Урок на тему "Бауырмалдық және кеңпейілділік"

Асем Сыдыкова

Өзін-өзі тану пәнінің мұғалімі

Екіаша орта мектебі    КММ

Сарқан ауданы, Екіаша орта мектебі

Мектеп: Екіаша    

Тақырыбы: Бауырмалдық және кеңпейілділік

Құндылық: Сүйіспеншілік       Қасиеттер: мейірімділік , қамқорлық, бауырмалдық

Мұғалім: Сыдыкова А.Ж.                      класс: 6             Оқушылар саны: 19

Сабақтың мақсаты: оқушыларға   кең  пейілділік  ,  бауырмалдық  сияқты   адамгершілік    құндылықтар  туралы    түсінік  беру. Міндеттері :  -  Оқушыларға  кең  пейілділік  ,  бауырмалдық  ұғымдары туралы    түсінік  беру  ; -    Оқушылардың    айналасындағыларға  түсіністікпен   қарап  ,  олардың    қамқорлық  сезімдерін    дамытуға    ықпал  ету ; -    Оқушыларды  көпшіл  ,   қамқор  болуға  тәрбиелеу.	Ресурстар оқулық, оқушы дәптері, үн таспа, тақта.
Сабақтың  барысы:  1. Ұйымдастыру кезеңi. Сәлемдесу. (Сабақтағы жағымды күйге келу)  Тыныштық сәтi:  (Нұрға бөлену) Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін. Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді. Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын. Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын». Осындай Нұр, Махаббат және Тыныштық күйінде отыра тұрыңыз... Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз. Жаймен көзіңізді ашуға болады. Рахмет.
2. Үй тапсырмасын тексеру   Мақал-мәтел сұрау. 1.      Кеңпейілділік қандай ізгі қасиеттерден туындайды? 2.      Кеңпейілділік, бауырмалдық сияқты қасиеттер қандай істерден көрінеді?
3.Жағымды ой- пікір (дәйек сөз) 4.Оқиға айту : (Мұғалім сыйы ) Мультфилм көрсету 1.      Бұл мультфилмнан нені үйрендік? 2.      Кеңпейілділікті байқадықпа? 3.          «Алма ағашы»  өсиет әңгімені үнтаспадан тыңдату. 1.      Бала ағаштың кеңпейілділігін бағалай алды ма? 2.      Кеңпейілділіктің шегі бар ма? 3.      Бала ағаштың кеңпейілділігіне сай ниет танытса , не болар еді? 4.      Балаға қандай тілек айтар едіңдер?
5.Шығармашылық жұмыс. 1.  «: Мейірімділік»  тобы:,  Бауырмалдық пен кеңпейілдік туралы көрініс.  2.  «Қамқорлық»  тобы:  Бауырмалдық, кеңпейілдік сөздерін қатыстырып, бір шумақ өлең құрастыру.  3. « Бауырмалдық»  тобы:  «Бауырмалдық, кеңпейілдік» тақырыбына эссе жазу.            Жағдаяттан шығу 1.Сенің үйіңе ымыртта бір танымайтын кісі келіп, қонатын жері жоқ екенін, таңертеңге дейін үйге қондыруын сұрады. Ал сенің үйіңде онсыз да қаладан келген туыстарың бар еді. Анаң үйде қонақ көп екенін айтып, ол кісіні қондырғысы келмегенін айтты. Сен не істейсің? 2.Қалада апаңның үйіне бардың. Сені дүкеннен нан әкелуге жұмсады. Сен дү - кеннен нан алып келе жатқанда бір 5 - 6 жасар жылап тұрған қызды кездестір - дің. Ол адасып кеткен сияқты. Сен оған көңіл бөлер ме едің? 3.Жанна өте ақкөңіл болатын. Өзі жақсы оқитын. Ол барлық балаға білгенін айтып, көмек беруден жалықпайтын. Ол бірде сырқаттанып, сабаққа келмей қалды. Өзі сабақтардан өткен тақырыптарды меңгермей қалды. Ал досы Нұргүл болса, оған көмек беруді ойламады да. Сен не істер едің?
6.Топпен ән айту.                       Жан-досым 1.      Iздегенде табылатын қасыңнан, Көңілі бар қызғалдақтай ашылған. Көрiспесек кағыныштанжүдейтiн, Кiмбарекенбалакүнгiдосыңнан!                Қайырмасы: Жан досым, үстем болсын мерейің, Әрқашан жеңiсiңді көрейiн, Сырымызда бiтпесiн, Жырымызда бiтпесiн, жырымызда бiтпесiн! Қос бұтағы секiлденiп ағаштың, Қатар жүріп сырымызды санаштық. Жолтапсақтабiргежүрiпжолтаптық, Адассақта бiрге жүрiп адастық.             Қайырмасы: Жан досым, үстем болсын мерейің, Әрқашан жеңiсiңді көрейiн, Сырымыз да бiтпесiн, Жырымыз да бiтпесiн, жырымыз да бiтпесін! 3.      Өмiр өзi арқамызға жүк салып, Бәрiмiздi қияларға жұмсады. Қатар ұшқан құска ұқсадык әлде бiз, Қатар жанған қос жұлдызға ұқсадық.                                            Қайырмасы: Жан досым, үстем болсын мерейің, Әрқашан жемiсiңді көрейiн, Сырымыз да бiтпесiн, Жырымыз да бiтпесiн, жырымыз да бiтпесін!	Сөзі: Т.Молдағалиев
7.Үйге тапсырма.  «Қазақстан» атты өлеңін жаттау. 8.Тыныштық сәті.  Мұғалім: Көзімізді жұмамыз...,арқамызды тіктейміз..., қолдарыңды тізеге қоюға болады...бүгінгі сабақтан түйгендерімізді жүрекке сақтап алайық. Балалар бүгінгі сабағымыздан алған әсерлерімізді, тілектерімізді стикерге жазып, тақтаға ілейік (баяу әуен қойылады). 9. Кері байланыс