Урок на тему "Тұйық етістік"

Алматы облысы

Жамбыл ауданы

Абай атындағы гимназия мектебі

қазақ тілі мен әдебиет пәнінің мұғалімі:

                                                                                                                                 Апиева Панар Сансызбаевна  

Пәні: Қазақ тілі			Сыныбы: 6
Сабақтың тақырыбы	Тұйық етістік
Сілтеме	Қазақ тілі оқулығы Г.Т Тұрсынова, А.А Қасымбек Арман –Пв 2011жыл,  Қазақ тілі оқулығы С.Исаев, Ж.Дәулетбекова  Алматы «Атамұра»2015ж    Қазақ тілі  Ш.К. Бектуров  Атамұра 2006ж
Жалпы мақсаты	Етістік бойынша алған білімдерін тиянақтай отырып, тұйық етістік, оның жасалу жолдары  туралы түсінік беру, тапсырмалар  орындату арқылы оқушыны өздігінен білім алуға жетелеу. Етістіктен  алған теориялық білімдерін іс-жүзіне асыру, оқушылардың сөйлеу дағдыларын қалыптастыру,  ізденістерін  арттыру, түрлі әдіс-тәсілдерді пайдалана отырып, тапқырлыққа, жылдамдылыққа,шығармашылыққа баулу.
Күтілетін нәтижелер	Етістік бойынша алған білімдерін тиянақтайды.Тұйық етістік және оның жасалу жолдары арқылы түсінік аясы тереңдейді.Өздігінен білім алуға бейімделеді. Ойын еркін жеткізе алады.
Сабақтың  түрі	Жаңа білімді меңгерту
Пәнаралық байланыс	Қазақ  әдебиеті, тарих
Қолданылатын әдіс-тәсілдер	Сын тұрғысынан ойлау стратегиялары,  БЛУМ таксономиясы, АКТ, жас ерекшеліктеріне сай оқыту, Оқыту үшін және оқуды бағалау тәсілдері бойынша жиынтық бағалау
Керекті  жабдықтар	Оқулық,  интербелсенді  тақта, фото суреттер, кеспе қағаздар, стикер
Сабақтың  барысы:	Ұйымдастыру
Сабақтың кезеңдері	Мұғалім әрекеті	Оқушы әрекеті
Кіріспе	Психологиялық ахуал туғызу Қазақ тілім-өз тілім,дана тілім, Абай ,Мұхтар сөйлеген дара тілім. Қастерлейді ұл-қызың мәңгі сені, Болашағым, байлығым қазақ тілім! Топқа бөлу Топ басшыларын сайлау  Қызығушылықты ояту -Екі көзің не үшін керек? -жақсыларды көру үшін -Екі қолың не үшін керек? -елге көмек беру үшін -Екі құлақ не үшін керек? -ақиқатты  айту үшін -Екі  аяғың не үшін керек? -шетте жүрсем, туған жерге қайту үшін. -Ал етістік не үшін қажет?	Оқушылар үш тұғырлы тіл (қазақ тілі, орыс тілі, ағылшын тілі)арқылы топқа бөлінеді Оқушылар  сұрақтарға жауап береді
	1.     -Сонымен балалар, біз осы кезге  дейін етістіктің қандай түрлерімен таныстық? 2.     Етістік дегеніміз не? 3.     Етістік тұлғасына қарай қалай бөлінеді? 4.     Етістік құрамына қарай нешеге бөлінеді? 5.     Етістікті  мағынасына қарай қалай топтаймыз?	Оқушылар сұрақтарға жауап береді, өткен материалдарды есіне түсіреді.
Негізгі бөлім Білу	Ертеде Үргеніш ханның шешені Сырым батырмен айтысқанда -Дау мұраты не? -Саудагер мұраты не? -Қыз мұраты не? -Жол мұраты не?-деп сұрапты.  Енді осы сұраққа Сырым батырдың орнына біз жауап беріп көрейікші. - Дау мұраты -    біту - Саудагер мұраты -   ұту. - Қыз мұраты-       кету - Жол мұраты-   жету	Оқушылар сұраққа жауап береді. Сөйлемнің ішінен етістікті тауып түбірі мен қосымшасын ажыратады.
Түсіну	Барлық топтарға тапсырма: дәптермен жұмыс Жүру, көру , ойнау, шегелеу, айтқызу, сөйлесу,келмеу, бөгелмеу І топ «Жазу» етістігін септеу; ІІ топ “Қуану” етістігін тәуелдеу; ІІІ топ “Бару” етістігін жіктеу;	Оқушылар топ болып тапсырманы орындайды, ойын еркін жеткізеді, тақырыпты түсінеді, ережесін өздері шығарады
Қолдану	Т-кестесі Тұйық етістік заттық мағынада Тұйық етістік қимылдық мағынада Көсеуді әперші. Жасау –қызға жиналған дүние-мүлік. Отты көсеу керек. Домбыраны шебер жасау керек.	Оқушылар өз ойын ортаға салады. Т –кестесін жалғастырады
Талдау	І топ Өлеңдегі тұйық етістікті табады. Кімнің өлеңі екенін айтады. ІІ топ Мәтінді  жалғастырып жазады. ІІІ топ  Көп нүктенің орнына тиісті сөзді тауып, мақал-мәтелді жалғастырады.	Оқушылар берілген тапсырманы орындайды, тұйық етістікті атай ды
Жинақтау	Шығармашылық жұмыс Салт-дәстүрге байланысты: бесікке салу, тұсау кесу, келіннің бетін ашу, қыз ұзату, Ұлттық ойындар: қыз қуу, арқан тарту, теңге ілу, алтыбақан тебу. 1.     Бес жолды өлең	Оқушылар сурет бойынша мәтін құрайды, тақырыбын табады.
Бағалау Сабақты бекіту	«Пирамида құру» стратегиясы	Оқушылар сабақта алған білімдерін пысықтап,қорытындылайды,өздігінен баға береді
Үйге тапсырма	279-жаттығу Тірек сөздерді пайдаланып, «Қыран құсты қастерлеген халықпыз» тақырыбында шағын әңгіме жазып келу.	Оқушылар күнделіктеріне жазып алады.
Бағалау Кері байланыс	Топ басшыларына сөз беру	Топ басшылары бағалау критерийлер арқылы топтағы оқушыларды бағалайды. 2.Стикерге өз ойларын жазып, тақтаға  іледі.