ ӕмӕ был ӕвдисы, ӕцӕгӕй хъуамӕ цӕйас уыдаик-

кой, уымӕй дзӕвгар стырдӕрӕй.

Фыссӕг архайд кӕнӕ архайӕг предметы ас , миниуджытӕ стырдӕр хуызы

куы равдисы, уӕд ахӕм аивадон мадзал хуыйны гиперболӕ. Дзырдтӕ «кӕфой» ӕмӕ «хоры къуту» сты гиперболатӕ.


Фыссӕг уӕйыгӕй зӕгъы:

«Артау сыгъд йӕ сӕр». Кӕй зӕгъын ӕй хъӕуы, уӕйыджы сӕр артау пиллон нӕ уагъта, фӕлӕ цӕмӕй уӕйыджы мидуавӕр цӕстытыл бӕлвырддӕр ауайа , уый тыххӕй йӕ поэт бары арты сыгъдимӕ. Дзырд «артау» ам у барӕн.

Адӕмон сфӕлдыстады , кӕнӕ аивадон литературӕйы иу предмет ӕндӕр предметимӕ, кӕнӕ архайд ӕндӕр архайдимӕ цы аивадон мадзалы фӕрцы абарынц, уый хуыйны барӕн. Ис дзы бирӕ ӕмбисӕндтӕ:

«Атъӕпп уа, цы фыййау хоны амондджын йӕхи»

«Туг кӕрӕдзийӕ нӕ дарӕм»

«Кӕд цыппар фырты афӕдзӕн йӕ куыст ӕрвитынц»

«Дзырд кӕддӕриддӕр дзырд сайы»


10.Хӕдзармӕ куыст:

1. Аргъау аив кӕсын зонын.

2.Чиныджы йӕм цы хӕслӕвӕрдтӕ ис, уыдон баххӕст кӕнын


























Автор
Дата добавления 19.11.2016
Раздел ИЗО, МХК
Подраздел Презентации
Просмотров30
Номер материала ДБ-367209
Получить свидетельство о публикации

Похожие материалы

Включите уведомления прямо сейчас и мы сразу сообщим Вам о важных новостях. Не волнуйтесь, мы будем отправлять только самое главное.
Специальное предложение
Вверх