Урок МРБ "Мінск - сталіца нашай краіны"

ГУО “Средняя школа № 14 г.Новополоцка”

Разработка урока

по предмету “Человек и мир”

 в 4 классе

“Мінск – сталіца нашай краіны”

Подготовила учитель

начальных классов

Блашкевич Н.Т.

2019г.

Тэма: Мінск — сталіца нашай краіны (2 урок).

Мэта ўрока: у канцы ўрока вучні будуць ведаць назвы галоўных плошчаў Мінска.

Задачы: -аднавіць веды аб гісторыі паходжання Мінска і яго назвы;

                -садзейнічаць фарміраванню ў вучняў прасторавых уменняў карыстацца планам горада;

                 -садзейнічаць выхаванню гонару за сталіцу, творчых здольнасцей вучняў.

Тып урока: камбінаваны.

Абсталяванне: вучэбны дапаможнік, індывідуальныя карткі з заданнямі; карткі з назвамі праспектаў, малюнкі будынкаў; прэзентацыя; план горада Мінска.

Ход урока

1. Арганізацыйны момант.

-Добры дзень, дзеці! Я вітаю ўсіх і рада бачыць вас бадзёрымі, вясёлымі і здаровымі.

Пачынаем урок з гульнi. Калi вы са мной згодны, гаварыце “так”.

Мову родную шануем? (Так.)

Мы з гісторыяй сябруем? (Так.)

На уроку не сумуем? (Так.)

I выдатна мы працуем? (Так.)

Дэвiз урока:

Будзем добра працавадь

І не будзем сумаваць!

2.Паведамленне тэмы, мэты, задач урока.

Эпіграф:     Мой родны Мінск, пад небам жураўліным

                     Жыві, квітней пад зоркай залатой

                     Ты для мяне на ўсёй зямлі – адзіны,

                     Цябе люблю я ўсёй душой.   

-Ці здагадаліся вы, чаму будзе прысвечаны наш урок?

- Сапраўды, сёння мы з вамі працягнем падарожнічаць па сталіцы нашай дзяржавы Мінску.

-Давайце паспрабуем вызначыць, што ж мы будзем рабіць на сённяшнім уроку. Выцягваем паперку з пачатка сказа і паспрабуем яго закончыць.

На ўроку мы паўторым….. (тое, што мы ўжо ведаем пра Мінск)

На ўроку мы будзем правяраць ……..(дамашняе заданне)

На ўроку мы даведаемся …….( нешта новае пра Мінск)

На ўроку мы будзем вучыцца …… (здабываць веды)

На ўроку мы будзем знаёміцца …….(бліжэй са сталіцай)

На ўроку мы будзем замацоўваць…… (вывучанае)

3.Актуалізацыя ведаў.

-Давайце перад тым як мы будзем працягваць гаварыць пра сучасны Мінск, звернемся да гісторыі гэтага горада.

У вас на партах ляжаць карткі, якія будуць дапамагаць нам на працягу ўсяго ўрока. Знайдзіце першае заданне.

Запоўніце пропускі ў сказах на вашых лістах. Колькасць клетачкаў падкажа вам, колькі павінна быць літар, або лічбаў у правільным адказе.

г

а

л

о

ў

н

ы

1.Мінск – самы  горад Беларусі.

1

0

6

7

2.Датай заснавання Мінска лічыцца    год.

н

я

м

і

г

а

3.Менавіта тады адбылася бітва на рацэ

4.Тры меркаванні пра паходжанне назвы горада Мінск:

м

е

н

е

с

к

а

- ад імя млынара

м

е

н

а

-ад слова

м

е

н

к

а

-ад рэчкі

2. Праверка дамашняга задання.

-Дома вы чыталі пра галоўныя праспекты горада Мінска.

-Хто помніць, як называецца праспект, які з’яўляецца Цэнтральнай магістраллю? ( Праспект Незалежнасці)

Вывешываю назву на дошку.

-Як называецца праспект, які пачынаецца ад старой часткі горада і ўздоўж яго знаходзіцца шмат спартыўных комплксаў, гандлёвых цэнтраў? (Праспект Пераможцаў)

Вывешываю назву на дошку.

-Як называецца праспект, назва якога сведчыць пра вялікі ўклад партызан у перамогу ў ВАВ? (Партызанскі праспект)

Павесіць на дошку.

-Праспект, названы ў гонар Героя Савецкага Саюза, Героя Сацыялістычнай Працы? (Праспект Машэрава).

Павесіць назву на дошку.

-Давайце размяркуем паміж праспектамі будынкі горада Мінска ў залежнасці ад іх распалажэння.

Пр-т Незалежнасці       Пр-т Пераможцаў           Партызанскі пр-т         Пр-т Машэрава

Нац.бібліят.                   Музей ВАВ                    Аўтамаб.завод                       Завод Гарызонт

Рэзідэнц.Прэзід.         “Востраў мужн…”             Трактарны зав.   

Цырк                            Палац Незалежн.     

3. Падрыхтоўка вучняў да работы на асноўным этапе

- Сёння мы далей працягнем вандраваць па гораду Мінску і пазнаёмімся з галоўнымі плошчамі сталіцы.

-Скажыце, а як называецца галоўная плошча нашага горада Наваполацка? (Будаўнікоў)

-У Мінску 19 плошчаў, але знаёміцца мы з вамі будзем толькі з самымі галоўнымі і знакамітымі.

-Як вы бачыце, колькі іх? (7)

-Давайце прачытаем іх назвы.

План урока:

1. Прывокзальная плошча.

2. Плошча Свабоды.

3. Плошча Незалежнасці.

4. Кастрычніцкая плошча.

5. Плошча Перамогі.

6. Плошча Якуба Коласа.

7. Плошча Дзяржаўнага сцяга.

4. Этап засваення новых ведаў і спосабаў дзеянняў.

- Пры знаёмстве з кожнай плошчай, мы будзем адзначаць яе на карце, якая ў вас з адваротнага боку вашых картак. У вас ёсць карта і прамавугольнікі з назвамі плошчаў. Будзем прыклеіваць іх у адпаведныя месцы.

Пачнём з прывакзальнай плошчы.

1.     Прывакзальная плошча (расказвае настаўнік)

         Турысты, госці якія прыязджаюць у Мінск прыбываюць на чыгуначны або цэнтальны аўтавакзал. Пры выхадзе з чыгуначнага вакзала госці сталіцы бачаць  “вороты горада”. «Варотамі» сталіцы называюць Прывакзальную плошчу. Пасля заканчэння вайны тут былі пабудаваны два будынкі, якія нагадваюць вежы. На плошчы размешчаны чыгуначны вакзал і аўтавакзал «Цэнтральны». Гэта сучасныя будынкі, зробленыя з металу і шкла. Яны вылучаюцца сваёй зручнасцю і камфортам.

Давайце адзначым гэтую плошчу на карце.

-З наступнымі 2 плошчамі вы пазнаёміцеся самастойна, а потым раскажаце пра іх.

2.     Плошча Свабоды (1 варыянт)

         Самая старажытная плошча ў горадзе — плошча Свабоды. Тут адноўлены будынак гарадской ратушы, якая сведчыла аб наданні Мінску права на самакіраванне. На ратушы ўзвышаецца флюгер, размешчаны гадзіннік і герб горада. На плошчы і побач з ёй захаваліся помнікі 17—19 стагоддзяў. Прыгожай часткай сённяшняга Мінска стала гістарычнае Траецкае прадмесце.

3.     Плошча Незалежнасці (2 варыянт)

         Сёння ў Мінску сотні вуліц і праспектаў. Цэнтральнай магістраллю з’яўляецца праспект Незалежнасці. Каля і ўздоўж яго размешчана шмат розных устаноў. Гэта Дом урада і рэзідэнцыя Прэзідэнта Рэспублікі Беларусь, Нацыянальная акадэмія навук Беларусі, навучальныя ўстановы, адноўлены будынак цырка, кінастудыя «Беларусьфільм». Праспект упрыгожвае арыгінальны дваццацітрохпавярховы будынак Нацыянальнай бібліятэкі. У ёй захоўваюцца мільёны кніг, часопісаў, рэдкіх выданняў. Каля будынка бібліятэкі ўзведзены помнік беларускаму і ўсходнеславянскаму першадрукару Францыску Скарыне.

         Самая вялікая і ўрачыстая — плошча Незалежнасці. Тут знаходзяцца Дом урада, найбуйнейшыя навучальныя ўстановы краіны — Беларускі дзяржаўны ўніверсітэт і Беларускі дзяржаўны педагагічны ўніверсітэт імя Максіма Танка.

4.     Кастрычніцкая плошча (расказвае настаўнік)

         А далей па праспекце Незалежнасці — Кастрычніцкая плошча. Тут узведзены велічны Палац Рэспублікі. Ёсць на плошчы знак «Нулявы кіламетр», які з’яўляецца пачаткам дарог Беларусі.

5.     Плошча Перамогі

-Як вы лічыце, чаму яна так называецца і каму прысвечана?

-Давайце прачытаем на с.138.

        

-Давайце адпачнём на гэтай плошчы.

Фізкультхвілінка.

Сонца шчыра ўсміхнулася.

Мы падняліся, апрануліся,

Спортам любім мы займацца

Зімой на лыжах,вясной на роліках катацца.

У футбол, хакей гуляць

Краіну ж трэба праслаўляць

Скажам шчыра: "Мара наша –

Быць як Домрачава … Даша”.

-А хто такая Домрачава Даша.

-Давайце даведаемся больш падрабязна пра яе.

(Расказваюць загадзя падрыхтаваныя вучні).

6.     Плошча Якуба Коласа (відэаролік)

         Плошча Якуба Коласа ўзнікла на месцы, якое раней называлася Камароўкай. А зараз так мінчане называюць рынак. Цэнтральнае месца на плошчы займаюць помнік паэту — песняру роднай зямлі Якубу Коласу і скульптуры герояў яго твораў. Побач з плошчай — строгі будынак філармоніі, цэнтральны ўнівермаг «Мінск», паліграфічны камбінат, дзе друкуюцца падручнікі для школ. А непадалёку знаходзіцца будынак былога прыборабудаўнічага завода, дзе да вайны працаваў Трыфан Лук’яновіч. У яго гонар на сцяне будынка размешчана памятная дошка, а адна з мінскіх вуліц носіць яго імя.

-Чым адметна гэтая плошча? Што на ёй знаходзіцца?

7.     Плошча Дзяржаўнага сцяга (расказвае настаўнік)

         Самая маладая плошча ў сталіцы знаходзіцца на праспекце Пераможцаў. Яе назва гаворыць сама за сябе – Плошча Дзяржаўнага сцяга.

5. Замацаванне вывучанага

-Прыйшоў час праверыць, ці ўважлівыя вы былі на ўроку. Давайце назавём плошчы, з якімі мы сёня пазнаёміліся.

-А зараз пагуляем у гульню. У вас на партах карткі. У некаторых пытанні, у некаторых адказы. Адзін вучань устае і задае пытанне, а другі(у каго адказ) павінен устаць і назваць адказ.Такім чынам у вас атрымаецца пара.

1.     Які горад з’яўляецца сталіцай Беларусі? (Мінск)

2.     Назавіце год заснавання Мінска? (1067)

3.     Якое званне было прысвоена нашай сталіцы пасля вайны? (Горад-герой)

4.     На якой плошчы знаходзяцца Вароты сталіцы? (Прывакзальная плошча)

5.     Якая плошча Мінска з’яўляецца галоўнай і самай важнай? (Плошча Незалежнасці)

6.     Як называецца плошча, на якой запалены Вечны агонь у гонар гагінуўшых у Вялікай Айчыннай вайне? (Плошча Перамогі)

7.     Якая вуліца з’яўляецца галоўнай магістраллю Мінска? (Праспект Незалежнасці)

8.     На якой плошчы устаноўлены знак “Нулявы кіламетр”? (Кастрычніцкая плошча)

9.     Як называецца помнік – падарунак ад японскіх гарадоў, які знаходзіцца на Плошчы Незалежнасці? (Звон Нагасакі)

10. Імя якога пісьменніка носіць адна з плошчаў горада Мінска? (Якуб Колас)

11. Як называецца самая маладая плошча ў сталіцы? (Плошча Дзяржаўнага сцяга)

12.  На якой плошчы знаходзіцца будынак гарадской ратушы? (Плошча Свабоды)

13. Што ты абавязкова ўбачыш на самай маладой плошчы сталіцы? (Дзяржаўны сцяг)

-Малайцы, амаль усе знайшлі сабе пару. А зараз давайце абугульнім усё,што мы ведаем пра нашу сталіцу і паспрабуем саставіць сінквейн з галоўным словам “Мінск”. Знайдзіце на картках апошняе заданне.

-Давайце паглядзім, што ў вас атрымалася.

-Я збяру вашы лісты, праверу,як вы выконвалі папярэднія заданні, ацаню вашы сінквейны і выстаўлю выніковую адзнаку за ўрок.

6. Інфармацыя аб дамашнім заданні

         Р.сш. с.35-36

7. Падвядзенне вынікаў урока. Рэфлексія

Дапоўніце сказы:

Я ўспомніў …

Я пазнаў новае пра …

Цяпер я магу …

Я б змяніў …

Мне было цяжка …

         Хачу больш даведацца пра …