Урок на тему "4 санын қосу және азайту"

Тақырыбы: «Отбасы жарастығы»

Мақсаты:Балалардың "сыйластық", "махаббат" құндылықтары туралы

түсініктерін кеңейту.

Міндеттері:1. Отбасы жарастығы, сыйластығы туралы түсінік

қалыптастыру.

                       2. Жағымды қарым-қатынас жасау іскерліктерін қалыптастыру.

                       3. Өзара сыйластыққа тәрбиелеу.

Сәлемдесу: Жарқырап күн де ашылды,

Күн нұры түгел шашылды.

Қайырлы күн, қонақтар,

Біз әдепті баламыз.

Қайырлы күн, ұстазым!

Біз көңілді боламыз.

       

Шаттық шеңбері:

Әкем - әнім

Сөзі О.Сүттібаевтікі,

Әні Ә.Сүлейменовтікі.

Ұшырдың баптап ұядан,

Кетпейсің ойдан, қиялдан.

Арманға биік қол созсам,

Тұрасың демеп жиі алдан.

Қайырмасы:

Көңілім бүгін алаңды,

Күттің бе, әке, балаңды,

Шаттықпен жарқын тойыңа,

Сыйлаймын сазды бұл әнді.

Адалдық әркез көксеген,

Үйрендім, әке, тек  сенен.

Ардақтап өтем мәңгілік,

Ғұмырда жалғыз жетсе дем.

Жүректі тербеп күй сынды,

Биікке ұшсам сүйсіндің.

Мойныңа көптен асылмай,

Сағындым, әке, иісіңді.

Үй тапсырмасын сұрау.

Әңгімелесу:

1. Отбасы деген не?

2. Отбасына кімдер кіреді?

3. Сен отбасында кімсің?

4. Отбасы мүшелері бір-бірімен қандай

қарым-қатынас жасайды?

5. Өз үйіңде сен үшін ең қымбат нәрсе не?

6. Өз отбасың туралы айтып бер.

7. Отбасында сені қалай еркелетеді?

Дәйексөзбен жұмыс:

1.     Ұяда не көрсең, ұшқанда соны ілесің.      (Халық мақалы)

2. Шаңырақ сәні – сыйластық.(Халық даналығы)

Жаңа ақпарат:

   Адамға өмірде ең қымбаты – отбасы. Отбасында сүйіспеншілік, сыйластық, татулық, бауырмалдық болғанда бірлік болады. Бір-бірін аялап, кешіре, түсіне білгенде отбасы берік болады.

Тыныштық сәті:

Балалар, денелеріңді түзу, бастарыңды жоғары көтеріп, ыңғайланып отырыңдар. Көздеріңді жұмуларыңа болады. Ауаны терең жұтып, еркін тыныстап, денемізді бос ұстаймыз.

     Айналадағы барлық тіршілік иелері сіздерді аялап, қоршап, қамқор болып жатыр. Сіздер жанұяларыңызбен бақытты сәтті бастан өткізіп жатырсыздар. Көңіл-күйлеріңіз өте жақсы, сіздер күліп, тамаша сезімдерге бөленіп жатырсыздар. Тұла бойларыңыз махаббат пен жақсылыққа толды.

     Енді көзімізді ашып, бастапқы қалпымызға оралайық.

Кім өзінің алған әсерімен бөліскісі келеді?

                        

Шығармашылық жұмыс:

1-топ. "Гүлдесте жасау".

Қолдарыңдағы гүлдерге табиғатқа деген сүйіспеншіліктеріңді

жазып, гүлшоғырын жасаңдар

2-топ. "Ана мен бала арасындағы махаббат"

Өздеріңнің аналарыңа деген тілектеріңді алдарыңдағы

кішкене жүрекшеге жазып,

оны үлкен жүрекке жапсырыңдар.

3-топ. «Отаныңа деген махаббат"

Өздеріңнің еліңе деген тілектеріңді алдарыңдағы

сәулелерге жазып, оны күн күлшесіне жапсырыңдар.

Ойын-жаттығу:

Балалар, бізге қонаққа досымыз Махаббат, денсаулық, байлық келе жатыр екен. Оларға демалатын үй керек. Ендеше, бәріміз бірігіп оған әдемі үй салып берейік.

Қортындылау:

Әдептілік:

-тәртіпті болу

-өтірік айтпау

-шыншыл болу

-адамгершілік

-көмектесу

-үлкенді сыйлау

-ата-ананы тыңдау

-кешірім сұрау

Махаббат:

-адамның өмірге құштарлығын арттырады;

-өзгелерді сыйлауға негіз болады;

-отанды, елді құрметтеуге үйретеді;

-табиғаттың сулулығын сезіндіреді;

Отбасы:

-Сүйіспеншілікті сезінуге үйретеді;

-Жақсылыққа жетелейді;

-Еңбектенуге, білім алуға көмектеседі;

-Үлкендерді құрметтеуге, кішілерге қамқор болуғакөмектеседі.

Отбасы жарастығы:

-келісім;

-сүйіспеншілік;

-адалдық;

-сыйластық;

-бірлік;

-татулық;

Үйге тапсырма:

Дәптермен жұмыс

№1,2 тапсырма

Жүректен –жүрекке