Сценарий
мероприятия, посвященного дню Победы
Ер
байрағы – алһыу ҡояш балҡыһын баш осонда!
“День
Победы”йырынан өҙөк яңғырай.
Ҡыҙ. Бөйөк Еңеү!
Тағы бер үт әле,
Йыйып ветерандар сафтарын.
Булат ҡылысың ялт-йолт итеп торһон,
Яуҙағылай булһын саптарың.
Егет. Һәм һауаға
күтәрелһен байраҡ,
Юлдарыңа гөлдәр теҙелһен.
Аяҙ күктә күгәрсендәр осоп,
Көлтә-көлтә йондоҙ һибелһен!
Ҡыҙ. Миҙалдар ҙа
сыңлап телгә килһен,
Йөрәктәрҙә ялҡын ҡабынһын.
Егет. Ошо ялҡын мәңгелек
ут булып,
Ошо көнгә мәңге табынһын!
Егет. Быйыл 9 май
көндө 65-се тапҡыр Еңеү салюты атыла.
Ҡыҙ. Һеҙҙе, яу һәм
тыл ҡаһармандары булған олатайҙар, өләсәйҙәр,
Егет. Инәйҙәр,
атайҙар, әсәйҙәр, апай-ағайҙар, уҡытыусылар, уҡыусылар!
Ҡыҙ. Барығыҙҙы ла
ошо оло байрам менән ихлас күңелдән ҡайнар ҡотлайбыҙ!
Егет. Бөйөк Еңеү!
Һин бит беҙҙең өсөн
Яҙғы гөлдәй йәшһең, күркәмһең.
Ләйсән төҫлө сафһың. Ә бит үҙең
Тамуҡ яфалары күргәнһең.
Ҡыҙ. Ҡояш булып
балҡып ҡарар өсөн
Күпме күҙ йәштәре түккәнһең.
Шулай ғорур атлап китер өсөн
Дүрт йыл ғазап юлы үткәнһең.
Йыр: «Шайморатов
генерал».
Ҡыҙ. Беҙҙең
Башҡортостандан һуғышта 700 меңдән ашыу яуғир ҡатнашып, шуларҙың 300 меңдән
ашыуы яу яландарында ятып ҡала.
Егет. Әйҙәгеҙ,
һуғышта ҡорбан булғандарҙы, яу яраларынан, әсирлектә, төрлө михнәт-сирҙәрҙән
һәләк булғандарҙы, хәбәрһеҙ юғалғандарҙы, тылдағы ауырлыҡтарҙы үҙ иңендә
күтәреп йонсоп, арабыҙҙан ваҡытһыҙ киткән фиҙакәр йәндәрҙе хәтерләп бер минутҡа
тын ҡалайыҡ!
Ҡыҙ.
Тын
ҡалайыҡ!
Тынлыҡ
Ҡыҙ. Рәхмәт! Беҙгә
яҡты, тыныс көндәр бүләк итер өсөн ғүмерҙәрен аямай утҡа ингән, ҡанын ҡойған,
бөтә көсөн, һаулығын биргән яу һәм тыл батырҙары алдында мәңге бурыслыбыҙ. Улар
алдында түбәнселек менән баш эйәбеҙ.
Йыр:
«Батырҙар һәйкәле».
Егет. Эйе, ул
йылдарҙың даны һүнмәҫ. Ергә ябырылған ҡанлы афәтте еңеү өсөн дәррәү күтәрелде
ғорур халҡыбыҙ.
Ҡыҙ. Һуғыш
йылдарында Советтар Союзы Геройы исеменә лайыҡ булған 11 мең 635 хәрби
хеҙмәткәр, партизан һәм подпольщик араһында илдәге 62 милләт һәм халыҡ вәкиле
бар.
Егет. Тиңе булмаған
ҡыуыулыҡ һәм батырлыҡ өсөн Башҡортостандан 300-ҙән ашыу яугир Советтар Союзы
Геройы, Дан орденының тулы кавалеры исеменә лайыҡ була.
Ҡыҙ. Еңеү көнөн
яҡынайтыу өсөн тылдағы өлкәндәр кеүек үк быуыны нығып етмәгән үҫмерҙәр ҙә бөтә
көсөн һала.
Бейеү:
«Батырҙар бейеүе», башланғыс кпасс малайҙары башҡарыуында.
Шиғыр
һөйләүселәр сыға.
1-се
уҡыусы.
Ниндәй гүзәл тормош!
Әллә инде
Был донъяла һуғыш булмаған,
70 йыллап элек ошо Ерҙән
Үлем бөркөп афәт уҙмаған.
2-се. Эйе, улар –
беҙҙең ветерандар,
Шул һуғышты күреп белгәндәр,
Иле өсөн, йәнен аямайса,
Ут эсенә барып кергәндәр.
3-сө. Еңеү өсөн
көнө-төнө эшләп,
Булған һаулығынан яҙғандар,
Шул ҡәһәрле һуғыш арҡаһында
Бала саҡһыҙ тороп ҡалғандар.
4-се. Кемдең ире,
улы йә атаһы
Киткән юлдарынан ҡайтмаған.
Йәйҙәр, ҡыштар елеп үтә торған,
Ҡәберҙәрен ҡарҙар ҡаплаған…
Бейеү:
«Ҡыр ҡаҙҙары».
5-се.
Ейәндәрем
тыныс йәшәһендәр,
Күрмәһендәр йәбер-золом тип,
Зәңгәр күктә ҡоштар һайраһындар,
Ҡояш һәр саҡ балҡып торһон тип.
6-сы. Шуға күрә,
әйҙә, бөтәбеҙ ҙә
Күрәйексе улар күңелен.
Кескәй ярҙам етә бит уларҙың
Биҙәү өсөн ҡалған ғүмерен.
7-се. Мең ҡат
бурыслыбыҙ уларға беҙ
Ер, һыу, һауа, Тыуған ил өсөн.
Ҡарҙай ап-аҡ, йомшаҡ тәмле икмәк
Һәм бөгөнгө сыуаҡ көн өсөн.
Йыр:
«Батырҙар һәйкәле».
Сәхнәгә
шарҙар, флагтар тотҡан 1-се класс уҡыусылары менә.марш.
1-се бала. Әйтәбеҙ һеҙгә,
өлкәндәр,
Беҙ – донъя балалары:
Балаларҙың һарылары,
Аҡтары, ҡаралары.
2-се. Әрней һаман
һуғыштарҙан
Ҡалған ер яралары-
Төҙәлһен иҫке яралар,
Булмаһын яңылары.
3-сө. «Сәскәләр»
тиһегеҙ беҙҙе-
Уларҙы һулытмағыҙ.
Һеҙ бит көслө, һуғыштарҙы
Бынан һуң булдырмағыҙ.
4-се. Киләсәктең ҙур
һүрәтен
Яһағы килә беҙҙең.
Йырҙай гөрләүен теләйбеҙ
Әйләнә - тирәбеҙҙең.
5-се. Алһыуланһын
алһыу алма
Балаларҙың усында.
Ер байрағы – алһыу Ҡояш
Алланһын баш осонда!
6-сы. Тик һаман төрлө
тарафтан
Хәүефле хәбәр килә.
Юҡ, үлергә теләмәйбеҙ-
Беҙҙең йәшәге килә.
Бергә: Беҙ-ҙең йә-шә-ге
ки-лә!
Ҡыҙ. Тыуыр
таңдарыбыҙ тыныс, йырлы-һандуғаслы, төндәребеҙ ай-йондоҙло булһын!
Егет. Бөйөк Еңеүҙең
73-се яҙы һәммәбеҙгә лә ныҡлы һаулыҡ, бәхет, йорт-еребеҙгә именлек килтерһен!
Йыр «Вальс Победы».
Уҡыусылар бөтәһе бергә
сәхнәгә сығалар.
Оставьте свой комментарий
Авторизуйтесь, чтобы задавать вопросы.