Сыныбы:1
Уақыты:
Сабақтың
тақырыбы: Өсімдіктер.
Сабақтың
мақсаты: 1. Өсімдіктер тіршілігі туралы алған білімдерін
жүйелеп табиғатты қорғауға қажетті білім біліктерін бекіту, тереңдету. Өсімдік
тіршілік иелерінің денсаулығын қорғаушысы екенін ұғындыру
2. Оқушылардың ой - өрісін, танымдық қабілеттерін дамыту,
сөздік қорын молайту.
3. Табиғатты сүюге тәрбиелеу.
Сабақтың
түрі:
жаңа сабақ
Сабақтың
әдіс-тәсілдері: түсіндіру, сұрақ-жауап, баяндау.
Сабақтың
көрнекілігі:
Сабақтың
барысы:
1.Ұйымдастыру
бөлімі
Психологиялық
дайындық. Көзімізді
жұмамыз.
1.
Терең дем алайық, жарық түсіп тұрғанын елестетіп көріңдер
- Бұл таңғажайып жарық, жүрегімізде тыныштық,
сүйіспеншілік әкеледі.
- Керемет! Жүрегімізде әдемі гүл ашылып келеді.
Қандай әдемі!
- Түрлі - түсті күлтелері құлпырып тұр.
- Бұл сендердің аталарың, әжелерің, әкелерің,
аналарың. Ал гүлдің ортасындағы дөңгелек – сен.
- Бұл жай гүл емес, ол - сүйіспеншілік гүлі -
табиғаттың бір бөлігі.
2.
Сұрақ - жауап:
Жылдың
қай мезгілі?
Бүгін
аптаның нешінші күні?
- Табиғатты нелер құрайды?
- Аспан, ай, күн, жұлдыз, тау, тас, ағаш, көл,
аң, жануарлар.
- Табиғат нешеге бөлінеді?
- Тірі табиғатты ата. – Өсімдік, жануарлар,
адам.
- Өлі табиғатты ата. – Жер, ай, су, күн, ауа,
күннің жылуы, жарығы.
Ендеше өсімдік табиғаттың бір бөлігі екен.
Өсімдіктер орманда, далада, тауда да, суда да өседі.
Жаңа
сабақ. Өсімдіктер.
Мәтін оқу.
Өсімдіктер
–табиғаттың жанды денелері. Олар қоректенеді, тыныс алады, өседі, көбейеді,
қурайды. Өсімдіктердің өсуіне топырақ, су, жылу, ауа, күн көзі керек.
Өсімдіктер үш
топқа бөлінеді – ағаштар, бұталар, шөптектес өсімдіктер.
Ағаштар, бұталар
орманда, бақта, саябақта өседі. Ауыл мен қала көшелеріне қарағаш, тал, жөке,
қайың, емен ағаштары сән беріп тұрады. Ал раушангүл, шырғанақтың гүл шоғырлары
ерекше жұпар иіске бөлейді. Оларға ара, көбелек келіп қонады. Олар гүлдің дәмді
шырынын сорады.
Шөптектес
өсімдіктер барлық жерде өседі. Олардың көбі ашық түсті әдемі гүл ашады. Ерте
көктемде бақбақ, қоңыраугүл, қызғалдақтар гүлдейді. Олар табиғаттың ажарын аша
түседі.
Өсімдік - тіршілік тірегі. Өсімдіктер жылына ауа
қабатына 400 млн. тонна оттегін бөліп шығарады. Жылына бір адам тыныс алу үшін
173 мың литр оттегін қабылдайтыны анықталған. Өсімдіктер ауада ауру тудыратын
бактерияларды жоятын ерекше зат бөліп шығарады.
Сонымен бірге жануарлар үшін қорек, баспана. Ал
адам тағам, үй, жиһаз, ауырғанда ем ретінде пайдаланады.
Адамның түрлі іс - әрекеттері өсімдікке әсер
етеді. Тікелей әсері - орманды кесу. Кешенді әсері - ауылшаруашылық
зиянкестерімен күресу үшін егістіктерді, бау - бақшаны, егістіктерді жояды.
Ойланбай істелетін іс - әрекеттері - шаруашылық саласында, демалыс кездерінде
байқамай өрт шығып, өсімдіктерге зардабын тигізеді. Кейінгі жылдары
республикамыздың орман қоры аумағында 2257 орман өрті орын алды. Бұл өрттің
70%- зы отты дұрыс пайдаланбаудың салдарынан болған.
Дидактикалық
ойын.
«Қонақжай гүлдер» ойынын ойнату.
Мақсаты: Оқушылардың
сөз байлығын молайтуға, бір-бірімен тату болуға, әр нәрседе тек жаман жағын
емес, жақсы жағынан көре білуге тәрбиелеу.
Нұсқау: бір оқушыға
гүлдің карточкасын беріп, келесі оқушыға араның карточкасы беріледі. Ара
ызылдап ұшып жүреді. Күтпеген жерден ара гүлге келіп қонады. Гүл жәндікке
бірнеше қонақжайлылықты танытатын сөз айтуы керек. Мысалы: сені жаңбырдан
қорғаймын, шырын балмен қоректендіремін т.с.с. Жәндік оған қонақжайлылығы үшін
алғысын білдіріп, сол гүл оған несімен ұнағанын түсіндіреді. Мысалы: сен өте
әдемісің,түсің көздің жауын алады.Иісің хош жұпар аңқиды. Менің әжеме дала
гүлдері ұнайды.Себебі,әжем одан иіссу жасайды.
Ойын: «Адасқан әріптер»
Мақсаты: Оқушыларды
сөзді қатесіз жазуға, әріптердің орналасу ретін білуге үйретеді.
Нұсқау: Оқушының
алдында сурет жатады.Сол суреттің не екенін атап, шашылған әріптерден сол сөзді
құрастыруы керек.
Дәптермен
жұмыс. Дәптерлеріңде
гүлдің ішінде есеп берілген. Соны шығарыңдар.
Сергіту
сәті.
Ойын: «Не
артық?» Қатарда тұрған суреттерден артық суретті қорша.
Сабақты
бекіту.
-
Сабақта
нені үйрендік?
-
Өсімдіктер
дегеніміз не?
-
Ол
қандай табиғатқа жатады?
-
Өсімдіктердің
адам ағзасына пайдасы бар ма?
-
Өсімдіктер
неше топқа бөлінеді?
Сабақты
қорытындылау.
Ойын. Табиғаттан
нені үйрендім? Дәптерге, немесе тақтаға орындауға болады.
- Мен күннен мейірімділікті үйрендім (күнді
салу)
- Мен судан тазалықты үйрендім (суды салу)
- Мен әдемі гүлдерден нәзік болуды үйрендім
(гүлді салу)
- Мен ағаштан мықты, төзімді болуды үйрендім
(ағаштың суреті)
- Мен табиғаттан қайырымдылықты үйрендім (құсты
бейнелеу)
- Мен табиғатты қорғауды үйрендім (шөпті
бейнелеу)
- Міне балалар, білімдеріңмен еліміздің бірнеше
жерлерін гүлдендірдіңдер.
Оставьте свой комментарий
Авторизуйтесь, чтобы задавать вопросы.