Урок на тему "Графикалық редактор"

Cабақтың тақырыбы: Графикалық редакторының сурет салу құралдары

Сабақтың мақсаты:Графикалық редактормен жұмыс істеуге үйрету.

 Білімділік:Оқушылардың қылқаламмен сурет салу, бүріккіш және өшіргіш құралдарын пайдалану  дағдыларын қалыптастыру.

Дамытушылық: Оқушылардың ойлау қабілетін, логикалық- абстракциясын  дамыту.

Тәрбиелік: Оқушыларды тәрбиелікке, ұқыптылыққа, тиянақтылыққа  үйрету.

Сабақтың түрі: аралас сабақ.

Сабақта қолданылатын көрнекі құралдар: компьютер, оқулық, интерактивті тақта

Сабақтың барысы: І. Ұйымдастырылуы. Оқушылармен амандасу, түгендеу, сабаққа дайындықтарын тексеру, жаңа сабақтың тақырыбы мен мақсатын таныстыру.

ІІ.Үйге берілген тапсырманы сұрау.Қайталау сұрақтары:

-          Түзу сызық сызу әрекеті қалай орындалады?

-          Тік төртбұрыш салу әрекеті қалай орындалады?

-          Дөңгеленген тік төртбұрыш салу әрекеті қалай орындалады?

-          Эллипс, шеңберн салу  әрекеттері қалай орындалады?

-          Осы фигуралардың түстерін қалай өзгертуге болады?

-          Қисық сызықтарды сызу әрекеті қалай орындалады?

-          Көпбұрышты салу әрекеті қалай орындалады?

-          Құю құралын пайдаланып тұйық фигуралардың ішін қалай бояуға болады?

ІІІ. Жаңа тақырыпқа дайындық кезеңі

ІV. Жаңа тақырыпты түсіндіру

       Бүріккіш құралын пайдалану:

-          Бүріккіш    құралының батырмасын шертеміз.

-          Түстер палитрасынан түс таңдаймыз.

-          Бүріккіш дағының өлшемін таңдаймыз

-          Бояуды бүркеміз.

Қылқаламмен сурет  салу:

-          Кисть (Қылқалам)  құралының батырмасын шертеміз.

-          Кистьтің пішіні мен өлшемін таңдаймыз.

-          Түстер палитрасынан қажетті түсті таңдаймыз.

-          Тышқан нұсқаушысын бояуды бастайтын жерге орналастырамыз.

-          Тышқанның сол жақ батырмасын басып тұрып, Кистьті жылжытамыз.

-          Тышқаннаң батырмасын жібереміз.

Өшіргіш  құралын пайдалану:

-          Өшіргіш құралының батырмасын шертеміз.

-          Өшіргіштің өлшемін таңдаймыз

-          Тышқан нұсқағышын  өшірілетін сызыққа орналастырып, маустың сол батырмасын басып тұрып өшіреміз.

-          Батырманы жібереміз

V.Жаңа тақырыпты түсінгенін тексеру кезеңі

Компьютермен жұмыс

1.      А деңгейі

2.      В деңгейі

3.       С деңгейі

VI. Сабақты бекіту

-          Бұріккіш құралын қалай пайдаланамыз?

-          Қылқаламмен суретті қалай саламыз?

-          Өшіргіш құралын қалай пайдаланады?

VII. Сабақты қорытындылау және бағалау: Сабақта жеткен жетістіктері мен кемшіліктеріне тоқтала отырып, бүгінгі сабаққа қысқаша шолу жасау арқылы сабақты қорытындылау.

VIII. Үйге тапсырма: оқулықтағы §15 тақырыпты оқу